Քաղաքական հումոր

[Նաիրուհի]

Պաուլն էլ է սխալվում փաստորեն

[Geox]

Մի քիչ առաջ www.Hayland.am կայքում մի շատ ակտուալ քաղաքական հումոր տեսա, թե ինչպես է ութոտնուկ Պաուլը գուշակել ապագա Ռուսաստանի նախագահին: Բոլորին խորհուրդ եմ տալիս կարդալ:

http://hayland.am/Blog/ViewPost.aspx?PostID=16192

[Mephistopheles]

Պաուլն էլ է սխալվում փաստորեն

զատօ մեր "ժողովուրդը" չի սխալվում

[Norton]

էս մտքի գիգանտին լրիվդ պտի կարդաք:

«Էդ ինչի՞, մեզ թվում է, որ երբ ցունամիներ են լինում, երկրաշարժեր, ջրհեղեղներ, ու մարդիկ են զոհվում՝ դա Աստծո խնդիրն է, իսկ որ մի պետության մեջ է ընդհարում լինում, դա էլ բնական երևույթ է, չէ՞, մասսաներն իրար են տալիս՝ այդտեղ ինչ-որ մեկը մեղավոր է», անդրադառնալով մարտի 1-ի ոճրագործությանը՝ հայտարարել է ՀՀԿ փոխնախագահ Ռազմիկ Զոհրաբյանը։

Հանճարեղա չէ՞

[Norton]

Անթալիայում հանգստանում են ճաշ ուտողները. ԲՀԿ–ական պատգամավոր

ԲՀԿ պատգամավոր Վարդան Բոստանջյանին այսօր մամուլի ասուլիսում լրագրողները հարցրեցին, թե արդյո՞ք կուսակցությունում կա ձևավորված մոտեցում Անթալիայում հանգստանալու վերաբերյալ։ «Ոչ, չկա։ Չեմ ուզում այդ տրիվիալ և էժանագին հարցերը հասկանալ, ի՞նչ է նշանակում Անթալիայում հանգստանալ։ Ամենահրաշք, տիեզերական, դրախտ տե՞ղն է դա»,– ի պատասխան ասաց ԲՀԿ–ական պատգամավորը՝ միաժամանակ ավելացնելով. «Էնտեղ ոնց որ ճաշ են տալիս շատ, ճաշ ուտողներն են գնում այդտեղ»։

Դիտարկմանը, թե Անթալիայում 10–օրյա հանգիստն ավելի մատչելի է, քան եռօրյա հանգիստը Հայաստանում, Վարդան Բոստանջյանը պատասխանեց, որ ինքը վարպետ չէ Անթալիայի կտրվածքով, հետո էլ ավելացրեց, թե. «Ես մտածում եմ, որ Հայաստանը դա աստվածային տարածք է, և արժե այստեղ հանգստանալ»։

[Տրիբուն]

Անթալիայում հանգստանում են ճաշ ուտողները. ԲՀԿ–ական պատգամավոր

ԲՀԿ պատգամավոր Վարդան Բոստանջյանին այսօր մամուլի ասուլիսում լրագրողները հարցրեցին, թե արդյո՞ք կուսակցությունում կա ձևավորված մոտեցում Անթալիայում հանգստանալու վերաբերյալ։ «Ոչ, չկա։ Չեմ ուզում այդ տրիվիալ և էժանագին հարցերը հասկանալ, ի՞նչ է նշանակում Անթալիայում հանգստանալ։ Ամենահրաշք, տիեզերական, դրախտ տե՞ղն է դա»,– ի պատասխան ասաց ԲՀԿ–ական պատգամավորը՝ միաժամանակ ավելացնելով. «Էնտեղ ոնց որ ճաշ են տալիս շատ, ճաշ ուտողներն են գնում այդտեղ»։

Դիտարկմանը, թե Անթալիայում 10–օրյա հանգիստն ավելի մատչելի է, քան եռօրյա հանգիստը Հայաստանում, Վարդան Բոստանջյանը պատասխանեց, որ ինքը վարպետ չէ Անթալիայի կտրվածքով, հետո էլ ավելացրեց, թե. «Ես մտածում եմ, որ Հայաստանը դա աստվածային տարածք է, և արժե այստեղ հանգստանալ»։

Ուրեմն մարտունեցին շուկաւյում կառտոլ ա ծախում, մեկը մոտենում ա ու հարցնում ա ինչ արժի, սա բա մի միլիոն դրամ: Ասում ա, արա մի միլիոնով ոչ մեկը չի առնի: Ասում ա, ես ամիսը մի կիլո էլ ծախեմ ինձ հերիք ա:

Հիմա Բոստանջյանինն ա - աստվածային երկիր ա աստղաբաշխական գներով: Որ տարին երկու հոգի էլ գան հանգստանալու, մեզ հերիք ա:

[Tig]

ա.գ. էս էլ երևի թե Էշերի վերադարձնա…


Իրաքում հիմնադրվել է էշերի կուսակցություն
09:28 • 22.07.10

Հյուսիսային Իրաքում Էշերի պաշտպանության միությունը հիմնել է «Ավանակ» անունով կուսակցություն:

El Arabiye հեռուստաալիքի փոխանցմամբ` կուսակցության նախագահ ընտրված Ամր Քալուլը հայտարարել է, որ իրենց նորաստեղծ կուսակցությունը պատրաստ է մարտահրավեր նետել տարածաշրջանում գործող մյուս կուսակցություններին։

Համոզմունք հայտնելով, որ մարդիկ ժամանակի ընթացքում կընտելանան կուսակցությանն անվանը, Քալուլը հայտարարել է. «Իսկ ինչո՞ւ չենք սիրում այդ կենդանուն և նրա անունն օգտագործում ենք որպես վիրավորանք: Պետք է լավ իմանանք, որ ավանակը նույնպես իրավունքներ ունի: Ավանակին շատ սիրելու պատճառով մենք նախ այդ կենդանու պաշտպանության միություն հիմնեցինք, հիմա էլ` կուսակցություն»:

Tert.am

[Norton]

Իրաքում հիմնադրվել է էշերի կուսակցություն

Ուաու, ՀՀԿ-ն Իրաքում մասնաճյուղ ա բացել, ոչ երնեկ իրանց

[Rammer]

Արա էս ով են արա սրանք...մարդ ամաչում ա էս "երգրում" աբրի...

ՌՈՒՍԱԿԱՆ ԶԵՆՔԸ ՄԵՐ ՀԱՇՎԻՆ

Հայաստանի կառավարության հուլիսի 22-ի որոշմամբ ՌԴ զորամիավորումների հասցեով միջպետական ռազմական փոխադրումներ իրականացնող օդանավերին ՀՀ օդանավակայաններում մատուցած ծառայությունների դիմաց 2010թ. առաջին եռամսյակում իրականացված ծախսերի փոխհատուցման նպատակով «Արմ-Աերո» ՓԲԸ-ին վճարելու համար ՀՀ պաշտպանության նախարարությանը հատկացվել է 4,214,323 դրամ։ Այդ մասին հայտնում է կառավարության մամուլի ծառայությունը:

Լրագիր

[Chuk]

Ելույթից հետո Պուտինը սկսել է ստորագրություններ բաժանել։ Մի աղջիկ խնդրել է ստրոագրել իր ձեռքին, սակայն վարչապետը քաղաքավարի կերպով հրաժարվել է՝ բավարավելով աղջկան համբուրելով։

tert.am

Լավ ա, որ համբուրելով բավարարվել ա, թե չէ կարար...

[Tig]

Խորհրդարանում պատգամավորները պոռնո ֆիլմ են դիտել
11:44 • 03.08.10

Ինդոնեզիայի խորհրդարանում տեղի է ունեցել խայտառակ միջադեպ: Նիստի ժամանակ խորհրդարանում տեղադրված էկրանին անսպասելի հայտնվել են պոռնո կադրեր:

Ինդոնեզիական լրատվամիջոցների փոխանցմամբ` կադրերը երևալուց հետո խորհրդարանում իրարանցում է սկսվել: 15 րոպե շարունակ հնարավոր չի եղել էկրանից հեռացնել այդ կադրերը: Ինդոնեզիայի խորհրդարանի նախագահ Մարզուքի Ալիեն պահանջել է հայտնաբերել և պատժել այդ արարքի հեղինակներին:

Նախնական տեղեկությունների համաձայն` ցուցադրման հեղինակները խոսքի ազատության համար պայքարող հաքերներն են:

Tert.am

[Ambrosine]

Հայաստանի բարձրաբերձ սարերից մեկի զուգարանի ցուցանակը... ձեռքի աշխատանք ճճ

[Askalaf]

Սոցիալիզմի և կապիտալիզմի 7 հրաշքները

Սոցիալիզմի 7 հրաշքները՝

1. Բոլորն էլ աշխատանք ունեին
2. Չնայած նրան, որ բոլորն աշխատանք ունեին, ոչ ոք ոչինչ չէր անում
3. Չնայած որ ոչ ոք ոչինչ չէր անում, բայցը պլանը 100 տոկոսով կատարվում էր
4. Չնայած որ պլանը 100 տոկոսով կատարվում էր, ոչ մի խանութում ոչինչ չկար
5. Չնայած որ ոչ մի խանութում ոչինչ չկար, բոլորն ամեն ինչ ունեին
6. Չնայած որ բոլորն ամեն ինչ ունեին, բոլորն էլ գողանում էին
7. Չնայած որ բոլորն էլ գողանում էին, ոչ մի տեղ ոչինչ չէր պակասում


Կապիտալիզմի 7 հրաշքները՝

1. Ոչ բոլորն աշխատանք ունեն
2. Չնայած որ ոչ բոլորն աշխատանք ունեն, բոլորն էլ ինչ որ աշխատանք անում են
3. Չնայած որ բոլորն էլ ինչ որ աշխատանք անում են, պլանը երբեք 100 տոկոսով չի կատարվում
4. Չնայած որ պլանը երբեք 100 տոկոսով չի կատարվում, ամենուր ամեն ինչ վաճառվում է
5. Չնայած որ ամենուր ամեն ինչ վաճառվում է, ոչ բոլորն ամեն ինչ ունեն
6. Չնայած որ բոլորը չունեն ամեն ինչ, բայց գողանում են ամեն ինչ ունեցողները
7. Չնայած որ գողանում են ամեն ինչ ունեցողները, երբեք ոչ մեկին չեն բռնում

[Chuk]

ՀՀ կրթության և գիտության նախարար Արմեն Աշոտյանն այսօր հրաման է ստորագրել «Հանրակրթական ուսումնական հաստատության ուսուցչի երդումը հաստատելու մասին»: Համաձայն այդ հրամանի՝ հաստատվել է «Հայ ուսուցչի երդումը» և կազմակերպման ընթացակարգը: 2010-2011 ուսումնական տարվա առաջին օրը` սեպտեմբերի 1-ին, ՀՀ հանրակրթական ուսումնական հաստատությունների բոլոր ուսուցիչների համար կկազմակերպվի երդման հանդիսավոր արարողություն, որին կմասնակցեն աշակերտները և ծնողները, ինչպես նաև յուրաքանչյուր տարվա սեպտեմբերի 1-ին կկազմակերպվեն նման հանդիսավոր արարողություններ այն ուսուցիչների համար, ովքեր առաջին անգամ կստանձնեն ուսուցչի բարձր պաշտոնը:

Այս մասին տեղեկացնում է Կրթության և գիտության նախարարությունը, որը տարածել է «Հայ ուսուցչի երդման» տեքստը.
«Ես` ընտրելով մատաղ սերնդի կրթության և դաստիարակության չափազանց պատասխանատու և պատվաբեր ճանապարհը, հանդիսավոր երդվում եմ` պատվով կրել Ուսուցչի բարձր և վեհ կոչումը: Երդվու՜մ եմ:
Իմ ստացած գիտելիքները, ստեղծագործական ողջ ներուժն ու հոգու ջերմությունն ամբողջությամբ նվիրել երեխաների կրթության և դաստիարակության գործին: Երդվու՜մ եմ:

Երդվում եմ` լինել արդարամիտ, բարի, իմ գործին նվիրված և այդպիսին էլ դաստիարակել իմ աշակերտներին, ամեն ինչ անել, որպեսզի նրանք մեծ կյանք մտնեն սեփական ժողովրդի և Հայրենիքի հանդեպ պատասխանատվության մեծ զգացումով: Երդվու՜մ եմ:
Երդվում եմ` ամեն ինչ անել, որպեսզի մեր երկրի համար դաստիարակեմ բարեկիրթ, հայրենասեր, սեփական ուժերին վստահ քաղաքացիներ: Երդվու՜մ ենք:
Երդվում եմ` բարձր պահել հայ դպրոցի սուրբ անունը: Երդվու՜մ ենք»։

Աղբյուր՝ tert.am

[Chuk]

ՀՀ ոստիկանության կազմակերպված հանցավորության դեմ պայքարի գլխավոր վարչության մտավոր սեփականության ոլորտում կատարվող հանցագործությունների դեմ պայքարի վարչության ծառայողների ձեռնարկված միջոցառումների արդյունքում` հունիսի 19-ին Երևանի «Վերնիսաժ» տոնավաճառի տարածքում տեղակայված սկավառակների վաճառակետի վաճառողներ, 1987 թ. ծնված Տիգրան Ա.-ն և 1984 թ. ծնված Արսեն Ս.-ն ներկայացրել են սեռական հարաբերության տեսարաններով «DVD» ֆորմատի 31 տեսասկավառակ, որոնք վերցվել են հետագա փորձաքննություն անցկացնելու նպատակով։

Ամբողջությամբ թերթում: