Քաղաքական հումոր

[Հայկօ]

Օղորմածիկ Անդրանիկ Մարգարյանը Գալուստ Սահակյանին մեկ-մեկ ասում էր. «Գալու՛ստ ջան, էդ որ դու մեկ-մեկ ինչ-որ բան ես ասում, ու մենք քեզ չե՛նք հասկանում, էդ հլը ոչինչ, բայց այ որ դու ինչ-որ բան ես ասում ու դու է՛լ քեզ չես հասկանում, ա՜յ էդ արդեն ծանր դեպք ա»:



Խմբագրում. «Քաղաքական հումորում» պիտի գրեի, սխալվեցի...

[Kuk]

ԹՌԻՉՔՆԵՐ ԵՐԱԶՈՒՄ ԵՎ ԱՐԹՄՆԻ

ՎԱՐԴԱՆ ՕՍԿԱՆՅԱՆԻ ԵՐԱԶԸ

Չգիտես ինչու, ինքը Ազատության հրապարակի հարթակում է: Բայց հրապարակի տեսքը փոխվել է. Թումանյանի եւ Սպենդիարյանի արձանների փոխարեն Սպիտակցի Հայկոյի եւ Շուշան Պետրոսյանի արձաններն են: Ինքը զարմացած շուրջն է նայում ու հանկարծ հասկանում, որ համաժողովրդական բողոքի ալիք է բարձրացել, հանրահավաք է, եւ հիմա պիտի ելույթ ունենա: Շվարած ետ է շրջվում... Օպերայի պատի տակ, ուղղակի գետնին, նստած է Ռոբերտ Քոչարյանը` պատառոտված շորերով, ճակատին եռագույն ժապավեն կապած, իսկ պատռված շորի տակից երեւում է ուսի նակոլկան. ջրահարս (դիմագծերով շատ նման Արմենչիկին), արմավենի, ու ներքեւում` գրություն. «Քի-Վեսթ, սպՑՏ»: Քոչարյանը կիսափակ աչքերով ինքնամոռաց երգում է. «սիվոդնյա նե ուվիձեծ մնե զարի, սիվոդնյա յա պասլեդնի ռազ պաբրիլսյա...», բայց ժամանակ առ ժամանակ խայթվածի պես վեր է ցատկում, գոռում «հի-մա՛, հի-մա՛» ու նորից նստում տեղը... Քիչ այն կողմում «Սկսալ ա» շարժման սափրագլուխ ակտիվիստները թմբուկ են զարկում եւ Սերժ Սարգսյանին Հաագայի դատարան ուղարկելու պահանջով ստորագրություններ հավաքում...

Պատկերը փոխվում է: Իրենք երթով շարժվում են դեպի նախագահական: Մի տասնհինգ-քսան հոգի կլինեն: «Ազատությո՛ւն, եղբայրությո՛ւն, հավասարությո՛ւն», գոռում է ինքը եւ շուրջը նայում: Մայթերին հավաքվածները ծիծաղից ուշաթափվում են, ով հասցնում է` ինչ-որ բան է շպրտում վրաները: «Սեր-ժի՛կ, հեռացի՛ր», գոռում է Քոչարյանը, Արմենչիկը փորձում է մատներով սուլել, բայց ոչինչ չի ստացվում, Վահան Հովհաննիսյանը հացադուլից մնացած պահածոների դատարկ տուփերն է չխկչխկացնում... Բայց երթն առաջնորդողն ինքն է: Քայլելով հասնում են Բաղրամյան պողոտա, ու հանկարծ ոստիկանները չորս կողմից վրա են տալիս: «Սա մեր սահմանադրական իրավունքն է», փորձում է գոռալ ինքը, բայց հենց այդ պահին էլ գլխին ծանր հարված է իջնում: «Պարոն Բազազ, ոեւէ ուրիշ տեղիս խփիր», տնքում է ինքը, բայց ինչ-որ մեկն ականջի տակ գոռում է. «քեզ չասի՞ սիվիլիթասդ քաշի ստուց, արա՛», ու իջնում է երկրորդ հարվածը...

Արթնանում է համաժողովրդական շարժման ալիքի վրա:

[Տրիբուն]

«քեզ չասի՞ սիվիլիթասդ քաշի ստուց, արա՛»

Էսի սպանեց

[Chuk]

ԱԺ մեծամասնական կարգով պատգամավոր դառնալու համար թիվ 8 ընտրատարածքում 3 թեկնածու է առաջադրվել:

Այդ մասին «Ա1+»-ին հայտնեց թիվ 8 ընտրատարածքային ընտրական հանձնաժողովի նախագահ Օլեգ Գրիգորյանը:

Պատգամավորի թեկնածուներն են նախկին պատգամավոր Հակոբ Հակոբյանը, Կորյուն Նահապետյանը (երկուսն էլ անկուսակցական) եւ Մարքսիստական կուսակցության ղեկավար Դավիթ Հակոբյանը:

Հանձնաժողովի նախագահը առաջադրված թեկնածուների անունները երեկ ներկայացրել է ԿԸՀ-ին:

Նշենք, որ պատգամավորի թեկնածու առաջադրման վերջնաժամկետը սեպտեմբերի 27-ն էր:

Թիվ 25 ընտրատարածքում էլ պատգամավոր դառնալու համար առաջադրվել են 4 հոգի' Մխիթար Հարությունյան (ԲՀԿ), Արթուր Հովհաննիսյան, Մհեր Հայրապետյան եւ Մուշեղ Հարությունյան' 3-ն էլ անկուսակցական:

Հիշեցնենք, որ Հակոբ Հակոբյանի (թիվ 8 ընտրատարածք) եւ Սասուն Միքայելյանի (թիվ 25 ընտրատարածք) պատգամավորական աթոռները թափուր էին մնացել այն բանից հետո, երբ ԿԸՀ-ն սեպտեմբերի 15-ին զրկեց «Մարտի 1»-ի գործով մեղադրվող Հակոբ Հակոբյանին եւ Սասուն Միքայելյանին մանդատներից' պատճառաբանելով, որ ուժի մեջ են դատավճիռները:

Մինչեւ նոյեմբերի 1-ը թեկնածուները պետք է գրանցվեն, իսկ ընտրությունները տեղի են ունենալու դեկտեմբերի 6-ին:

Աղբյուր՝ Ա1+

[Տրիբուն]

Պատգամավորի թեկնածուներն են նախկին պատգամավոր Հակոբ Հակոբյանը, Կորյուն Նահապետյանը (երկուսն էլ անկուսակցական) եւ Մարքսիստական կուսակցության ղեկավար Դավիթ Հակոբյանը:

ՀԱԿ-ը չի պաշտպանելու սրան ?

[murmushka]

ՀԱԿ-ը չի պաշտպանելու սրան ?

ՀԱԿ-ն հիմ ա ավելի կարևոր գործ ունի անելու

[ministr]

ՀԱԿ-ը չի պաշտպանելու սրան ?

Իրա ուղղությամբ թռչող լխկած պոմիդորներից? Դժվար

[Rammer]

ՀԱԿ-ը չի պաշտպանելու սրան ?

Ապեր ՀԱԿ-ը տենց ոչ մեկին չի էլ պաշտպանել...Արմիշ են ասում գնում ա սաղի պոռտը տեղն ա դնում!!!

[murmushka]

Արմիշ են ասում գնում ա սաղի պոռտը տեղն ա դնում!!!

չգիտեմ ով ինձ ուր է ուղարկում ում պորտը տեղը դնելու, Բայց Ռամմեր ջան, դեռ ոչ մեկի պորտը տեղը չեմ դրել ցավոք սրտի

Քանքարավոր ընկեր, ինձ մի նախանձի,
Էությունըս գաղափարիդ վնաս չէ,
Ես էստեղացի եմ, դու` Տեղ գյուղացի,
Խեղճ թութունըս կոկաինիդ վնաս չէ,
Վնաս չէ...

Դու “Հայլուր” ես նայում, իսկ ես` “Որոգայթ”,
Դու միամիտ եղիր, թարգիր խղճի խայթ,
Հայ-թուրքական թեման մտավ պոռնո-սայթ,
Կարճ յորղանըս Էրդողանիդ վնաս չէ,
Վնաս չէ...
Ես խսիր եմ գործում, դու` կարգին հանցանք,
Իզուր ես նեղանում, հա՛յ ազգի պարծանք,
Ես ելքեր եմ փնտրում, դու` միայն փորձանք,
Խեղճ բլոտըս ռուլետկայիդ վնաս չէ,
Վնաս չէ...

Քեզ սրտով սիրում է, հարգում Ջիվանին,
Բայց արխային չըլնես` պառկես դիվանին,
Մեկ էլ տեսար` մի քիչ ճընշին Աղվանին,
Վճռաբեկըս Հաագայիդ վնաս չէ,
Վնաս չէ...

[Kuk]

ԳԱՐՆԱՆ ՏԱՍՆՅՈԹ ԳԱՂՏՆԱԼՍՈՒՄ

Ստորեւ ներկայացվող գաղտնալսումն իրականացվել է մի քանի օր առաջ, ընդ որում` այս անգամ գաղտնալսվել է ոչ թե հեռախոսազրույց, այլ ռադիոկապի սեանս: Պարզ ասած, զրուցակիցներն իրար հետ խոսել են ռացիաներով: Ու թեեւ այսօր Երեւանում ռացիաներից ավելի շատ օգտվում են տաքսի-սերվիսները, այնուամենայնիվ այս դեպքում, կարծում ենք, զրուցակիցները բարձրաստիճան ոստիկաններ են: Ամեն դեպքում, ներկայացնում ենք գաղտնալսման սղագրությունը` հույս ունենալով, որ այն հնարավորություն կտա ավելի որոշակի պատկերացում կազմել այսօր Հայաստանում ընթացող քաղաքական իրադարձությունների մասին: Եվ այսպես.

- Բազազ, Բազազ, ես Արծիվն եմ, պրիյոմ

- Բազազը լսում է

- Զեկուցեք օպերատիվ իրավիճակը:

- Օպերատիվ իրավիճակը լիովին վերահսկելի է: Կառավարության շենքի պատերի տակ շուրջ քսան ցուցարարներ կան: Ագրեսիվ չեն: Պրիյոմ: Սպասում եմ հետագա կարգադրությունների:

- Շտապ ձեռնարկեք անհրաժեշտ միջոցառումներ: Պրիյոմ:

- Քաշքշե՞մ:

- Նախ պարզիր, թե ովքեր են: Կարող ա՞ դաշնակներ են:

- Բա ես ի՞նչ իմանամ

- Բեղավոր ե՞ն:

- Մասամբ:

- Ուրիշ ի՞նչ առանձնահատուկ նշաններ ունեն:

- Քյաբաբ են ուտում

- Էդ ա որ կա: Ոչ մի քայլ մի ձեռնարկիր: Ապահովեք անվտանգությունը: Տես հո շեֆի հրաժարականը չե՞ն պահանջում

- Ալիկ Սերգեյիչի՞:

- Խշշշ... խշշշ... խշշշ... Ասում եմ` հիմնակա՛ն շեֆի: Զեկուցիր պաստառների բովանդակությունը:

- Պաստառը ո՞րն ա: Մի հատ բան կա... Կլոր բան ա, վրան խաչ քաշած:

- Էդ կարող ա՞ ստայանկան արգելող զնակին ես նայում:

- Չէ, իրանք են բռնել:

- Կլոր բան, վրեն խաչ քաշա՞ծ: Հա, լավ, էդ Նալբանդյանի հրաժարականն են պահանջում, էդ հեչ: Ուրիշ ի՞նչ են ասում:

- Հեչ, երգում են

- Իսկույն ձայնակցել:

- Լսո՛ւմ եմ (Ռացիայի միջից երգ հիշեցնող անհոդաբաշխ ձայներ են լսվում):

- Իսկույն դադարեցնել եւ ետ քաշվել:

- Լսո՛ւմ եմ: Արծիվ, Արծիվ, պրիյոմ... Բա էսօր ոչ մեկին չենք բռնելո՞ւ: Քաղաքում ուրիշ ակցիա չկա:

- Լավ, համոզեցիր: Կամաց մոտեցիր նստածներին ու ասա «Սերժիկ, հեռացիր»: Ով ձայնակցի` բռնի բեր, իմոնք էլ են պարապ:

- Լսո՛ւմ եմ

(Մի քանի րոպեով կապն ընդհատվում է):

- Բազազ, Բազազ, զեկուցիր արդյունքների մասին: Պրիյոմ:

- Արճիվ, Արճիվ, եշ Բաժաժն եմ: Ժեկուչում եմ: Մոտեչա աշեչի «Շերժիկ, հեռաչիր», հարջակվեչին վրաշ, ճեճեչին...

- Հա, ուրեմն դաշնակներն են: Շարունակիր ծառայությունդ:

- Լշում եմ...

Հուսով ենք, այս գաղտնալսումը մեծապես կօգնի հանրային լայն քննարկումների սիրահարներին:

[Շինարար]

Էս Հայաստանի նախագահը՝ պայմանական, ու սատանան խորհրդակցում են, թե ոնց անեն, որ էս հայ ժողովրդի վիճակը ավելի ծանրացնեն: Վերջը, էս սատանան տարբեր առաջարկներ է անում, մեր նախագահն էլ, թե՝ չէ, չէ ու չէ, սատանան ասում ա՝ դե որ այդպես ա, մի բան էլ դու առաջարկի:
-Բարձր ասելու չի, ականջդ բեր ասեմ:
Սատանան ականջը մոտեցնում ա, սա ասում ա, սատանան խաչակնքում ա, թե՝ Մեղա քեզ, Տեր Աստված:

[Mephistopheles]

Էս ինձ մի հատ տուգանային հարված ա լինելու բյց պիտի գրեմ

Մեկը մեկինփողոցում հանդիպում ա ասում ա

- Բա ախպեր Հանրային Խորհրդի Առաջարկությունները Հայ-թուրքական միջպատական հարաբերություններ ստեղծելու մասին լսել ե՞ս
- Չէ
- ուզում ե՞ս լսես
- Հա
- Ականջդ դիր ո..իս կլսես

[Քամի]

«ԽԱՐԱԿԻՐԻՆ» ՀԱՅՀՈՅԱ՞ՆՔ Է

Երեկ 'Միացում' նախաձեռնության անդամները ցույց էին անում ԼՂՀ ներկայացուցչության մոտ: Նրանք նամակ հանձնեցին ԼՂՀ ղեկավարությանը, որում վերջինիս հորդորում են կասեցնել հայ-թուրքական հարաբերությունների 'դավաճանական ընթացքը': Լրագրողների հետ զրույցում նախաձեռնության անդամ Ժիրայր Սեֆիլյանը նշեց, որ մեկ ելք էլ է տեսնում՝ Սերժ Սարգսյանի հրաժարականը: 'Կամ խարակիրին',- Սեֆիլյանի եւ լրագրողների հետ այս երկխոսությանը միջամտեց նախաձեռնության անդամներից մեկը: Այս առաջարկը ափից հանեց զրույցին համակ ուշադրությամբ հետեւող ՊՊԾ պետի տեղակալ Վալերի Օսիպյանին, որն իր վրդովմունքը պարպեց հավաքվածներին սպառնալով. 'Գնացեք, ինքներդ ձեզ խարակիրի արեք: Ձեզ ո՞վ է բարոյական իրավունք տվել նախագահին վիրավորել: Ընենց չանեք, որ ես ձեզ կարգի հրավիրեմ համապատասխան վայրում': Այն բանից հետո, երբ նախաձեռնության անդամ կանայք սկսեցին ոստիկանին բացատրել, որ 'խարակիրին' վիրավորանք չէ, ընդհակառակը՝ շատ պատվավոր եւ իսկական զինվորին հարիր մի գործողություն է, պարոն Օսիպյանը էլ ավելի բորբոքվեց.


Առավոտ

[Kuk]

ՏԱՂ ՎԵՐՊԵՏԱԿԱՆ

Թողած Տեղում, գետի ափին, տունս` շինված անտաշ քարով,
Տեղը թողած, Տեղի գոմում անտեր թողած ոչխար ու կով,
Եվ Սաշիկին ու Միշիկին անգամ չասած մնաս բարով,
Անց եմ կենում հիմա Սփյուռքի վերպետական ճանապարհով:

Անց եմ կենում. շուրջս-մարդիկ, շուրջս` քֆուր հազար-հազար,
Շուրջս մարդիկ են շպրտում վրես հազար միրգ ու գազար,
Եվ ո՞վ կասի` հանուն ինչի թուրքերի հետ արիր բազար,
Ուղեղները բութ են այնպես, ասես փակված են չափարով:

Բայց շուրջս թող որքան կուզե գաղութը այս ղժժա, ցնդի,
Ես` ազգընտիր ու լեգիտիմ, բայց կյանքով մեկ վտարանդի,
Դեպի Ստամբուլ պիտի գնամ, դեպի օջախն իմ գարանտի
Հայ-թուրքական համարյա բաց Մարգարայի ճանապարհով:

Ու էլ ոչ մի մեղքիս համար ազգը հիմա չունի ներում,
Պիտի անդարձ ես հեռանամ, պիտի գնամ, աչքս է հեռուն,
Թե Սաշիկին ու Միշիկին տեսնեք ԱԺ միջանցքներում,
Ասեք նրանց` Սերժիկն ասավ մնաք բարով, մնաք բարով...

[Քամի]

Սրբապղծություն ըստ Բազազի

Երեկ, երբ «Միացում» շարժման անդամները Եղեռնի զոհերի հուշակոթողի անմար կրակով հրապարակավ այրել են հայ-թուրքական արձանագրությունները, արցախյան ազատամարտում զոհվածի մայր Փառանձեմ մայրիկը փորձել է այրել նաև Ս. Սարգսյանի նկարը։ Ոստիկանները վրա են տվել, խլել նկարը ու ներկաներին քաշքշելով՝ հրահանգել լքել համալիրը։

Բազազը՝ ՊՊԾ գնդի հրամանատար Ռոբերտ Մելքոնայնը, Սերժ Սարգսյանի նկարն այրելու փորձն անվանել է «վանդալիզմ», «սրբապղծություն»։

Tert