ՀՅԴ-Ն ՇԱՐՈՒՆԱԿՈՒՄ Է ՊԱՐԲԵՐԱԿԱՆ
ՀԱՆԴԻՊՈՒՄՆԵՐԸ ՍԵՐԺ ՍԱՐԳՍՅԱՆԻ ՀԵՏ
Միաժամանակ շարունակելով պայքարել իշխանությանը
զգաստացնելու համար
Երեկ` Լեռնային Ղարաբաղի անկախության 18-ամյակի օրը, Շառլ Ազնավուրի հրապարակում կայացավ Հայ հեղափոխական դաշնակցության հանրահավաքը: §Մոսկվա¦ կինոթատրոնի դիմաց` մինչեւ շատրվանները, մարդիկ կանգնած էին` §Ոչ մի զիջում Թուրքիային¦ եւ այլ բովանդակությամբ զանազան պաստառները ձեռքներին: Թեեւ փոքրիկ հրապարակում դրոշների թիվը եւս մեծ էր, բայց հիմնականում Արցախի եւ դաշնակցության դրոշներն էին: Մեզ ծանոթ ոստիկանները եւս այնտեղ էին` բավականին մեծ թվով, սակայն մեկ ժամ անց նրանց թիվը կտրուկ նվազեց: Ոստիկաններն հիմնականում սիրալիր էին քաղաքացիների նկատմամբ եւ քաղաքավարի բացատրում էին, թե պետք է անցումներով անցնել:
Մանր կաթիլներով սկսված անձրեւի տակ դաշնակցականները հերթով բարձրանում էին խնամքով պատրաստված հարթակն ու իրենց ուժերի ներածին չափով քննադատում Սերժ Սարգսյանի իշխանությունն ու վարած քաղաքականությունը` առանց կոնկրետ անուններ տալու: Երբ ԱԺ ՀՅԴ խմբակցության պատգամավոր Վահան Հովհաննիսյանը բարձրանում էր հարթակ, մեր կողքին կանգնած անծանոթ կանանցից մեկը դիմելով մյուսին բարձրաձայն ասաց. §Էս հայտնի բիզնեսմեն ա, գիտե±ս¦: Ընկեր Վահանը հավանաբար չլսեց, քանի որ առանց ետ նայելու մոտեցավ խոսափողին: Նա Սերժ Սարգսյանի վարած քաղաքականությունը նախ որակեց անզգուշություն, ապա §ֆուտբոլային դիվանագիտություն¦ արտահայտությունը առաջարկեց անվանել §գիշերային դիվանագիտություն¦, իսկ ավելի ուշ` §նահանջ սերունդների պայքարից¦: Ասաց նաեւ, որ իրենք ինֆորմացիա ունեն ոչ խոշոր երկրներից այն մասին, որ նրանք փոշմանել են, որ ընդունել են Հայոց ցեղասպանությունը: Եվ այս ամենը նա ասաց` առանց Սերժ Սարգսյանի անունը հնչեցնելու: §Այսօր կսմիթներով հող են պոկում, որովհետեւ թուլություն, անվստահություն են զգում... Թուրքիայի ճանապարհի բացմանն ասում ենք` այո, բայց արձանագրությունները պետք է վերանայվեն¦,- նշեց Վահան Հովհաննիսյանը: Երիտասարդ պատգամավոր Արա Նռանյանը թեեւ իր ելույթը սկսեց մեր ժողովրդի դիմադրողականության անկման փաստն արձանագրելով, այնուամենայնիվ խոսեց մեր երկրի տնտեսության մասին` քննադատելով կառավարության վարած §սնանկ քաղաքականությունը¦: Իսկ ՀՅԴ ԳՄ ներկայացուցիչ Արմեն Ռուստամյանը այսպիսի միտք հայտնեց. §արտաքին գործերի նախարարի հրաժարականը հստակ ահազանգ կարող է հանդիսանալ, որ Հայաստանը փոխում է իր մարտավարությունը բանակցային գործընթացներում` թե° Ղարաբաղի հարցում, թե° հայ-թուրքական հարաբերությունների, եւ չի պատրաստվում իր ազգային շահերը զիջելու գնով Թուրքիայի ու Ադրբեջանի բարեհաճությունն ստանալ, որպեսզի իր հաղորդակցության հնարավորություններն ընդլայնի: Հենց արտաքին գործերի եւ սփյուռքի նախարարությունները այսօր պետք է հանդիսանան գլխավոր շարժիչ ուժերը այս խնդիրների լուծմանը նպաստող համազգային միասնական ճակատ ձեւավորելու համար¦:
Հանրահավաքին շարքային քաղաքացիների կողքին կանգնած հետեւում էր նաեւ ՀՅԴ բյուրոյի ներկայացուցիչ Հրանտ Մարգարյանը, որին հասցրեցինք մի քանի հարց ուղղել:
- Պարոն Մարգարյան, հանրահավաքում այսպիսի միտք հնչեց. ովքեր որ այսօր գովերգում են Թուրքիայի հետ սահմանի բացման հեռանկարը, երբեք չեն խոսել սոցիալական անարդարության մասին: ՀՅԴ-ն այս մասով իր գործն ավարտվա±ծ է համարում:
- Մեր բոլոր օրենսդրական նախաձեռնություններով, ծրագրային ելույթներում խոսել ենք այդ մասին: Նաեւ սահմանի բացման խնդրով ենք պատրաստել մեծ ուսումնասիրություն, որը տրամադրել ենք վարչապետին:
- Ի±նչ բովանդակությամբ:
- Թե ինչպես պետք է երկիրը պատրաստվի, որ եթե մի օր սահմանը բացվի, որպեսզի մեր տնտեսությունը դիմանա մրցակցությանը: Սա կուսակցական գործ չէ, բայց մենք արել ենք:
- Հանրահավաքին ներկա մարդկանցից ի±նչ իմպուլսներ ստացաք: Ձեր տպավորությամբ, Ձեր բարձրացրած խնդիրների շուրջ մտահոգությունը մե±ծ է:
- Այս երկու օրվա ընթացքում մեր շրջապատից այնքան լուրջ մտահոգություն եմ լսել, որ, անկեղծ ասած, մի քիչ էլ զարմացած եմ: Ես մտածում էի, որ այս խնդիրները մեր ժողովրդի համար երրորդական, չորրորդական կարեւորություն ունեն, քանի որ սոցիալական հարցն է ավելի կարեւոր, տնտեսական ճգնաժամը: Բայց ժողովրդի վերաբերմունքը բավականին զգայուն է եւ զգոն:
- Ձեր տպավորությամբ, ինչո±ւ է Սերժ Սարգսյանն այդքան զիջումների գնում, որոնց մասին ՀՅԴ-ն ահազանգում է:
- Այդ հարցին ինքը կարող է պատասխանել:
- Ձեր տպավորությամբ` ինչո±ւ:
- Իմ տպավորությունն այն է, որ ինքը գնացել է մի մեծ խաղի, որի ավարտը չի կարողացել պատկերացնել եւ խաղը նրան տանում է առաջ: Ինքը սխալ քայլի է դիմել, մեր ամբողջ աշխատանքի իմաստն այն է, որ կարողանանք նրան զգաստացնել եւ հետ պահել: Նա տրվել է հոսանքին, եւ հոսանքը նրան տանում է եւ օր օրի ավելի է տրվում` առանց որեւէ երաշխիք ունենալու, որ Թուրքիայի ԱԺ-ն կհաստատի այդ փաստաթուղթը: Երեկ Էրդողանի կոչը այն մասին, որ ԱԺ-ն պետք է վավերացնի փաստաթուղթը, կարծես, մեսիջ էր ուղարկում: Կա հավանականություն, որ երրորդ նախապայմանը Արցախի հարցն է, որը տեքստից դուրս է: Գուցե բանավոր համաձայնություն է ձեռք բերվել` տեքստից դուրս: Սա մեր երկրի հարցն է:
- Դուք մշտապես աջակցել եք Սերժ Սարգսյանին` այսօրվա կարգավիճակին հասնելու համար: Այն ժամանակ այսօրվա վտանգների նախադրյալները չէի±ք զգում:
- Ոչ, այն ժամանակ էլ մենք իշխանության մեջ էինք, որպեսզի կարողանայինք կանխել այս ամենը: Իշխանությունից դուրս եկանք` դարձյալ կանխելու նպատակով: Մենք միշտ մեր դժգոհությունը հայտնել ենք:
- Այս ընթացքում փորձե±լ եք հանդիպել Սերժ Սարգսյանի հետ եւ փորձե±լ եք նրանից պարզաբանումներ ստանալ:
- Այո: Չասեմ նախկին հաճախականությամբ, բայց պատահական հանդիպում եմ եւ փորձում եմ իրենից իմանալ, թե ինչ է տեղի ունենում: Համենայնդեպս սա մի հարց չէ, որ մենք փորձենք անձնավորված պայքարել: Երբ մենք օրվա հարց ենք փորձում լուծել, ընկնում ենք այնպիսի մեծ սխալների գիրկը, որ դրա գինը կարող են վճարել սերունդները: Չեմ հավատում, որ այդտեղ ուրիշ բան է տեղի ունենում, հավատում եմ, որ այդտեղ սխալ բան է տեղի ունենում, որը պետք է կանխել:
- Ինչպե±ս է Սերժ Սարգսյանն արձագանքում Ձեր մտահոգություններին:
- Մենք հաճախ ենք խոսել, ժամերով: Նա հաճախ կիսում է, հաճախ չի կիսում մեր մտահոգությունները: Բնական դիալոգ է տեղի ունենում` բոլոր երանգներով: Վեճ էլ է լինում, երկխոսել էլ է լինում:
- Ձեր տպավորությամբ, Սերժ Սարգսյանը Արցախի ազատագրված տարածքները հանձնելու մտադրություն ունի±:
- Այդ տեսակ հարցերին այդ տեսակ չեն պատասխանում: Կա բանակցային գործընթաց, կան դրսեւորված տեղեկություններ, դրանց վրա պետք է դատողություններ անել: Ես հավատում եմ, որ ոչ մի հայ չի ուզենա, որ տարածքները վերադարձվեն: Բայց ամեն մի հայ պատրաստ է չվերադարձնելու համար մի գին վճարել, այդտեղ է տարբերությունը:
- Սերժ Սարգսյանը, ըստ Ձեզ, պատրա±ստ է բարձր գին վճարել:
- Իրենից հարցրեք:
ԹԱԳՈՒՀԻ ԹՈՎՄԱՍՅԱՆ
TuroJan-ի խոսքերից
Աստղ ջան, պարզապես չի լինում քո բանավիճել... ամեն դեպքում, ուզեցել ես հակառակվես ինձ, ինչպես սովորաբար անում են, բայց դա չէ , որ այժմ կարևոր է... հակառակվել բոլորն էլ կարողանում են... դժվարը ընդհանրություններ գտնելն է... սրանով վերջացնեմ այս փուլը այս թեմայում... զրպարտողներին ուրախ ժամանց... էլի բան են անում, քան լուռ նստողները
Մեջբերել
: Բա ըստ քեզ երիտթուրքերը ինչպե՞ս ստացան հայերի աջակցությունը: Դաշնակները առնվազն մանկապարտեզի մսուր խմբի դիպլոմ պիտի ունենային, որ հավատային երիտթուրքերի խոսքերին: Ոնց-որ հիմա հավատանք, որ Թուրքիան դառնալու է մեզ եղբայր պետություն:
Պատ. Հայ Հեղափոխական Դաշնակցություն
Էջանիշներ