Հայկական ակումբային ֆուտբոլ

[h.s.]

Մեկնարկեց Իսրայելի առաջնությունը, որն այս տարի ևս լինելու է հայ ֆուտբոլասերների ուշադրության կենտրոնում, քանի որ Տել-Ավիվի "Մաքաբիում" է ելույթ ունենում Հայաստանի հավաքականի հարձակվող Եղիա Յավրույանը:
Հայ ֆուտբոլիստը բավական հաջող սկսեց ելույթներն Իսրայելի 2009/10 թթ. առաջնությունում: Անդրանիկ տուրում Յավրույանը 2 գնդակ ուղարկեց իր նախկին թիմի` "Բնեյ Շաքնինի" դարպասը, իսկ "Մաքաբին" հաղթեց 3:1 հաշվով:
Յավրույանը 46-րդ րոպեին բացեց խաղի հաշիվը, իսկ 71-րդ րոպեին կրկնապատկեց այն` գործնականում վճռելով խաղի ելքը: Եղիան ճանաչվեց նաև հանդիպման լավագույն խաղացողը:

[h.s.]

Ռումինիայի առաջնության 4-րդ տուրում Արման և Արտավազդ Քարամյանների "Տիմիշոարան" հյուրընկալվելիս 0:0 հաշվով ավարտեց "Ունիրեայի" հետ մրցավեճը: Երկվորյակ եղբայրները կրկին խաղադաշտում էին և մասնակցեցին ողջ հանդիպմանը:
Չնայած ոչ-ոքիին` "Տիմիշոարան" շարունակում է "Բրաշովի" հետ գլխավորել մրցաշարային աղյուսակը: 2 թիմերն էլ վաստակել են 8-ական միավոր:

[h.s.]

Ուկրաինայի առաջնության 5-րդ տուրում Դոնեցկի "Մետալուրգը" սեփական հարկի տակ 3:0 հաշվով ջախջախեց Զապորոժյեի "Մետալուրգին": Հայաստանի հավաքականի խաղացող Հենրիխ Մխիթարյանը կրկին հիմնական կազմում էր:
Հենրիխն այս խաղում գոլի հեղինակ չդարձավ, սակայն 61-րդ րոպեին նրա գեղեցիկ փոխանցումից հետո Չիպիրիան Տանասը 3-րդ գնդակը ուղարկեց հյուրերի դարպասը: Քիչ անց Մխիթարյանը ևս մեկ գեղեցիկ փոխանցումով նպաստավոր դիրք դուրս բերեց Դիմիտրովին, ով չկարողացավ օգտագործել պահը: Հայաստանի հավաքականի մեկ այլ խաղացող Արարատ Առաքելյանը հանդիպմանը չմասնակցեց: Արարատն ավելի վաղ հանդես էր եկել "Մետալուրգի" երիտասարդական թիմում, որը 1:3 հաշվով զիջել էր Զապորոժյեի "Մետալուրգի" երիտասարդներին:
"Մետալուրգը" 2-րդ հաղթանակը տոնեց ընթացիկ առաջնությունում և 8 միավորով ընթանում է 8-րդ հորիզոնականում:

[erewanski]

լավա լավա գոնե մի եվրոպական գրանդ ակումբ հետևի մխիթարյանի խաղին

[Yellow Raven]

Յավրույանի թիմնա հիմա մասնակցում ՉԼ 4-րդ որակավորման փուլին?

[erewanski]

ու ում հետա խաղալու?

[Ներսես_AM]

Մոդերատորական: «Հայ Ֆուտբոլիստներ» թեման միացվել է վաղուց գոյություն ունեցող «Հայկական ֆուտբոլ» թեմային, քանի որ նրանում ընթացող քննարկումները ոչնչով չէին տարբերվում սույն թեմայում ընթացող քննարկումներից:

[Yellow Raven]

Հենց հիմա ընթանումա Եվրոպայի Լիգայի փլեյ-օֆֆ փուլի Աուստրիա-Մետալուրգ պատասխան մրցավեճը: Առաջին խաղը Ուկրաինայում 2-2-ա ավարտվել:

Մի քանի րոպե առաջ Մխիթարյանը գոլ խփեց Մետալուրգը 2-1 հաղթումա դեռ

[erewanski]

էտ որտեղա օնլայն հերարձակումը

[Yellow Raven]

Տեքստայինը ստեղ`

http://www.liveresult.ru/football/tx..._Donetsk_live/

[Yellow Raven]

2-2 դառավ

73-րդ րոպենա, հենց նոր Առաքելյանն էլ մտավ փոխարինման, տենանք տղեքը ինչ են կարում անեն...

[erewanski]

Մխիթարյանի գոլի մասին Ռուսերեն
Металлург Д - 1:2 Генрих Мхитарян (22) (Константинос Макридис (20))
Феноменальный проход правым флангом в исполнении Макридиса. Удар блокируется защитником "Аустрии". Мяч отлетает к Мхитаряну, который со всей силы уложил мяч в нижний левый угол ворот. Дончане выходят вперёд.
կներեք ռուսերեն է գրված

[h.s.]

Դոնեցկի “Մետալուրգը” դուրս մնաց Եվրոպայի լիգայի 2009/10 թթ. խաղարկությունից Որակավորման 4-րդ փուլում ուկրաինական ակումբը չկարողացավ հաղթահարել ավստրիական “Աուստրիայի” արգելքը: 2 հանդիպումների արդյունքում ուկրաինացիները զիջեցին 4:5 հաշվով: Առաջին խաղում արձանագրվել էր ոչ-ոքի` 2:2: Նույն հաշվով ավարտվեց նաև պատասխան մրցավեճի հիմնական ժամանակը, սակայն լրացուցիչ ժամանակում ավստրիացիները հասան իրենց նպատակին:
Առաջինը հաջողության հասան “Մետալուրգի” խաղացողները, երբ 20-րդ րոպեին խաղարկված կոմբինացիայի արդյունքում Յոան Տանասը գլխի դիպուկ հարվածով առաջ մղեց ուկրաինական ակումբին: 16 րոպե անց ավստրիացիներն օգտվելով “Մետալուրգի” պաշտպանությունում առաջացած ճեղքից` հավասարեցրին հաշիվը:
2-րդ կեսը հաջող սկսեցին “Մետալուրգի” խաղացողները և 54-րդ րոպեին Մակրիդիսի փոխանցումից հետո Հենրիխ Մխիթարյանը 8 մետրից գրավեց անպաշտպան դարպասը: Ավստրիացիները կրկին հայտնվեցին հետապնդողի դերում, սակայն կարողացան ուշքի գալ: 69-րդ րոպեին աչքի ընկավ Աչիմովիչը, ով անվրեպ իրացրեց 11 մետրանոցը: 3 րոպե անց խաղադաշտ դուրս եկավ Հայաստանի հավաքականի մեկ այլ խաղացող Արարատ Առաքելյանը, ով հայտավորված էր “Մետալուրգի” պահեստայինների կազմում:
Հանդիպման հիմնական ժամանակում դարպասի նոր գրավում չարձանագրվեց, ուստի թիմերը պայքարը շարունակեցին լրացուցիչ ժամանակում: Ամեն ինչ գնում էր դեպի հետխաղյա 11 մետրանոցներ, սակայն 115-րդ րոպեին “Աուստրիան” ստացավ տուգանային հարվածի իրավունք, որի շնորհիվ Սուլիմանին 3-րդ գնդակը ուղարկեց հյուրերի դարպասը: “Աուստրիան” հաղթեց 3:2 հաշվով և դուրս եկավ խմբային մրցաշար:

[Ներսես_AM]

[h.s.]

Հայաստանի հավաքականի կիսապաշտպան Լևոն Պաչաջյանը հայտնվել է բավական ծանր իրավիճակում: Տրանսֆերային պատուհանը փակվում է, իսկ ֆուտբոլիստը չունի ակումբ: Պաշտոնապես Լևոն Պաչաջյանը համարվում է շվեդական ԳԱԻՍ-ի խաղացող, որի հետ 2,5 տարվա պայմանագիր ունի, սակայն առաջիկա ամիսներին չի կարող ելույթ ունենալ այդ թիմում:
«Պարզվեց, որ ԳԱԻՍ-ը չի հասցրել ինձ հայտավորել Շվեդիայի ընթացիկ առաջնությունում, ուստի ես իրավունք չունեմ հանդես գալ: Դա անակնկալ էր ինձ համար, քանի որ փաստի առաջ կանգնեցի: Կամ պետք է շատ արագ նոր թիմ գտնեմ, կամ ողջ աշունը մնամ առանց ֆուտբոլի: Գյոթեբորգում այժմ ինձ բնակարան են տվել, ես մարզվում եմ և սպասում»- ասել է Պաչաջյանը «90 րոպեի» հետ հեռախոսազրույցում:
Ամեն դեպքում, Պաչաջյանը ԳԱԻՍ-ի հետ դեռ 2,5 տարվա պայմանագիր ունի և այս ակումբի խաղացող է, թեև շվեդական թիմը ցանկանում է, որ հայ կիսապաշտպանը այլ ակումբ տեղափոխվի, որպեսզի աշխատավարձ այլ տեղի ստանա:
Լևոն Պաչաջյանը փորձել է նաև վերադառնալ Հայաստան և կարիերան շարունակել հայկական ակումբներից մեկում.«ՙՆման տարբերակներ քննարկվեցին, սակայն Հայաստանից ինձ հայտնեցին, որ տրանսֆերային պատուհանը փակվել է, ուստի ես չեմ կարող հայտավորվել որևէ թիմում: Այսքանով հարցը փակվեց:»