Քաղաքական հումոր

[davidus]

սաշիկից ինչով ա պակաս

բա ազգանունը??? !!!!Սարգսյան!!!!........

չէ մի չէ, կակոյ նիբուձ Կոստանյան....

կատակ բան չի....

[Norton]

ՊՊԾ ՎԱՐԺԱՆՔՆԵՐԸ

Խորենացի փողոցում գտնվող ՀՀ ոստիկանության Երեւան քաղաքի վարչության ՊՊԾ ոստիկանության գնդի տարածքում վերջին օրերին հաճախ են հնչում «հեռացի՛ր», «ամո՛թ» եւ այլ հայտնի վանկարկումները: Սակայն այդ տարածքում որեւէ ապստամբություն տեղի չի ունենում: Պարզապես պարեկապահակային ծառայության աշխատակիցները ուսումնական վարժանքներ են անցկացնում: Պարապմունքների ժամանակ ոստիկանների մի մասը հանդես է գալիս իբրեւ քաղաքացիական անձ եւ հանդես է գալիս վերոհիշյալ կոչերով: Ոստիկանների մյուս մասը՝ զինված ռետինե մահակներով, վահաններով եւ էլեկտրաշոկերով՝ դիմադրում է «զանգվածային անկարգությունների մասնակիցներին» եւ փորձում կասեցնել նրանց առաջխաղացումը:
www.aravot.am

[Kuk]

ԴԵԴՈՒԿՏԻՎ ՄԵԹՈԴ

Դատելով Էդուարդ Նալբանդյանի թշերի վրա արտաքին միջամտության հետքերի բացակայությունից, Մյունխենում որեւէ փաստաթուղթ չի ստորագրվել:



ՀԱՅՏԱՐԱՐՈՒԹՅՈՒՆ

ՀՀԿ Քաղաքական խորհուրդը ներողություն է խնդրում կուսակցության հազարավոր անդամներից եւ համակիրներից` Տիգրան Սարգսյանին կուսակցության շարքերն ընդունելու համար:

[Rammer]

ԴԵԴՈՒԿՏԻՎ ՄԵԹՈԴ

Դատելով Էդուարդ Նալբանդյանի թշերի վրա արտաքին միջամտության հետքերի բացակայությունից, Մյունխենում որեւէ փաստաթուղթ չի ստորագրվել:

Թշերը չէին երևում, բայց շալվարի վրա ոնց որ թե հետքեր կաին...

[Rammer]

ՀԱՅՏԱՐԱՐՈՒԹՅՈՒՆ

ՀՀԿ Քաղաքական խորհուրդը ներողություն է խնդրում կուսակցության հազարավոր անդամներից եւ համակիրներից` Տիգրան Սարգսյանին կուսակցության շարքերն ընդունելու համար

Համակիրներից միգուցե արժեր ներողություն խնդրել, բայց ահա անդամնները շատ կուրախանան... Տիգրան Թորոսյանի ծանր կորստից հետո....

[Ձայնալար]

November 21, 2009
Հայաստան 2020 (սցենար N1 – ընթացիկ սցենար)

«Ազատություն» ռ/կ – մամուլի տեսություն

Ցավոք մեզ լսելու հնարավորություն ունեն միայն սփյուռքում, բայց այնուամենայնիվ մենք շարունակում ենք մեր ավանդական աշխատաոճը՝ ներկայացնելով օրվա մամուլի տեսությունը:

Եվ այսպես. հանրապետության գրեթե բոլոր թերթերն անդրադարձել են տարվա գլխավոր իրադարձությանը՝ Երևանի Վլ. Պուտինի անվան հրապարակում (նախկին «Հանրապետության հրապարակ») հայ ժողովրդի մեծագույն բարեկամ Վլադիմիր Վլադիմիրովիչի արձանի բացման արարողությանը: Ինչպես գրում է «Լուսաբաց» թերթի խմբագիր Աբրահամ Արամյանը, այն, որ այդ պատմական իրադարձությանը ՀՀ նախկին նախագահներից ոչ մեկը ներկա չէր, խոսում է այն մասին, որ մենք դեռ հասուն ազգ չենք: «Մի կողմից,- գրում է հոդվածագիրը,- միանգամայն հասկանալի է, որ պետական ապարատը շատ փնթի է աշխատել և սպասվող իրադարձության մասին ժամանակին չի տեղեկացրել Մոնտե Կառլոյում իր հանգիստը վայելող երրորդ նախագահ Սերժ Սարգսյանին»: «Կասկած չկա,- շարունակում է հեղինակը, որ Ս. Սարգսյանը նման առիթը բաց չէր թողնի և կշտապեր իր ներկայությամբ պատվել մեր ժողովրդիկ կյանքում տեղի ունեցող այդ բացառիկ իրադարձությունը»: Ըստ պարոն Արամյանի, կարելի է հասկանալ նաև Մոզամբիկում փղի կնճիթի բաստուրմա ուտող Ռոբերտ Քոչարյանին: Տարվա այս եղանակը բացառիկ է որսից հետո նման ճաշատեսակ համտեսելու առումով: Հոդվածագիրը սակայն որևէ կերպ չի կարողանում հասկանալ ՀՀ Առաջին Նախագահ Լևոն Տեր-Պետրոսյանի ներկա չգտնվելն այդ դարակազմիկ իրադարձությանը: «Հասկանալի է, որ Տեր-Պետրոսյանն ինչ-ինչ քաղաքական խնդիրներ ունի գործող նախագահ Հովիկ Աբրահամյանի հետ, բայց սիրուն բան չստացվեց, որ նախկին նախագահներից ոչ մեկը ներկա չգտնվեց Վլադիմիր Վլադիմիրովիչի արձանի բացման արարողությանը: Մանավանդ, եթե նկատի ունենանք, որ Տեր-Պետրոսյանը նախկին նախագահներից միակն է, որ գտնվում է Հայաստանում, ապա նրա այս քայլը ոչ մի արդարացում չի կարող ունենալ»,- նկատում է հոդվածագիրը:

«Այլոց ոչխար» թերթը նույնպես անդրադարձել է երեկվա գլխավոր իրադարձությանը: Ըստ թերթի, որևէ արդարացում չի կարող լինել «ՀՀՇ առաջնորդի ազգադավ պահվածքին»: Թերթը հիշեցնում է նաև, որ սա առաջին դեպքը չէ, երբ Տեր-Պետրոսյանը նման ազգակործան քայլերի է դիմում: «Մենք դեռ չենք մոռացել, թե 28 տարի առաջ ինչպես էր Տեր-Պետրոսյանի իշխանությունը ստորաբար հաղթանակ տանում եղբայրական ազերի ժողովրդի դեմ: Մեր տասնյակ հազարավոր հայրենակիցներ դարձան ՀՀՇ-ական խունտայի զոհ, եղբայրական Ադրբեջանի ուսերին ծանրացավ շուրջ մեկ միլիոն փախստականների բեռը, օկուպացվեցին մեր հարազատների տարածքների շուրջ 20%-ը… ,- հիշեցնում է թերթն ու շարունակում,- Բայց ՀՀՇ-ի պարագլուխն այսքանով չբավարարվեց: Նրա գլխավորությամբ Հայաստանը տարածաշրջանում առաջինը հաղթահարեց էներգետիկ ճգնաժամը՝ եղբայրական ժողովրդին այս անգամ էլ սպանելով ջիջիլ գցելով»: Թերթը եզրակացնում է, որ Տեր-Պետրոսյանի գործողություններն ուղղորդվում են հրեա-մասոնական ուժերի կողմից՝ հընթացս հիշեցնելով առաջին նախագահի կնոջ ազգությունը:

Իսկ «Չորրորդ ինքնիշխանություն+1+1+1» թերթը հրապարակել է վերոնշյալ իրադարձության կապակցությամբ Հայ Ազգային Կոնգրեսի տարածած հայտարարությունը: «1998թ.-ից ի վեր Հայաստանը շեղվել է իր զարգացման բնականոն հունից: Քոչարյանասերժամկնային իշխանությունը ոտնահարել է քաղաքացիների ընտրական իրավունքը՝ բռնի կերպով ճնշելով խաղաղ ցույցերը: Մենք հետամուտ ենք լինելու «Հոկտեմբերի 27-ի» «Մարտի 1-ի», «Մայիսի 13-ի», «Օգսոտոսի 24-ի» դեպքերի մեղավորներին պատժելու գործում և պահանջում ենք իշխող ավազակապետական իշխանությունների հրաժարականը: Հընթացս տեղեկացնում ենք, որ այս ոճրագործությունների պատասխանատուներ Ռոբերտ Քոչարյանի, Սերժ Սարգսյանի, Հովիկ Աբրահամյանի մասին Հաագայի դատարան ուղարկվելիք մեր դիմումի թարգմանությունը հեսա-հեսա պրծնում ենք»:

«Երանի էն ժամանակ» թերթն էլ կրկին անդրադարձել է գրեթե 12 տարվա վաղեմություն ունեցող իրադարձություններին: «2008-ի փետրվարին Ազատության հրապարակ տեսած ժողովրդի ոգին անկոտրում է: Մեր պայքարն անկասելի է, մեր հաղթանակն անխուսափելի է»,- վստահեցնում է պարբերականը: Թերթի խմբագիրը փաստում է, որ Տեր-Պետրոսյանի ելույթներում արված տարատեսակ մեջներումներն արդեն բավական կրթել են մեր հասարակությանը՝ իրազեկելով մեր պատմության այս կամ այն դրվագների մասին, որոնք արդեն վաղուց մոռացված էին: «Իսկ առաջ շարժվելու համար սեփական պատմության մանրակրկիտ ուսումնասիրությունը չէր խանգարի»,- փաստում է «Երանի էն ժամանակը»:
«Հետամտություն» թերթն էլ նշում է, որ քաղաքապետության 12 տարիների ընթացքում Երևանի քաղաքապետ Սպիտակ Գագոն (այո, ծերությունն անում է իր սև գործը) ավելի հանճարեղ որոշում, քան Վլ. Վլադիմիրովիչի արձանի տեղադրման թույլտվություն տալն էր, թերևս չի կայացրել: Այս կարծիքին է նաև ԱԺ նախագահ Սաշիկ Սարգսյանը: Իսկ այն, որ արձանի բացմանը մասնակցում էր անձամբ ՌԴ նախագահ Վլ. Պուտինը, ընդգծում է տարածաշրջանում մեր գուբերնիայի կարևորությունը: Արարողությանը ներկա էին նաև հարևան հանրապետության Ղարաբաղի մարզի հայ համայնքի ներկայացուցիչները, ինչպես նաև Ղարաքիլիսայի (նախկին Վանաձոր) երաժշտական դպրոցի ազգությամբ հայ ուսուցչուհին: «Համազգային այսպիսի միասնություն հայ ժողովրդի պատմության մեջ դժվար է հիշել»,- ընդգծում է թերթը:

Պուտինի անվան հրապարակում տեղի ունեցած տոնական միջոցառումներին մասնակցել են նաև գիտությունների ազգային ակադեմիայի նախագահ Արմեն Աշոտյանը, ԵՊՀ ռեկտոր Գագիկ Ծառուկյանը, գրողների միության նախագահ Վահրամ Սահակյանը և այլ մտավորականներ:

Շարունակելի…

http://teymurazyan.blogspot.com/2009/11/2020-n1.html

[Kuk]

ԹՌԻՉՔՆԵՐ ԵՐԱԶՈՒՄ ԵՎ ԱՐԹՄՆԻ

ՍԵՐԺ ՍԱՐԳՍՅԱՆԻ ԵՐԱԶԸ

Պատերազմը սկսվել է: Ինքը միաժամանակ Վարդան Մամիկոնյանն է, Ռեմբոն եւ Շտիռլիցը: Բայց, չգիտես ինչու, ոչ թե նժույգի վրա է նստած, այլ մարտական էշի: Միջուկային «չամադանչիկն» օդում ճոճելով` սլանում է դեպի ռազմաճակատ: Առջեւից եւ հետեւից սլանում են թիկնապահների ավանակները` «միգալկաներով», իսկ կողքից, ձյունաճերմակ ավանակի վրա նստած, սլանում է քարտուղարուհին` սուրճի պարագաներով (ջազվե, գազի բալոն եւ այլն): Շուրջը անընդհատ ռումբեր են պայթում, ահավոր ծուխ է, բայց իրենք առաջ են սլանում...

Վերջապես հասնում են առաջին գիծ ու նետվում խրամատի մեջ: Հովիկ Աբրահամյանն իսկույն ուսապարկից հանում է պանիրը, հաշվում ներկաներին ու ըստ դրա` հավասար մասերի բաժանում: Այդ պահին մոտերքում ռումբ է պայթում: Հովիկ Աբրահամյանը ուշադիր նայում է պայթյունի հետեւանքներին ու թաքուն երկու կտոր պանիր գցում բերանը... Իսկ ռադիստն Արմենչիկն է. սպասում է Բաղդասարով Միշայի հետախուզական տվյալներին:

Բայց արդեն ժամանակ չկա, պետք է անցնել հարձակման ու հասնել Քուռ գետը: Հարկայինի գունդը հրաժարվում է. «Հասնում ենք Քուռ ի՞նչ անենք, ուրիշ բան, եթե ջրաչափ տեղադրեինք», հայտարարում են սրանք ու մի կողմ քաշվում: Ոստիկանության սպեցնազը նույնպես տեղից չի շարժվում: «Լավ, մեզ ոչ մի գունդ օգնության չի գալո՞ւ», գոռում է ինքը: «Այստեղ եմ, շեֆ», առաջ է գալիս էդուարդ Նալբանդյանը` ճակատին չինարեն հիերոգլիֆներով կարմիր ժապավեն կապած ու թշերին ցեխ քսած: «Հազար եմ ասել` ամեն կլոր բան գունդ չի՛», գոռում է ինքը ու ճարահատյալ` բացում միջուկային ճամպրուկը... Ներսում ինչ ասես կա. երկու կապ խաղաթղթեր, մինի-ռուլետկա, յոթ-ութ հատ զառ, ինչ-որ անհասկանալի սպիտակ փոշի... Բայց զենք չկա: Ինքը խոր հոգոց է քաշում, խանչալը վերցնում, վերնաշապիկը պատռում (որ Ռեմբոյի նման լինի) ու առաջ սողում դեպի Բաքու-Ջեյհան նավթամուղ... Այնտեղ Ֆլեշ Բարսեղն արդեն դռելով ծակում է խողովակը, որ լեւի գիծ քաշի...

Նահանջի ճանապարհ չկա, շրջապատման մեջ են: Մի կերպ ռադիոկապի մեջ է մտնում Արմենչիկի հետ ու հրամայում, որ անցնեն հարձակման ու իրենց հանեն շրջապատումից, բայց Արմենչիկը, չգիտես ինչու, ծիծաղում է ու ձեւացնում, թե չի հասկանում հրամանը... Հանկարծ գլխում հանճարեղ միտք է ծնվում: Գլուխը խրամատից հանում է ու գոռում. «Սեր-ժի՛կ, հեռացի՛ր»: Ոստիկանության սպեցնազը միանգամից անցնում է հարձակման ու գրոհում ձայնի ուղղությամբ: Ինքը, ոգեւորված, շարունակում է գոռալ: Սպեցնազը տեղ է հասնում: Ինքը ծոծրակին միանգամից մի քանի հարված է զգում, ու աչքերի առաջ մթնում է...

Արթնանում է ՀՀԿ համագումարում:

[Kuk]

Աստղագուշակ


Տիգրան Սարգսյան - Կենդանակերպի նշանը` Կույս (մինչեւ վերջերս):

Այս համաստեղության տակ ծնվածների համար շաբաթը լի է դարակազմիկ իրադարձություններով:

Երկուշաբթի օրը անսպասելիորեն կդառնաք կուսակցական: Հանդիպում կուսակցական ընկերների հետ` մտերմիկ միջավայրում: Ինքներդ ձեզ համար կբացահայտեք, որ «կուսակցաշինություն» բառը վերաբերում է ոչ թե կուսակցությանը, այլ կուսակցականներին:

Երեքշաբթի օրը` նժդեհականության աճ: Աշխատեք էմոցիաներին չտրվել:

Չորեքշաբթի օրը կոչ կանեք անձնական ներդրում ունենալ Շուշիի զարգացման նպատակով կազմակերպված հանգանակությանը:

Հինգշաբթի օրը կպարզվի, որ Իսպանիայում «Շուշի» անունով դղյակ ունեք: Աստղերը խորհուրդ են տալիս արագացնել անվանափոխության գործընթացը:

Ուրբաթ օրը` հանդիպում շուկայում գերիշխող դիրք ունեցող գործարարների հետ: Ֆինանսական խնդիրների կարգավորում: Նժդեհականության աճ:

Շաբաթը եւ կիրակին նվիրեք կուսակցաշինությանը:

[Chuk]

Դեկտեմբերի 9-ին Լատվիայի նախագահ Վալդիս Զատլերսի գլխավորած պատվիրակությունը ժամանելու է Հայաստան: «Ա1+»-ը ՀՀ-ում Լատվիայի պատվավոր հյուպատոս Նիկոլայ Գրիգորյանից փորձեցինք ճշտել այցի մանրամասները: Զրույցը ներկայացնում ենք առանց խմբագրման:

-Ի՞ նչ պայմանագրեր եւ համաձայնագրեր են ստորագրվելու:

-Գիտեք, շատ խառը հանդիպումներ են լինելու. 3 օր, բիզնեսմեններ են գալու, բիզնես ֆորում է լինելու, ահագին մարդիկ են գալու, դեռ պարզված չէ, ինչքան մարդ պետք է գա: Համաձայնագրերի մասին խոսք չեղավ, եկան նախապատրաստելու գնացին, համաձայնագրերի մասին խոսք չեղավ:

-Եռօրյա՞ այցով է ժամանելու պատվիրակությունը:

-Այո:

-Հանդիպումներից ուրիշ ինչ մանրամասներ կարող եք հայտնել:

-Դեռ ոչինչ հայտնի չէ:

-Պատվիրակության կազմում նախագահից բացի ովքե՞ր են լինելու:

-Կարծեմ բնապահպանության մինիստրն է...., գիտեք, դեռ իրենց մոտ էլ պարզ չէր: Եթե ձեզ շատ հետաքրքրիր է, ձեր թերթին շատ եմ հարգում, վաղը քարտուղարուհուն կասեմ, կզանգի:

-Իսկ ինչպե՞ ս է պատահել, որ ձեզ են ընտրել պատվո հյուպատոս:

-Եթե դեսպանատուն չունեն, տեղից են լինում հյուպատոսները, Երեւանից ընտրված շատ այլ երկրների պատվո հյուպատոսներ կան:

Ի դեպ

Հյուպատոսը չգիտեր այն երկրի նախագահի անունը, որի պատվո հյուպատոսն է.: «Վայ, անընդհատ մոռանում եմ նախագահի անունը, հիմա էլ տանն եմ. վաղը ձեզ այս համարով իմ քարտուղարուհին կզանգահարի' կասի»,-ասաց ՀՀ-ում Լատվիայի պատվավոր հյուպատոս Նիկոլայ Գրիգորյանը:

Աղբյուր՝ Ա1+

[Kuk]

ԳԱՐՆԱՆ ՏԱՍՆՅՈԹ ԳԱՂՏՆԱԼՍՈՒՄ

Ստորեւ ներկայացվող հեռախոսազրույցն ամենայն հավանականությամբ տեղի է ունեցել մոտ մեկ շաբաթ առաջ, իսկ զրուցակիցներն ըստ երեւույթին ՀՀ իշխանական վերնախավին մոտ կանգնած մարդիկ են: Ցավոք, օգտագործված բառապաշարը հնարավորություն չի տալիս պարզել` նրանք բարձրաստիճան պաշտոնյանե՞ր են, հանցագործ աշխարհի ներկայացուցիչնե՞ր, թե՞ պարզապես թաղային հեղինակություններ, բայց ամեն դեպքում, գաղտնալսված այս հեռախոսազրույցը վերաբերում է Հայաստանի ներքաղաքական անցուդարձին, եւ այդքանով էլ, վստահ ենք, կհետաքրքրի ընթերցողներին: Այնպես որ, ներկայացնում ենք գաղտնալսման սղագրությունը` բնականաբար, մասնակի կրճատումներով: Եվ այսպես.

- Բարի օր, ախպերըս:

- Յա, բարեւ, մեռնեմ քեզ: Էս ո՞նց ա զանգել ես, հո բան-ման չի՞ պատահել

- Չէ, ախպեր, պռոստը մի հարցով ուզում էի հետդ խոսամ: Կարող ա՞ էս համագումարի մոմենտով հոգապահուստ մի հատ մանդատ դասավորես, ախպեր:

- Ի՞նչ համագումար:

- Էս խշշշ... խշշշ... խշշշ...

- Դժվար բան ասիր, ախպեր: 5000 դոլարից էժան չկա:

- Լուրջ ե՞ս ասում Մի էրկու օր առաջ բաջանաղըս 4000-ով առաջարկեց, ախպեր, իզուր էլ չվեկալա Բա խի՞ ա տենց թանկացել:

- Դե հիմա էդ ա: Բա կուսակցական ես դառնում, ուրիշ ծախսեր կան... Բա հո քուչից չե՞ս գալու համագումարի մասնակցես:

- Եսիմ, ախպեր... Չնայած` պրինցիպի որ վեկալում ես, թանկ չի: Շեֆի հետ կարա՞նք կադրի մեջ էրեւանք, տելեվիզըրով ցույց տան:

- 300 դոլար:

- Էդքան էժա՞ն

- Վայրկյա՛նը:

- Էտի թիվ ա, ապե: Բայց պրոբլեմ չկա, մի բան կանեմ: Ուրիշ ի՞նչ ա պետք:

- Հեչ, ախպեր, նորմալ կաստում-շըլվար, մի յոթ-ութ տեղ պտի ծափ տաս, մեկ էլ` մի հատ թղթի կտոր կտան, մեկ-մեկ պիտի վերեւ բարձրացնես:

- Պրոբլեմ չկա: Բայց էդ կուսակցություն մտնելու մոմենտը չդզեց, ապե:

- Հա, լավ, մարդ չի իմանա:

- Չէ, էդ մոմենտով չեմ ասում: Պռոստը կարող ա հարցեր տան, էլի, ախպեր: Խոսքի հիշում ե՞ս, որ վախտին պարտիական էինք դառնում, հարց-մարց էին տալի` Մարքսի հորոխպոր անունը ի՞նչ էր, կամ Լենինը քանի՞ սռոկ ա նստել...

- Ախպեր, արխային էղի, շեֆի մոմենտով տենց սռոկ-մռոկի հարցեր չեն տա: Ջոգում ե՞ս, ախպեր, իրանք անցյալից են հարցեր տալու, ապագայից չեն տալու:

- Բա որ խոսքի հարցնեն, թե կուսակցության նախկին առաջնորդներից ով ինչ մահով ա մեռել...

- Հոպ, ախպեր, էս դու լրիվ խորացար: Էդ էլի սռոկի հետ ա կապված, ապագայի հետ ա կապված... Վոբշմ, արխային էղի: 5000-ը բեր, ուրիշ բանի հետ գործ չունես:

- Մի բան է՛լ հարցնեմ, էլի: Ապառիկով չի լնի՞

- Չէ, այ ախպեր, ի՞նչ ապառիկ: Փող չունես` էն խշշշ... խշշշ...-ի կուսակցությունը մտի:

- Արտուրիկի՞: Էս դու արդեն լրիվ կպնողական ես էթում, ախպեր, ինձ ընչի՞ տեղ ես դրել Վոբշմ, էդ գումարի մոմենտով իրիկունը մի հատ իրար տենանք:

- Հարց չկա, ախպեր: Դե կզանգվենք:

Այս գաղտնալսումը, կարծում ենք, որոշակի լույս է սփռում Հայաստանի ներքաղաքական վերջին զարգացումների վրա:

[Kuk]

ՀԵՐՔՈՒՄ

ՀՀԿ Խորհուրդը պաշտոնապես հերքել է այն տեղեկությունները, թե իբր Գագիկ Բեգլարյանը եւ Տիգրան Սարգսյանը դարձել են ՀՀԿ գործադիր մարմնի անդամներ, քանի որ կուսակցությունն առաջնորդվել է ռասայական եւ գենդերային հավասարության սկզբունքներով:

ՀԱՅՏԱՐԱՐՈՒԹՅՈՒՆ

Շտապ վաճառվում են ազատագրված հինգ շրջաններ: Առանց միջնորդի: Գրանցված մարդ չկա: Հնարավոր է նաեւ փոխանակում լեգիտիմության հետ` հավելավճարով: Դիմել երեկոյան ժամերին:

Սերժիկ

[terev]

[Հայկօ]

не пахожий на меня
не пахожий на тебя
просто так прохожий парень
чернокожый...

Փաստորեն՝ Ագուտինը մեր քաղաքապետի մասին էլ երգ ունի :

[Tig]

Ճիշտա ուշա ու լացելու բանա, բայց չեմ կարա չտեղադրեմ

Զգուշացում: Նյութը պարունակում է ոչ ցենզուրային բառապաշար: Զգուշացումից հետո ինքներդ որոշեք նայե՞լ, թե՞ ոչ:

[terev]

Էս ինչ լավ տեսանյութ էր: Եթե կա նմանատիպ տեսանյութեր, խնդրում եմ տեղադրեք: