Հանկարծ սերիալի նման չպարզվի, որ էս մի Կարենն էլ Մանվելի զույգի թայն է
Հանկարծ սերիալի նման չպարզվի, որ էս մի Կարենն էլ Մանվելի զույգի թայն է
Մենակ ծննդատանը չեն բարուրները փոխս գցում: Մեծանում, մեծ տղա են դառնում, էլի փոխս են գցում, խառնում իրար: Երեկ կայքերը Իրաքի նորանշանակ դեսպան Կարեն Գրիգորյանին փոխս էին գցել Մանվելի տղա Կարեն Գրիգորյանի հետ: Հիմա կայքերին կամ լրատվամիջոցներին կմեղադրեք, կասեք՝ մի բան որ հաստատ չեք իմանում, այազ- բայազ եք անում: Կայքերն էլ կասեն՝ այդքան էլ նմանությու՞ն: Ինկուբատորի ճտերը Թովմասյանորեն ղալաթ են արել դրանց կողքին: Հայաստանում, չեմ հասկանում, ո՞նց են թույլ տվել երկու Կարեն Գրիգորյան լինի: Տարիներ առաջ, հիշում եմ, Մանվելի տղա Կարենի քաղաքապետական ընտրությունների ժամանակ Էջմիածնում մի ուրիշ Կարեն Մանվելի Գրիգորյան էլ կար, որը աշխատում էր քաղաքապետի մյուս թեկնածու՝ Հակոբ Հակոբյանի բենզալցակայանում: Խեղճ տղու միսը կերան, անգամ Հայաստանից մեկուսացրել էին որոշ ժամանակով, որ իրեն ռազբորկաներից հանգիստ թողնեին: Խեղճը մորն էր մեղադրում՝ մամ, ինչու՞ իմ անունը Կարեն դրեցիր: Ահագին անախորժությունների մեջ ընկավ: Հիմա դեսպան Կարենն է: Տղա ջան, որ կադրային դիվանագետ ես, Հալեպում գլխավոր հյուպատոս ես, մեծ- մեծ գործեր ես արել, ապրես, բայց Հայաստանում որ Կարեն Գրիգորյան են ասում, հասկանում ենք Մանվելի տղա Կարենին: Մեր մեղքը չի, մեր այիբն է: Ներող կլինես:
ՀԳ Հանկարծ սերիալի նման չպարզվի, որ էս մի Կարենն էլ Մանվելի զույգի թայն է:
Մեջբերել
Էջանիշներ