Քաղաքական հումոր

[Ambrosine]

ԳԱՐՆԱՆ 17 ԳԱՂՏՆԱԼՍՈՒՄ

Ստորև ներկայացվող հեռախոսային խոսակցությունն ամենայն հավանականությամբ տեղի է ունեցել մարտի 1-ի ուշ երեկոյան: Զրուցակիցներն ակնհայտորեն բարձրաստիճան ոստիկաններ են, որոնք, սակայն, այդ պահին զբաղված են եղել ոչ թե հասարակական կարգի պահպանմամբ, այլ ինչ-որ հատուկ առաջադրանքով: Ստորեւ ներկայացվող գաղտնալսման տեքստում, ինչպես միշտ, անպարկեշտ արտահայտություները փոխարինում ենք խշշոցով: Եվ այսպես.

- Ալո՛, շեֆ, ամեն ինչ նորմալ ա՞:

- Իմ մոտ նորմալ ա, աչքիս քո մո՛տ նորմալ չի Ո՞ւր են քար շպրտողները:

- Էդ գործը չորրորդ զվոդին ա հանձնարարված, սաղ չոտկի իրանց տեղը կանգնած` շպրտում են

- Բա խի՞ են ուղիղ գծով շարված Զռռում ա, թող մի քիչ խառը կանգնեն:

- Դե հիմա շեֆ ջան… Ոնց որ տրինիրովկի վախտ արել են, հիմա նույն ձեւով են անում: Համ էլ` օպերատորին հարմար ա տենց նկարելը

- Լավ, էդ օպերատորին ուղարկի, իմոնք արդեն պիտի ձող-բան բաժանեն:

- Չեմ կարա, շեֆ ջան: Էն… խշշշ… խշշշ…-ը տելեվիզրով ասել ա ցուցարարները ավտոյի հետեւից դուրս են գալիս, կրակում ոստիկանության վրա, նորից մտնում ավտոյի հետեւը: Հիմա պիտի տենց մի հատ կադր նկարենք, բայց ոնց որ չի կպնում…

- Լավ, դե գոնե խանութների օպերացիան սկսենք, ինչի՞ եք ուշացնում:

- Ասեցին մի տասը րոպե ոտներդ կախ քցեք, էն թանկանոց ապրանքները հլը չեն դատարկել:

- Այ ախպեր, դրա վախտը չի, ստեղ էն խշշ… խշշշ…-ի ճակատագիրն ա որոշվում, ինչի՞ հետեւից եք ընկել: Խանութների օպերացիայի պատասխանատուն ո՞ր զվոդն ա

- Չեմ իմանում, բայց ոնց որ լավ պատրաստված են: Ե՞րբ եք սկսում կրակել-մրակելը

- Չորս-հինգ րոպեից: Թող մի քիչ էլ քար-մար շպրտեն, հետո: Բայց մեզ ասել են օդ կկրակեք:

- Զգույշ էղեք, կռիշներում մերոնցից մարդիկ կան

- Հա, գիտեմ: Ախպեր, իրանք որ մեզ չխփեն, մենք իրանց չենք խփի: Մի քիչ հետո… (պայթյունի եւ կրակոցների ձայներ են լսվում):

- Էդ ի՞նչ կրակոցներ են: Ձեր մոտ ցուցարարներ կա՞ն

- Տո չէ, այ ախպեր ստե մենակ մենք ենք:

- Բա խի՞ եք կրակում

- Տո ես շատ գիտեմ, էն… խշշշ-խշշշ…-ը տելեվիզրով ասել ա ոստիկանության շրջանում կան վիրավորներ, դե հիմա պտի մի ձեւ տակից դուրս գանք… (նորից կրակոցներ են լսվում):

- Լավ, ոչ մի բան չի լսվում, հետո կխոսանք:

Կարծում ենք, այս երկխոսությունը որոշ լույս կսփռի մարտի 1-ի իրադարձությունների վրա:


Չի

Էս քաղաքական անեկդոտ չէր, քաղաքական ողբերգություն էր

[Մեղապարտ]

Հերթական միտինգից հետո ԼՏՊ-ն բարձրաձայն ինքն իր հետ խոպսելով մտնում է սենյակ, որտեղ ԼՏՊ-ի միտինգն են վերլուծում Ռ.Ք.-ն և Ս.Ս.-ն , ԼՏՊ առանց նրաց վրա ուշադրություն դարձնելու խոսելով անցնում է կողքի սենյակ ,իր հետևից շրխկացնելով դուռը:
Ռ.Ք.-ն նայում է Ս.Ս-ին և շատ մտահոգ ասում է , «լրիվ ծըռքից գնացալա»:

[Kuk]

Հերթական միտինգից հետո ԼՏՊ-ն բարձրաձայն ինքն իր հետ խոպսելով մտնում է սենյակ, որտեղ ԼՏՊ-ի միտինգն են վերլուծում Ռ.Ք.-ն և Ս.Ս.-ն , ԼՏՊ առանց նրաց վրա ուշադրություն դարձնելու խոսելով անցնում է կողքի սենյակ ,իր հետևից շրխկացնելով դուռը:
Ռ.Ք.-ն նայում է Ս.Ս-ին և շատ մտահոգ ասում է , «լրիվ ծըռքից գնացալա»:

Վանական ջան, եթե դեմ չես, մի երկու տառ փոխեմ հա՞
«լռիվ ծըռքից գնա՛ցալա»:

[Ռեդ]

Սյունիքի մարզը պետք է լիցքաթափվի, իսկ Քաջարանը՝ մաքսազերծվի

[Kuk]

Տաղ ինքնակենսագրական


Երբ էս հին պաշտոնը ստացա ես զորքով, մենթով, սպեցնազով,
«Ի՞նչ պիտի անե աշխարհում էս անմիտ-անճարը», ասին:

Սակայն երբ մարտյան դեպքերի մոնտաժված կադրերը տեսան,
«Համարիր` Կոշի գաղութում պատրա՛ստ է քո նառը», ասին:

Բայց գլխիս գալիքն աչքիս դեմ` ուզեցի թռնել Լաս-Վեգաս,
«Մտքիդ մեջ միայն կազինո, ռուլետկա, ղումար է», ասին:

Եվ սրտիս ցավից հուսահատ` ես քիթըս մի բան քաշեցի,
«Երեւի էս վերջի պարտիան ստուգելու համար էր», ասին:

Ասի թե` մարդ եք ախար դուք, չե՞ք տեսնում մարմինըս ծվատ,
«Մարդկային մարմին չտեսանք, կամ խոճկոր, կամ գառ է», ասին:

Խնդացին, քրքջացին միայն, որ այսպես մնացել եմ մերկ,
«Իսկական տանիքըդ` բերդի պատերի կամարն է», ասին:

Չի

[dvgray]

Հայկական Կատագերգություն

Էջմիածնի քաղաքապետի ընտրություններում ԱԺ պատգամավոր, գեներալ Սեյրան Սարոյանը պաշտպանում էր ներկայումս իշխանության բարեհաճությունից զրկված գեներալ Մանվել Գրիգորյանի որդու՝ Կարենի թեկնածությունը: Եվ երբ ամեն ինչ Կարենի համար բարեհաջող վերջացավ, Մանվելն ու Սեյրանը իրենց համատեղ հաջողությունը նշեցին հայ գեներալիտետին ներհատուկ ոճով:
http://new.aravot.am/am/articles/politics/0/view/all

[Ձայնալար]

Մոդերատորական: Թեման «քաղաքական անեկդոտներից» վերանվանվել է «քաղաքական հումորի», քանի որ թեմայում տեղադրվող նյութերի մեծ մասը թեև հումորային են, բայց անեկդոտներ չեն:

[Kuk]

ԳԱՐՆԱՆ 17 ԳԱՂՏՆԱԼՍՈՒՄ

Ստորեւ ներկայացվող գաղտնալսումն արվել է փետրվարի 19-ից հետո կազմակերպված շուրջօրյա հանրահավաքներից մեկի ժամանակ` փետրվարի 20-29-ը ընկած ժամանակահատվածում: Այս բացահայտումը ի չիք է դարձնում ընդդիմության բոլոր այն պնդումները, թե իբր զանգվածային միջոցառումները եղել են ինքնաբուխ, եւ ապացուցում է, որ իսկապես գոյություն է ունեցել զինված հեղաշրջման ծրագիր, որը ղեկավարվել է մի կենտրոնից: Խոսակցությունը տեղի է ունենում ընդդիմության ակտիվիստներից մեկի եւ նրա դպրոցահասակ երեխայի միջեւ:

- Ալո, պապա՞:

- Հա, բալիկ ջան:

- Որտե՞ղ ես:

- Միտինգում:

(Խոսակցության այս հատվածն ապացուցում է, որ հանրահավաքի կազմակերպիչները նախապես հստակ տեղեկացված են եղել միմյանց տեղաբաշխման մասին):

- Բա ե՞րբ ես տուն գալու:

- Չգիտեմ, սպասում եմ Լեւոն Տեր-Պետրոսյանի ելույթին:

(Ակնհայտ է, որ հեղաշրջման ճշգրիտ պահը կախված էր Տեր-Պետրոսյանի ելույթից):

- Ուզում եմ ես էլ գամ:

- Չէ, մի արի, տրանսպորտ չկա

(Այս հատվածն ապացուցում է, որ տրոլեյբուսի զավթումը եւ դրանցով բարիկադներ կառուցելը նախապես պլանավորված ակցիայի մի մասն է եղել):

- Դե գոնե արի տուն, հաց կեր, նորից գնա

(Սա հերթական ապացույցն է այն իրողության, որ «ինքնաբուխ հանրահավաքի» մասնակիցների սնվելու խնդիրը միշտ ուշադրության կենտրոնում է եղել):

- Սոված չեմ: Դու ավելի լավ ա դասերդ սովորի

(Խոսակցության այս հատվածից պարզ է դառնում, որ շարժման անդամների միջեւ հստակ դերաբաշխում է եղել, եւ յուրաքանչյուրը պարտավոր էր, այսպես ասած, «սովորել իր դասերը»):

- Սովորել եմ

- Էսօր ի՞նչ ես ստացել:

- Չորս:

(Սա ակնհայտորեն կոդավորված խոսակցություն է: Ըստ երեւույթին խոսքն այն մասին է, որ ցուցարարները պետք է գրոհով վերցնեն միանգամից չորս պետական հաստատություններ):

- Բա հիմա ի՞նչ ես անում:

- Տելեվիզր եմ նայում:

(Ուղղակի ակնարկ այն մասին, որ այդ չորս հաստատություններից մեկը պիտի լինի հեռուստաաշտարակը):

- Հա, դե լավ, նայի ու հանգիստ քնի, ես կարող ա ուշ գամ:

- Մաման ասում ա որ շուտ գաս, մի քիչ կարտոշկա ու գազար կբերես:

(«Կարտոշկա» ասելով` զրուցակիցներն ակնհայտորեն նռնակները նկատի ունեն, իսկ «գազարը» կամ փամփուշտներն են, կամ հատուկ հարմարեցված սրածայր ձողերը):

- Էղավ դե լավ, բարի գիշեր

- Բարի գիշեր

Եվ այսպիսի աղաղակող փաստերի առկայությամբ ընդդիմությունը դեռ համարձակվում է պնդել, թե իբր զինված հեղաշրջման ծրագիր չի ունեցել, իսկ այս մարդիկ իրենք իրենց քաղբանտարկյալներ են անվանում: Կարծում ենք` հատուկ քննչական խումբն իր տրամադրության տակ այսօրինակ ուրիշ փաստեր էլ ունի եւ կներկայացնի դատարանում` պատռելով «գունավոր հեղափոխականների» հրեշավոր դիմակը:

ՉԻ

[Kuk]

ՀԵՐՔՈՒՄ

ՀՀԿ գրասենյակից հերքել են տեղեկությունները, թե իբր Գալուստ Սահակյանն ընտրություններից առաջ թեկնածուներից գումար է շորթում` հակառակ դեպքում սպառնալով հրապարակավ սատարել նրանց:

[Kuk]

ԱՍՏՂԱԳՈՒՇԱԿ



Տիգրան Սարգսյան - Կենդանակերպի նշանը` Թրաշամանուկ:

Այս համաստեղության տակ ծնվածների համար շաբաթը լի է ֆինանսատնտեսական իրադարձություններով:

Երկուշաբթի օրը կհայտարարեք, որ Հայաստանում ճգնաժամ չկա, եւ դա ապացուցվում է ձեր անձնական փորձով:

Երեքշաբթին բարեհաջող օր է: Կոնդոլիզա Ռայսից ծանրոց կստանաք, տաք գուլպաներ, չորս հատ մոմ, ձկան պահածո եւ 20 դոլար:

Չորեքշաբթի օրը կհայտարարեք, որ ճգնաժամի դեմ պայքարի լավագույն ձեւը ճգնաժամի մասին չխոսելն է, իսկ հիմնական մեղավորը մամուլն է (դեղին), Ներսեսը (Շնորհալին) եւ շուկան (Մալաթիայի):

Հինգշաբթին բարեհաջող օր է: Կհայտարարեք, որ ՀՀ կառավարության անդամները կապիտալիզացման մակարդակով ԱՊՀ-ում առաջին տեղում են:

Ուրբաթ օրը` լիկվիդայնության հետ կապված պրոբլեմներ: Հնարավոր է` ձեզ վարչապետի պաշտոնից լիկվիդացնեն:

Շաբաթը եւ կիրակին անցկացրեք հարազատների եւ մտերիմների աչքից հեռու:


ՉԻ

[Chuk]

ՀԱՅԱՍՏԱՆ-2020


Քաղաքական անցուդարձը 12 տարի հետո

Հայ հնէաբանները Պառավաքար գյուղում պեղել են 5 հազար տարվա վաղեմություն ունեցող նախնադարյան մարդու կմախք: Այդ գյուտն ապացուցում է, որ մեր Երկրագնդի վրա կյանքի բնօրրանը հենց Հայաստանն է: Սակայն Անասնաբուժական-անասնաբուծական ակադեմիայի ռեկտոր Շոթա Վարդանյանը կարծիք է հայտնել, որ դա ոչ թե մարդու, այլ երիտասարդ խոճկորի կմախք է, այն էլ՝ նախապես սղոցված: Կմախքի վրա հայտնաբերվել է սեպագիր արձանագրություն, որի հեղինակը, ըստ որոշ գիտնականների, Պարույր Հայրիկյանն է:

«Մարտի 1»-ի դեպքերն ուսումնասիրող խորհրդարանական հանձնաժողովը մտադիր է եւս երկու տարով երկարաձգել իր աշխատանքները: Նման որոշման անհրաժեշտությունը պատճառաբանվում է նրանով, որ հանձնաժողովին առայժմ չի հաջողվել պարզել, թե ինչպես են այդ իրադարձությունների ժամանակ սպանվել եւ վնասվածքներ ստացել ՀՀ քաղաքացիները: «Իրավապահ մարմինները մինչեւ հիմա մեզ չեն ներկայացրել համապատասխան փաստաթղթեր»,- իր դժգոհությունը հայտնեց հանձնաժողովի նախագահ Սամվել Նիկոյանը:

ՀՅԴ Բյուրոյի ներկայացուցիչ Հրանտ Մարգարյանը, ելույթ ունենալով Սիդնեյի «Պահանջատեր» կոմիտեությունում, վերահաստատեց իր կուսակցության վճռականությունը «Հայ դատի» խնդիրներում: «Եթե իշխանությունը որոշի Ադրբեջանին հանձնել Վարդենիսի եւ Իջեւանի շրջանները, մենք անպայման մեր տղամարդու խոսքը կասենք եւ անհապաղ դուրս կգանք իշխանական կոալիցիայից»,- նշեց պարոն Մարգարյանը:

Գյումրիի քաղաքապետ Սպարտակ Ղուկասյանը որոշում է կայացրել քաղաքի կենտրոնական հրապարակում կառուցել գործող նախագահ Ռոբերտ Քոչարյանի 5 մետրանոց արձանը: Դա կլինի արդեն երրորդ արձանը Հայաստանում. առաջին երկուսը վեր են խոյացել Երեւանում՝ «Առագաստ» սրճարանի մոտ, ինչպես նաեւ Չքնաղ գյուղում, սակայն իրենց չափերով այդ կոթողները զիջելու են Գյումրիում կառուցվելիք արձանին: Մեկնաբանելով իր որոշումը՝ պարոն Ղուկասյանը նշեց, որ նախագահի արձանը կանգնեցվելու է ի նշանավորումն վերջինիս՝ կրիմինալի դեմ պայքարի բարեհաջող ավարտի:

Երիտասարդական «Հետո, հետո, հետո» ընդդիմադիր շարժումը իր հերթական հայտարարությամբ եւս մեկ անգամ հավաստել է, որ իշխանափոխությանը հաշված օրեր են մնացել, եւ երեք ամիս անց կայանալիք բազմահազարանոց հանրահավաքը կլինի «հուժկու, վճռորոշ եւ բեկումային»:

Ի պատասխան այդ հայտարարության, «Ազգային միաբանություն» կուսակցության նախագահ Արտաշես Գեղամյանը հանդես է եկել ծավալուն վերլուծական հոդվածով, որում, մեջբերելով Հերակլիտի, Ֆրենսիս Բեկոնի եւ Կլեմանսոյի աֆորիզմները, ապացուցում է ընդդիմության սնանկությունը եւ նախագահ Ռոբերտ Քոչարյանի անվերապահ հանճարը:

ԱՐԱՄ ԱԲՐԱՀԱՄՅԱՆ

Աղբյուր՝ aravot.am

[Աբելյան]

Աղբյուր՝ aravot.am

Արտակ ջան, իմ վրա հակառակ ազդեցությունը թողեց

[Kuk]

ՄԱՐԴԱՀԱՄԱՐ

ՀՀ վիճպետվարչությունից հայտնում են, որ մինչեւ վերջին աղմկահարույց հանցագործությունները ՀՀ մշտական բնակչության թիվը կազմել է 3.214.000:

[Kuk]

ԳԱՐՆԱՆ 17 ԳԱՂՏՆԱԼՍՈՒՄ

Ստորև ներկայացվող գաղտնալսումն իրականացվել է սույն թվականի փետրվարի 29-ին եւ հրեշավոր ապացույցն է այն իրողության, որ մարտի 1-ի դեպքերն ամենեւին էլ «ինքնաբուխ» չեն եղել (ինչպես փորձում են պնդել այսպես կոչված ընդդիմադիրները), այլ մաս են կազմել նախապես լավ ծրագրված պրովոկացիայի: Խոսակցությունն ընթանում է ընդդիմության երկու ակտիվիստների միջև: Եվ այսպես.

- Բարի օր, … ջան (անունը միտումնավոր բաց ենք թողնում` նախաքննության շահերից ելնելով):

- Բարի օր Ի՞նչ կա-չկա, ահագին վախտ ա` չես երեւում

(Խոսակցության այս հատվածից ակնհայտ է դառնում, որ զրուցակիցներից առնվազն մեկը տեւական ժամանակ չի երեւացել, այսինքն` գտնվել է ընդհատակում):

- Նորմալ ա ամեն ինչ: Ասում եմ վաղը մի հատ խաշ չուտե՞նք Համ էլ մի քիչ կխոսանք

(Խոսքն ակնհայտորեն կոնսպիրատիվ խորհրդակցության մասին է):

- Լավ բան ասեցիր Ո՞ր ժամին:

- Դե առավոտ շուտ, էլի: Ինչքան շուտ, էնքան լավ

(Ուշադրություն դարձրեք` խոսքը մարտի 1-ի վաղ առավոտվա մասին է: Այսինքն, զրուցակիցները նախապես են համաձայնեցրել, որ «ինչքան շուտ, էնքան լավ»):

- Որտե՞ղ ենք հանդիպում:

- «Հայրենիքի» դեմի կանգառում:

(«Հայրենիք» բառի օգտագործումը պատահական չէ: Այն նեյրոլինգվիստական ծրագրավորման բաղադրիչն է):

- Էղավ: Ի՞նչ բերեմ հետս:

- Ոչ մի բան: Ասել եմ, ամեն ինչ պատրաստ կլինի: Բայց ուզում ես` հետդ մի շիշ բան բեր:

(Ուշադրություն դարձրեք` փաստորեն ամեն ինչ նախօրոք պատրաստ է, «ամեն ինչ» արդեն տեղում է, եւ «հեղափոխականների» միակ մտահոգությունն այն է, որ դյուրավառ հեղուկով շշերը կարող են քչություն անել):

- Լավ, մի էրկու շիշ կբերեմ: Բայց դրսից բան բերել կարելի ա՞:

- Օրենքով չի կարելի, բայց մի բան կանենք

(Խոսքն ակնհայտորեն դրսի աջակցության մասին է: «Հեղափոխականները» գիտակցում են, որ ներքաղաքական իրադարձություններին դրսի մասնակցությունն օրենքով արգելվում է, բայց գիտակցաբար ոտնահարում են ՀՀ Սահմանադրությունն ու օրենքները):

- Լավ: Իսկ մենակ խաշ ա՞ լինելու:

- Չէ, իրիկվա կողմ լավ խոզի խորոված կանենք…

(Խոսակցության այս հատվածն ամենաէականն է: Կարծում ենք` արդեն պարզ է դառնում, որ խոզի ծնոտի էպիզոդը նույնպես նախօրոք ծրագրված է եղել):

- Էղավ, լավ: Դե կզանգվենք

- Սպասում եմ

Գաղտնալսված այս խոսակցությունը, կարծում ենք, համապատասխան փորձաքննությունից հետո կներկայացվի նախաքննության մարմնին եւ դատարանի դահլիճում էական դերակատարում կունենա:

ՉԻ

[Norton]

Հովիկ Աբրահամյան - Կենդանակերպի նշանը` Կատու£

Այս համաստեղության տակ ծնվածների համար շաբաթը լի է աշխարհացունց իրադարձություններով£

Երկուշաբթին ծանր օր է£ Լարված աշխատանք« գերհոգնածություն£ Օրվա վերջում կհայտարարեք« որ մարտի 1-ի համար իշխանություններին մեղադրելն աբսուրդ է£ Բժիշկները խորհուրդ կտան մի քանի օր հանգստանալ£

Երեքշաբթին բարենպաստ է անձնական գնումների համար£ Աստղերը խորհուրդ են տալիս նոր կոշիկներ գնել« ինչի արդյունքում ԱԺ դերը մեկ-մեկուկես սանտիմետրով կբարձրանա£

Չորեքշաբթի օրը խորհուրդ է տրվում Հայաստան հրավիրել Հնդկաստանի խորհրդարանի նախագահին£ Բայց հիշեք` Հնդկաստանի օրհներգը §Վիծիկ-դանան¦ չէ£

Հինգշաբթի օրը լուրջ ուշադրություն դարձրեք սանրվածքին£ Հանգիստ սանրվեք« քանի դեռ երաշխիքային սպասարկման ժամկետը չի ավարտվել£

Ուրբաթ օրը կհայտարարեք« որ պատրաստ եք հանձնաժողովին օգնել բացահայտել մարտի 1-ի կազմակերպիչներին£ Աշխատեք խուսափել ինքնախոստովանական այլ ցուցմունքներից£

Շաբաթը եւ կիրակին անցկացրեք հարազատների եւ մտերիմների տարածաշրջանում£