Մարդը մի բան կանի էլի թէ չէ պարապ էր մնացել: Կարելի էր մի հատ պուճուր բոստան տալ փորեր բան...
Մարդը մի բան կանի էլի թէ չէ պարապ էր մնացել: Կարելի էր մի հատ պուճուր բոստան տալ փորեր բան...
Երբեք չեմ հանդիպել կատվի, որին հետաքրքրեր մկների կարծիքն իր մասին:
Kuk (02.06.2009)
Էսօր առավոտյան Շանթով ԱԺ այգում երեխաների պաշտպանության օրվա առթիվ կազմակերպված համերգն էին ցույց տալիս: Հենց էն պահին, երբ երեխաները երգում էին «երազանքների բարի փերի», խոշոր պլանով Սերժին ցույց տվեցին: Ի՜նչ էլ բարի փերի էր
Chilly (02.06.2009), Mariam1556 (07.06.2009), Taurus (03.06.2009)
Բա՛Բավ է լինենք մենք անգլուխ,
Ցամաքն ընկած ձկի նման,
Հերիք է որ տանջվենք անդուլ,
Ինչպես ստրուկ նախնադարյան,
Թեկուզ հասնի էշը բոշուն
Կամ թե էշը գնա Մեքքա
Միևնույն է ինչպես մի լույս,
Կգա օրը Դաշնակցության:
Norton (03.06.2009)
$Baron$ (19.06.2009), Chilly (03.06.2009), davidus (06.06.2009), Dragon (10.06.2009), Elmo (06.06.2009), Enigmatic (29.06.2009), masivec (15.06.2009), NetX (04.06.2009), Rammstein (04.06.2009), Terminator (16.04.2011), xaladilnick (09.07.2009), Yellow Raven (06.06.2009), Արամ (17.06.2009), Նաիրուհի (31.08.2010), Սամվել (05.06.2009)
Արջուկը լյաաավն ա
Ճամփաները բոլոր դեպի մահ են տանում…
Աստղագուշակ
Արմեն Հարությունյան - Կենդանակերպի նշանը` Եվրո ¥ ԿԲ սահմանած փոխարժեքով:
Այս համաստեղության տակ ծնվածների համար շաբաթը լի է անկանխատեսելի իրադարձություններով:
Երկուշաբթի օրը կհայտարարեք, որ ոչ մեկինը չեք: Օրվա վերջում` հանդիպում Սերժ Սարգսյանի հետ: Փոխարժեքը կբարձրանա:
Երեքշաբթի օրը կհայտարարեք, որ իշխանություններն ու ընդդիմությունը հավասարապես են կեղծել ընտրությունները: Փոխարժեքը կշարունակի աճել:
Չորեքշաբթի օրը` գլադիատորական մարտեր: Օրվա վերջում կպարգեւատրվեք "Ամենահաջող կադր" մեդալով:
Հինգշաբթին ծանր օր է: Փոխարժեքի անկում: Ստիպված կլինենք զեղչ գներով հայտարարել, որ այս ընտրությունները մեկ քայլ առաջ էին:
Ուրբաթ օրը աստղերը խորհուրդ են տալիս Լոտոսի դիրք ընդունել եւ 22 անգամ կրկնել, որ դուք ոչ մեկինը չեք:
Շաբաթը եւ կիրակին անցկացրեք փաստեր հավաքելով: Աշխատեք հավաքել միայն 500-անոցներով:
ՉԻ
ԱՂՎԱՆ ՀՈՎՍԵՓՅԱՆԻ ԵՐԱԶԸ
Մալաթիայի տեղամասերից մեկում ձայների վերահաշվարկ է: Ինքը վերահաշվարկի հանձնաժողովի նախագահն է, բայց ներկա են նաեւ "կոալիցիոն գործընկերները", միջազգային դիտորդներ, դեսպաններ, լրագրողներ... Ալրաղացի Լյովը հերթով ստուգում է բոլորի փաստաթղթերը, գրանցում կատարում համապատասխան մատյանում եւ միայն դրանից հետո թույլ տալիս մասնակցել վերահաշվարկին:
Վերջապես բացում են քվեատուփը: Պարզվում է` մեջը ինչ ասես չկա: Ինքը զգուշորեն ձեռքը մտցնում է քվեատուփի մեջ ու դուրս քաշում մի քվեաթերթիկ: ՀՀԿ-ի անվան դիմաց ինչ-որ հայհոյանքներ են գրված: "Օ~ մայ Գոդ", շշնջում է Ամերիկայի դեսպանը: "Էդ ինձ ասի՞ր", տեղից վեր է ցատկում Գագիկ Բեգլարյանը... Միջադեպը մի կերպ հարթվում է: Ինքը նորից է ձեռքը մտցնում քվեատուփի մեջ ու դուրս բերում մի կանացի վարտիք: Միանգամից դնում է Արթուր Բաղդասարյանի առաջ ու շարունակում գործը: "Օ, յե~ս¦, շշնջում է դեսպանը... "Օես չի, ՕԵԿ ա¦ կամացուկ ականջին փսփսում է թարգմանիչը... Ինքը տուփից դուրս է բերում հերթական քվեաթերթիկը: ՀՀԿ-ի դիմաց մեկի փոխարեն երկու §պտիչկա¦ է դրված: "Անվավեր ա¦, անհամարձակ ասում է մեկը: "Անվավեր չի, էս Ֆոլկսվագենի նշանն ա: Այսինքն` ընտրողն իր կամքը արտահայտել ա¦, առարկում է ինքը, քվեաթերթիկը դնում Գագիկ Բեգլարյանի առաջ ու դուրս բերում հաջորդը... Բայց պարզվում է` քվեաթերթիկ չի, մետաղյա ձող է: §Էս իրեղեն ապացույցը ստեղ ի՞նչ գործ ունի¦, շշնջում է ինչ-որ մեկը, §անվավեր ա¦, ասում է մի ուրիշը... "Անվավեր չի, առարկում է ինքը: Ո՞ր քաղաքական ուժի նկատմամբ էր Մյասնիկ Մալխասյանը պատրաստվում կիրառել այս ձողը: Ուրեմն` ընտրողն իր քաղաքական կամքը հայտնել է": Ասում է ու ձողը նույնպես դնում Գագիկ Բեգլարյանի առաջ: Նորից է ձեռքը մտցնում տուփի մեջ, ու զգում է, որ մատներն ինչ-որ փափուկ բան են շոշափում: Ճակատը միանգամից պատվում է սառը քրտինքով: Դողացող ձայնով դիմում է ներկաներին. "Էս ականջը ստեղ ի՞նչ գործ ունի¦: Բոլորը միանգամից նայում են Ալրաղացի Լյովին: "Էս տեղամասում ժուռնալիստ չի էղել¦, վախեցած ձայնով ասում է նա: Ինքը զգուշորեն վեր է քաշում ականջը... "Կամաց, արա°, պոկիր ականջս¦, լսվում է քվեատուփի միջից, ու քվեաթերթերի տակից երեւում է ինչ-որ սափրագլուխ: §Դու ստե ի±նչ գործ ունես, արա", գոռում է Լյովը: "Շեֆ ջան, էն շուխուռի վախտ ինձ էլ հետը քցեցին էս յաշիկի մեջ, լավ ա բացիք", պատասխանում է սա...
Արթնանում է համաներման հանձնաժողովի նիստում
ՉԻ
ՀԱՅՏԱՐԱՐՈՒԹՅՈՒՆ
Երեւանի կենդանաբանական այգին աշխատանքի է հրավիրում էգ առյուծների` 5 տոկոս տոկոսադրույքով: Արթուրիկ չառաջարկել:
ՉԻ
ՔՅՈՀՆԱ ԿՏԱԿԱՐԱՆ
... Եվ Երուսաղեմում ընտրութիւն եղաւ, եւ բազում անօրինութիւններ, եւ յանցաւորները քաղաքի փողոցները ելան, եւ ամէնքը փախչում էին սորանց առաջին, եւ բնաւ մխիթարութիւն չունեին իրենց օրերումը: Եվ մէկ ձայնը հինգ դահեկանի էր ծախւում, եւ յանձնաժողօւի մէկ տեղը` հարիւր դահեկանի, եւ ով սորանց երկրպագութիւն չէր անում, սորանց վրայ բաց էին թողնում զԼֆիկն գէղագանգուր եւ զԼեւօնն Ալրաղացոյ: Եվ սորանց գործերը սեւ էին իրենց թեկնածուոյ պէս:
... Ապա եւ խաբեութիւն եղաւ Երուսաղեմի մէջ, զի խոստացեալ էր ¥Սէրժը¤ երեսուն արծաթ` ամէնայն օրինաց եւ դաշնակաց, բայց երբ ձայները ժողօւելու ժամը եկաւ, սորանց բնաւ երեսուն արծաթ չտվեց, այլ մէկին հինգ արծաթ, եւ միւսին` չորս ու կէս: Եվ ամէնքը, որ իմանում էին սորա մասին, իրենց մտքում ծիծաղում էին, թե §լաւ եղաւ ձեզ, զի ասուած է` մի° քցիր, որ չքցուես, եւ ամէնայն մէղք կներուի ձեզ, բայց դաւաճանութեան մէղքը բնաւ չի ներուիլ, զի ձեր ժողօւրդին դաւաճանեցիք¦:
... Եվ եղաւ, որ ընտրութիւնների օրը Երուսաղեմի մէջ Գալիլեայի կօղմերից մարդիկ կային, որոնց յունարեն ձեռագրերում դիտորդ են ասում: Եվ սորանք շրջում էին Երուսաղեմի փողոցներում, եւ պանդոկների մեջ համադամ կերակուրներ էին ուտում, եւ իշխանաւորները սորանց առաջին երկրպագութիւն էին անում եւ ընծաներ տալիս` եւ ոսկի, եւ կնդրուկ, եւ զմուռս, եւ սորանց աչքին հաճելի եղաւ: Եվ երբ սորանք ընթրիքի էին նստած, Գեթսեմանի այգիների կօղմից աղաղակներ լսուեցին, ապա մի մարդ մոտեցաւ սորանց, եւ խօսեց սորանց առաջին, եւ ասաց."Մի՞թե Գալիլեայի երկրում ազնիւ մարդ չկա, որ ահա Երուսաղեմ եկաք, եւ բաց աչքերով նայում եք, եւ ոչինչ չեք տեսնում": Սորանցից մէկն էլ պատասխանեց եւ ասաց. "Ճշմարիտ-ճշմարիտ եմ ասում` աջ աչքը չպիտի իմանայ, թե ինչ է տեսնում ձախը: Լաւ է, որ մարդու բերանը բաց լինի, քան աչքը, զի տեսնելու չկանչուեցինք, այլ ուտելու": Մի ուրիշն էլ, որ ծամեալ էր զքեաբաբն, խօսեց եւ ասաց. "Աղը շատ է, բայց Գալիլեայի չափանիշներին յամապատասխան է": Եվ ամէնքը իմացան, որ քեաբաբի յամար է ասում, եւ երես թեքեցին նորանցից, եւ մի կօղմ քաշուեցին:
Ամէն:
ՉԻ
ԳՈՎԱԶԴ
Դուք դեռ չե՞ք ծանոթացել հայկական ավանդական խոհանոցի հրաշալիքներին: Կերուսո°ւս: Հատուկ միջազգային դիտորդների համար:
ՉԻ
ԳԱՐՆԱՆ ՏԱՍՆՅՈԹ ԳԱՂՏՆԱԼՍՈՒՄ
Ստորեւ ներկայացվող հեռախոսազրույցն ակնհայտորեն տեղի է ունեցել մայիսի 31-ի ուշ երեկոյան` ընտրական տեղամասերը փակվելուց հետո: Զրուցակիցներից մեկն ըստ երեւույթին ընտրական հանձնաժողովի անդամ է եւ հեռախոսով զեկուցում է վերադասին քվեաթերթիկները հաշվելու գործընթացի մասին: Ցավոք, խոսակցությունից հնարավոր չէ պարզել, թե կոնկրետ որ քաղաքական ուժի ներկայացուցիչներն են զրուցակիցները, բայց ամեն դեպքում, ներկայացնում ենք զրույցի գաղտնալսումը ¥բնականաբար, մասնակի կրճատումներով¤ եւ հուսով ենք, որ այն հնարավորություն կտա որոշակի պատկերացում կազմել ընտրական պրոցեսների մասին: Եվ այսպես.
- Ալո°: Էս խի՞ չես զանգըմ, արա՛:
- Դե շեֆ ջան, հաշվելու թունդ մոմենտն ա, թեթեւ խառնված եմ:
- Ի՞նչ վիճակ ա:
- Հլը որ Բարգավաճի հետ հավասար էթում ենք:
- Առաջինը մենք ե՞նք, թե իրանք:
- Տո չէ, այ ախպեր, ի՞նչ առաջին տեղ, երկրորդ տեղի վրա ենք հավասար էթում:
- Պետք ա՞ մի 500 ձեն գրեֆ անեմ:
- Պետքը պետք ա, բայց ստեղ մի հատ մոմենտ կա: Հանձնաժողովի նախագահը էն խշշշ... խշշշ...-ից ա, մի տասը տոկոս ատկատ ա ուզում:
- Վայ ես դրանց խշշշ... խշշշ... Արա, ո՞վ ա էդ խշշշ... խշշշ...-ին հանձնաժողով դավերյա արել... Օրինաց ա, ինչ խշշշ... խշշշ... ա, դրանց էդքան չի հասնում
- Դե հիմա շեֆ ջան, ասում ա ինչքան լցեք, դրա տասը տոկոսով էլ մեր համար պտի լցեք:
- Էրկու հատ չափալախի, թող սուս մնա, ախպեր, ես տեր եմ:
- Եսի՞մ, ախպեր, մի ձեւի չի դզում: Էդ նույն ձեւ մեկի վրեն թքիմ, պարզվավ էդ հարիֆը դեսպան ա, ինչ խշշշ... խշշշ... ա, լավ չջոգիմ:
- Բա կառուսել չեք արե՞լ, արա: Մի կուբամետր փող ես վեկալել:
- Բա ո՞նց չենք արել, շեֆ, բա ինչի՞ հաշվին ենք երկրորդ տեղի վրա `էթում:
- Լավ, էդ հետո կխոսանք: Վոբշմ, պատրաստ էղի, հեսա մի 500 հատ ձեն եմ ուղարկում:
- Հա, շեֆ, բայց կարող ա՞ էն բանը դվիժենի անի... Անունը ինչ է՞ր... Էն որ երգում-մերգում են:
- Դաշնակնե՞րը: Տո չէ, այ ախպեր, նրանք մերոնքական են, արխային էղի:
- Եսի՞մ, ինչ-որ բաներ էր խոսում, ասում էր մոտենամ, բռնեմ...
- Չէ հա, դու պռոստը լավ չես ջոգել: Չի ասել մոտենամ-բռնեմ, ասել ա ըմբռնումով կմոտենամ:
- Էդ ո՞րն ա:
- Դե վռոձի, ախպեր, դուք ձեր գործը արեք, ես չտենալու կդնեմ:
- Կարող ա՞ ինքն էլ ատկատ ուզի:
- Չէ-հա: Եթե ուզի էլ, ասա վերեւներում էդ հարցը լուծված ա, դու ինչ ասում են` արա:
- Դե վոբշմ, սպասում եմ: Շեֆ ջան, բայց կարող ա՞ 500-ը քչություն անի:
- Չկա, ա՛յ ախպեր, կարող ա՞ գիտես բոյախանի կարաս ա: Տեղ կա` հազարով ենք ուղարկում, նենց որ` դու 500-ով յոլա գնա:
- Էղավ, դե սպասում եմ:
- Դե որ ակռուգլյատ ըլնեք, զանգի:
- Հարց չկա:
Կարծում ենք, այս գաղտնալսումը եւս մեկ անգամ ապացուցում է, որ մայիսի 31-ի ընտրությունները հերթական քայլն էին ժողովրդավարության զարգացման ճանապարհին:
ՉԻ
Chilly (08.06.2009), Kuk (07.06.2009), Yellow Raven (06.06.2009), Աբելյան (13.06.2009)
ԴԱՇՆԱԿԻ ՀՐԱԺԵՇՏԸ
Աշխարհիս մեջ ես էլ մե օր կանցնեմ հանդարտ ու կերթամ,
Ետ չեմ նայի, չեմ պահանջի ոչ մի մանդատ - ու կերթամ:
Ճգնաժամի պայմաններում ես էն գլխեն իմացա,
Որ չի դզում ուրիշ բիզնես. միայն Հայ Դատ - ու կերթամ:
Էն էլ, որ ես կոալիցիոն ախոռներում դիզեցի,
Քամուն կտամ... ինձ չեմ հաշվի երախտապարտ - ու կերթամ:
Ու Սերժիկի պատկերը վառ, դեմքը փափուկ ու անուշ,
Կմոռանամ... Կառնեմ մե շիշ "Ռուսսկի ստանդարտ" - ու կերթամ:
Չոռնիի պես անկա~պ մարդիկ, անանուն ու անամոթ,
Կբարիշեմ... Օբյեկտ կուզեմ մի էրկու հատ - ու կերթամ:
ՉԻ
ՕՐԵՆՔ ՀԱՆՐԱՅԻՆ ԽՈՐՀՐԴԻ ՄԱՍԻՆ
(ԼՐԱՄՇԱԿՎԱԾ)
Հաշվի առնելով Հայաստանում ստեղծված ներքաղաքական իրավիճակը, կարեւորելով հասարակության շարունակական առողջացման հրամայականը, ինչպես նաեւ առաջնորդվելով այն իրողությամբ, որ նորաստեղծ Հանրային խորհուրդը կարող է լրջագույն դերակատարում ստանձնել ազգանվեր այդ գործում, առաջարկում ենք անհապաղ օրենք ընդունել Հանրային խորհրդի մասին: Սույն օրենքի ընդունումը հնարավորություն կտա ոչ միայն կանոնակարգել այդ մարմնի գործունեությունը, այլեւ ապահովել վերջինիս կառուցողական դերը պետության կայացման եւ իշխանական համակարգի հետագա ամրապնդման գործում: Եվ այսպես.
Օրենք Հանրային խորհրդի մասին
(նախագիծ)
Հոդվ. 1. Հանրային խորհուրդը բազմակի օգտագործման կառուցողական մարմին է եւ ենթակա է օգտագործման բացառապես ՀՀ Նախագահի կողմից` շինիչ նկատառումներով:
Հոդվ. 2. Հանրային խորհրդի նախագահը Վագզեն Մանուկյանն է: Օրենքի սույն պահանջի կատարման անհնարինության դեպքում Հանրային խորհրդի նախագահ է նշանակվում մարդկանց նույնպիսի որակներով օժտված եւ ՀՀ Նախագահի կողմից առնվազն 1 (մեկ)անգամ "Իդիոտ" բնորոշման արժանացած այլ քաղաքական գործիչ:
Հոդվ. 3. Հանրային խորհուրդը քննարկում է հասարակական հնչեղություն ունեցող հարցեր եւ ընդունում որոշումներ` բացառապես ՀՀ նախագահի եւ (կամ) նրա անձնական վարորդի հաստատած օրակարգով:
Հոդվ. 4. ՀՀ Նախագահի աշխատակազմը պարտավոր է Հանրային խորհրդի կողմից ընդունվելիք որոշման նախագիծը խորհրդին ներկայացնել ոչ ուշ, քան որոշման ընդունումից 15 (տասնհինգ) րոպե առաջ:
Հոդվ. 5. Հանրային խորհրդի որոշման տեքստը ստանալուն պես սույն օրենքով նախատեսված Վազգեն Մանուկյանը պարտավոր է.
ա. Ոչ պակաս, քան 3 (երեք) անգամ համբուրել տեքստը,
բ. Ոչ պակաս, քան 5 (հինգ) անգամ բարձրաձայն ընթերցել "Հանրային խորհրդի նախագահ Վազգեն Մանուկյանին" նախադասությունը` առանց առաջին երկու բառերի,
գ. Կատարել օրենքով չարգելված այլ գործողություններ:
Հոդվ. 6. Սոս Սարգսյանը մտքեր է հայտնում:
Հոդվ. 7. Սույն օրենքի հոդվ. 6-ով նախատեսված գործառույթը չի կարող ազդել Հանրային խորհրդի գործունեության վրա եւ չի կարող օգտագործվել Հանրային խորհրդի վարկաբեկման նպատակով:
Հոդվ. 8. ՀՀ նախագահը եւ (կամ) նրա անձնական վարորդը պարտավոր են.
ա. Հանրային խորհրդի օգտագործումից հետո ապահովել դրա պատշաճ խնամքը` մինչեւ հաջորդ օգտագործումը.
բ. Ողջամիտ ժամկետներում վերացնել վերջին օգտագործման ընթացքում բացահայտված անսարքությունները,
գ. Միջոցներ տրամադրել` օգտագործման ընթացքում Հանրային խորհրդի անդամների խարխլված բարի համբավը վերականգնելու նպատակով,
դ. Վերջինիս անհնարինության դեպքում` տուժածներին որպես բարոյական փոխհատուցում վճարել նույնքան գումար:
Հոդվ. 9. Հասարակական վայրերում Հանրային խորհրդի անդամների հասցեին հնչած հայհոյանքների դեպքում որպես փոխհատուցում տրվող գումարն ավելանում է 10 տոկոսի չափով (յուրաքանչյուր դեպքի համար):
Հոդվ. 10. Հանրային խորհրդի անդամների կերակրումն ու խնամքն իրականացվում է ՀՀ բյուջեի հաշվին` "ՀՀ նախագահի մանր-մունր ծախսեր" հոդվածով նախատեսված գումարներից:
Հոդվ. 11. Հոդվածն ուժի մեջ է մտնում օգտագործման պահից եւ ուժը կորցրած է համարվում հանրային խորհրդի պիտանելիության ժամկետի ավարտից հետո:
Հուսով ենք, Ազգային ժողովը սույն օրինագիծը կընկալի որպես առաջնահերթ եւ կընդունի արագացված կարգով:
ՉԻ
Օդնոկլասսնիկի.բու -յում բազազը առանձիկ, անձնական խումբ ունի
murmushka (15.06.2009)
Այս պահին թեմայում են 1 հոգի. (0 անդամ և 1 հյուր)
Ձեր իրավունքները բաժնում
Մեջբերել
Էջանիշներ