Սիրում է քե՞զ, թե՞ դրամապանակդ

[rolex]

Խոսքը վերաբերվում է աղջիկներին…
Քանի գնում է, այնքան ավելի ու ավելի են հանդիպում այնպիսի
դեպքեր , երբ աղջիկները սիրահարվում են ոչ թե տվյալ անձնավորությանը, այլ
նրա գրպանի տարողությանը: Փողը այսօր կա վաղը չկա:
Միթե՞ դա նորմալ երևույթ է:

[Ուլուանա]

Ինձ թվում է՝ այս թեման չափազանց նման է փողի վերաբերյալ քիչ առաջ բացված թեմային։

[rolex]

Ինձ թվում է՝ այս թեման չափազանց նման է փողի վերաբերյալ քիչ առաջ բացված թեմային։

Այստեղ հարցը վերաբերվում է թե ինչպես կարելի է սիրել հանուն փողի…
Չեի ուզում խառնեի ընդհանուր փող հասկացության հետ

[Ուլուանա]

Այստեղ հարցը վերաբերվում է թե ինչպես կարելի է սիրել հանուն փողի…
Չեի ուզում խառնեի ընդհանուր փող հասկացության հետ

Սիրել հանուն փողի միանշանակ անհնար է, հանուն փողի կարելի է լավագույն դեպքում հանդուրժել, ինչն էլ անում են շատ աղջիկներ։

Այստեղ ուղղակի հարցն այն է, թե ում համար ինչն է առաջնային։ Եթե մարդու համար առաջնայինը շքեղ հագնվելն է, շատ լավ ուտելը, շքեղ բնակարանում ապրելը, ապա շատ հնարավոր է, որ նա առանց մի վայրկյան տատանվելու ամուսնանա իրեն ամուսնության առաջարկություն արած առաջին պատահած տղամարդու հետ, և իրեն երջանիկ զգա՝ անկախ տվյալ տղամարդու մարդկային արժանիքներից։ Գուցե որոշ բաներից նեղվի, գուցե ազատության սահմանափակումներ ունենա, դե, պարզ է, որ ոսկե վանդակում բանտարկյալ լինելը ոչ մեկի էլ չի կարող դուր գալ, բայց եթե մարդը համաձայն է դիմանալ նմանատիպ երևույթների, ապա հաստատ կա նաև այնպիսի մի բան, հանուն որի նա հանդուրժում է այդ ամենը։ Նշանակում է այդ մարդու համար առաջնայինը իր նյութական բարեկեցությունն է, հանուն որի նա կարող է դիմանալ և՛ ոչ սիրելի ամուսնուն, և՛ մշտական տնային կալանքին, և՛ էլի շատ բաների, որոնց մասին գուցե միայն ինքը գիտի։

Ցավալի է, որ կան այդպիսի մարդիկ։ Անձամբ ինձ համար դա հաստատ նորմալ չէ։ Բայց ես այսպես եմ մտածում. եթե նրանց երկուսի համար էլ նման հարաբերությունները նորմալ են, բավարարում են իրենց ընկալմամբ երջանիկ լինելու համար, ուրեմն թող այդպես էլ ապրեն։ Դա միայն իրենց անձնական գործն է։ Նշանակում է նրանց մակարդակն այդքան է։

Ի դեպ, շատ տղամարդիկ շատ լավ էլ իմանում են, որ աղջիկն իրենց հետ է միայն իրենց գրպանի պարունակության համար, բայց դա նորմալ են համարում, այսինքն՝ ոչինչ, որ փողի համար է իրենց «սիրում», կարևորը որ «սիրի» ու իրենց հետ լինի։

Ուղղակի եթե տղայի համար կարևորը փոխադարձ զգացմունքներն են, ոչ թե սիրած աղջկան ամեն գնով իր կողքին ունենալը, նա պետք է ի վիճակի լինի հասկանալ՝ աղջիկն իսկապես իրե՞ն է սիրում, թե՞ իր դրամապանակը, որի պարունակությունը կարող է մի գեղեցիկ օր պակասել կամ ընդհանրապես սպառվել... աղջկա «սիրո» հետ միասին։

[Cassiopeia]

Իմ համար գումարը նշանակություն չունի, առաջնայինը զգացմունքն է, ցանկալի է՝ փոխադարձ…
Բայց համամիտ եմ Uluana-ի հետ, որ հիմա ցավոք սրտի անչափ շատացել են գրպանում առկա գումարն ու սերը իրար հետ համեմատողները… Ցավում եմ նրանց համար:

[Riddle]

Ես չեմ բացառում այն օրինակները, երբ աղջիկն ընտրում է մեկին, ով փող ունի, թքած ունենալով, թե որտեղից է տղային այդ փողը: Չէ որ շատ դեպքերում տղան իրենից ոչինչ չի ներկայացնում, և փողը նրա հայրիկինն է պարզապես, կամ էլ այդ փողերն Աստված գիտի, թե ինչ ճանապարհով են վաստակել: Չեմ հասկանում այդպիսիններին, և ճիշտն ասած չեմ էլ փորձում: Բայց կա նաև մեկ այլ դեպք, որն ի վիճակի եմ հասկանալ. աղջիկը հրապուրվում է հարուստ տղայով, որն արդար ճանապարհով ինքն է աշխատել այդ փողերը, ինքն է հասել ինչ որ բանի, և եթե նա հարուստ չլիներ, աղջիկը գուցե նույնիսկ չնկատեր նրան: Առաջին հայացքից բոլորի մոտ ընդվզում է առաջանում, չէ՞. «Ինչպե՞ս կարելի է»: Բայց հարցն այն է, որ այս դեպքում հնարավոր է, որ կինը գնահատում է այդ տղամարդուն ոչ թե կոնկրետ փողերի համար, այլ նրա այն հատկանիշի համար, որ տղամարդը կարող է փող աշխատել ինքն իր ուժերով, ի վիճակի է իր ուժերով ինչ-որ բան ստեղծել, նա իրենից ինչ-որ բան է ներկայացնում, ի վիճակի է առաջ գնալ, ամուր կանգնած է իր ոտքերին և նրա վրա կարելի է հույս ունենալ: Եթե գնահատվում է այսպիսի տղամարդը, և հենց այս արժանիքների համար, ոչ թե կոնկրետ փողի քանակության, ես այստեղ ոչ մի վատ բան չեմ տեսնում:

[dvgray]

Միթե՞ դա նորմալ երևույթ է:

Աններմալ երևույթ է: Պատճառը էլի ծնողներն են. որոնք ոչ իրենք են իրենց կյանքի ընթացքում գիտակցել, ոչ էլ իրենց երեխաներին համապատասխանաբար սովորեցրել, որ
Փողը՝ դա հետևանք է մարդկային կյանքի, աշխատանքի, այլ ոչ պատճառ:

Նախ. 20-22 տարեկան տղան էտ ինչ մի հերոսություն պետք է արած լինի, որ գնահատված լինի դրամական փոխհատուցմամբ: Հետո, այդ երիտասարդի կյանքը նոր է սկսվում , և ի՞նչ ստաբիլության սպասելիքի մասին է խոսքը. եթե նրան հակառակը, պետք է անընդհատ շարժվել ու աճել:

Փողի չգոյության պատճառով բաց թողնել սեփական երջանկությունը, դա առնվազն անմտություն է և վկայում է աղջկա/տղայի անհույս ձևի անկենդան էության մասին:
Երիտասարդ ընտանիքի գոյացման, զարգացման հիմնական մղիչը ՝ մեծ զգացմունքն է ու միասին սարեր շուռ տալու համոզմունքը: Եթե դա չկա, ապա երկու բիձեքը իրականում ավելի ճիշտ կլինի առանձին ապրեն: Դրանով կփրկեն շրջապատին մի ծանր բեռից:

Ավելացվել է 7 րոպե անց

3. Տղայի պահը. իրան հարգող տղան կյանքում չի ամուսնանա իր սիրած աղջկա հետ, եթե հետո չի կարողանալու գոնե ինչ-որ չափով ապահովել նրա բարեկեցիկ կյանքը:

Այ սրան կտրուկ դեմ եմ: Սրա պատճառով ընկերներիս որոշ մասի հետ անընդհատ վիճում ենք, քանի որ համարելով. որ ընտանիք չեն կարող պահել... և այլն, ու բաց են թողել այն Աստղին, որը մարդու կյանքում հայտնվում է միայն մեկ անգամ:

Ստեղ իրականում աղջիկներն էլ իրենց մեղքը ունեն :

[Adam_Smith]

Նշեմ, որ ոչ ոք չի կարող պարզել հարցադրման որ կողմն է ճիշտ, պարզապես նշեմ, որ իմ կարծիքով չկա կամ շատ շատ շատ քիչ են այն աղջիկները , որոնց համար տղայի սոցիալական կողմը ու նյութական կողմը հետաքրքիր չէ: Ու շատերը հենց որոշում կայացնում են այդ հանգամանքը հաշվի առնելով

[chiburgen]

Շատ մարդիկ (հիմնականում իգական սեռը) ընտրում են իրենց կեսին հաշվի առնելով նրա <<նյութական կարողություններ>>,բայց հաշվի չառնելով իր ընտրայլի մնացած հատկանիշները: Այսինքն նրանք ընտրում են նոր սիրում:
Որքանով եք ճիշտ համարում այս երևույթը:

P.S.Պիտի որ շատ հայտնի երևույթ լինի:

[keyboard]

Դա ոչ թե իգական սեռն է ընտրում, այլ մեր մենտալիտետը,այսինքն՝ ծնողը միշտ ասելով.
-Դա սկի դիպլոմը չի ստացել, դրան առնում ես ի՞նչ անես, հլը էն մեկին նայի ջիպա քշում, գործարաններ ունի եվ այլն:
Ստիպում է իր երեխային, տվայ դեպքում աղջկան գնալ ջիպով տղայի մոտ:
Իսկ աղջիկները սիրում են, նոր ընտրում իմ կարծիքով, համենայն դեպս իմ շրջապատում նման մարդ չեմ ճանաչում, որ ընտրել նոր է սիրել:
Իսկ առհասարակ,իմ կարծիքով, պետք է տղան եվ աղջիկը միասին ստեղծեն իրենց գործարանն ու ջիպերը, եվ եթե սերը կա ուրեմն հաստատ կստեղծեն, հլը անգամ յախտա էլ կստեղծեն, շուրջերկրյա ճամբորդության համար:
Այնպես որ մեծամասնությունը չէ, որ այդպես է մտածում, կամաց-կամաց դա վերանում է մեր ժողովրդի բնավորության միջից:
Շնորհակալ եմ ուշադրության համար:

[Safaryan]

Միանշանակ, սիրել նոր ընտրել

[Dayana]

ահա, անպայման պիտի գրպանը կշռել հետո սիրել
ոնց եմ ջղայնանում որ աղջիկներին ընհանրացնում են սենց կաևոր հարցերում, մի քանի հիմար շահամոլ աղջիկների պատճառով։
Բոլոր ժամանակներում ապացուցվել է, որ աղջիկներն ավելի շատ են սիրում ուղղակի դիմացինի արժանիքների համար, քան տղաները բայց մենք հայերս չգիտեմ ինչու հակառակն ենք մտածում

Այդ դեպքում եկեք ընդհանրացնենք և միացնենք նաև տղաներին, որ ասում են հարուստ աներ ունենամ ինձ պահի։

[chiburgen]

էտ դուք լավա որ տենց եք մտածում:
շատ արքի ընկնող երևույթներ մտածում են, որ իրենք ծնված են հարուստ կյանքով ապրելու համար(այստեղ են ասում ապրում ենք որ ուտենք):

[Արշակ]

ոնց եմ ջղայնանում որ աղջիկներին ընհանրացնում են սենց կաևոր հարցերում, մի քանի հիմար շահամոլ աղջիկների պատճառով։
Բոլոր ժամանակներում ապացուցվել է, որ աղջիկներն ավելի շատ են սիրում ուղղակի դիմացինի արժանիքների համար, քան տղաները բայց մենք հայերս չգիտեմ ինչու հակառակն ենք մտածում

Ես սենց կասեի. բոլոր ժամանակներում ապացուցվել է, որ աղջիկները տղաներին են մեղադրում բազմապիսի մեղքերի մեջ ու բացասական բնորոշումներ տալիս, իսկ տղաներն էլ էդ նույն հարցերում մեղադրում են աղջիկներին։

Իրականում երևի գրեթե բոլոր էդ կարգի հարցերում բացասականն էլ, դրականն էլ հավասարապես հանդիպում են և՛ տղաների, և՝ աղջիկների մեջ։ Ուղղակի սովորաբար աղջիկները տղաներից են վառված, տղաները՝ աղջիկներից։
Նենց որ, բոլոր ժամանակներում էլ «տղաները սենցն են», «աղջիկները նենցն են» կարգի ընդհանրացված գնահատականներ հա էլ կլսենք։

[Dayana]

Ես սենց կասեի. բոլոր ժամանակներում ապացուցվել է, որ աղջիկները տղաներին են մեղադրում բազմապիսի մեղքերի մեջ ու բացասական բնորոշումներ տալիս, իսկ տղաներն էլ էդ նույն հարցերում մեղադրում են աղջիկներին։

Իրականում երևի գրեթե բոլոր էդ կարգի հարցերում բացասականն էլ, դրականն էլ հավասարապես հանդիպում են և՛ տղաների, և՝ աղջիկների մեջ։ Ուղղակի սովորաբար աղջիկները տղաներից են վառված, տղաները՝ աղջիկներից։
Նենց որ, բոլոր ժամանակներում էլ «տղաները սենցն են», «աղջիկները նենցն են» կարգի ընդհանրացված գնահատականներ հա էլ կլսենք։

Բայց համաձանյվիր որ էդ շատ քիչ դեպքերում է ։
ախր ոնց կլինի, որ մարդը ընտրի կողակցի չսիրելով իմ պուճուրիկ գլխում էդ չի տեղավորվում Իհարկե բացառություններ լինում են, հասկանում ու ընդունում եմ, բայց մի տեսակ հիմա շատ տարածված է ընդունել, որ աղջիկները վազում են ջիպերով տղաների ետևից դա էդպես չի հավատացած եղեք։

Էս արտահայտության համար դասախոսիս պատասխանել եմ որ ինքը սխալա ու ես զաչոտ չէի ստանում այնպես որ Արշակ ջան արի համաձայնվի որ շահամոլ աղջիկների քիչ ես հանդիպել