Իմ վերևի մարդը

[Dayana]

Բյուրը ակումբի միակ մարդն է, ում մասին կարծիքս ամեն գրառումից հետո փոխվում է Բայց մի անգամ միայն, այն փոխվեց 180 աստիճանով:
Առաջին անգամ երբ Բյուրին տես, նույնիսկ ինձ չնկատեց, հեռախոս էր փնտրում, քանի որ իր հեռախոսը կորցրել էր: Շատ չսիրեցի ինչի համար հետո երկար ժամանակ ամաչում էի: Բայց երբ սկսեցի օրագիրն հետևել հասկացա, որ ինքը լրիվ ուրիշ է: Շատ տարբեր, իսկական նիքին սազական: Չկա էնպիսի մի բան, որ ասեմ բյուրից չեմ սպասում Բառիս բոլոր իմաստներով: Լավն է, շատ նուրբ հոգի ունի, շատ է թաքնվում, մեկ-մեկ նույնիսկ անտարբերության կամ չարաճճիության դիմակի տակ թաքցնում էէդ նրբությունը: Երբեք թույլ չի տա, որ իրեն օգնեն: Ուժեզ է: Կօգնի դիմացինի ? :hmm եթե ցանկանա, եթե արժանի համարի, ամեն ինչ կանի: Կար մի ժամանակ երբ ամբողջ ակումբում միայն բյուրին չէի սիրում, ու էդ չսիրելը մեղմ ասված է Ինքը գիտի էդ մասին : Գիտի նաև, որ հիմա շատ եմ սիրում: Բյուր սիրես չսիրես ` էլ վերջ, սիրելու եմ Բյուրի գրեթե բոլոր գրառումները խիստ ինֆորմատիվ են /մամա ջան էս ինչ բառ գրեցի / : Ամենաազդեցիկը` Վիժողները: Էս գրառումը ստիպեց ինձ 180 աստիճանով փոխվել:
Բյուր, էն մարդկային իրական սիրով քեզ շատերն են սիրում ես էլ եմ սկսել

[StrangeLittleGirl]

Դայուշը լավ էր գրել. սկզբում նրան չէի նկատում, ինչպես շատերին: Երևի ոչնչով չէր առանձնանում: Հետո սկսեցի նկատել, բայց գրառումները ներվերիս վրա ազդում էին: Մի տեսակ վերևից էի նայում նրան (զզվելի սովորություն է): Բայց հետո սկսեցի մի քիչ սիրել նրան… Ուղղակի, ինչպես շատ-շատերին: Իսկ հետո, երբ ինձ մի լա՜վ լացացրեց, երբ բոլոր վերքերիս հերթով կրակեց, ո՜նց սկսեցի սիրել նրան: Խորը մարդ է, ինչն առաջին հայացքից չի երևում: Նրա օրագիրը շա՜տ եմ սիրում: Էնքա՜ն դրական է, էնքա՜ն թեթև, էնքա՜ն համով:

Ափսոսում եմ, որ երբ հանդիպումներին եկել է, թողել-թռել եմ կամ ուղղակի չեմ շփվել նրա հետ: Ու նորից այն համեմատաբար նոր ակումբցիներից է, որին շա՜տ եմ սիրում:

[Ֆրեյա]

Բյու~րի
StrangeLittleGirl ին այն ժամանակներից եմ հիշում, երբ մականունը Բյուրակն էր Բյուրին սիրում եմ իր` ամենի նկատմամբ հստակ ու գիտական մոտեցման համար: Կոնկրետ ու ռեալ մտածելակերպ ունեցող մարդ է, ունի իր հստակ առանցքը ու կողմնորոշումները կյանքում, անկախ այն բանից, թե դրանք ում դուր կգան, կամ չեն գա…
Բյուրը յուրահատուկ, ինքնատիպ անձնավորություն է, ցանկացած բանից տեղյակ է, ամեն ինչին պատասխաններ ունի:
Բյուրին կբնութագրեի որպես վարդ, որ բոլորին ցույց է տալիս իր փշերը, իր ուժը, բայց ներսում` հոգու խորքում նուրբ ու ջերմ վարդի պես սիրտ է թաքնված

[Ուլուանա]

Victory_-ի գրառումները վերջերս եմ նկատել, մինչ այդ երևի հիմնականում քաղաքականության թեմաներում էր ակտիվ, իսկ ես այնտեղ գրեթե չեմ մտնում։ Ընդհանուր բավական դրական տպավորություն ունեմ։ Նրան ռեալում տեսած ու ինձ համար կարևոր մարդկանցից էլ նրա մասին խիստ դրական կարծիքներ եմ լսել։ Victory_–ից մի տեսակ հանգստություն ու դրականություն է բուրում, ինչը նաև լուսանկարները նայելիս եմ զգացել։ Բայց միաժամանակ նաև ինչ–որ համառություն եմ նկատել, որը, սակայն, իմ կարծիքով, ոչ միշտ է տեղին ու արդարացված։

[impression]

Ուլուանա - բացառիկ գրագիտությամբ ու համբերությամբ օժտված մարդ է, նույնիսկ դժվարանում եմ ասել, թե այդ երկու բնորոշումներից որն եմ ավելի հարգում Անուկի մոտ: Շատ հետաքրքիր գծեր ունի, որոնք նոր-նոր եմ սկսել նկատել: Ու ինքն ինձ համար գնալով ավելի հետաքրքիր է դառնում: Ասենք բոլորս նրան գիտենք հիմնական գծերով, ու բոլորիս կարծիքները համընկնում են, բայց սկսել եմ որոշակի «նրբերանգներ» ընկալել, որոնք և մեծացնում են հարգանքս, և աճում է հետաքրքրությունս նրա անձի հանդեպ: Բազմաշերտ է Ուլուն, ու բոլոր շերտերը դասավորված են խնամքով, թափթփված բաներ չկան, ինքն իր արժեքը գիտի, ինքն իրեն ճանաչում է, բայց չի ձգտում օգնել, որ դու էլ ճանաչես: Մնացածի մասին՝ հետագա «ուսումնասիրություններից» հետո:

[Բարեկամ]

impression-ը չեմ հիշում երբ դարձավ Լիլ:
Այսինքն հենց էդ մասին էլ ուզում եմ գրել: Արտակումբային impression-ը դեռ Լիլ չի: Ինքը owl ա: Իսկ Լիլ դառնում ա հազվադեպ, դե շատ մեկ-մեկ
Արդեն չեմ էլ կարող առանձնացնել impression-ին, owl-ին ու Լիլին: Իրանք շաղախվել, դարձել են ամբողջություն: Դրա համար կգրեմ այդ երրորդության մասին:

impression-owl-Լիլը մինչև վերջին ներվը էմոցիոնալ էակ ա: Ու դրա ձեռը կրակն ա ընկել: Էդ քիչ ա, դեռ ուզում ա ում հասցնի, հետը գցի…

Ինքը նենց հավեսին բնորոշումներ տալ գիտի: Մի բառանի: Օրինակ, եթե հարցնեմ պողոսն ով ա, մեն մի հատիկ բառով կկրակի նենց, որ ավելի ամբողջական, համապարփակ ինֆո չէր կարող տալ…

Լավ զգալ գիտի: Ու էլի ձեռը կրակն ա ընկել…

Լիլն առանց մարդկանց յոլա չի կարող երբևէ գնալ, ինքը որքան խորը ինտրովերտ, նույնքան հեռու էլ էքստրավերտ ա: Ու էլի ձեռը կրակն ա ընկել…

Սեփականատեր ա, նախանձախնդիր: Դա երևի սեփական արժեքայնության մասին ինքնահիշեցում ա, հակառակ դեպքում` լիճ ա:

Լավ, դեռ որ էսքանը, ուշանում եմ, բայց կարևորը ինչպես միշտ չասվեց…

[Artgeo]

impression-ին շատ եմ սիրում, հազվադեպ են պատահում այնպիսի մարդիկ ում նկատմամբ ժամանակի ընթացքում վերաբերմունքս չի փոխվում: Ճնշող մեծամասնության նկատմամբ ժամանակ առ ժամանակ որոշակի անկումներ են լինում, անվստահություն, հեռանալու ցանկություն: Լիլոյին ճանաչելուց ի վեր վստահել եմ 100 տոկոսով ու սիրել: Մի տեսակ գույներ է ավելացնում այս մոխրագույն կյանքում, վառ կետիկ... չէ ԿԵՏերից ա իմ կյանքի: Անմիջական ա, ուղիղ, երբեք չի մտածի ասե՞լ, թե՞ չէ այն ամենը ինչ մտածում է: Ուղիղ երեսիդ ա շպրտում: Ամենակարևոր գծերից մեկն ա, որի համար ես նրան հարգում եմ ու սիրում: Եթե մյուսների դեպքում մտածում եմ, թե հետևիցս ի՞նչ են խոսում, Լիլոյի դեպքում կասկած չունեմ որ չի խոսում: Կարճ ասած սերս ա: Լիլ, էսօր կոֆե չխմե՞նք

Ավելացվել է 4 րոպե անց
Բարեկամ -ի մասին էլ միայն լավը կարող եմ ասել: Չնայած մի քանի մարդկային մինուս ունի: Մի տեսակ ինքնամփոփ ա, ինքնագնահատականը իմ համեստ կարծիքով ցածր է: Իրականում նա շատ ավելի լավն է, քան ինքն է կարծում: Խիստ սահմանազատում է իր ռեալ կյանքն ու վիրտուալը: Աշխատում է ամեն ինչ անել, որ ռեալն ու վիրտը չխառնվեն իրար: Ինչքան նկատել եմ, վիրտում ավելի իսկական է, քան ռեալում: Բարեկամին չեմ կարողանում մինչև վերջ հասկանալ, քանի որ ինքը թույլ չի տալիս դա անել: Ավելի շատ լսում է, քան խոսում: Լսելու ունակությունը շատ ուժեղ է: Մի բանում եմ համոզված հաստատ, որ Բարեկամին ռեալում տեսնելու մեծ ցանկություն ունեմ:

[comet]

խմենք

Լիլը կենացի բաժակը մեծահոգաբար զիջեց, որ տրամադրվի Արտգերոյին գովաբանելուն: Ասեմ, որ ֆորումի երեխեքին էնքան էլ լավ չեմ ճանաչում, բայց արդեն կարողացել եմ որոշ չափով որոշ հատվածի մասին կարծիք կազմել: Արտգեոյի մասին կարող եմ ասել` մի քիչ տխուր, մի քիչ միայնակ, բայց լեցուն է կյանքով ու անընդհատ փնտրտուքների մեջ` նորը գտնելու, բացահայտելու մեծ ցանկությամբ: Հետաքրքրասեր է, ակտիվ, բանիմաց, մարդկային էն տեսակներից է, որ կյանքից ուզում է վերցնել այն ամենը` ինչ հնարավոր է: Ասում են գիրուկները կամ թմբլիկները բարի են իրենց էությամբ, Արտգեոն երևի հենց դրանցից է:

[Երկնային]

GISastgh

Ինքը դեռևս չբացահայտված կերպար ա, բայց մի տեսակ չարաճճիություն ու քնքուշ ա իմ աչքին երևում… միանշանակ ռոմանտիկ ա ու սենտիմենտալ… երևի երազկոտ, ամաչկոտ… դեռ քիչ եմ ուսումնասիրել, բայց սենց անպաշտպան կանացի կերպար ա մոտս ձևավորվել…

[Artgeo]

Երկնայինին սկզբում ընդհանրապես ուշադրություն չեմ դարձրել: Հետագայում սկսել եմ կամաց-կամաց ուսումնասիրել: Ընդհանուր առմամբ դրական, բարի կերպար է, մի փոքր մելամաղձոտ ու տխուր բնավորթույամբ: Մանկական անհավասարակշռություն ունի, կարող է ժպտալ ու լաց լինել միասին կամ մի քանի վարկյանի տարբերությամբ: Փխրուն հոգի ու մարմին ունի: Կյանքում չեմ հասկանա նրա «կարճ ճանապարհ» փնտրելու ու գտնելու անունակությունը: Սիրառատ է: Ամաչկոտ ու քաշվող անձնավորություն է: Եթե ինձ խնդրեին մեկ սմայլով բնութագրել Երկնայինին, ապա այդ սմայլը միանշանակ կլիներ:

[Վարպետ]

Artgeo-ն լիքն ա... Ահավոր լիքն ա: Որ բան չավելացնեմ էս ասածիս, միթե ոչ ոք չի հասկանա, թե ես ինչ նկատի ունեի?

Նկատողություն ստացա Բագրատից` կարճ գրառման համար, ուստի ավելացնում եմ Արթուրի մեջ, իմ պատկերացմամբ, ինչ կա` լիքն ա: Եթե ինքը սիրում ա, սիրում ա անմնացորդ, ավարտուն, եթե ինքը բարի ա, ուրեմն իր ներսը մինչև վերջ պետք ա լցված լինի բարությամբ, եթե ինքը պետք ա զզվեցնի մեկին, ապա իր մեջ լիքն ա դառնում ցինիզմը, սուր միտքը, հետևողականությունը: ՈՒ էսպես շատ կարող եմ շարունակել Արթուրի մեջ ինչ կա էդ պահին, կամ ընդհանրապես, լիքն ա: Ինքը կիսատ մարդ չի, ու ես դրա համար իրան շատ եմ սիրում
Հա, մեկ էլ չմոռանամ ասել, որ լիքը ասելով, հիմնականում նկատի ունեի, որ ինքը չաղ ա

[Բարեկամ]

Ուրեմն շուտ ասեմ՝ քանի ոչ ոք չի ասել
Վարպետի օֆիցիալ ու լեգալ ներդրումների շնորհիվ ֆորումը ահագին շահելու ա, դաժը եթե ինձ արվող անհիմն նկատողությունները չպակասեն
Վարպետը իր կերպարով ինձ մոտ ասոցացվում ա լեգենդար Վորոշիլովի /շոումեն, մյուսի հետ չխանեք/ կերպարի հետ, ու դա ահագին հետաքրքիր ա
Կներես, Վարպետ ջան, բայց Բուլգակովի Վարպետի համար քո էնտուզիազմը գերազանցում ա, ու հուսով եմ երբեք չի ճնշվի՝ չնայած քո մեծ հարգանքին բուլգակովյանի հանդեպ

Առայժմ էսքանը

[Երկնային]

Բարեկամ

երևի էս թեմայում ամենաշատը Բարեկամի մասին եմ գրել, ու միշտ նորն եմ գտել գրելու… հենց հիմա մի բան կա, որ չեմ դիմանա, եթե չասեմ… հիմա վստահ եմ, որ ինքը մի այլ կարգի քնքշանք ա իրենից ներկայացնում… ու դոզան էլ մեծ ա, ուղղակի չի շռայլում աջ ու ձախ, այլ նվիրում ա միայն նրանց, ում արժանի ա համարում… դրա համար էլ բոլոր նրանք, ովքեր իր քնքշանքից ստանում են, լավ մեծ չափաբաժիններով են ստանում…
եթե մի օր հանդիպենք, բռնելու եմ, ուժեղ-ուղեղ գրկեմ ու պաչիկ անեմ, ձեռքիցս չես պրծնի…

[Բարեկամ]

Բա ես էլ երկնայինի մասին գրեմ
սենց կիսառեալ մի քիչ շփվել ենք…
Ինքը մռութիկ ա իսկական
փափուկ խաղալիք
իրա մեջ լիքը զգացմունք կա՝ գերնրբության հասած:
Նույնիսկ զարմանում եմ՝ ինչքան համբերատար ա, ներքուստ ուժեղ… էդ հոյակապ հատկություններ են

[Rhayader]

Հաճելիորեն զարմացած եմ: Բավականին ինտելլեկտուալ տիպ է: Ավելին դեռևս չեմ կարող ասել: