ՊԱՅՔԱ՛Ր
ԸՆԴՀԱՏԱԿՅԱ ԹԵՐԹ
ՀԱՅՐԵՆԱԿԻՑՆԵՐ
Եվ այսպես, Հայաստանի իշխանությունները հերթական անգամ մերժեցին Հայաստանի քաղաքացիների հանրահավաքի հայտը, պատճառաբանելով բանտարկված Ազատության Հրապարակում մանկական մշակութային միջոցառում անցկացնելու անհրաժեշտությամբ:
Ցավալի է տեսնել հոգեվարք ապրող հանցախմբի ողորմելիության աստիճանը, երբ չբավարարվելով շարժման առաջամարտիկներին պատանդ վերցնելու ամոթալի պրակտիկայից, Հայաստանի ազատ քաղաքացիներին պատկանող Ազատության Հրապարակը նույն այդ քաղաքացիներից պատնեշում է մեր մանուկների միջոցով:
ԱԶԱՏ ՀԱՅԵՐԸ Մարտի 1-ի ողբերգական իրադարձություններից հետո հանդես եկան Քաղաքացիական Անհնազանդության կոչով: Կոչը լայն արձագանք գտավ քաղաքացիների շրջանում, իր համեստ նպաստը բերելով շարժման անկոտրում ոգու պահպանմանը: Սակայն ելնելով վարչախմբի շարունակվող ամբարտավան պահվածքից, ինչպես նաև Ազատության Հրապարակը վարչախմբի ելուզակներից օր առաջ ազատագրելու հրամայականից, կոչ ենք անում Հայաստանի բոլոր ազատ քաղաքացիներին՝
• ողջունել քաղաքապետարանի կազմակերպած մանկական մշակութային միջոցառումը
• Հունիսի 20-ին իրենց մանուկների հետ միասին անպայմանորեն ներկայանալ Ազատության Հրապարակ և մասնակցել այդ միջոցառմանը
• միջոցառման ավարտից հետո անցնել անժամկետ նստացույցի:
Հունիսի 20-ին մեր մանուկները կազատագրեն Ազատության Հրապարակը բռնագրավումից : Հունիսի 20-ին մեր մանուկները սկիզբ կդնեն Հայաստանի ապագաղութացման գործնթացին: Մեր մանուկների ազատ ոգու առաջ կընկրկի ցանկացած ելուզակ:
ԱԶԱՏ ՀԱՅԵՐ
Ավելացվել է 13 րոպե անց
http://www.levonpresident.am/media/i...es/June-20.jpg
Մեջբերել
Էջանիշներ