Քաղաքական հումոր

**Վարպետ** · 02.07.2010, 12:01

Բաց նամակ Ստաֆիլակոկուս Աուրեուսին

Հարգելի պարոն Ստաֆիլակոկուս:
Դուք արդեն 12 տարի է, ինչ գտնվում եք իմ մարմնում և օգտվում եք իմ կենսական հյութերից` բազմանալով ու բարգավաճելով լիակատար ազատության մեջ: Ես, լինելով հանդուրժողականության անփոփոխ ջատագով և բացառելով ցանկացաց անտիբիոտիկային կամ այլ մեդիկոմենտալ միջամտության հնարավորություն, տարիներ շարունակ հանդուրժել եմ Ձեր գոյությունն իմ օրգանիզմում: Ձեր ներկայության առաջին իսկ շաբաթից իմ մաշկը սկսեց այլանդակվել` պզուկոտվելով ու ճարպոտելով, սակայն լավատեսությամբ լի հույսն ապագայի հանդեպ ինձ չէր լքում: Այն բանից հետո, երբ ես դարձա կրիչն այնպիսի հիվանդությունների, ինչպիսիք են իմպետիգոն, ֆուրունկուլը, ֆլեգմոնան, կարբունկուլը և աբսցեսը, ընտանիքիս անդամները թախանձում էին ինձ` դիմել բժշկի: Սակայն ես գերադասեցի հանդուրժողականություն ցուցաբերել, քանի որ վստահ էի, որ Դուք երբեւէ չեք կարող վերջնականապես ոչնչացնել այն օրգանիզմը, որտեղ բնակվում եք Դուք, Ձեր սերունդները, ուր նետել եք Ձեր արմատները, ծխեցրել եք Ձեր օջախը:
Երկու տարի առաջ` գարնանը, երբ ես ծանր հիվանդացա միաժամանակ թոքաբորբով ու մենինգիտով, եւ երբ ինձ այցելած բժիշկն ասաց, որ այդ հիվանդությունների պատճառը Ձեր ներկայությունն է իմ օրգանիզմում, ես սկսեցի կասկածել` գուցե սխալական են իմ պատկերացումները Ձեր նպատակների ու մտադրությունների մասին: Բայց ես ընդդիմացա անտիբիոտիկների ներարկմանը, քանի որ ատում եմ բռնությունը, և վստահ եմ` որ արյան գնով չի կարելի որևէ հարց լուծել: Այսօր ես հիվանդ եմ օստիոմելիտով և էնդոկարդիտով, իմ օրգանիզմը սպառում է իրեն, ինձ շատ քիչ կյանք է մնացել ապրելու: Այս էր պատճառը, որ որոշեցի Ձեզ գրել այս նամակը:
Հարգելի պարոն Աուրեուս:
Դանակն այլեւս հասել է ոսկորին: Դուք պետք է հեռանաք! Կենդանի մնացած ոչ մի նյարդային բջիջ, ոչ մի լեյկոցիտ կամ տրոմբոցիտ Ձեզ այլևս չի ների Ձեր արարքների համար: Անշուշտ ես շարունակում եմ դեմ մնալ անտիբիոտիկային ոչ հումանիստական միջամտությանը, սակայն պետք չէ թերագնահատել իմ իմունային համակարգը: Այն դեռ շատ ուժեղ է և հարկ եղած ժամանակ կարող է արժանի հակահարված հասցնել ձեր բակտերիալ ռեժիմին: Հեռացեք! Մի արժանացեք սերունդների անեծքին!

Ձեզ սիրով կերակրող` Հոմո Սապիենս

**Rammer** · 06.07.2010, 09:03

Արիացինների գոռձերը լավանումն ա Վահագնի ծնունդը "Բելլաջիո" -ում են անում, սպիտակցի Հայկո էլ երգում ա "Ջան Վահագ, Վահագ: Կանաչ լինի քո ճամփան, մեռնի քո բոյին պապան..."

**Արևածագ** · 06.07.2010, 10:06

Սա սովետական ժամանակների անեկդոտ է, բայց քաղաքական ենթատեքստով, այդ պատճառով այստեղ եմ գրում:
Ամերիկայից մեկը գալիս է սովետական գործարան, որ բանվորներին ազատություն ու ըմբոստություն քարոզի: Գործարանի դիրեկտորն ու կուսքարտուղարն ասում են, որ « մեր ժողովուրդն այնքան լավ է ապրում, որ երբեք ոտքի չի կանգնի»:
-Ուրեմն փորձի նպատակով եկեք վատացնենք ապրելու պայմանները,- առաջարկում է ամերիկացին:
Հաջորդ օրը հավաքում են գործարանի բոլոր աշխատողներին ու հայտարարում, որ այսուհետ ո'չ թե ութ, այլ 15 ժամ են աշխատելու հանուն սովետական հայրենիքի: Ոչ ոք ծպտուն չի հանում, բոլորը միաձայն քվեարկում են նոր որոշման օգտին:
Մի շաբաթ այսպես աշխատում են, ամերիկացին առաջարկում է ավելի խստացնել կենսապայմանները: Նորից հավաքում են աշխատողներին ու սա հայտարարում է.
- Վաղվանից 15 ժամ աշխատելուց հետո պիտի նաև գործարանի տերիտորիան ավլեք- մաքրեք, հարակից փողոցների հետ , նոր տուն գնաք: Ու ճաշի համար ընդմիջումը լինելու է 5 րոպե:
Էլի ոչ ոք չի բողոքում, բոլորը միահամուռ քվեարկում են ու գնում իրենց աշխատատեղերը:
Ամերիկացու ճարը կտրում է: Չգիտի՝ էլ ի՞նչ մտածի, որ էս ժողովրդի մեջ գոնե ընդվզումի կայծ գցի:
Մի երկու օր հետո հավաքում են բանվորներին, սա դուրս է գալիս ու ասում.
- Վաղը աշխատանքից ու փողոցներն ավլել-մաքրելուց հետո ողջ կոլեկտիվով պիտի կախվեք: Սովետական հայրենիքին դա շատ է պետք:
Սպասում է, որ գոնե մի հոգի բողոքի ձայն կհանի: Վերջապես մեկը ձեռքը պարզում է հարց տալու համար: Ամերիկացին խանդավառված ձայն է տալիս այդ բանվորին՝ էն հույսով, որ հիմա բողոքելու է , կոմկուսի հերն անիծի: Բանվորը տեղից վեր է կենում ու հարցնում.
- Իսկ կախվելու պարանները տնից պիտի բերե՞նք, թե՞ դուք էստեղ կտաք...

**Skeptic** · 06.07.2010, 12:16

Չգիտեմ, ինչքանով ա թեմային համապատասխան, բայց դնեմ.

Youtube կայքում հոլովակ է հայտնվել, որտեղ իսրայելական բանակի զինվորները, պարեկելով Հեբրոն քաղաքը՝ Հորդանանի արեւմտյան ափին, քաղաքի փողոցներում իսկական շոու են կազմակերպում ամերիկյան երգչուհի Կեշայի երգի հնչյունների ներքո:
Իսրայելական հրամանատարությունը, անհանգստացած բանակում տիրող մթնոլորտով, մտադիր է քննել իրավիճակը: Անհայտ պատճառներով տեսաերիզն անհետացել էր կայքից, ապա կրկին հայտնվել, երբ արդեն այն ցուցադրել էին իսրայելական հեռուստաընկերությունները: Եթե նկարահանումը բեմադրված չէ, ապա պարողներին սպառնում են կարգապահական տույժեր, հաղորդում է «Ռոսիա 24»-ը:

NEWS.am

Սա էլ հոլովակը.