Հանրահավաք հունիսի 20-ին

[Fedayi]

Համաձայն չեմ, որ իշխանությունը քաղաքակրթության ուղղությամբ քայլ ա արել, հաշվի առնելով այս օրերի վախեցնելու գործընթացները, ճանապարհները փակելը, հանրահավաքի անօրինական արգելումը և այլն...

Երկու չէ, բայց մի քայլ արել ա: Վերջը տեղի տվեց, չէ՞: Բացի այդ, վախացնելն էլ էն վախացնելը չէր, նրանց ձեռքերը կապված են "եվրոպական շղթաներով"…
Իշխանությունն էլ, աչքով չտամ, նախորդից լավ ա աշխատում…
Կարծում եմ՝ հետագայում էլ երկու կողմերն էլ զիջումների կգնան, հասարակական ճգնաժամը կհաղթահարվի…Ես լավատես եմ…

[Աբելյան]

ժողովուրդ, բայց ինչ ուզում եք ասեք, մարդիկ փետրվարի 20-ի համեմատ ավելի քիչ էին, համ էլ էսօրվա ելույթում Լևոնը մի քիչ զիջողական էր
արդեն ոնց որ ուզում ա համակերպվի էն մտքի հետ, որ Սերժը, չնայած իրա ոչ լեգիտիմությանը, թող լավ գործեր անի

[Ambrosine]

Երկու չէ, բայց մի քայլ արել ա: Վերջը տեղի տվեց, չէ՞: Բացի այդ, վախացնելն էլ էն վախացնելը չէր, նրանց ձեռքերը կապված են "եվրոպական շղթաներով"…
Իշխանությունն էլ, աչքով չտամ, նախորդից լավ ա աշխատում…
Կարծում եմ՝ հետագայում էլ երկու կողմերն էլ զիջումների կգնան, հասարակական ճգնաժամը կհաղթահարվի…Ես լավատես եմ…

դե պատկերացրու ինչ վախեցած ա իշխանությունը, որ տեղի տվեց: Բացի այդ <<տեղի տվեց>> արտահայտությունն էլ տեղին չի. կարող ա մի հատ էլ շնորհակալ պիտի լինի ժողովուրդը, որ իշխանությունը <<զիջեց>>? իշխանությունը իր հազարավոր պարտականություններից մեկը արեց

Ավելացվել է 1 րոպե անց

ժողովուրդ, բայց ինչ ուզում եք ասեք, մարդիկ փետրվարի 20-ի համեմատ ավելի քիչ էին, համ էլ էսօրվա ելույթում Լևոնը մի քիչ զիջողական էր
արդեն ոնց որ ուզում ա համակերպվի էն մտքի հետ, որ Սերժը, չնայած իրա ոչ լեգիտիմությանը, թող լավ գործեր անի

ոչինչ, ամեն ինչ առջևում ա
հետո էլ ես ասել էի, որ կարող ա երկրորդի կարիքն էլ չզգացվի, իսկ դու ինչպես միշտ խուճապի մեջ ես

[Kuk]

Հանրահավաքը համարում եմ հաջողված՝ հաշվի առնելով որոշ հանգամանքներ. դրանք են՝
իշխանությունները փակել են մայրաքաղաք մտնող գրեթե բոլոր ճանապարհները՝ ոտնահարելով քաղաքացիների ազատ տեղաշարժվելու իրավունքը: Ամեն կերպ փորձեցին վախեցնել հասարակությանը: Հանրահավաքը հայտարարված էր ժամը 18:00-ին, բայց այն արտոնվել է սկսվելուց ընդամենը մի քանի րոպե առաջ: Ազատության Հրապարակում վխտում էին կամակատար ոստիկանները՝ մահակներով, սաղավարտներով և վահաններով: Կային նաև ջրցան մեքենաներ: Եվ այս ամենը հաշվի առնելով՝ գալիս ենք մի եզրահանգման, որ հասարակությունը չի պատրաստվում հանդուրժել այս բռնապետական ռեժիմը:

[Artgeo]

Թումանյանի տաք ծոցում եմ ուզում լինի հաջորդ հանրահվաքը
Մեկ էլ Հայկոն ականջիս տակ չլինի...

Հարգում ու սիրում եմ հայերիս
Մատենադարանի մոտ դավաճան չկար
Մատենադարանի մոտ կասկածող չկար

[Ahik]

ժողովուրդ, բայց ինչ ուզում եք ասեք, մարդիկ փետրվարի 20-ի համեմատ ավելի քիչ էին, համ էլ էսօրվա ելույթում Լևոնը մի քիչ զիջողական էր
արդեն ոնց որ ուզում ա համակերպվի էն մտքի հետ, որ Սերժը, չնայած իրա ոչ լեգիտիմությանը, թող լավ գործեր անի

Էտ կարողա լևոնականներով սկսում եք նահանջել
Ինչևիցե եթե սկսել եք, ապա մի նահանջեք անկախ ԼՏՊ-ն ձեզ հետ կլինի թե ոչ

[Chuk]

Մարտի 1-ից հետո ԼՏՊ թիմը, 50-ից ավելի իրազեկում է ներկայացրել քաղաքապետարան, հանրահավաք անցկացնելու վերաբերյալ: Ամեն անգամ քաղաքապետարանը մերժել է:
Ամեն դեպքում, նախ քաղաքապետարանը չի կարող անվերջ մերժել հանրահավաքների իրազեկումները, իսկ իշխանությունները ուզեն թե չուզեն, գոնե աչք փակելու համար, պիտի ԵԽԽՎ հայտնի որոշման կատարման ուղղությամբ մի քանի կոնկրետ քայլեր իրականացնեն: Այսինք, կա հավանականույթուն որ հանրահավաքի իրազեկումը չի մերժվի: Փաստորեն, եթե տեղի ունենա, այս հանրահավաքը պետք է որ մարտի 1-ից հետո լինի առաջին լուրջ հանրահավաքը և հետևապես նաև առաջին լուրջ ներքաղաքական իրադարձությունը: Ի՞նչ ենք մենք ակնկալում այս հանրահավաքից: Արդյո՞ք այն կհավաքի նույնքան մարդ, որքան վերջին խոշոր հանրահավաքներն էին: Թե՞ մարդիկ հոգնած ու հուսահատված այլևս չեն գնա հանրահավաքի և այն կվերածվի մի քանի հարյուր էնտուզիաստների մերձեցման երեկոյի: Սկիզբ կդնի այն արդյո՞ք նոր, ավելի հզոր ժողովրդական բողոքի ալիքի, թե ամեն ինչ վերջացած է…

Արդեն փաստ է, որ հանրահավաքը տեղին ունեցավ: Սակայն այն հույսերը, որ հանրահավաքի իրազեկումը չի մերժվի (մեկը ես լիահույս էի), սին էին: Մերժեցին Ազատության հրապարակում անցկացնելը,պատճառաբանելով «Փոքրիկ Երևանցի» միջոցառումը, որի համար անհրաժեշտ բոլոր ատրիբուտներն ի վերջո հավաքեցին ու այդ միջոցառումը, ինչպես և պնդում էինք, ընդամենը պատրվակ էր: Մերժեցին Մատենադարանի մոտ անցկացնելը՝ ասելով, որ տեղեկություններ ունեն, թե իբր անկարգություններ են լինելու: Արդեն կարող ենք ասել, որ այդ տեղեկությունն էլ էժանագին պատրվակ էր, քանզի միակ անկարգությունը, որ տեղի ունեցավ հետևանք էր հանրահավաքի իրազեկումը մերժելուն և Մատենադարան տանող ճանապարհն անօրինական կերպով փակելուն, ինչի պատճառով կարճ ժամանակով խանգարվեց երթևեկությունը: Ի դեպ այդ անկարգությունների մասին թեզը չափից ավելի էժանագին էր, հաշվի առնելով, որ «թույլատրվել էր» հանրահավաք անցկացնել Ճ կարգի վայրում, Հրազդան մարզադաշտի մոտ և պարզապես անհասկանալի, անտրաբանական է, թե ինչպես կարող է անկարգն իրեն անկարգ պահել Մատենադարանի մերձակայքում և կարգին մարզադահլիճի մոտ:

Ինչևէ, հանրահավաքը Հրազդան մարզադաշտի մոտ թողնելը ոչ այլ ինչ էր քան մերժել ու մեր հույսերը չիրականացան: Ի վերջո հանրահավաքը տեղի ունեցավ միայն ու միայն ընդդիմադիրների և ժողովորդի երեսի զոռով ու այստեղ ես իմ հիացմունքն եմ արտահայտում այդ բոլոր մարդկանց նկատմամբ:

Հանրահավաքին մասնակցեցին ընդդիմադիրների գնահատականով 200000, իշխանության գնահատականով 8000, ես, քանի որ շրջել եմ ողջ տարածքում (մեծ դժվարությամբ, ի դեպ, մարդկանց շատ խիտ ու շատ-շատ լինելու պատճառով), հակված եմ համարել որ ներկա էին 100-120 հազար մարդ: Այս թիվը համարում եմ շատ մեծ, որովհետև հատկապես վերջին 15 օրում թափ էր առել մարդկանց վախեցնելու պրոցես: Դա անում էին դաշնակացականները, իրենց ելույթներում նշելով հնարավոր բախումները (հոգեբանական ճնշում), նույն կերպ տարբեր պատգամավորներ, քաղ. գործիչներ, դա էր անում իշխանությունը՝ ռեպրեսիվ մեթոդներով (ուղերձներ, բերման ենթարկելու դեպքեր, ճանապարհներ փակել և այլն): Այնպես որ իրոք այս թիվը չափազանց մեծ թիվ է, իմ կարծիքով, երեկվա հանրահավաքի համար:

Բողոքի ալիքը երեկ չէ, որ ծնվում է: Այն եղել է մինչև մարտի 1-ն ու շարունակվել է դրանից հետո: Բոլոր հացադուլավորները, բողոքի ցույցեր անցկացնողները, քաղբանտարկյալները, նրանց դատերին ակտիվ ժողովուրդը, պիկետավորները և այլն այս ամբողջ ընթացքում շարժումը վառ էին պահում, բողոքի ալիքին հանգստանալ չէին թողնում: Բողոքի ալիքի դեռ հզոր լինելը կտեսնենք շատ շուտով, հուլիսի 4-ի հանրահավաքին:

Կան կարծիքներ, որ այս հանրահավաքի ելույթները այնքան էլ կառուցողական չէին: Կարծում եմ, որ այդպես էլ պետք է լիներ: Սա առաջինն էր և նրա նշանակությունը լրիվ ուրիշ եմ ես պատկերացրել, այնպիսին, ինչպիսին եղավ: Ինչպես իր խոսքում նշեց Տեր-Պետրոսյանը, այս հանրահավաքն անհրաժեշտ էր ցույց տալու համար, որ մարդիկ չեն հանդարտվել, որ նրանք չեն ընդունում ընտրությունների արդյունքները, որ ընդվզում են մարտի 1-յան իրադարձությունների դեմ: Այն ինչ պետք էր ապացուցել (որն իրականում ապացուցման կարիք չուներ), ապացուցվեց:

[Fedayi]

Կարծում եմ` այսպիսի միտինգները առողջարար նշանակություն ունեն, զգաստացնում և քայլերի են դրդում իշխանություններին: Այսքանը, ոչ ավել, ոչ պակաս: Այդ առումով դեմ չեմ, երեկվա նման հանրահավաքները դրական եմ գնահատում: Այս դեպքում թող Լևոնը գործիք լինի մարդկանց ձեռքին, բայց ոչ հակառակը: Սա է խնդիրը, և նախադասության առաջին մասը լրիվ սրտովս է: Թող օգտագործեն Լևոնին, վերականգնեն որոշ /բոլորը չեն կարող/ իրավունքներ և էֆենդուն ուղարկեն տուն նամազ անելու: Դրանից միայն կառողջանանք ու կքաղաքակրթվենք: Մի թեմա կար «Էֆենդու առաքելությունը» վերնագրով: Ահա, կարծում եմ խորամանկ էֆենդու առաքելությունն այս է:
Եվ կեցցեն նրանք, ովքեր գործիք կդարձնեն և կշպրտեն, այլ ոչ գործիք կդառնան և կշպրտվեն:
Ինչ վերաբերում է այն պնդմանը, թե հասնելու են Սերժի պաշտոնաթողությանը, ուղղակի ծիծաղելի է: Որոշ բաների հասնելու եք, իշխանությունն էլ զիջումների կգնա, բայց երբեք ոչ այդ գնով:

[Ծով]

Երեկվա հանրահավքը զգուշավոր էր ընդամենը, ինչն էլ հենց իր հզորությունն էր, որովհետև բանտերու:րում անմեղ մարդիկ կան:
Հանրահավաքների հետ կապված իշխանությունների անկապ-աննպատակ օրենքները մի խոսքով հօդս ցնդեցին:
Փորձը ցույց տվեց, որ ընդդիմության ջանքերը իրենց արդյունքը տվեցին:
վեեեեեեեեեեեեեե՛՛՛՛՛՛՛րջ, բոլորը հասկացան, ժողովուրդը էլ չի վախենում ոչ ոքից......
Ու եթե այսպես կոչված, ինչպես ասում են, արտոնված լիներ հանրահավաքը, ապա եռակի շատ կլինեին մարդիկ:
Ես այս հանրահավաքը համարում եմ շաաաաաաաաաաաատ ուժեղ միայն որովհետև ժողովուրդը ապացուցեց, որ մեր երկրում իշխանությունն իրենն է:
Եվ մինչև Եվրոպան Հայաստանի հարցը կքննարկի, ընդդիմությունն այլ բան անել չէր կարող, քան պարզապես հիշեցնել իր պահանջներն ու մեկ երկու դիտարկումներ անել:
Եթե առաջ հույս ունեի, հիմա ավելի քան համոզված եմ, որ արդարությունը հաղթելու՛ է.....
Ու դեռ............ ինչեեեեեեեեե՜՜ր են սպասվում.........
Հ.Գ. Մե՛լ ջաաաաաան, Լևոն-Լևոն, ես արդարություն եմ ուզում, ազատություն, արի՛ մեզ առաջնորդ դարձիր, քո հետևից կգաաաաամ

[Աբելյան]

Ի՞նչ ենք մենք ակնկալում այս հանրահավաքից:

դե, ժողովուրդը միասնական էր
մարտի 1-ից հետո մեր միասնակաությունը չի կորել
ժողովուրդը վճռական էր, ոնց որ մի կարևոր բանի էր սպասում, էն էլ՝...
չգիտեմ

Արդյո՞ք այն կհավաքի նույնքան մարդ, որքան վերջին խոշոր հանրահավաքներն էին: Թե՞ մարդիկ հոգնած ու հուսահատված այլևս չեն գնա հանրահավաքի և այն կվերածվի մի քանի հարյուր էնտուզիաստների մերձեցման երեկոյի:

համեմատած փետրվարի 20-ի հավաքի հետ՝ քիչ էին մարդիկ
երևի մի 10 հազար հոգի ըլներ
ծանոթներ ունեմ, որ փետրվարի ցույցերին ինձնից շատ էին գնացել, բայց երեկ չեկան, որովհետև վտանգավոր էր, շոգ էր, հավես չունեին, կամ էլ՝ էլ չէին ուզում
եթե շոգ չլներ, եթե մարդիկ իմանային, որ վերջի պահին ցույցը արտոնվել ա, եթե հավես ունենային գալու, կարող ա շատ ըլնեինք

Սկիզբ կդնի այն արդյո՞ք նոր, ավելի հզոր ժողովրդական բողոքի ալիքի, թե ամեն ինչ վերջացած է…

3-րդ փուլը սկսված ա, բայց առայժմ տենց տպավորություն չկա
տենանք, եթե ամսի 4-ին շատ մարդ հավաքվեց, ուրեմն ավելի հզոր ալիք կլնի

[ChildOfTheSky]

դե, ժողովուրդը միասնական էր
մարտի 1-ից հետո մեր միասնակաությունը չի կորել
ժողովուրդը վճռական էր, ոնց որ մի կարևոր բանի էր սպասում, էն էլ՝...

էն էլ նորից որոշեցին, որ շարժումը օրինական է և չգնացին խորհրդարանն իր պարունակությամբ ավիրելու

երևի մի 10 հազար հոգի ըլներ

դե լավ, մի ճոխացրու, Հայաստանում խի էդքան մարդ կա՞ իշխանություններից դժգոհող

[Artgeo]

համեմատած փետրվարի 20-ի հավաքի հետ՝ քիչ էին մարդիկ
երևի մի 10 հազար հոգի ըլներ
ծանոթներ ունեմ, որ փետրվարի ցույցերին ինձնից շատ էին գնացել, բայց երեկ չեկան, որովհետև վտանգավոր էր, շոգ էր, հավես չունեին, կամ էլ՝ էլ չէին ուզում
եթե շոգ չլներ, եթե մարդիկ իմանային, որ վերջի պահին ցույցը արտոնվել ա, եթե հավես ունենային գալու, կարող ա շատ ըլնեինք

Իսկ ես լիքը մարդկանց գիտեմ, ովքեր առաջ չէին գալիս, իսկ երեկ եկել էին, պատկերացնո՞ւմ ես, որ հուլիսի 4-ին երկու խումբն էլ գա

10 000 լինեինք, Մատենադարանը չէինք ազատագրի:

[ChildOfTheSky]

Հունիսի 20-ի հանրահավաքն ուներ մեկ առաջնային նշանակություն՝ ցույց տալ իշխանությունների և հենց իրենց՝ ցուցարարներին, որ շարժումը չի մարել նույնիսկ 4 ամիս անց: Ընդդիմությունն ու ընդդիմադիր հասարակությունը վերսկսում են փետրվարյան տաք հանրահավաքներն ընդդեմ տիրող ռեժիմի և ուղղված այն տապալելուն: Իսկ թե դուք էլ ձեզ համարում եք ընդդիմադիր, ուզում եք վերադարձնել իշխանությունը ձեզ՝ ժողովրդին, սակայն չեք միանում մեր շարժմանը՝ անվստահություն հայտնելով այս շարժման ղեկավարությանը, ապա կարող եք սկսել ձեր շարժումը, գտնել շարժման ձեր առաջնորդներին և հաղթել: Մենակ թե չասեք՝ մեր շարժումը խանգարում է իրական շարժման ստեղծվելուն. խանգարում ա, լավ ա անում, սպասեք մենք կհաղթենք, իսկ մենք անպայման կհաղթենք, հետո ինչ ուզում եք արեք, բայց դժվար թե ճարեք որևէ չփչացած քաղաքական գործիչ:
Հ.Գ. Հա, մոռացա ավելացնեմ, որ 1996-ին կեղծվել են ընտրությունները …
Հ.Գ.2 Չուկ ջան, դու 96-ի մասին էիր ասում, ես 1996-ի մասին

[Chuk]

Մոդերատորական: Թեմայի 495 գրառումներից 303-ը ջնջվել են: Դրանցից մի մասը վիրավորական էր, մի մասը ծաղրական, մի մասը ջնջվել են, քանի որ առաջացած վեճի (շեշտում եմ՝ վեճի, այլ ոչ երբեք բանավեճի) մասնիկ էին կազմում, մի մասը թեմայի հետ ընդհանրապես առնչություն չունեին, քանի որ մի շարք անդամներ որոշել էին այս թեմայում քննարկել իրենց հուզող խնդիրները, մի մասը ռասիստական ուղղվածություն ունեին, մի մասը անիմաստ էին, մի մասը էմոցիոնալ ու ոչինչ չասող էին...

Իմ ժամանակը և ձեր կատարած գրառումները խղճալով երկրորդ անգամ թեման չեմ ընթերցում, հակառակ դեպքում վախենում եմ, որ մի շարք գրառումներ կարժանան այն 303-ի բախտին: Հուսամ, որ այսուհետ այս և այլ թեմաներում այսպիսի մաքրություն կատարելու կարիք չեմ ունենա, բայց դա, իհարկե կախված է Ձեզնից յուրաքանչյուրից: Միայն թե հաջորդ անգամ, հնարավոր է, չսահմանափակվեմ գրառումները ջնջելով:

Թեման վերաբացվում է:

[Տատ]

Հանրահավաքին մասնակցեցին ընդդիմադիրների գնահատականով 200000, իշխանության գնահատականով 8000, ես, քանի որ շրջել եմ ողջ տարածքում (մեծ դժվարությամբ, ի դեպ, մարդկանց շատ խիտ ու շատ-շատ լինելու պատճառով), հակված եմ համարել որ ներկա էին 100-120 հազար մարդ:

Ի դեպ, թույատրվու՞մ է այս ֆորումում ռուսերեն նյութեր մեջբերել:

Հաշվարկները ցույց են տվել, որ հավաքվել էին մոտ 20 000 մարդ, տարածքից (մոտակա զբաղեցրաց փողոցները ներհաշվելով) խտությունից ելնելով: Արդեն քիչ չէ!!

Արդյոք արժեր ԼՏՊ-ին օդից կրակած թվեր նշել? 120 000(200 000 тоже было названно)