Քաղաքական հումոր

[Աբելյան]

ԹՌԻՉՔՆԵՐ ԵՐԱԶՈՒՄ ԵՎ ԱՐԹՄՆԻ

ՏԻԳՐԱՆ ՍԱՐԳՍՅԱՆԻ ԵՐԱԶԸ

Հայկական դրամը վերանվանվել է տիկո: Ընդ որում, թղթադրամի մի երեսին պատկերված է Տիգրան Սարգսյանը, մյուս երեսին` Իսպանիայում գտնվող նրա վիլլան: Տիկոյի փոխարժեքը դոլարի եւ եվրոյի նկատմամբ կես ժամը մեկ աճում է, եւ խնդրեմ` որպես հետեւանք, շրջանառության մեջ հայտնվել են կեղծ տիկոներ: Կեղծ թղթադրամների վրայի Տիգրան Սարգսյանը սափրված է: Մյուս կողմից էլ` բյուջեն 50 միլիարդ տիկո ճեղքվածք ունի: Ի՞նչ անել: Ուրիշ ճար չկա, պետք է կառավարության արտահերթ նիստ հրավիրել: Բայց այս ուշ ժամին որտեղի՞ց հավաքի կառավարության անդամներին: Հո չի՞ կարող հերթով բոլոր սաունաները մտնել: Բայց ինչ արած, այլ ելք չկա...

Ուշ երեկո: Կառավարության արտահերթ նիստ: Ինքը սկսում է ելույթը. "Պարոնա՛յք, ուրախ լո՛ւր: Տիկոյի փոխարժեքը աճո՛ւմ է (ծափահարություններ): Երկրի տնտեսությունը քայքայվո՛ւմ է (բուռն ծափահարություններ): Բայց... բայց... էն որ Կենտրոնական բանկի ոսկին բիրիքով ծախել էինք ու տեղը թղթադրամ վերցրել... մի խոսքով` ԿԲ պահուստները մուկ ա մտել... Իրար երեսի մի՛ նայեք, խոսքը իսկական մկան մասին է... Մի խոսքով` ՀՀ պահուստները կռծված են... Ի՞նչ անենք...":

Թարսի պես էլ, կողքի սենյակի աղմուկը խանգարում է: Վարդան Օսկանյանն է լսափողի մեջ գոռգոռում. "Ալո՛,ալո՛... Իլհա՛մ Հեյդարիչ, կներեք, որ ուշ ժամի եմ զանգում... ալո՛, բա՛ռըշնյա... ալո՛... ասում եմ` էն 97-ի պայմանագիրը բերեմ` ստորագրեք... ալո՛... ուր գնա՞մ... երեք տա՛ռ... երեւի ՄԱԿ-ը նկատի ունեք... ալո՛, ալո՛...":

"Էն Վարդանին ասեք` սուս մնա, դրա վախտը չի, նյարդայնանում է Սերժ Սարգսյանն ու շարունակում. ես առաջարկում եմ ԿԲ պահուստները կուտակենք պատրոնով": "Բենզինո՛վ, բենզինո՛վ", տեղից գոռում է Միշա Բաղդասարովը: "Պոնչիկը ավելի՛ կայուն տարադրամ է, գոռում է Հրանտ Վարդանյանը, ես նույնսկ փոխարժեքը կասեմ` մեկ տիկոն հավասար է երկու պոնչիկի":

"Պարոնա՛յք, դուք ինձ ճիշտ չհասկացաք, առարկում է ինքը: Ճեղքվա՛ծքը պետք է փակել... ի՞նչ եք անում... խոսքը բյուջեի՛ մասին է...":

Արթնանում է Արմենչիկի ընդունարանում:

Ապրիլի 1, 2005 թ.

[Աբելյան]

էս էլ ա լավը

[Kuk]

ՏԱՂ ՀՈՒՍԱՀԱՏԱԿԱՆ

Ցուրտ է, Սերժիկ… Խումբը Մինսկի
Հռնդում է չարակամ,
Արի՛ հանձնենք միանգամից,
Ինչ երազել ենք այնքան..

Ես Վոյին եմ,- բայց սիրում եմ
Պապլավոկում լսել ջազ,
Քեզ-յոթ շրջան եթե հանձնես-
Խոստացել են էժան գազ…

Ի՜նչ են ուզում սրանք մեզնից,
Քսանյոթի գործ, մարտի մեկ…
Ի՞նչ են փնտրում մեր անցյալի
Հուշերի մեջ սրտաբեկ…

Տրված է մեզ` երկուսիս էլ-
Ինչ կարող է բախտը տալ,
Սակայն ինչո՞ւ դո՛ւ էլ, ե՛ս էլ
Չենք կարենում թպրտալ…

Զո՛ւր է, Սերժիկ.- Փարվի՛ր կրծքիս,
Փարվի՛ր անհուշ ու անտենչ,
Բախտ չեն գտնի Սերժ ու Ռոբիկ,
Հաագայի բանտի մեջ…

ՉԻ

[Ուրվական]

Թարմ տեղեկություններ ԱՄՆ-ում վերջին ընտրություններից. Ջոն Մքքեյնի շտաբից հայտնում են, որ մոտավորապես 19.30-ի սահմաններում կուտակումներ են նկատվել Ինդիանապոլիսի արևմտյան հատվածի 124/47 տեղամասում: Սև Ռանջ Ռովեր մեքենաներով սև գույնի մաշկով հաստավիզ մարդիկ եղել են իրադարձությունների կենտրոնում: 587/71 տեղամասում խոսում են մասսայական լցոնումների մասին: Խոսում են, որ տաքսիստները, որոնք կարող էին զանգահարել ու քվեարկել, չեն զանագահարել, նրանց փոխարեն զանգահարել են այլ մարդիկ: Վախի մթնոլորտ է տիրել ամբողջ Վիրջինիա նահանգում:
Մքքեյնի շտաբը կոչ է անում բոլորին բոյկոտել ընտրությունները, որովհետև այն չի արտահայտում ամերիկյան ժողովրդի կամքը: Բոլորը դեպի Նյու-Յորքի Ազատության Արձան:
Աղբուր՝ CFFD
Մի քիչ դառն էր հումորը երևի...

[comet]

Իրական` վերջին ՏԻՄ ընտրություններից

Քաղաքական գովազդ
Ապրի մեր գործող քաղաքապետը: Շատ լավ քաղաքապետ է: Մեզ տուն չէր հասնում` տվեց........ տու, տու, տու

[Ֆրեյա]

Թարմ տեղեկություններ ԱՄՆ-ում վերջին ընտրություններից. Ջոն Մքքեյնի շտաբից հայտնում են, որ մոտավորապես 19.30-ի սահմաններում կուտակումներ են նկատվել Ինդիանապոլիսի արևմտյան հատվածի 124/47 տեղամասում: Սև Ռանջ Ռովեր մեքենաներով սև գույնի մաշկով հաստավիզ մարդիկ եղել են իրադարձությունների կենտրոնում: 587/71 տեղամասում խոսում են մասսայական լցոնումների մասին: Խոսում են, որ տաքսիստները, որոնք կարող էին զանգահարել ու քվեարկել, չեն զանագահարել, նրանց փոխարեն զանգահարել են այլ մարդիկ: Վախի մթնոլորտ է տիրել ամբողջ Վիրջինիա նահանգում:
Մքքեյնի շտաբը կոչ է անում բոլորին բոյկոտել ընտրությունները, որովհետև այն չի արտահայտում ամերիկյան ժողովրդի կամքը: Բոլորը դեպի Նյու-Յորքի Ազատության Արձան:
Աղբուր՝ CFFD
Մի քիչ դառն էր հումորը երևի...

Ես մի պահ մոռացել էի, թե ինչ թեմա եմ նայում, կարդացի ու մոտավորապես էս վիճակում էի

[Kuk]

ՀԵՐՔՈՒՄ

ՀՀ ոստիկանությունը պաշտոնապես հերքում է այն տեղեկությունները, թե իբր Սարգիս Հացպանյանը քրեական պատասխանատվության է ենթարկվելու` ժամանակից շուտ պետական գաղտնիք բացահայտելու մեղադրանքով:

[Kuk]

ԳԱՐՆԱՆ 17 ԳԱՂՏՆԱԼՍՈՒՄ

Զրույցը, որը կներկայացնենք ստորեւ, տեղի է ունեցել մարտի 1-ին, գաղտնալսվել է եւ ամենայն հավանականությամբ կկցվի հարուցված «մայր գործին»: Գաղտնալսված այս զրույցը գալիս է եւս մեկ անգամ ապացուցելու, որ ընդդիմությունը մարտի 1-ին հստակ ծրագրել էր միջազգային մութ ուժերի թելադրանքով կազմաքանդել Հայաստանը, եւ այդ գործի մեջ ներքաշել էր նաեւ երիտասարդությանը: Եվ այսպես, խոսում են աղջիկ եւ տղա, ընդ որում, ակնհայտորեն երկուսն էլ «նարնջագույն» փողերով ֆինանսավորվող երիտասարդական կազմակերպությունների ակտիվիստներ են:

- Ալո, կյա՞նք: Ո՞նց ես

- Լավ, դո՞ւ ոնց ես

- Յոլա: Լավ, շուշուտ ասեմ, էլի, րոպե չունեմ…

(Խոսակցության այս հատվածը ցույց է տալիս, որ զրուցակիցների համար յուրաքանչյուր րոպեն թանկ է):

- Իրիկունը յոթի կողմերը հանդիպե՞նք, ջիգյար

- Յոթին ուշ ա: Պապան չի թողում

(Ակնհայտ է, որ երիտասարդները կողմ են ժամ առաջ վճռական գործողությունների անցնելուն: Ընդ որում, «պապան», որն ըստ երեւույթին երիտասարդական կազմակերպությունների կուրատորն է, վերահսկում է նրանց բոլոր քայլերը):

- Բայց ուզում եմ անպայման հանդիպենք, Խոսալո՛ւ կա:

- Համ էլ գլուխս ա ցավում

- Դե մի հատ դեղ խմի, արի

(Այսպիսով, ակնհայտ է դառնում, որ մարտի 1-ի այսպես կոչված ակտիվիստներին կոչ էր արվում հանդիպման վայր հասնելուց առաջ դեղորայք օգտագործել):

- Լավ, բայց որտե՞ղ հանդիպենք

- Դե եսի՞մ: Օպերայի մոտ սաղ փակ է… Ուզում ե՞ս Կասկադի մոտ հանդիպենք:

- Տո լավ, ինչքան գեղցի կա, ընդեղ ա հավաքվում

(Ակնհայտորեն, զրուցակիցները տեղյակ են, որ մարզերից նույնպես մարդիկ են հավաքվել Երեւանի կենտրոնում` զանգվածային անկարգություններին մասնակցելու նպատակով):

- Դե որ տենց ա` արի հրապարակի մոտերքը մի տեղ հանդիպենք

- Ընկերուհուս էլ բերե՞մ

- Բեր, ես էլ ընկերոջս կբերեմ: Կարգին կտժժանք

(Այսպիսով, իբր «ինքնաբուխ» միջոցառումը վերածվում է զանգվածային ակցիայի, ընդ որում` նախապես հայտնի է, որ թեժ իրադարձություններ են սպասվում):

- Լավ, հիմա քանիսի՞ն ենք պայմանավորվում

- Դե եթե ժամը յոթին չես կարա… Լավ, բա ե՞րբ կարաս

- Հիմա

(«Հիմա» բառն այս դեպքում նշանաբանի դեր է կատարում եւ ըստ էության նպատակ ունի հոգեխանգարմունքի հասցնել շարժման ակտիվիստներին):

- Դե ուրեմն ես կամաց-կամաց քայլելով իջնեմ, մինչեւ դուք գաք:

- Էղավ, կզանգվենք:

- Բայ

(Այս վերջին արտահայտությունը երիտասարդական կազմակերպությունների արեւմտյան կողմնորոշման լավագույն ապացույցն է):

Կարծում ենք, նախաքննության մարմինը միջազգային կառույցների ուշադրությունը պետք է հրավիրի այս գաղտնալսման վրա եւ ստիպի համապատասխան եզրակացություններ անել:

ՉԻ

[Վիշապ]

ՖՈՒՏՈՒՐԻՍՏԱԿԱՆ ԲԱՑ ՆԱՄԱԿ ԲԱՐԱՔ ՕԲԱՄԱՅԻՆ
Սիրելի Բարաք

Չէինք ուզում անդրադառնալ այս կարեւոր հարցին, մտածելով, որ մի օր ինքդ ամեն ինչ կասես: Բայց Պիտեր Գաբրիելի (Պետրոս Գաբրիելյան) ազգուրացության համահայկական ակտը խիստ հուզել էր բոլորին, եւ կարծում ենք, անհրաժեշտ է կարեւորագույն հարցերն արդեն իսկ արծարծել եւ չսպասել քո երկրի կողմից հայոց ցեղասպանության ընդունմանը:

Պատմական Հայաստանի Կորճայք գավառից է սերում Օբամյանների բազմաչարչար տոհմը: Դեռեւս 7-րդ դարում արաբների ասպատակներից մազապուրծ Քանան Օբամյանը իր մեծ տոհմի հետ աճապարեց այն ուղղությամբ, որով եկել էին արաբները: Հաշվարկը ճիշտ էր` արաբների արաբական նժույգներից խույս տալը հեշտ չէր, իսկ արդեն անցած տեղով դրանք անցել-պրծել էին: Դժվար էր ճանապարհը դեպի հարավի անհայտ, տոթ եւ անջուր երկրները: Բայց Քանանն իր տոհմով համառորեն առաջ էր շարժվում, եւ հայտնի չէ որքան կշարժվեր, եթե Աֆրիկայի խորքում նրա ճանապարհը չփակեին տեղի վսեմաբաշ, օտարատյաց եւ վայրագ առյուծները: Քանանը լսելով, որ արաբներն այլեւս իրեն չեն հետապնդում, կանգ առավ, հաշվեց իր տոհմի անդամներին եւ սկսեց շենացնել տարածքը: Նա հիմնեց մի քաղաք, որ իր անունով կոչվեց Քանանակերտ, հողին հանձնեց Արարատի ստորոտից բերած եգիպտացորենի եւ բրնձի սերմերը, սոյա աճեցրեց, եւ ծիրանի այգիներ տնկեց, որոնք հետո վերածվեցին քաղցրապտուղ արմավենիների:

Քանանն ու իր որդիներն արեւի տակ աշխատում էին օրնիբուն: Որքան աշխատում էին, այնքան ավելի էին թխանում արեւից: Աշխատում էին-թխանում, թխանում էին-աշխատում, մինչեւ ազգային ինքնագիտակցության կորուստը: Քանանակերտը սակայն այդ ընթացքում ավերվեց երկրաշարժերից եւ օտար նվաճողների անվերջ ասպատակություններից: Նվաճողները չէին կարողանում արտասանել Քանանակերտ բառը, բացի դրանից, արշավանքներից մեկի ժամանակ նրանց հաջողվում է իրենց կողմը թեքել Քանանի քենուն, որը դավադրաբար բացում է դարպասները: Այդ դարպասներից նվաճողները ներխուժեցին «էս ում քենին ա, էս ում քենին ա» կոչերով, եւ երկիրն այդպիսով կոչվեց Քենիա:

Սիրելի Բարաք

Մենք համոզված ենք, որ դու վերջապես կիրականացնես մեր ազգային բոլոր իղձերը. Կճանաչես ցեղասպանությունը, արդարացի կլուծես Ղարաբաղի հարցը, Արարատ սարը կտաս մեզ, կբացես հայ-թուրքական սահմանն առանց նախապայմանների, կբարձրացնես դոլարի փոխարժեքն ու պառլամենտի դերը, կէժանացնես հայերի մուտքի վիզան Ամերիկա, Գլենդեյլը կսարքես մայրաքաղաք, իսկ Ստամբուլը` արյան ծով, Ամերիկայում բրենդ կսարքես հայկական այծի պանիրը, թթուն ու ծիծակը, առաջին աշխատավարձդ կփոխանցես Հայաստան համահայկական հիմնադրամի թելեթոնին, Սպիտակ տան բակում կկանգնացնես հայկական խաչքար, Ռուզվելտ ավիակիրը կվերանվանես Կիլիկիա եւ պատվավոր նավապետ կնշանակես Զորի Բալայանին… սկզբի համար բավական է, մինչեւ ԵԽԽՎ նստաշրջանը:

Սիրելի Բարաք

Որպես քո պատմական ազգակիցներ` շնորհավորում ենք նախագահ ընտրվելու կապակցությամբ: Մեզ էլ ավել-պակաս կներես: Կերեւանք:

ՄԻ ԽՈՒՄԲ ԱՆՈՒՂՂԵԼԻ ՖՈՒՏՈՒՐԻՍՏՆԵՐ

[Kuk]

ՀԱՅԱՍՏԱՆԸ ԵՐԳԵՐԻ ՄԵՋ


Մի պետական հեղաշրջում,
Մի համեստ Սերժ ու մի Ռոբիկ,
Քաղաքական ինտրիգներում
Մի Երկրապահ ոտաբոբիկ,
ԺԷԿ-ի կեղծված մի տեղեկանք,
Մի ծիծեռնակ ու մի Կուկու,
Մի տուռնիկից կախված վիզկապ,
Մի սամասուդ Պապլավոկում,
Կանաչ քուղով մի ավտոմատ`
Նաիրիի ձեռքերի մեջ,
Այսպիսին է Հայաստանը
Մեր հինավուրց երգերի մեջ:

Մի նախագահ` ընտրակեղծված,
Ժողովրդի արդար ցասում,
Մի բյուջեի հսկա ճեղքվածք`
Տանուլ տրված Լաս-Վեգասում,
Մի հարկային դաժան տեռոր,
Մի բարձրացում մաքսատուրքի,
Մի մոսկովյան հռչակագիր,
Յոթ շրջաններ` տրված թուրքին,
Մի ժամկետանց չերյոմուխա`
Մարտի մեկի վերքերի մեջ,
Այսպիսին է Հայաստանը
Մեր նորօրյա երգերի մեջ:

Մի երկամսյա դադարի վերջ,
Համազգային հուժկու շարժում,
Քաղաքական պայքարի մեջ
Երկխոսության կտրուկ մերժում,
Մի արտահերթ ընտրություններ,
Մի Սերժիկի հրաժարական,
Էմ-Վե-Դեի դաչաներում
Մի Ռոբիկի ողբ ու կական,
Վանդակաճաղ մի լուսամուտ`
Մայրամուտի ներկերի մեջ,
Այսպիսին է Քոչարյանը
Դեռ չգրված երգերի մեջ:

ՉԻ

[Kuk]

ԹՌԻՉՔՆԵՐ ԵՐԱԶՈՒՄ ԵՎ ԱՐԹՄՆԻ

ՌՈԲԵՐՏ ՔՈՉԱՐՅԱՆԻ ԵՐԱԶԸ

Ինքը, առանձնատան սպորտդահլիճի տուռնիկից կախված, փորձում է ինչ-որ վարժություններ անել, բայց չի ստացվում: «Էդ ի՞նչ ես անում, այ մարդ», մտահոգ դեմքով հարցնում է Բելլան: «Հեչ, ուզում եմ պադյոմ-պերեվառոտ անեմ, չի ստացվում, ավելի ճիշտ` պադյոմը ստացվում է, պերեվառոտը չի ստացվում», տնքում է ինքը ու իջնում տուռնիկից… Այդ պահին դուռը ծեծում են: «Երեւի թոշակս են բերել», մտածում է ինքը ու բացում դուռը: Պարզվում է` թոշակը չի: Ինչ-որ մեկը լուռ իրեն է մեկնում մի հրավիրատոմս ու անմիջապես անհետանում: Ինքը դողացող ձեռքերով բացում է հրավիրատոմսն ու կարդում. «հրավիրում ենք ձեզ ընտանյոք հանդերձ մասնակցել Հովիկ Աբրահամյանի պսակադրության արարողությանը»: «Հա, բայց ո՞վ ա տեսել մարդը մենակով ամուսնանա», մտածում է ինքը ու բարձրաձայն կանչում. «Վիզկապս բերեք, հարսանիք ենք գնում…»:

Հարսանիքը հենց փողոցում է, բրեզետե մեծ վրանի տակ: Պատին գորգ է ամրացված, վրան բամբակներով գրած «երջանկություն նորապսակին»: Տակը նստած է Հովիկ Աբրահամյանը` հպարտ մենության մեջ, փայլող դեմքով, սանրվածքը թարմացրած… Ինչ-որ ջահել աղջիկներ հյուրերին փոքրիկ շոկոլադե արձանիկներ են բաժանում` Տիգրան Թորոսյանի տեսքով: «Էդ ի՞նչ ա», զարմացած հարցնում է ինքը: «Վերցրեք, վերցրեք, սրանք թորոսիկներ են», պատասխանում են աղջիկները…

Հարսանիքը սկսվում է: Բոլորի տրամադրությունը հրաշալի է, բացի Սերժ Սարգսյանից: Սա մռայլ դեմքով նստել է սեղանի անկյունում ու ձայն չի հանում: Բայց բոլորի քեֆն արդեն լավ է: Արմենչիկը ժամանակ առ ժամանակ գոռում է «գոր-կա՛, գոր-կա՛», ապա սկսում համբուրել կողքի նստածներին, Վահան Հովհաննիսյանը պարբերաբար կրակում է առաստաղին, ապա, սեղանի հակառակ ծայրին կլոր ու սպիտակ մի բան տեսնելով` գոռում. «Էս չհասկացա, տորթը մի տեղ եք դրե՞լ»: «Էդ տորթ չի, Նալբանդյան Էդիկն ա», կամացուկ նրա ականջին շշնջում է մատուցողուհին…

Սկսում են պարել: Վարդան Օսկանյանը, լեզգինկա պարելով, մոտենում է իրեն ու պարի հրավիրում: «Պրո-սի՛մ, պրո-սի՛մ», գոռում են դաշնակները ու նույնպես հրավիրում: «Ազգովի խնդրում ենք», կոտրատվում է Արմենչիկը: «Բացի ինձնից», քթի տակ փնթփնթում է Սերժը ու ավելի մռայլվում, բայց Վահան Հովհաննիսյանը, շամպայնի շիշը նռնակի պես բռնած, սպառնալից քայլերով մոտենում է նրան ու ատամների արանքից ասում. «Սուս մնա, թե չէ էս մեր մտահոգությունները կփոխանցեմ քեզ…»:

Արթնանում է հանրային քննարկումների շրջանակներում:


www.chi.am

[Kuk]

ԱՍՏՂԱԳՈՒՇԱԿ



Սերժ Սարգսյան - Կենդանակերպի նշանը` Սաշիկ:

Այս համաստեղության տակ ծնվածների համար շաբաթը լի է անկանխատեսելի իրադարձություններով:

Երկուշաբթի օրը կհայտարարեք, որ ճգնաժամից դուրս գալու բանալին թթու խիյարն է, իսկ հայկական այծի պանիրը պետք է ունենա միջազգային բրենդ եւ համապատասխան պիտակ:

Երեքշաբթի օրը դիզայներները համապատասխան պիտակը կներկայացնեն: Տիգրան Թորոսյանը կդիմի դատարան:

Չորեքշաբթին ծանր օր է: Համանախագահները կժամանեն տարածաշրջան: Հիվանդ ձեւացեք եւ տնից դուրս չգաք: Անհրաժեշտության դեպքում մտեք մահճակալի տակ:

Հինգշաբթին բարեհաջող օր է: Երկու անգամ վրա-վրա` ֆլեշ-քենտ: Օրը կավարտեք պլյուսով:

Ուրբաթ օրը աշխատավայրում հնարավոր են ընտանեկան անախորժություններ: Փեսուց ո՞վ ա խեր տեսել:

Շաբաթը եւ կիրակին անցկացրեք զբոսաշրջության որեւէ ապագա կենտրոնում: Եվ հիշեք` աստղերը հուշում են, բայց պլյուսով դուրս գալը չեն երաշխավորում:

ՉԻ

[Norton]

ՀԱՄԱՇԽԱՐՀԱՅԻՆ ՃԳՆԱԺԱՄԻՆ ԸՆԴԱՌԱՋ

Մշուշի միջից` տեսիլ դյութական«
Հառնում է կրկին քյալամի թթուն,
Ո՞ր երկրում այծի պանիր կա այսքան:
Ու ծիրանի ջեմ` ո՞ր երկրի սրտում:

Որտեղ է դառնում այսպես հեշտորեն
Միջազգային բրենդ` Գորիսի լոբին,
Որտե՞ղ է Սերժիկն այսպես մեղմորեն
Ջրաչափ դնում "Բջնիի" տռուբին:

Որտե՞ղ է Ռոբը տուռնիկից կախվում
Ու սերֆինգ քշում վիզկապը հագին,
Որտե՞ղ է Սերժիկն այսքան ընչազուրկ,
Փեսու բիզնեսը` այսքան կաթոգին:

Մշուշի միջից` տեսիլ դյութական,
Հառնում է կրկին խիյարի թթուն,
Ո՞ր երկրում այծի պանիր կա այսքան,
Ու այսքան խիյար` ո՞ր պառլամենտում:

լավնա

[Kuk]

ԳԱՐՆԱՆ ՏԱՍՆՅՈԹ ԳԱՂՏՆԱԼՍՈՒՄ

Ստորեւ ներկայացվող հեռախոսային խոսակցության գաղտնալսումն իրականացվել է ս.թ. մարտի 1-ին: Զրուցում են ընդդիմության երկու այսպես կոչված «լիդերներ»: Ցավոք, ձայնագրության իսկության մասին առայժմ փորձագիտական եզրակացություն չկա, եւ հնարավոր չէ պարզել` ձայնագրությունն իրակա՞ն է, թե կեղծ, սակայն նախաքննության մարմինն ըստ երեւույթին այս ձայնագրությունը նույնպես կկցի գործին, ինչի շնորհիվ կապացուցվի, որ զանգվածային անկարգություններն իրականում ոչ թե ինքնաբուխ են եղել, այլ կազմակերպվել եւ ղեկավարվել են մի կենտրոնից: Եվ այսպես.

- Ալո՛, ի՞նչ կա-չկա, շեֆ:

- Ամեն ինչ լավ ա:

- Քանի՞ հոգու ես ուղարկել օրենքի խախտմամբ կազմակերպված ապօրինի զանգվածային միջոցառմանը մասնակցելու:

- Դե ոնց որ պայմանավորվել էինք, ես մեր շտաբի տղերքի հետ նախապես հանցավոր համաձայնության եմ եկել, որ ամեն ենթաշտաբ պիտի մի 100-150 հոգի բերի:

- Ապրես, ապրես Իսկ հիմա դեպքի վայրում ե՞ս:

- Հա: Էս պահին բռնություններով զուգորդված զանգվածային անկարգություններն եմ կազմակերպում:

- Հիմա տեղ ի՞նչ վիճակ ա:

- Զանգվածային անկարգությունները մեր կողմից հստակ ուղղորդվում են, փորձում ենք ոստիկանության հետ բախումներ հրահրել, սպասում ենք, մինչեւ կենտրոնական շտաբից մեկը գա ու իշխանությունը բռնությամբ զավթելու կոչեր անի:

- Լավ ա, լավ: Ես էլ հիմա պարզեմ, թե էս ընթացքում դրսի մութ ուժերը պետականության հիմքերը խարխլելու նպատակով ինչքան են փող փոխանցել, հետո լրացուցիչ հանցավոր խմբեր կուղարկեմ:

- Հա, բայց աշխատի, որ զինված լինեն մետաղյա ձողերով, դյուրավառ հեղուկներով լի շշերով եւ մարմնական վնասվածքներ հասցնելու համար հարմարեցված այլ կոնստրուկցիաներով:

- Անպայման: Իսկ հանրային ունեցվածքի թալանի եւ շատերի կյանքի համար վտանգավոր եղանակով հրկիզման աշխատանքների ընթա՞ցքը ոնց ա:

- Լիովին վերահսկում ենք: Էդ գործը հանձնարարել ենք մարզերից ժամանած հանցավոր տարրերին: Բա հիմա դու չես գալի՞ս:

- Մի քիչ հետո կգամ: Դուք տեղ մի քիչ սահմանադրական կարգը բռնութամբ տապալելու կոչեր արեք, մինչեւ ես իրեղեն ապացույց հանդիսացող մետաղյա ձողս վերցնեմ, գամ:

- Էղավ, լավ: Դե սպասում ենք:

- Հաջող:

Կարծում ենք, այս գաղտնալսումը լույս է սփռում մարտի 1-ի դեպքերի հետ կապված բազմաթիվ մութ հարցերի վրա: Ափսոս միայն, որ որոշ տեղեկությունների համաձայն, այս գաղտնալսման ձայնագրության բնօրինակը չի պահպանվել: Փոխարենը` ոստիկանության մի քանի աշխատակիցներ պատրաստ են դատարանում վկայություն տալ, որ ժամանակին անձամբ են լսել այդ ձայնագրությունը: Հուսով ենք, դատարանն արժանահավատ կհամարի նրանց վկայությունները եւ համապատասխան եզրակացություններ կանի:

ՉԻ

[Վիշապ]

ՔՅՈՀՆԱ ԿՏԱԿԱՐԱՆ


... Եվ ելաւ (Սէրժը), եւ Արեւելքի կօղմերը գնաց, զի լսել էր, թե իր հարիւրապէտերը եւ զորաւարները չարութեամբ լցուեցին եւ իր վերակացուի դեմ ելան։ Եվ խօսեց (Սէրժը) նորանց առաջին, եւ քարոզում էր, եւ ասում. «Անհաւատներ, ինչո՞ւ Բակօյի դեմ ելաք, մի՞թե չեք իմացել, որ առանց իմ կամքի նրա գլխից մեկ մազ իսկ չի պակասի, եւ ով ինձ ծառայի եւ ժողօւարանի նախագահ դառնայ, նորա գլխի մազերն աւելանան։ Ճշմարիտ-ճշմարիտ եմ ասում` մեկ կանգուն հող իսկ չեմ զիջի իմ օրերումը, այլ միայն կփոխզիջեմ»։ Հարիւրապէտերն էլ պատասխան տուեցին եւ ասացին. «Ապա ինչո՞ւ ստորագրեալ ես զսկզբունքըն մադրիդեան։ Չկա ծածուկ բան, որ յայտնի չդառնայ»։

... Այնժամ Սէրժը խոսեց եւ ասաց. «Մադրիդյան սկզբունքը նման է այն սերմին, որ սերմնացանը ելաւ եւ ցանեց։ Եվ սերմերից մի քանիսը ճամփի մօտ ընկան, եւ երկնքի հաւքերը եկան եւ կերան։ Եվ ուրիշները ապառաժների մեջ ընկան եւ բնաւ չաճեցին։ Եվ ուրիշները փշերի մեջ ընկան, եւ փշերը խեղդեցին նորանց։ Բայց մի քանիսը պարարտ հողի մեջ ընկան եւ պտուղներ տուեցին իրենց օրերումը։ Ով ականջ ունի, թող լսի»։ Եվ հարիւրապէտերը խնդրեցին, որ Սէրժը մեկնի առակը։ Սա էլ խօսեց եւ ասաց. «Երկնքի հաւքերը ազնիւ զինուորներն են, որ բնաւ չարութիւն չունեն իրենց սրտերում, բայց կեղծ հայրենասիրութեան կուտը միշտ ուտում են։ Ապառաժները դաշնակներն են, որ այնքան գոռացին «ոչ մի թիզ հող», որ Հրեաստանն առանց հող մնաց։ Տատասկը Ռօբն է, որ ամենայն բարի սերմ խեղդում է։ Եվ պարարտը յանրապետականներն են, զի իրենց պարարտութիւնից զատ ուրիշ մտահօգութիւն չունեն, եւ եթե Երուսաղեմն էլ երեք դահեկանի ծախեմ, բնաւ չեն դժգոհի»

... Եվ եղաւ, որ երկնքից երեք ձայն լսուեց, եւ որոտի պես էր, եւ ձայնն ասաց. «Սէրժի՛կ, ո՞ւր է Իլհամը` օրթախը քո»։ Սա էլ պատասխանեց եւ ասաց «Մի՞թե ես իմ օրթախի յուշարարն եմ»։ Ամէն։