Որպես առանձին թեմա՞։Կարծում եմ իմ համար մի քիչ բարդ կլինիazat11-ի խոսքերից
Բայց եթե հիմքը դրվի, հաճույքով կմասնակցեմ քննարկումներին։
Բայց նպատակը հաճախ կարող է իր վերջնակետում միայն երջանկություն պարգևել, իսկ այն իրագործելու ուղին շատ բարդ և անգամ դժբախտացնող։ Բայց դրանից նա չի կորցնում իր իմաստը և կարևորությունը։
Re. Ո՞րն է կյանքի իմաստը կամ Նշեք ինձ ապրելու գեթ մի նպատակ… [(c) kiki]
Իսկ այդ Ձեր ասած երջանկությանը մարդ որ հասնի թեկուզ տառապանքների միջով անցնելուց հետո այդ երջանկությունը հավերժ ու անբաժան նրա հետ է լինելու՞, որ գոնե մարդ իր ողջ կյանքի նպատակը դա ընտրի, թե՞ դա էլ մի պահ է, որ եկավ ու հետո էլի անցնելու է։
Ռ. Հախվերդյան - երջանկություն անցիր կողքովս դու հարատև չես... թե՞ այս տողերի հետ համամիտ չեք ու Ձեր ասածն մեկ այլ երջանկություն է... համենայն դեպս կբացատրե՞ք...
Թե սիրում ենք՝ մեր սրտի բոլոր լարերո՜վ սիրենք...Միայն Սիրուն է երաժշտությունը զիջում, բայց և Սերն էլ մեղեդի է...
Ես և Դու՝ Մի Ենք՝ Մի-Մի Աշխարհ Ենք, Հավերժի Ճամփորդներ...
Նայած մարդու համար։ Մարդ կա, որ իրեն լիովին վերջնականապես կերջանկացնի նպատակին հասնելը։ Մարդ էլ կա, որ իր մտավոր ու էմոցիոնալ զարգացման արդյունքում նոր բարձրունքների կձգտի / և սա իմ կարծիքով ավելի նորմալ է / և նոր նպատակ կդնի իր դիմաց։ Բայց այն վստահությունը քո ուժերի նկատմամբ, որը դու ստանում ես առաջին նպատակդ իրականացնելով քեզ այնքան է ոգևորում, որ նոր ճանապարհ սկսելուց դու արդեն երջանիկ ես։ Հետո էլ հենց կատարելագործվելու պրոցեսը ինքնին շատ հաճելի է, եթե ոչ երջանկացուցիչ։ Կամ էլ նպատակը պետք այնքան մեծ և կարևոր լինի, որ հարատև երջանկություն պարգևի։ Սակայն այս դեպքում էլ վտանգ կա, որ այն չստացվի իրականացնել։
Ես չէի ասի, որ ողջ կյանքի համար արժե միայն մի նպատակ ընտրել, քանի որ ճիշտ ես՝ երջանկությունը հարատև չէ։ Բայց կարելի է ձգտել նոր բարձունքների։ Ի դեպ նկատի առ, որ դա պետք է լինի քո սիրած զբաղմունքը, որ հաճույքով անես և դա արդեն երջանկություն է։
Բայց եթե այն սկզբունքով շարժվենք, թե ավել լավ է ստաբիլ ապերջանիկ լինել, քան երբեմն երջանիկ՝ մենք չենք ձգտի երջանկության, իսկ այն երբեք օդից չի ընկնում, այն մեր ձեռքերում է և կարծում եմ մենք մեծ ցանկության դեպքում միշտ կարող ենք այն ստեղծել։ Հետո էլ մարդ կա, որ միայն իր ապրելու փաստից արդեն երջանիկ է՝ ի՞նչ վատ է որ։ Ես սիրում եմ այդպիսի մարդկանց, նրանց հետ հեշտ է շփվել և հաճելի է ժամանակ անցկացնել՝ ինչպես և ամեն երջանիկ մարդու հետ։
Անպայման չէ, որ քեզ ուրիշները երջանիկ ճանաչեն, կարևորը, որ դու քեզ երջանիկ զգաս՝ պատճառները կարող են լինել ամենազանազան։
Վերջին խմբագրող՝ Tanamasi: 29.07.2008, 20:57:
Այս պահին թեմայում են 1 հոգի. (0 անդամ և 1 հյուր)
Ձեր իրավունքները բաժնում
Մեջբերել
Էջանիշներ