ՉԵՆ ՍՊԱՍԵԼՈՒ ԲԱՆԱԿԱՆՈՒԹՅՈՒՆԻՑ ԿԱՂՈՂ ԻՇԽԱՆՈՒԹՅԱՆԸ
Ընդդիմությունը Երեւանի քաղաքապետարանին 30-ից ավելի հայտ է ներկայացրել Ազատության հրապարակում հանրահավաք անցկացնելու համար, սակայն բոլորն էլ մերժվել է: Լեւոն Տեր-Պետրոսյանի գլխավորած համաժողովրդական շարժման ներկայացուցիչ Լեւոն Զուրաբյանը Հանրային հեռուստաընկերության հաղորդումներից մեկի ժամանակ ասել էր, թե եթե իշխանությունը չբավարարի հանրահավաքների հայտը, այսինքն այն չընդունի ի գիտություն, ապա միեւնույն է, համաժողովրդական շարժումն անցկացնելու է հանրահավաք հունիսի 20-ին:
Մայիսի 19-ին Հայացք ակումբում տեղի ունեցած մամուլի ասուլիսին լրագրողներն այդ առիթով պարզաբանում են խնդրել Լեւոն Տեր-Պետրոսյանի ընտրական շտաբի մամուլի խոսնակ Արման Մուսինյանից, որպեսզի նրա միջոցով հստակեցնեն, թե ի վերջո ընդդիմությունն ինչ ծրագրեր ունի հունիսի 20-ի հետ կապված:
Արման Մուսինյանը նախ տեղեկացրել է, որ ընդդիմությունը, արտակարգ դրության վերացումից հետո, մոտ երեք տասնյակ եւ ավելի հայտ է ներկայացրել հանրահավաքների համար, սակայն իշխանությունը ոչ մի կերպ թույլ չի տալիս, որպեսզի Լեւոն Տեր-Պետրոսյանի կողմնակիցները հանրահավաք անեն Ազատության հրապարակում, թեեւ այդ ընթացքում նույն հրապարակում թույլատրում են ռոք-համերգ կամ օդապարիկների փառատոն, նկատում է Արման Մուսինյանը, եզրակացնելով, որ խնդիրը հենց Լեւոն Տեր-Պետրոսյանի գլխավորած համաժողովրդական շարժման առաջ Ազատության հրապարակը փակ պահելն է:
Արման Մուսինյանն ասում է, որ իրենք, սկսած մարտի 21-ից, մինչեւ հունիսի 20-ը, իշխանությանը տալիս են Հայաստանում գործընթացները քաղաքական հուն տեղափոխելու ողջամիտ ժամկետ: “Եթե մինչեւ այդ ժամկետը բանականությունը չհաղթի, մենք ի վերջո չենք կարող հույսներս դնել այս բանականությունից կաղացող իշխանության վրա: Մենք մեր Սահմանադրական իրավունքը պետք է իրացնենք: Ընդ որում, երբեւէ, Լեւոն Տեր-Պետրոսյանի կազմակերպած հանրահավաքներում որեւէ միջադեպ չի գրանցվել: Գիտեք, հարյուր հազարավոր մարդիկ հավաքվել են Ազատության հրապարակում, մի մեքենա չի քերծվել, մի ապակի չի կոտրվել: Երթեր են արվել, բոլորդ կամ ներկա եք եղել, կամ լուսաբանել եք, որեւէ միջադեպ այդ ընթացքում չի եղել”, ասում է Արման Մուսինյանը:
Ավելացվել է 2 րոպե անց
ԱՐԱՄ ՍԱՐԳՍՅԱՆՆ ԱՌԱՋՆՈՐԴՎՈՒՄ Է ԱՅԼ ՕՐԵՆՔՈՎ
[
18:06] 28 Մայիսի, 2008
՚Հունիսի 20-ին տեղի կունենա Լեւոն Տեր-Պետրոսյանի հանրահավաքը, քանի որ հասարակությունը Տեր-Պետրոսյանին եւ ընդդիմության մյուս առաջնորդներին լսելու կարիք ունիՙ,- այսօր ՚Ա1+ՙ-ին վստահեցրեց ՚Հանրապետությունՙ կուսակցության նախագահ Արամ Սարգսյանը: Նա նշեց, որ հասարակությունն այսօր էլ շփվում է Տեր-Պետրոսյանի հետ. տեսաերիզների միջոցով առաջին նախագահի խոսքը հասնում է ժողովրդին, սակայն նաեւ կենդանի շփման կարիք կա. ՚Ցանկացած օր, երբ Տեր-Պետրոսյանը հարթակ գա, մարդիկ նորից հավաքվելու են, եւ դա արդարացված էՙ: Արամ Սարգսյանի կարծիքով հասարակություն այսօր միայն ցանկանում է լսել, թե ինչպես է արձանագրվելու իր հաղթանակը: Պարոն Սարգսյանը տեղեկացրեց, որ հունիսի 20-ի հանրահավաքաի մասին ընդդիմությունը Երեւանի քաղաքապետարանին դեռ չի իրազեկել, սակայն կհասցնի: ՚Ես քաղաքապետարանին խորհուրդ կտայի, որ չմերժեն, քանի որ միեւնույնն է` մարդիկ կգանՙ: Չե՞ք կարծում, որ նախապես հայտարարելով, թե երբ է նախատեսված հանրահավաքը` իշխանություններին հուշում եք, որ հենց այդ օրը մայրաքաղաքի բոլոր հրապարակները զբաղեցնեն` ՚Ա1+ՙ-ի հարցին` պարոն Սարգսյանը պատասխանեց.՚Այդ մանր ճարպկությունները քաղաքապետարանն անում է պարտադրված: Անկախ նրանից հանրահավաքի օրը նշվեր, թե ոչ, եթե իրենք որոշեն մերժել, կմերժեն առանց պատճառի: Այս երկորւմ այսօր ավելի կարեւոր բան չկա, քանի հասարակության պահանջը` լսել իր առաջնորդինՙ:
Արամ Սարգսյանը վստահ է, որ ուշ, թե շուտ երկրում հանրահավաքներ լինելու են եւ դրանք խոչընդոտելու իշխանությունների փորձերը անիմաստ են: Պարոն Սարգսյանը լուրջ չի ընդունում ՚ժողովների, հավաքների, երթերի եւ ցույցերի մասինՙ օրենքում տեղ գտած սահմանափակումները, առավել եւս, որ ՀՀ սահմանդրությունը ՀՀ քաղաքացիներին շնորհել է ազատ հավաքների իրավունքը: Իսկ ինքն անձամբ առաջնորդվում է այլ օրենքով. ՚Ես առաջնորդվում եմ 2000-ամյա քրիստոնական օրենքով`՚Ձայն բազմաց, ձայն Աստծոՙ: Սա ամենամեծ եւ գլխավոր օրենքն է, որից էլ պետությունները Սահմանդրություն եւ օրենքներ են ստեղծել եւ ասել, որ ժողովուրդները իրավունք ունեն հանրահավաքներ անցկացնելուՙ:
Ինչ վերաբերում է այսօր Ազատության հրապարակը ոստիկաններով շրջափակված լինելուն, ապա նա ասաց.՚Եթե այդքան վախենում են ժողովրդից, ապա ինչպե՞ս են պատրաստվում ղեկավարել այս ժողովրդինՙ:
Ի դեպ, Արամ Սարգսյանն այսօր անդրադարձավ նաեւ Ռոբերտ Քոչարյանի սպորտային տեսքին, որով նա ներկայացել էր Սարդարապատի հուշահամալիր եւ ասաց. ՚Ես երբեք հիացած չեմ եղել Քոչարյանի մտավոր ունակություններովՙ:
Mephistopheles-ի խոսքերից
Ինձ թվում է, որ պայքարը նոր՝ ավելի հզոր թափ է ստանալու...Ինչու....
Մեջբերել
Էջանիշներ