«Հարգելի՛ գյուղացիներ, օրինակ դուք գիտե՞ք, որ կով կթելուց առաջ պետք է ձեռքերը լվանալ, դույլի վրա մառլյա գցել, կովի կուրծքը տաք ջրով լվանալ, փափուկ սրբիչով չորացնել։ Սրանք տարրական կանոններ են»,-հայտարարել էր Տիգրան Սարգսյանը։
Հարգելի կոշկակարներ, օրինակ դուք գիտե՞ք, որ կոշիկի տակը ամրացնելուց առաջ պետք է տակացուի մակերեսը սոսնձել, մուրճիկը պահող ձեռքին ռետինե ձեռնոց հագցնել, մեխը բերանը մտցնելուց առաջ սպիրտով մաքրել: Սրանք տարրական կանոններ են:
Հարգելի գերեզմանափորներ, օրինակ դուք գիտե՞ք, որ գերեզմանափոսը փորելուց առաջ պետք է շորերը փոխել, բահի բռնակը նախապես մաքրել, հանվող հողը կույտել մի տեղում, դագաղը իջեցնելիս գործել դանդաղ և համաչափ: Սրանք տարրական կանոններ են
Հարգելի մարմնավաճառներ, օրինակ դուք գիտե՞ք, որ հաճախորդի հետ բանակցելուց առաջ պետք է նրանից ՁԻԴՀ ի տեղեկանք պահանջել, ծանոթացնել պահպանակի օգտագործման գրավոր հրահանգներին, շնորհավորել հնարավոր հաճախորդի ազգային տոնը (Նովրուզ, Սենքսգիվինգ դեյ և այլն): Սրանք տարրական կանոններ են:
Հարգելի ոստիկաններ, օրինակ դուք գիտե՞ք, որ ցուցարարին քաշքշելուց առաջ պետք է ձեռնոցներ հագնել, ոստիկանական մահակին հիգիենիկ շապիկ հագցնել, նրանց բարի ժամանց ցանկանալ: Սրանք տարրական կանոններ են:
Հարգելի պատգամավորներ, օրինակ դուք գիտե՞ք, որ նիստի ժամանակ քուն մտնելուց առաջ պետք է ցնցուղ ընդունել, մաքրել ատամներն ու ականջի խոռոչները և բարձր “բարի գիշեր” մաղթել գործընկերներին: Սրանք տարրական կանոններ են:
Հարգելի վուլկանիզատորչիկներ, օրինակ դուք գիտե՞ք, որ մեքենայի անիվին դիպչելուց առաջ պետք է այն սրբել խոնավ շորի կտորով, իսկ զոդման ժամանակ հագնել 3d ակնոց: Սրանք տարրական կանոններ են:
Վիշապ-ի խոսքերից
Մեֆ, ահագին երկար ժամանակ լևոնասեր ավանգարդը շատ կներես, գլուխներս սղոցում էր, որ պետք է ակտիվ լինել, պետք է կրկնակի ակտիվ լինել, բլա բլա բլա... հիմա մարդը ակտիվ է, լևոնականներից էլ կրկնակի ակտիվ, հիմա դու վրեն կեղտ ես բռնում, ծիպա քաղբանտարկյալների մասին պահանջ չկաՈր «Լևոն նախագահ» գոռար, երևի բան չէիր ասի, չէ՞: Ապեր, հացադուլ անողից բան ես պահանջում, իսկ նույն ժամանակ տանը հանգիստ նստած չայ խմողից բան չե՞ս պահանջում: Ի՜նչ հետաքրքիր է:
Մեջբերել
Էջանիշներ