Հանրահավաք հունիսի 20-ին

[Տրիբուն]

Կարճ ասած, չգիտեմ, ով ոնց, բայց ես իմ սեփական ուսումնասիրություններն եմ արել:

Եվ այսպես, մի քանի շաբաթվա ուսումնասիրությունները հարևանության, համլսարանի, ծանոթների, ընկերների, աշխատանքի բերումով ստիպված շփումների, խանութների վաճառողների, տաքսիստների, երեխաների և այլ և այլն շփումների և ուսումնասիրությունների, այսօրվա Ազատության հրապարակում լրիվ անծանոթ մարդկանց արձագանքների հիման վրա պդնում եմ.

ՀՈՒՆԻՍԻ 20-ին ՀԱՂԹԵԼՈ՛Ւ ԵՆՔ

Ինչ ճիշտ, ճիշտ, մինչև մի հիմա մի փոքր կասկածում էի չնայած ցույց չէի տալիս

Ընգեր, պետք չէ գերագնահատված ակնկալիքներ ունենալ, որ հանկարծ մեծ հիասթափություն չապրես: Հաղթելու ենք անպայման: Կամ ինչպես շատերը ճշմարտացիորեն կասեն, արդեն հաղթել ենք, քանի որ մենք շատ ենք: Մենք հիմա, որոշ բացառություններով, գործ ունենք լիովին հեղփախված հասարակության հետ:

...Բայց սա ամենը չէ. հաջորդ քայլով փորձիր ձեւավորել քո հանրահավաքային խումբը, կամ ընդգրկվիր որեւէ այդպիսի խմբի մեջ: Եթե այս ամենը անես, եւ վերը նկարագրված անելիքի մասին պատմես ուրիշներին, նշանակում է հաղթանակին շատ չի մնացել: Ի դեպ, ժամկետների մասին: Պետք չէ հաղթանակի համար սահմանել որեւէ ժամկետ` մեկ շաբաթ, մեկ ամիս, երեք ամիս: Եթե ժամկետ ես սահմանում, նշանակում է պայքարի ես տրամադրված այդքան ժամկետով: Բայց չէ որ մենք պայմանավորվել ենք պայքարել մինչեւ վերջ, մինչեւ հաղթանակ:

Նիկոլ Փաշինյան
Monday, 21 April 2008

[Artgeo]

Ընգեր, պետք չէ գերագնահատված ակնկալիքներ ունենալ, որ հանկարծ մեծ հիասթափություն չապրես: Հաղթելու ենք անպայման: Կամ ինչպես շատերը ճշմարտացիորեն կասեն, արդեն հաղթել ենք, քանի որ մենք շատ ենք: Մենք հիմա, որոշ բացառություններով, գործ ունենք լիովին հեղփախված հասարակության հետ:

Չէ, ժամկետներ ես չեմ էլ նշում Ինչ-ինչ, բայց այդ պահը լավ եմ հասկանում:

[Mephistopheles]

Չէ, ժամկետներ ես չեմ էլ նշում Ինչ-ինչ, բայց այդ պահը լավ եմ հասկանում:

Ճիշտ է Artego ջան, մեզ համար էականը Քաղաքացիական Հասարակություն կառուցելն է, թե չէ իշխանափոխություն հա էլ կլինի ու եղել են…այն ինչ հիմա մեր հասարակությունը "սովորում" է, պետք է կիրառվի միշտ անկախ նրանից, թե ով է իշխանության ղեկին…պայքար օրենքի տառի համար…ԼՏՊ-ն լավ է նշել դրույթները

[Che_Guevara]

Երեկ ով է նայել հայլուրը: Իշխանությունները` ի դեմս տաթևիկ բաղդասարյանի, նորից սկսեցին իրենց վայրահաչությունները: Ասում էր, որ թուրքերը բոյկոտ են արել եվրոտեսիլում սիրուշոյի դեմ, իսկ Հայաստանում իբր արմատական ընդդիմադրիրները ինտերնետով կոչ են արել սփյուռքահայերին չքվյարկել սիրուշիկի օգտին: Սա միայն առիթ էր իրանց տեսանյութը թույնով համեմելու համար: Հետո սկսեց կպնել լրիվ ուրիշ տեղեր, թե իբր մասսոնական լոջը 60 միլլիոն դոլլար փող ա ծաղսել Լևոն Տեր-Պետրոսյանի ընտրարշավի վրա, եվ այլն եվ այլն: հետո անցան ամեաանբարոյական միջոցին: Սկսեցին ցույց տալ "հայոց աշխարհ" պոռնո-թերթում Տեր-Պետրոսյանի ծաղրանկարները, ու ինչ-որ թարախութոյուններ դուրս տալ: Հետո էլ խոսում են ազգը պառակտելու ու ատելություն սերմանելու մասին: Հայաստանում համար մեկ ատելություն սերմանողը հենց հ1-ն ա:

Կարծում եմ սրանք էլի սկսել են ցնցումների մեջ ընկնել, ու փորձում են այս ձևով թուլացնել հունիսի 20-ին կայանալիք մեծ հանրահավաքը: Կարծում եմ գնալով հ1-ը սկսելու է ավելի ու ավելի լպիրշ ու ստերով ու թարախով համեմված հերյուրանքներ տարածել, ու ոնց փորձը արդեն ցույց տվեց, դրանք աշխատելու են իրենց դեմ, ու դրանով Համաժողովրդական Կոնգրեսը գնալով ավելի ու ավելի է հզորանալու:

Ստեղ կարծիք կարդացի, թե ժողովուրդը մեխկ է: Չեմ հասկանում ինչ մասին է խոսքը: Ոնց կարելի է ասել, թե ժողովուրդը մեխկ է, եթե հենց նույն ժողովուրդի ցանկությունն ա դա? ժողովուրդը անհամբեր սպասում ա նոր հանրահավաքների ու պայքարի նոր հնարավորության: Քանի դեռ այս ապօրինի ու արյան վրա ձևավորված իշխանությունները շարունակում են գործել, մեր ժողովուևդը պայքարելու է արդարության ու սեփական արժանապատվության համար

[Artgeo]

թե իբր մասսոնական լոջը 60 միլլիոն դոլլար փող ա ծաղսել Լևոն Տեր-Պետրոսյանի ընտրարշավի վրա,

Երկու օր առաջ «նորանշանակ» վարչապետիկը չէ՞ր հանդիպել ինչ-որ մասսոնական ղեկավարների հետ

[Che_Guevara]

Երկու օր առաջ «նորանշանակ» վարչապետիկը չէ՞ր հանդիպել ինչ-որ մասսոնական ղեկավարների հետ

Չէ հանդիպել էր ԱՄՆ հրյաների համայնքի ղեկավարի հետ: Մասսոնների հետ կապ չունի, իսկ եթե այդ մարդը մասսոնական ինչ որ ղեկավար լիներ, հայլուրը կասեր "Մեր երկրի փառապանծ վարչապետը հանդիպեց ՄԱՍՍՈՆԱԿԱՆ էս ինչ էս ինչ ղեկավարի հետ:"

Հայլուրը դարձել ա են "օտար խաղերի"-ի մակարդակի հաղորդում : Հաղորդավարներն էլ իրանց մակարդակով ֆելոից շատ չեն տարբերվում:

[Artgeo]

Չէ հանդիպել էր ԱՄՆ հրյաների համայնքի ղեկավարի հետ: Մասսոնների հետ կապ չունի, իսկ եթե այդ մարդը մասսոնական ինչ որ ղեկավար լիներ, հայլուրը կասեր "Մեր երկրի փառապանծ վարչապետը հանդիպեց ՄԱՍՍՈՆԱԿԱՆ էս ինչ էս ինչ ղեկավարի հետ:"

Հայլուրը դարձել ա են "օտար խաղերի"-ի մակարդակի հաղորդում : Հաղորդավարներն էլ իրանց մակարդակով ֆելոից շատ չեն տարբերվում:

Չէ, էս վերջին մի քանի ամիսը սիտեմատիկ հանդիպում են «իշխանությունները» հրեական և մասսոնական ինչ-որ ներկայացուցիչների հետ։ Էս 100 տոկոս, Հ1 ով էլ են բազմաթիվ անգամ ասել։

[murmushka]

Հունիսի 20-ին գալու՞ ես
- Ու՞ր
- Էնտեղ, որտեղ ազատության ոգին ա
- Հայաստանից դու՞րս
- Չէ, Հայաստանի սրտում
- Երևանու՞մ
- Հա, Ազատության հրապարակում
- Համե՞րգ ա
- Հա, ազատության համերգն ա լինելու, վերջի սկիզբը
- Ո՞ր վերջի
- Մինչև վերջ-ի
- Ո՞վ ա հավաքվելու
- Հանրությունը
- Հանրության հավա՞ք ա
- Հա, հանրահավաք ա
- Անպայման կգամ, ես էլ եմ հանրության մասնիկ
- Դե ուրեմն հունիսի 20-ին կհանդիպենք Ազատության հրապարակում` հանրահավաքին

[Աբելյան]

- Դե ուրեմն հունիսի 20-ին կհանդիպենք Ազատության հրապարակում` հանրահավաքին

կես ժամից ավել ուշացողները պտի հյուսիսային պողոտայում կամ Կարապի լճի կողմերում մի տեղ կանգնեն

հա, ժողովուրդ, ժամը քանիսի՞ն ա ըլնելու հանրահավաքը

[Artgeo]

ՀԱՆՐԱՀԱՎԱՔԸ ԿԿԱՅԱՆԱ ՑԱՆԿԱՑԱԾ ԴԵՊՔՈՒՄ

Հունիսի 20-ին համաժողովրդական շարժման կենտրոնը նախաձեռնում է հանրահավաք, որին մասնակցելու է նաեւ առաջին նախագահ Լեւոն Տեր-Պետրոսյանը: Այդ որոշման մասին հունիսի 3-ին հայտարարել է համաժողովրդական շարժման կենտրոնի ներկայացուցիչ Լեւոն Զուրաբյանը, ով հյուրընկալվել է Փաստարկ ակումբում:



Նա ընթերցել է համաժողովրդական շարժման կենտրոնի հայտարարությունը, որով փաստվել է, թե իշխանությունը չի կատարում ԵԽԽՎ 1609 բանաձեւի պահանջները, չի ստեղծում մարտի 1-ի իրադարձությունների, այդ օրը ոստիկանության գործողությունների օրինականության եւ իրավիճակին համարժեքության խնդրի ուսումնասիրության անկախ մարմին, չի ազատում քաղբանտարկյալներին, այլ շարունակում է մարդկանց քաղաքական հետապնդումը, ահաբեկումը, նույնիսկ նրանց, ովքեր օրինական հիմունքով փող են փոխանցել Լեւոն Տեր-Պետրոսյանի նախընտրական հիմնադրամին: Լեւոն Զուրաբյանը նշել է նաեւ, թե իշխանությունը չի ապահովում նաեւ երթերի, ցույցերի եւ հանրահավաքների ազատ իրավունքը, որ նույնպես պահանջ է ԵԽԽՎ բանաձեւի մեջ:

“Հաշվի առնելով ԵԽԽՎ 1609 բանաձեւի նկատմամբ իշխանությունների ցինիկ արհամարհանքը, ինչպես նաեւ դրանց կատարման համար բանաձեւում նշված ժամկետի լրացումը. Համաժողովրդական շարժումը որոշել է հունիսի 20-ին Ազատության հրապարակում անցկացնել համահանրապետական հանրահավաք, որի ընթացքում կամփոփվի վերոհիշյալ պահանջների կատարման ընթացքը եւ կքննարկվեն ժողովրդի անելիքները երկրում հիմնարար ժողովրդավարական ազատությունների վերականգնման ուղղությամբ: Հունիսի 20-ին, հասարակական կարգը պահպանելու, առճակատման խորացումը եւ ծայրահեղական դրսեւորումները կանխելու, գործընթացը օրինականության եւ հանրահավաքի ներկայացվելիք հայտի սահմաններում պահելու նպատակով, առաջարկում ենք իշխանություններին նշանակել ոստիկանության եւ քաղաքապետարանի ներկայացուցիչներ, որոնք շարժման ներկայացուցիչների հետ միասին գտնվելով մշտական շփման մեջ, կկարգավորեն հանրահավաքի բնականոն ընթացքը”, համաժողովրդական կենտրոնի հայտարարությունն ընթերցում է Լեւոն Զուրաբյանը:

Լրագրողները նրան հարցրել են, որ ինչ է լինելու, եթե իշխանությունը չարտոնի հանրահավաքը եւ կրկին դիմի ուժային գործողության: Լեւոն Զուրաբյանը նշել է, թե ինչը չի ցանկանում մտածել հոռետեսական զարգացման հնարավորության մասին, ասելով, որ չի կարծում, թե իշխանությունը կգտնվի այդքան անմիտ եւ կգնա Հայաստանում իրավիճակը հերթական անգամ լարելու, երկրի միջազգային հեղինակությանը հերթական հարվածը հասցնելու ճանապարհով: Սակայն ամեն դեպքում, Լեւոն Զուրաբյանը հայտարարել է, որ հունիսի 20-ի հանրահավաքի ընդդիմության որոշումն անփոփոխ է, եթե նույնիսկ իշխանությունը մինչ այդ մնացյալ ժամանակում կատարի ԵԽԽՎ պահանջները: Եթե կատարվեն պահանջները, ապա Լեւոն Զուրաբյանն ասում է, որ ընդդիմությունը հանրահավաքի ընթացքում կողջունի դա եւ պատրաստ կլինի բանակցել իշխանության հետ, բայց հանրահավաքը կկայանա, քանի որ այն ամփոփելու է համաժողովրդական շարժման անցած ճանապարհը, քաղաքական իրավիճակը եւ նախանշելու է շարժման ռազմավարությունը:

Լրագրողները այնուամենայնիվ կրկին հարցրել են, թե ինչ է անելու համաժողովրդական շարժման կենտրոնը, եթե ոստիկանությունը կրկին շրջապատի Ազատության հրապարակը եւ թույլ չտա մուտք գործել այնտեղ: Եթե տեղի ունենա բախում, կրկին լինեն զոհեր, արդյոք ով է կրելու դրա պատասխանատվությունը, հարցրել են լրագրողները: Այդ հարցերին ի պատասխան, Լեւոն Զուրաբյանը նախ նշել է, թե խորհուրդ կտա ոստիկանությանը հարցնել` ինչ օրինական հիմք ունի նրանց գտնվելն Ազատության հրապարակում:

Ինչ վերաբերում է հնարավոր բախումներին, ապա Լեւոն Զուրաբյանը նախ մեկ անգամ էլ կրկնել է, թե չի ցանկանում մտածել իրադարձության հոռետեսական զարգացման մասին, բայց համարում է, որ եթե իշխանությունը խոչընդոտում է, սահմանափակում է ցույցեր եւ երթեր անցկացնելու քաղաքացու Սահմանադրական իրավունքը, ապա իրադարձությունների հետագա զարգացման ամբողջ պատասխանատվությունն ընկնում է իշխանության վրա: “Արդյոք հայ ժողովրդի հանրահավաքների իրավունքը վերջնականապես մերժված է: Արդյոք այլեւս հայ ժողովուրդը իրավունք չունի հանրահավաքներ անցկացնելու”, հարցնում է Լեւոն Զուրաբյանը:

[Տրիբուն]

ՀԱՆՐԱՀԱՎԱՔԸ ԿԿԱՅԱՆԱ ՑԱՆԿԱՑԱԾ ԴԵՊՔՈՒՄ

Հիշեցման կարգով....

ՀՀ Սահմանադրություն

Հոդված 27. Յուրաքանչյուր ոք ունի իր կարծիքն ազատ արտահայտելու իրավունք: Արգելվում է մարդուն հարկադրել հրաժարվելու իր կարծիքից կամ փոխելու այն:

Յուրաքանչյուր ոք ունի խոսքի ազատության իրավունք, ներառյալ՝ տեղեկություններ եւ գաղափարներ փնտրելու, ստանալու, տարածելու ազատությունը, տեղեկատվության ցանկացած միջոցով՝ անկախ պետական սահմաններից:

Լրատվամիջոցների եւ տեղեկատվական այլ միջոցների ազատությունը երաշխավորվում է։

Պետությունը երաշխավորում է տեղեկատվական, կրթական, մշակութային եւ ժամանցային բնույթի հաղորդումների բազմազանություն առաջարկող անկախ հանրային ռադիոյի եւ հեռուստատեսության առկայությունը եւ գործունեությունը։

Հոդված 29. Յուրաքանչյուր ոք ունի խաղաղ, առանց զենքի հավաքներ անցկացնելու իրավունք:

[Տրիբուն]

Դավիթ Շահնազարյան

..Մարտի 22-ին ես կոչ չեմ արել մասնակցել երթերի, սակայն հիմա ողջ հայ ժողովրդին կոչ եմ անում հունիսի 20-ին մասնակցել հանրահավաքի` այս հանցագործ իշխանություններից ազատվելու համար: Այն պայքարը, որը սկսել է մեր ժողովուրդը, ավարտվելու է Հայաստանից հանցագործ ռեժիմի վտարումով, եւ դա անելու է ժողովուրդըՙ
....
՚Ես 1998թ.-ից եւ հիմա էլ հայտարարում եմ, որ Ռոբերտ Քոչարյանը քրեական հանցագործ է: Սա վիրավորանք չէ, սա իրավական գնահատական է:

[Artgeo]

Հոդված 29. Յուրաքանչյուր ոք ունի խաղաղ, առանց զենքի հավաքներ անցկացնելու իրավունք:

Հա, բայց հունիսի 20-ի հանրահավաքը անզեն չի լինի ամեն մեկի ձեռքին մի բռունցք է լինելու

[Տրիբուն]

ԻՐԱԶԵԿՈՒՄ ԷԻՆ ՀԱՆՐԱՀԱՎԱՔԻ ՄԱՍԻՆ

ԱԺ-ի շենքի մոտ այսօր ծածանվում էին ազատություն եւ ժողովրդավարություն պահանջող պաստառներ:

՚Ազատ, անկախ Հայաստանՙ, ՚Ազատությունՙ,՚Պայքար, պայքար մինչեւ վերջՙ բացականչություններով եւ ՚Ժողովրդավարությունը ինտելեկտուալ միջավայրի արդյունք էՙ,՚Աստված պահպանվածին է պահպանումՙ,՚Հունիսի 20ին` Ազատության հրապարակՙ,՚Միասին ապրենք օրենքի եւ արդարության մեջՙ,՚Ժողովրդինն է իշխանությունըՙ,՚Դեպի արտահերթ խորհրդարանական ընտրություններՙ` բավանդակությամբ պաստառներով Ազգային ժողովի դիմաց բողոքի ակցիա էր կազմակերպել ՚Կանայք հանուն խաղաղությանՙ հասարակական կազմակերպությունը:

Նրանք ցանկանում էին այսօր թռուցիկներ բաժանելու միջոցով մարդկանց տեղեկացնել հունիսի 20-ի հանրահավաքի մասին:

՚Ժողովրդավարության սկզբունքները ոտնահարված են, ոչ մի պահանջ չի կատարվում, մենք պետության լիիրավ անդամ ենք եւ ամսի 20-ին անելու ենք մեր ուզածը եւ բողոքի ձայնը բարձրացնելու ենք ի լուր աշխարհի, բացի դրանից պահանջելու ենք խորհրդարանի արտահերթ ընտրություններ, դրանից հետո նախագահի ընտրություններ եւ լիգիտիմ չի ճանաչվելու գործող իշխանությունըՙ,-ասաց ՚Կանայք հանուն խաղաղությանՙ հասարակական կազմակերպության նախագահ Գայանե Մարտիրոսյանը:

Նշենք, որ երբ նրանք հավաքված էին Ազգային ժողովի դիմաց, վարորդներից ոմանք կանգնեցնում էին իրենց մեքենաները եւ կարդում պաստառների վրա գրվածները: Իսկ վարորդների մի մասն էլ ազդանշաններով եւ բռունցքներով հաստատում էին, որ միանում են համաժողովրդական շարժմանը: Աժ-ի շենքի մոտ բողոքելուց հետո ակցիայի մասնակիցները երթով շարժվեցին Հյուսիսային պողոտա:

Նշենք, որ երթի ողջ ընթացքում ոստիկանները հետեւում էին նրանց: Նրանք նույնիսկ մի պահ փորձեցին խոչընդոտել ակցիան` պատճառաբանությամբ, որ չպետք է մտնեն Ազատության հրապարակ, սակայն Գայանե Մարտիրոսյանը խոստացավ, որ չեն մտնի:

Երթի մասնակիցները պտտվեցին Օպերայիշուրջը, բայց չմտան Ազատության հրապարակ: ՚Պահպանեք մեր Ազատության հրապարակը, ամսի 20-ին գալու ենքՙ,- ոստիկաններին դիմելով՝ ասացին երթի մասնակիցները:

Երթի մասնակիցների ակցիան ավարտվեց Հյուսիսային պողոտայում, ինչին էլ հաջորդեց նրանց քաղաքական զբոսանքը:

[19:10] 05 Հունիսի, 2008, Ա1+

[Kuk]

ԱՐՄԵՆ ԱՇՈՏՅԱՆԸ ՀԱՆՐԱՀԱՎԱՔԻՆ ՀԵՏԵՎԵԼՈՒ Է «ԿՈՂՔԻ ՍՐՃԱՐԱՆԻՑ»

Հանդիպման վայրը` «Մեղեդի» սրճարան


Ներկայացնում ենք ՀՀԿ խմբակցության պատգամավոր Արմեն Աշոտյանի դիտարկումները` կապված վերջին շրջանի հայաստանյան քաղաքական զարգացումների հետ:

- Վերջին օրերին խոսակցություններ կան այն մասին, որ Դուք դիմում եք ներկայացրել Սերժ Սարգսյանին, որտեղ նշել եք, թե այլեւս չեք ցանկանում շարունակել պատգամավորական գործունեությունը, եւ որեւէ երկրում ՀՀ դեսպան նշանակվելու ցանկություն եք հայտնել:

- Այդ լուրերը նման ձեւակերպմամբ չեն համապատասխանում իրականությանը: Նաեւ չեմ ժխտում իմ ցանկությունը հնարավորության դեպքում աշխատել արտաքին քաղաքական գերատեսչությունում, մասնավորապես` արտերկրում ներկայացնել Հայաստանի Հանրապետությունը: Նման տեսակի ցանկության հիմք է հանդիսանում անցած տարի Մոսկվայի արտաքին հարաբերությունների ինստիտուտում իմ ստացած վերապատրաստման որակավորումը, ինչպես նաեւ օտար լեզուների իմացությունը` մասնավորապես անգլերենի եւ ֆրանսերենի: Սակայն օբյեկտիվ այս կոմպոնենտը դնում ենք մի կողմ. կա մեկ այլ ավելի կարեւոր եւ օբյեկտիվ պատճառ` քաղաքական իրավիճակ եւ քաղաքական որոշում կուսակցության ղեկավարության կողմից: Այսինքն` ես դիմում չեմ գրել եւ ինքնուրույն գործողություն ծավալելու հավակնություն չունեմ այս առումով: Իմ բոլոր ցանկություններն ու քայլերը ես համահունչ եմ դարձնում իմ կուսակցության հայտարարություններին, այդ թվում եւ` իմ քաղաքական կարիերայի հետ կապված:

- Այնուամենայնիվ, ո՞ր երկրում կուզենայիք դեսպան աշխատել:

-Եթե նման հնարավորություն տրվի կամ տրվեր, ես ավելի շուտ ինձ թույլ կտայի աշխատել միջին կալիբրի եվրոպական որեւէ երկրում, բայց ոչ եվրոպական գերտերություններում, կամ ԱՊՀ երկրներում` բացի Ռուսաստանից:

- Անկեղծորեն ասեք. չե՞ք հոգնել պատգամավոր աշխատելուց: Հատկապես վերջին շրջանում Դուք Ձեր աշխատանքից հաճույք ստանում ե՞ք:

- Ես հասկացա, որ Դուք սեւեռվել եք իմ համեստ կերպարի եւ իմ համեստ ցանկությունների վրա: Ինչեւէ. պատասխանեմ Ձեր հարցին: Այն աշխատանքը, որը դու չես կատարում ելնելով քո սկզբունքներից եւ նաեւ էմոցիոնալ դաշտից` չի կարող քեզ գոհունակություն պարգեւել: Քաղաքական ասպարեզում աշխատանքը ենթադրում է նախեւառաջ ամենօրյա ինքնակատարելագործում, հսկայական ծավալի գրականություն, հսկայական ծավալի էմոցիոնալ սթրես: Բացի այս, շատ քիչ ժամանակ է մնում անձնական հարաբերությունների եւ ընտանիքի համար: Այս առումով մենք բոլորս մի քիչ հոգնած ենք, մանավանդ, եթե հիշենք, ինչքան բուռն էր վերջին մեկ տարին` լուսահոգի վարչապետ Անդրանիկ Մարգարյանի մահը, դրան հաջորդած խորհրդարանական ընտրությունները, մի քիչ շունչ քաշելուց հետո ամբողջ հասարակությունը եւ քաղաքական վերնախավը գլխիվայր մտավ քաղաքական պայքարի մեջ, նախագահական ընտրություններին հաջորդած ողբերգական իրադարձություններ, մարտի մեկի արտակարգ իրավիճակ, հասարակական ճգնաժամ, միջազգային որոշակի ճնշումներ եւ դիտողություններ: Այս ամենը, բնականաբար հոգնեցնում է բոլորին, եւ ես էլ բացառություն չեմ:

- Ինչպես արդեն տեղյակ եք, Համաժողովրդական շարժումը վերահաստատեց հունիսի 20-ին Ազատության հրապարակում կայանալիք հանրահավաքի նախաձեռնությունը` հայտարարելով, որ հանրահավաքը կայանալու է բոլոր դեպքերում: Դուք որպես ժողովրդի մի մասնիկ մասնակցելո՞ւ եք այդ հանրահավաքին:

- Չեմ կարծում, որ նորից պետք է վերադառնանք կոտրած տաշտակին եւ փորձենք հանրահավաքի անգամ հարյուր հազարավոր մասնակիցներին բնորոշել ժողովուրդ: Գուցե ես պատահաբար անցնեմ կամ դիտավորյալ անցնեմ հանրահավաքի կողքով, բնականաբար բուն հանրահավաքին չեմ գնա: Իհարկե, ինձ հետաքրքիր է, թե ինչ են մտածում մեր արտախորհրդարանական ընդդիմության ղեկավարները, մասնավորապես` նախկին նախագահ եւ թեկնածու Լեւոն Տեր-Պետրոսյանը: Ինձ սա հետաքրքիր է ե°ւ որպես քաղաքացի« ե°ւ քաղաքական գործիչ: Գուցե սրճարաններից մեկում, որտեղ կենդանի լսողություն կա, փորձեմ լսել հանրահավաքը: Հուսով եմ, որ ինքնազսպման մեխանիզմները կաշխատեն, եւ ընդդիմության հանրահավաքը կտեղավորվի ՀՀ հասարակաքաղաքական զարգացումների տրամաբանության մեջ: Ես վստահ եմ, որ ընդդիմությունը կանի այնպես, ինչպես հայտարարել է, եւ օրինազանցությունների խնդիր չի առաջանա: Ես հուսով եմ նաեւ, որ ԱԺ-ն մոտակա քառօրյայում կընդունի ժողովների, երթերի եւ ցույցերի մասին օրինագծի փոփոխությունների 2-րդ ընթերցումը, եւ սա կարող է լինել իշխանությունների կողմից կամքի դրսեւորում` մինչեւ ամսի 20-ը ստեղծել համապատասխան օրինական դաշտ: Ընդդիմությունը մայիսի 2-ին իր առջեւ դրեց նոր նշաձող, այն է` ունենալ միասնական, վերկուսակցական, իսկ հետո նաեւ կուսակցական նոր համակարգ` ի դեմս Հայ Ազգային Կոնգրեսի: Իշխանությունները շահագրգռված են, որ երկրում լինի ինստիտուցիոնալ ընդդիմություն, բայց այստեղ խնդիրներ կան: Լեւոն Տեր-Պետրոսյանի դրոշի ներքո հավաքվել են իրարամերժ քաղաքական հոսանքների եւ հայացքների ներկայացուցիչներ` մարքսիստներից մինչեւ ծայրահեղ լիբերալներ, սոցիալիստ հնչակներից մինչեւ անհասկանալի գաղափարախոսությամբ անգամ չվերագրանցված կուսակցություններ: Բացի այդ, այսօրվա ընդդիմությանը ես ուզում եմ հիշեցնել 2003 թ. ընդդիմության ճակատագիրը, այն է` ընտրությունները հերքելու ու չճանաչելու եւ տարիներ շարունակ նոր ընտրությունների անցկացման վրա պնդելու ռազմավարությունը ապահովում է, այո, մի երկու տարվա քաղաքական ակտիվություն: Բայց դա այն ճանապարհը չէր, որը թույլ տվեց այն ժամանակվա ընդդիմության առաջնորդներին` Ստեփան Դեմիրճյանին եւ Արտաշես Գեղամյանին վերարտադրվել 2007 թ.:

-Պատմական հոլովույթի շրջանակներում Ձեր մտքի թռիչքը շատ հեռուն գնաց: Բայց վերադառնանք. երբ Դուք խոսում եք Համաժողովրդական շարժման դրոշի ներքո հավաքված ուժերի ընդհանուր գաղափարախոսության բացակայության մասին, մի պահ հայացք գցո՞ւմ եք Ձեր կուսակցության վրա: Կարո՞ղ եք ասել` ի՞նչ գաղափարախոսությամբ են միմյանց հետ կապված ցեղակրոն նժդեհականներն ու կրիմինալ օլիգարխները:

- Ձեր հարցադրումը, չնեղանաք, շատ ժամկետանց է: Այդպիսի հարցադրումներ մամուլում եղել են 2006 թ. ՀՀԿ արտահերթ համագումարից հետո, երբ պարոն Սարգսյանն ընտրվեց կուսակցության նախագահ« եւ իր հետ ՀՀԿ մտան մի շարք բիզնես էլիտայի ներկայացուցիչներ, որոնց Դուք փորձում եք կոչել ինչ-որ ուրիշ անունով: Ես կարծում եմ, որ Դուք մի քիչ ծանոթ չեք Հանրապետականի ծրագրային դրույթներին: ՀՀԿ-ն ազգային պահպանողական կուսակցություն է:

- Իսկ մեզ թվում էր, թե ՀՀԿ-ն «մարդասիրական» կուսակցություն է:

- Շարունակեմ. ինչպես այլ երկրներում, պահպանողական կուսակցությունները, որպես կանոն, լինում են խոշոր բիզնեսի շահերը արտահայտող կուսակցություն:

- Այսինքն` Դուք խոստովանում եք, որ էլիտար բիզնես խավերի շահերն արտահայտող եւ այդ շրջանակին սպասարկող կառույց եք, հետեւաբար` այդ գաղափարախոսության կրողն եք:

- Ես զարմանում եմ Ձեր լրագրողական տաղանդի վրա` ներքաղաքական զարգացումները տեսնել քաղաքագիտական ճշմարտություններով:

-Շնորհակալություն մեր ժամկետանց հարցերին մոդեռն պատասխաններ տալու համար: Իսկ ի՞նչ կասեք քաղբանտարկյալների մասին:

- Եկեք խուսափենք քաղբանտարկյալ եզրույթից:

- Խուսափեք:

-Հայաստանում չկան քաղբանտարկյալներ. կան քաղաքական այլ հայացքներ ունեցող մարդիկ, ովքեր կասկածյալ են ինչ-որ քրեական եւ վարչական բնույթի իրավախախտումների մեջ:

- Աստվածատուր շնորհքի թե համապատասխան գեների արդյունքում է, որ Դուք տեսնում եք մի բան, բայց կարողանում եք տրամագծորեն հակառակ բանի մասին բարձրաձայն արտահայտվել:

- Մի քիչ ավելի պարզ կձեւակերպե՞ք: Այդ խայթոցի մեջ ես չհասկացա հարցը:

- Հաշվի առնելով Ձեր ինտելեկտուալ հնարավորությունները` կփորձեմ. ես վստահ եմ, որ Դուք ներքին համոզմունք ունեք, որ Հայաստանում կան քաղբանտարկյալներ, բայց բարձրաձայն ժխտում եք` միայն Ձեր քաղաքական շահը հետապնդելով: Ինքնախաբեությունից չե՞ք հոգնել:

-Իմ քաղաքական շահը, ինչպես յուրաքանչյուրինս, իմ երկրի կայունությունն ու զարգացումն է: Եթե Ձեզ թվում է, որ լինել պատգամավոր, լինել իշխանության կուսակցության անդամ կամ լինել առհասարակ իշխանության մեջ, իմ քաղաքական շահն է, ներեցեք իհարկե, բայց Դուք չարաչար սխալվում եք: Եվ ոչ իշխանության մաս կազմելը, ոչ էլ պատգամավոր լինելը ինքնանպատակ չէ:

- Իսկ դարձե՞լ է:

-Չի եղել եւ չի էլ դարձել: Ինչ վերաբերում է Ձեր այդ վստահությանը, թե ես իրականում այլ կարծիք ունեմ, բայց այլ կարծիք եմ հնչեցնում, ապա տպավորություն եմ ստանում, որ Դուք իմ երկրորդ «ես»-ն եք: Իհարկե, մարդկային շփումների ընկալումները, քաղաքացիական ընկալումները եւ քաղաքական ընկալումները մի քիչ տարբեր են լինում իրենց արտահայտչամիջոցների մեջ: Բնականաբար, որպես քաղաքական կերպար դու արտահայտում ես քո մոտեցումները այլ բառային ձեւաչափով, հասարակ զրույցներում` մեկ այլ ձեւաչափում: Ավելի անկեղծ, ավելի բաց, եւ գուցե բացում ես նաեւ ենթատեքստեր:

- Ես հասկացա, որ Դուք շտապում եք նախագահական նստավայր: Կարո՞ղ ենք իմանալ` ի՞նչ նպատակներով եք գնում այնտեղ:

- Ո՞վ ասաց:

- Հասկացա Ձեր հեռախոսազրույցից:

- Դա կատակ էր: Ես մնում եմ կուսակցության գրասենյակում աշխատելու. չէ՞ որ սա էլ նախագահական կուսակցություն է:

Հ.Գ. Եվ այնուամենայնիվ, Արմեն Աշոտյանին երեկ սպասում էին նախագահականում. հարցազրույցից անմիջապես հետո նա ուղեւորվեց Բաղրամյան փողոց: Ի դեպ` Աշոտյանի դիմումը Սերժ Սարգսյանը մերժել է: Այնպես որ, այս պատգամավորը ստիպված է առաջիկայում եւս մի կերպ յոլա գնալ Ազգային ժողովում:



Գոհար Վեզիրյան