Քաղաքական հումոր

[Kuk]

ԳԱՐՆԱՆ ՏԱՍՆՅՈԹ ԳԱՂՏՆԱԼՍՈՒՄ

Ստորեւ ներկայացվող հեռախոսազրույցն ամենայն հավանականությամբ տեղի է ունեցել մոտ մեկ շաբաթ առաջ՝ Նոր տարվա առաջին օրերին, իսկ զրուցակիցներն ըստ երեւույթին Երեւանի Կենտրոն համայնքի շարքային քաղաքացիներ են: Զրույցը հետաքրքիր է այնքանով, որ անմիջականորեն վերաբերում է թիվ 10 ընտրատարածքում տեղի ունենալիք ընտրություններին, ու երեւի նաեւ դա է պատճառը, որ այն խնամքով գաղտնալսվել եւ սղագրվել է: Այսպես թե այնպես, գաղտնալսված այս հեռախոսազրույցը, կարծում ենք, կարող է որոշակի պատկերացում տալ տեղի ունեցած «ընտրությունների» եւ այդ գործընթացի ստվերային մեխանիզմների մասին: Ինչեւէ. ներկայացնում ենք զրույցի սղագրությունը՝ բնականաբար, մասնակի կրճատումներով:

- Ալո՛: Բարի օր, ախպերըս:

- Քոնն է՜լ, քոնն է՜լ, ուրախ տարի ըլնի՜...

- Էս աչքիս դու լրիվ խորացել ես, ախպերըս: Լավ անցկացրի՞ք:

- Հլը շողուլի չեմ գալիս: Դո՞ւք ոնց անցկացրիք:

- Ինձ էս Նոր տարին լրիվ դզեց, ախպեր:

- Ի՞նչ մոմենտով:

- Դե էս ընտրությունների մոմենտով, ախպեր: Նոր տարվա տակ ահագին փող կպցրինք: Բերին նաղդ տվին, ասին էն խշշշ... խշշշ...-ին պտի անցկացնեք: Նենց որ, ճոխ Նոր տարի արինք, ապե:

- Չոռնին տվե՞ց:

- Տո չէ, այ ախպեր, էնի մարդ ա ման գալի փող պոկի, էնի փող տվող ա՞: Վոբշմ, տվողը տվեց: Նենց որ, թաղի տղերքին հավքի, ամսի տասին գործ կա:

- Ի՞նչ գործ:

- Լցելու:

- Ախպեր, ընձի քիչ լից, գլուխս տրաքում ա...

- Քվեաթերթիկի մասի՛ն եմ ասում, արա, քո ուշքն ու միտքը արաղն ա:

- Չջոգի, ախպեր, ուրեմն ես բանուգործ թողած՝ էդ ազիզ օրով պտի գամ էդ խշշշ... խշշշ...-ի համար վիզ դնե՞մ:

- Ի՞նչ կապ ունի ում համար, ախպեր: Ինքը շեֆի մոտիկն ա, ուրեմն էդ գործը պտի արվի:

- Մի խշշշ... խշշշ... էլ շեֆն ա, էլի, խշշշ... խշշշ.. խշշշ... Բա ասում էր սրանից հետո չեսնի ընտրություն ենք անելո՜ւ, օրենքով ենք շարժվելո՜ւ...

- Տենց բան ա ասե՞լ:

- Տելեվիզըրով եմ լսել:

- Ուրեմն վրեքս կայֆավատ ա էղել, կամ էլ էդ օրվա դոզան շատ ա էղել: Բայց էդ կապ չունի, մեզ ինչ ասել են՝ էն ենք անում:

- Նիսյա՞:

- Խի՞ նիսյա, ախպեր: Եթե խփոցի էթա, փող են տալու:

- Ինչքա՞ն:

- Նայած խփոցիին: Եթե հասցնես շուտ էթաս գործ տաս, որ քեզ են խփել, դվայնոյ են վճարելու:

- Բա շո՛ւտ ասա, ապե: Ես նաղդ էթամ էն գլխից գործ տամ, հետո՛ իջնեմ տեղամաս: Ո՞ւմ վրա եմ գործ տալու:

- Ցուցակը էն խշշշ... խշշշ...-ի մոտ ա:

- Վոբշմ, կպավ, ախպեր: Էրեսիս կապույտ ներկ-բան պետք ա՞ քսեմ:

- Շտաբում կա: Բայց նայի շատ չքսես, թե չէ էն Չոռնին կիմանա, թե վրեն կայֆեր ես բռնում:

- Հա, լավ, առաջին անգամը չի: Դե լավ, ես էթամ տղեքին ասեմ, որ պատրաստվեն: Կզանգվենք:

- Հաջող:

Այս գաղնալսումը, կարծում ենք, լրջորեն կհետաքրքրի իրավապահներին եւ կօգնի է՛լ ավելի օպերատիվորեն արձագանքել թիվ 10 ընտրատարածքում արձանագրված միջադեպերին:

[Rammer]

Էսօր մառշուտկի մեջ ականջալես եմ եղել նման մի բազմաբովանդակլից և հուզումնալից դիալոգի:
-Արա Սաշիկը ընենց լավ մարդա...
-Որ Սաշիկը?
-Ոնց ապե Սաշիկը ընգեր: Սեռրժի ախպերը: Մեր հարևանի տղեն իրանց մոտ աշխտում: Ասում ա ընենց կարգին մարդա: Շատա սիրում բարեգործություն անել: Մարդկանց օգնել:
-Ապեր բայց իրանց մասին վատ բաներ եմ լսել:
-Ապեր չէ ինչ ես ասում: Էտ սաղ չուզողություն ա: Նախանձ: Ապեր ինքը գիտես ինչ դեմք ա, շատ բարի մարդա: Ասում որ գալիս տենում կագնած ենք չէ, մի հատ սիգարետա տալիս ասում տղեք ջան ծխեք:
-Ինչ բարեգործություն արել որ?
-Ապե դե ասում ա ինքը շատա սիրում օգնել մարդկանց, բայց կնիկը չի թողում:

Խեղճ Սաշիկ:Բոլորն էլ հոգով բարի, մարդասեր արարածներ են: Ես պատկերացնում եմ թե Լիֆիկի կնիկը ինչ հրեշ ա...Էտ մարդուն էս ինչ օրն ա գցել:

[Rammer]

Հ.Գ. Բազմաթիվ հանդիասատեսնների խնդրանքով....Ականջալեսը դա նույն ականատեսն ա բայց երբ ականջներով ա ու չի երևում մենակ լսվում ա

[Gayl]

-Ապեր չէ ինչ ես ասում: Էտ սաղ չուզողություն ա: Նախանձ: Ապեր ինքը գիտես ինչ դեմք ա, շատ բարի մարդա: Ասում որ գալիս տենում կագնած ենք չէ, մի հատ սիգարետա տալիս ասում տղեք ջան ծխեք:

Մի հատիկ սաղի համա՞ր, տղերքը թռչում են որ սաղն էլ մի մուխ քաշեն էտ «սուրբ» սիգարետից, բայց ինչ բարի մարդա, ես չէի պատկերացնի, ի դեպ իրանք էլ են բարի մարդիկ պաշտպանում են երգչի պատիվը.

Սպեցնազին պառկացրել են

Երեկ մեզ հայտնի դարձավ, որ Կենտրոն եւ Նորք-Մարաշ վարչական շրջանների ընդհանուր իրավասության դատարանի դատավոր Արմեն Խաչատրյանը ԱԺ պատգամավոր, գեներալ Սեյրան Սարոյանի անվտանգության ծառայության պետ Սարո Թովմասյանի նկատմամբ որպես խափանման միջոց երկամսյա կալանք ընտրելու որոշում է կայացրել: Կալանավորվել են նաեւ գեներալի անվտանգության ծառայության եւս 2 աշխատակիցներ, որոնք Սարո Թովմասյանի հետ բերման էին ենթարկվել ոստիկանություն` 2 օր առաջ «Ջիանի» ակումբում տեղի ունեցած միջադեպից հետո: Ի դեպ, երեկ մեզ նոր մանրամասներ են հայտնի դարձել «Ջիանիում» Սեյրան Սարոյանի եւ ԱԺ պատգամավոր Լեւոն Սարգսյանի` Ալրաղացի Լյովի բանդաների ընդհարման մասին: Ըստ մեր տեղեկությունների, ամեն ինչ սկսվել է այն բանից հետո, երբ Լյովիկի բանդան վիրավորել է ակումբի երգիչ Սարոյին, ով գեներալի մտերիմներից է, Սարոն էլ զանգել է գեներալի մարդկանց: Այս թիմը շատ արագ ժամանել է դեպքի վայր:

Ըստ մեր աղբյուրների, առաջին հարվածներից մեկը ստացել է Ալրաղացի Լյովը: Այնուհետեւ նրա ականջի տակ ատրճանակով կրակել են` թերեւս վախեցնելու նպատակով: Երբ Լյովիկի մտերիմներից «Գլորիա» խաղատան սեփականատեր Գլորիայի Գրիշի թիկնապահը հանել է «Մաուզերը», գեներալի մարդիկ այն խլել են թիկնապահի ձեռքից եւ հենց դրանով էլ ծեծի ենթարկել Գլորիայի Գրիշին, ով, ինչպես տեղեկացրել ենք, տեղափոխվել էր հիվանդանոց: Մեզ հայտնի դարձավ նաեւ, որ դեպքի վայրից փախած Լեւոն Սարգսյանն այդ ընթացքում հասցրել է «Ջիանի» կանչել ոստիկանության հատուկ նշանակության ջոկատը: Դեպքի վայր է հասել նաեւ գեներալի մարդկանց երկրորդ խումբը, որը, ըստ մեր տեղեկությունների, գետնին է պառկացրել «սպեցնազին»: Ըստ լուրերի, այս պահին ոստիկանությունում պահվում են Սեյրան Սարոյանի թիմից եւս մի 15 հոգի:http://www.armtimes.com/271

[davidus]

Դեպքի վայր է հասել նաեւ գեներալի մարդկանց երկրորդ խումբը, որը, ըստ մեր տեղեկությունների, գետնին է պառկացրել «սպեցնազին»:

թռչնաբուծականի տղերքն են է.....!!!!!

[ministr]

Սպեցնազին վրաերթ հա փաստորեն? ու փաստորեն ոչ միայն սպեցնազին...

Լենին պապին մեռել է,
Մեզ մի ավանդ թողել է,
Օլիգարխներ դուք դառեք,
Իրար կերեք կշտացեք:

[Հայկօ]

[Rammer]

Հատված ոստիկանության դիմումից:

Քննիչը պարզել է, որ հանգուցյալ Հովհաննիսյանը զենքի միջոցով բռնաբարել է լրիվ կույս վիճակում գտնվող աղջկաս, բայց չի հասցրել հղիացնել նրան, որի համար խնդրում եմ ձեր ակտիվ միջամտությունը:

[Rammer]

Մանրաստիճան չինովնիկի ցուցմունքներից...

Այն մասին, որ ես ժամացույցս և մատիս մատանին որպես կաշառք եմ ստացել, առաջին անգամ եմ լսում և այն էլ քննիչից, քանի որ ես, որպես կանոն, զզվել եմ կաշառք ստանալուց:

[Kuk]

ՎԱՐՔ ՀԱՃԱԽՈՐԴԱՑ

Եվ նա սկսեց... թուրքերեն երգել:
Սերժիկի ձայնը, սկզբում կերկեր,
Վայրկյաններ հետո ինքն իրեն գտավ,
Հայ-թուրքականի ծիրի մեջ մտավ,
Ու գնա՜ց, գնաց...
Դաշնակցությունը մթագնեց-մնաց:
Մինչ Սփյուռքի կոնկրետ պատվերով ծնած
Զայրույթը վառվեց ծեր աչքերի մեջ,
Հենց նոր սկսվող ժպիտը հանգավ:
Առաջին անգամ, առաջի՜ն անգամ
Աստ, համազգային մտքի փարախում
Կենկենն ու բյուրոն ականջ են կախում
Ինչ-որ Սերժիկի անօրեն խոսքի:
Աստ, ուր հնչել են գոհարներ մտքի՝
Կլիզմա, պրիվետ Ռոբ, բառաչող կովեր,

Կամ վատ պարողին բաներ խանգարող,
Առաջին անգամ,
Առաջի՜ն անգամ
Թրքամոլության մանանեխ ընկավ:
Բայց Դաշնակցությունն, ինչպես վայել է,
Ուտելով զբաղված՝ անաղմուկ մնաց:
Իսկ Սերժի երգը թափ առավ, գնա՜ց...
Գնաց՝ Ստամբուլի դռները մաշեց,
Եկավ՝ Էդոյի թշերը քաշեց,
Անկապ խոստումով կարծես թե խաբվեց
Ու մի պահ հետո կրկին ցած թափվեց:
Թափվեց՝ նշենու ծաղկաթերթի պես,

Կոկաին փոշու բարակ շերտի պես...
Դաշնակցությունը մի պահ վերհիշեց,
Թե իր ակցիաներն ում հետ է ճշտում,
Որքան փայ ունի կերակրատաշտում...
Փղձկացող Բյուրոն հազիվ բարբառեց.
«Լեւոն, հեռացիր»... Ու ձայնը մարեց:

[Rammer]

Կոչ - Հայտարարություն

Բեեեեե,
Բռռռ,
Մեեեե,
Մուււ...

<Երիտասարդ ազգային անասունների միություն>

[Kuk]

ԳԱՐՆԱՆ ՏԱՍՆՅՈԹ ԳԱՂՏՆԱԼՍՈՒՄ

Ստորեւ ներկայացվող հեռախոսազրույցն ամենայն հավանականությամբ տեղի է ունեցել բառացիորեն մի քանի օր առաջ, իսկ զրուցակիցներն ըստ երեւույթին բարձրաստիճան հանրապետականներ են, ովքեր քննարկում են Հայաստանի առջեւ ծառացած կարեւորագույն աշխարհաքաղաքական մարտահրավերները: Զրույցում հնչած գնահատականներն ու մեկնաբանությունները, բնականաբար, կարող են եւ չհամապատասխանել իրականությանը, ինչը, սակայն, որեւէ կերպ չի նվազեցնում սույն գաղտնալսման նշանակությունը: Ամեն դեպքում, ստորեւ ներկայացնում ենք գաղտնալսված հեռախոսազրույցի սղագրությունը՝ բնականաբար, մասնակի կրճատումներով: Վստահ ենք, որ ընթերցողներն իրենք միանգամայն ի վիճակի կլինեն սեփական եզրահանգումներն անել եւ որոշակի պատկերացում կազմել ստեղծված իրավիճակի վերաբերյալ: Եվ այսպես.

- Ալո՞: Բարի օր, ախպերըս:

- Յա՜, էս ո՞ւմ նժդեհական ձենն եմ լսում Բա էս ո՞ւր ես չկաս, չես երեւում: Ի՞նչ կա-չկա, դե պատմի:

- Բան չկա, ի՞նչ պատմեմ: Ասեցի զանգեմ, տենամ էս Ղարաբաղի մոմենտով շուխուռը ճիշտ ա՞: Դու շեֆի հետ մոտիկ ես, ոնց էլ ըլնի՝ մի էրկու բան կիմանաս:

- Ճիշտն ասած՝ էն օրը տղերքով մոտն էինք...

- Մենակ-մենակ խաշ եք կերե՞լ

- Չէ, այ ախպեր, Ղարաբաղի մոմենտով ուզում էինք մի էրկու հարց ճշտեինք: Հարցրեցինք, ասեցինք էդ Եվրախորհուրդ ա, ինչ խշշշ... խշշշ... ա, ի՞նչ մուտիլովկեք ա անում...

- Հետո՞, ի՞նչ ասեց

- Ասեց լուրջ բան չկա, բայց մի հատ մեսիջ են ուղարկել:

- Ի՞նչ մեսիջ

- Շատ տարօրինակ մեսիջ ա. «Յոթ, վեց, հինգ, չորս, երեք, երկու, մեկ»:

- Չջոգի, ախպեր

- Հա, մենք էլ չջոգինք, հետո ինքը բացատրեց: Ասում ա՝ կառոչի, էդ է՛ս ա նշանակում. «Վոբշմ, յոթ շրջանը տալիս եք: Ով փորձի դրա դեմ խոսա, վեցերորդ վարչությունը ուղարկում եք մոտը: Հույս չունենաք, թե հինգ շրջանով կպրծնեք: Փորձված աղվեսը չորս ոտքով ա թակարդն ընկնում: Երեք նախագահների ասածը ձեր համար ասնավանի չի՞: Կառոչի՝ ձեզ էրկու ամիս ժամանակ, թե չէ մարտի մեկը քթներիցդ կբերենք»:

- Վայ ես դրանց խշշշ... խշշշ... խշշշ...

- Խշշշ... խշշշ... ասիր ու պրծա՞ր:

- Բա հետո՞:

- Էլ ի՞նչ հետո: Շեֆին հարցրեցինք՝ ասեցինք բա դո՞ւ ինչ ես պատասխանել, ասեց դիլխոր մի ընկեք, Մոսկվայից մեսիջ ա էկել:

- Ի՞նչ մեսիջ

- Շատ կարճ տեքստով. «Մեկ, երկու, մեկ, երկու»:

- Այսինքն ի՞նչ: Մեկ-երկու ասելով՝ թողի խշշշ... խշշշ...-ը քաշի՞:

- Չէ, այ ցավդ տանեմ, էդ նշանակում ա՝ «մի հատ շո՛ւտ արի մոտս, մի էրկու խոսալու բան կա»:

- Բա հետո՞:

- Էլ ի՞նչ հետո, սամալյոտ նստեց, գնաց: Հիմա սպասում ենք, տենանք գալու ա ինչ ասի:

- Պարզ ա... դե լավ, ախպերըս. երեք-ույու-չորս

- Էդ ո՞րն ա

- Էդ նշանակում ա՝ թռնելու վախտն ա: Նույնն էլ քեզ եմ խորհուրդ տալիս

-Մերսի, ջիգյար: Հենց որ մի բան իմացա, քեզ կծնգցնեմ:

- Հաջող

Կարծում ենք, սույն գաղտնալսումն իսկապես որոշակի պատկերացում է տալիս ստեղծված աշխարհաքաղաքական իրավիճակի մասին:

[My World My Space]

ցավոտ, շատ ցավոտ հումո՞ր...........

հայաստանում օրենքներից սարսափելի միայն դրանց կիրառման պրակտիկան է....................

[Kuk]

ԱՍՏՂԱԳՈՒՇԱԿ


Ռոբերտ Քոչարյան - Կենդանակերպի նշանը՝ Մոսկա:

Այս համաստեղության տակ ծնվածների համար շաբաթը լի է դրամատիկ իրադարձություններով:

Երկուշաբթի օրը՝ այցելություն Թեհրան: Ահմադինեժադի հետ երկխոսությունը չի ստացվի: Կպարզվի, որ պարսկերենը «կլիզմա» բառի համարժեքը չունի: Ժեստերով չբացատրեք:

Երեքշաբթին ծանր հիասթափությունների օր է: Կպարզվի, որ Իրանը Հաագայի կլիենտներին քաղաքական ապաստան չի տալիս: Աստղերը խորհուրդ են տալիս դեպրեսիան հաղթահարել տուռնիկի միջոցով:

Չորեքշաբթի օրը՝ այցելություն Դուբայ: Ծանր հոգեկան ապրումներ: Կպարզվի, որ «Քոչարյան» ազգանունով մարդիկ Դուբայում գտնվում են ոստիկանության մշտական հսկողության ներքո:

Հինգշաբթին բարենպաստ է հատկապես մեծ քաղաքականություն վերադառնալու համար: Հնարավոր է՝ մուտքի մոտ դիմավորեն ձեռնաշղթաներով: Մի՛ վհատվեք:

Ուրբաթ օրը՝ այցելություն Աֆրիկա: Աստղերը խորհուրդ են տալիս հնարավորինս երկար վայելել հարազատ միջավայրը, բայց զոլավոր շորեր չհագնել. Նամիբիայում բորենիների որսն արգելված չէ:

Շաբաթը եւ կիրակին անցկացրեք խարույկի շուրջը:

[Kuk]

Զոնծիիիիկ


ԹՌԻՉՔՆԵՐ ԵՐԱԶՈՒՄ ԵՎ ԱՐԹՄՆԻ

ԳԱԼՈՒՍՏ ՍԱՀԱԿՅԱՆԻ ԵՐԱԶԸ

Ազգային ժողով: Ինքը, ինչպես միշտ, պատրաստվում է ասուլիսի: Դահլիճում նստած՝ բարձրաձայն մտքեր է հայտնում, գլխով անում, ժպտում... Ժամանակ չկա, կես ժամից լրագրողները գալու են:

Հանկարծ միջանցքից աղմուկ է լսվում: Ինքը զգուշորեն բացում է դուռը եւ ոտնածայրերի վրա դուրս գալիս միջանցք... Իսկ այնտեղ ահավոր տեսարան է. Զարուհի Փոստանջյանը, մետաղյա բռնակով երկար զոնտիկը ձեռքին վազում է Հովիկ Աբրահամյանի հետեւից ու փորձում հարվածներ հասցնել, բայց սա անսպասելի ճարպկությամբ հաջողացնում է խույս տալ հարվածներից, եւ ի վերջո մտնում է ինչ-որ սենյակ, Զարուհին էլ՝ հետեւից: «Վայ մամա ջան», շշնջում է ինքը եւ փակում աչքերը... Սենյակից ահավոր թմփոցներ են լսվում, աղմուկ, այնպիսի տպավորություն է, թե ներսից ինչ-որ ծանր բանով հարվածում են պատերին... «Շեֆ, զգույշ, էդ չկոտրվո՛ղ տեսակն ա», գոռում է ինքը: Զարուհին մի պահ գլուխը հանում է դռնից... «Ես զոնտի՛կը նկատի ունեի», կմկմում է ինքը ու ետ ցատկում... Ներսում աղմուկը շարունակվում է: Երբեմն-երբեմն ինչ-որ աղիողորմ ձայներ են լսվում. «Վա՛խ գլուխս... Ախր Ստրասբուրգն ինչիդ ա պետք.,.. վա՛խ թուշըս...»: «Թուշ» բառի վրա որտեղից որտեղ, ասես գետնի տակից, ծլում է Էդուարդ Նալբանդյանը ու գլխով դռան կողմը ցույց տալով՝ հարցնում. «Էս ի՞նչ հաշիվ ա»: «Հեչ, Զարուհին Հովիկ Արգամիչի նկատմամբ զանգվածային անկարգություն ա հրահրում», ասում է ինքը, ապա ականջը հպում դռանը ու շարունակում. «Բայց աչքիս՝ մի քիչ շատ տվեց...»: «Հովիկ Արգամիչը ներսն ա՞», ուրախացած վեր է ցատկում Էդուարդ Նալբանդյանը, դուռը բացում ու գլուխը ներս մտցնում. «Շեֆ, հեռախոսդ կտա՞ս զանգեմ էն Դավութօղլուին, իմով զանգում եմ՝ չի վերցնում»: Այդ պահին ինչ-որ դխկոց է լսվում, ու Նալբանդյանը գլուխը ետ է քաշում՝ ձեռքով ճակատը բռնած... «Այ հիմա հաստատ դառավ զանգվածային», շշնջում է Սամվել Նիկոյանը, որը, պարզվում է, մինչ այդ պոլին նստած՝ սուսուփուս զեկույց էր գրում: «Զեկույցդ կտա՞ս մի քիչ վառեմ», ասում է չգիտես որտեղից հայտնված Արմեն Ռուստամյանը՝ մոմը ձեռքին, ու տեսնելով Էդուարդ Նալբանդյանին՝ համենայն դեպս մի չորս անգամ պահանջում է նրա հրաժարականը...

Այդ պահին դուռն աղմուկով բացվում է, ու գնդակի պես դուրս է շպրտվում Հովիկ Աբրահամյանը՝ ծվեն-ծվեն եղած շորերով ու գզգզված մազերով: Դռան միջից երեւում է զոնտիկի դեֆորմացված բռնակը...

Արթնանում է ՀՀԿ նիստում: