Իմ վերևի մարդը

[Նորմարդ]

Նորո ասա, Նորո ասա

Ի՞նչ ասեմ Ան ջան…

Լավ ասեմ

Արիադնա նույն ինքը Վարդուհի նույն ինքը Աննա

Աննայի հետ ծանոթացել էի մինչև պարզելը, որ ակումբի Վարդուհին Բգոի քույրիկն ա, միշտ կարդում էի գրառումները ու մտածում հետաքրիր մարդ կլինի ռեալում, տեսնես մի օր կգա հանդիպման ու հա հարմար պահ էի ուզում գտնեի որ ասեի «Երբ ես գալու հանդիպման», էս կեղտոտ Բագրատն էլ ձեն չէր հանում Մի անգամ կարծեմ հարցրեցի «Էս Վարդուհին ով ա՞» ասեց «Եսիմ»:
Վերջը ծանոթացանք ու իմ մոտ ամեն ինչ պարզվեց, սպասելիքներս արդարացան ակումբում միշտ դրական Վարդուհին կյանքում էլ է միշտ դրական Աննա
Տակ դեռժած բռատուխա

[Artgeo]

Երեկ հիշում էին, թե ոնց եմ Նորոյի հետ ծանոթացել Ակումբի ծանոթություններիս երկրորդ ալիքի առաջին մարդն ա Հիշում եմ, որ հենց սկզբից Նորայրը մի տեսակ դրական տպավորություն թողեց: Ընդհանրապես բավականին համբերատար է, դեմքին գրեթե միշտ խաղաղություն է, անկախ իրավիճակից: Այն քիչ մարդկանցից է, ով իմ պսիխոզները հանգիստ ա տանում, ինչի համար ի դեպ շատ շնորհակալ եմ: Իմ նեխած բնավորության պատճառով շատ եմ սխալներ թույլ տվել, բացառություն չի նաև Նորոն: Նույնիսկ երբ կարծում էի, որ վերջ, էլ կյանքում երբեք հետս չի խոսա, զանգում ու գրում էր Համառ է, իր նպատակին հասնում է համարյա միշտ: Եթե մի բան որոշել է իր համար, ապա ամեն ինչ կանի, որ ռեալը իր որոշածով լինի, բայց նենց, որ կողքինները չեն էլ նկատի:
Ամենաշատը ինչ գնահատում եմ Նորոյի մեջ, յուրահատուկ ու 100 տոկոսանոց ընկերությունն ա: Յուրահատուկ, քանի որ իր համար ընկերությունը այն է, որ ինքը ինչ որ մեկին համարում ու ընդունում է որպես ընկեր, անկախ նրանից, թե դիմացինը ինչ է մտածում: Ընկերների համար նույնիսկ կյանքը կտա ու սա չափազանցություն չի:
Շատ եմ սիրում ու հարգում Նորմարդուն, որն այսքան հին ու ծանոթ մարդ է դարձել

[Dayana]

Արթուրի մասին չգրեք ես եմ գրում

Արթուրին որ դեռ չէի ճանաչում, ինձ թվում էր ահավոր ինքնասիրահարված տիպա: Մի տեսակ խուսափում էի իրեն հանդիպելուց: Վերոնիկան մի անգամ մի կարգին գովել էր, բայց դե մեկա խուսափում էի: Մեկ էլ մի օր Արթուրը գրառումա անում ՝ Դայանաին չգիտեմ, նույնիսկ ակումբում չեմ նկատել, իսկ ես 1000 գրառում արդեն ունեմ ու ավելացնումա, որ ինքը հաճախ չի նկատում լավ մարդկանց: Ու էդտեղ, ինչպես ասում են հեքիաթներում, թագավորի տղան իրա մատը կծեց Մի օր էլ Լիլի հետ պապլավոկով քայլում ենք ու տեսնեմ ակումբցիների մի փոքրիկ "բանակ": Էդ թվում էր նաև դմբոիկս: Ասեց ՝
-Քեզ երեկ տեսել եմ:
-Չէ:
-Հա դե լավա, ուղղակի հիվանդ եմ չեմ հիշում: Ես գնացի, հեսա կգամ: /Բյուրի հետ գնացին/,... Դայ ընկեր ունես,- գոռաց հեռվից:
-Չէ

Հետո հանդիպեցինք Ցիտադելում, ինքը սկսեց էստեղ աշխատել ու տենց ընկերացանք: Իրան ցանկացած իրավիճկում տեսնում եմ: Մարդ ա իսկական մարդ, որ կարող է ջղայնանալ, ուրախանալ, գոռալ, լացել ու մնացած բոլոր մարդկային գործողություններ անել: Բայց տարբերվումա բոլորից, ինքը էդ ամեն ինչն անումա մաքսիմալ անկեղծ: Արթ քեզ շատ եմ սիրում ու շատ ուրախ եմ, որ քո պես ընկեր ունեմ: Չփոխվես:

[Katka]

Ինքը շատ լավն է, ռեալում չեմ տեսել ու կարծում եմ դրա անհրաժեշտությունը չկա, բարի ,համբերատար, սիրաշատ:
Հիմա մենակ մի բան եմ մտածում ինչը կարող է իրան համբերությունից հանել

[Սամվել]

Երկար ժամանակ մտածում էի որ Կատկան 2րդ մականունա չնայած մինչև հիմա էլ մի քիչ կասկածում եմ

Իրականում շատ քիչ են աչքիս ընկել իրա գրառումները դե սպորտում երևի չի գրում

Բայց դե իմ տեսածից ահագին ուշխուժ ու լավ հումորով մարդու տպավորությունա թողել..
Երևի դեռ այսքանը կասեմ.. հուսով եմ մի օր առիթ կլինի ավելի մանրամասն ծանոթանալու

[Artgeo]

Սամվելին նոր-նոր եմ սկսում ճանաչել: Բավականին լավ մարդ է, սակայն իմհկ ունի մի քանի թերություններ, որոնց շտկելու ուղղությամբ որքան նկատել եմ աշխատում է: Ունի որոշակի ավորիտետ պատկերացումներ, որոնք, սակայն ինչքան նկատել եմ մինչև վերջ չի հիմնավորում ու չի պնդում: Գրառումների ճնշող մեծամասնությունը զգացմունքային է, չմտածված: Հիմնականում կարծիքս ձևավորվել է ֆորումի շրջանակներում, ֆորումից դուրս գրեթե չենք շբվել, բայց ինչքան որ շբվել ենք, զգացմունքայնությունն ու հեշտ բռնկվելը ռեալում էլ եմ նկատել: Ընդհանուր առմամբ չար մարդ չէ, ավելին, կարող եմ ասել, որ բարի է ու կամեցող: Կարծում եմ որ լիարժեք անձնավորության (թերություններով և առավելություններով) ձևավորման նախնական փուլում է, այս փուլն անցնելուց հետո, նոր կարելի է խոսել Սամվելի մասին

[ars83]

Փաստորեն, ինձ Արթջեոն բաժին ընկավ...
Շփվել եմ միայն ֆորումի շրջանակներում։ Քաղաքավարի, մի փոքր փշոտ, երազկոտ մարդու տպավորություն է թողնում։ Չափից շատ է խոսում ուտելիքի, երբեմն էլ՝ անկողնային գործողությունների մասին, բայց երկուսն էլ, կարծում եմ, պաշտպանիչ ռեակցիաներ են և դիմակներ (համենայն դեպս, երկրորդը)։ Ամեն տեղ աչքին Վլադիմիր Վլադիմիրովիչն է երևում . դա լավ չէ։ Հազվադեպ եմ տեսնում նրան Հայոց լեզվի, Արվեստի կամ Մաթեմատիկայի բաժնում, այլապես ավելի շատ կշփվեինք, հավանաբար («Խնդիր խաղից» թեման լավն էր , ինձ մտածել տվեց)։
Որպես մոդերատոր էլ վատը չի

Ոչ մի կերպ չեմ կարողանում որոշել նրա մասնագիտությունը։

Այսքանը, թերևս։

Հ.Գ. Տեսնես, իմ մասին ո՞վ է գրելու։

[Մարկիզ]

Արսեն ջան, գրեցի…

Արսենի հետ մեր ֆորումային բանավեճերն սկսվել են երեւի նրա գրանցման հենց սկզբից:
Միանաշանակորեն համոզված եմ, որ Արսենն ահագին բանիմաց է:
Ու ինձնից լավ է շախմատ խաղում:
Բացի այդ շա՜տ հավասարակշռված է:
Շատ հաճելի է շփվել մի մարդու հետ, ով երբեք ազնվության, պարկեշտության սահմանները չի անցնում: Չի կարելի մոռանալ նաեւ նրա ազգասեր, «բարոյախրատական» մեծ բովանդակություն ունեցող գրառումները:

Արսենի երեւի միակ թերությունը մի փոքր «պարզամտությունն» է կամ «մաքրությունը». չգիտեմ, ինչպես է կարելի ճիշտ ասել:
Դա էլ դեռ հարց է՝ թերությու՞ն է, թե՞՝ ոչ…
Երկմտանքիս պատճառը երեւի այն է, որ ներկայումս նման մարդիկ այնքան էլ հաճախ չեն հանդիպում, մի տեսակ «արդի» չէ /նկատի ունեմ նրա բնավորությունը/, որը գուցե իր համար, մեր այս գորշ իրականությունում, այնքան էլ ճիշտ չէ:

[Սամվել]

Մարկիզը շատ հետաքրքիր կերպարա ակումբում.. Լավ հումոր ունի.. ոնց հասկանում եմ լավ գիտակ բժիշկա համ էլ Բարսայի Երկրպագու Լուտշե նե պրեդստավիշ

Հետաքրքիր կլինի նաև իրան ճանաչել Ռեալում.. Համ էլ մի օր սկսել էի մտածել որ Աստղի Եղբայրնա Բայց հետո Աստղը ասեց որ չէ

Մի խոսքով Կլասիկոն նայելու որ գնանք կանչելու ենք իրեն .. հուսով եմ կգա

[ars83]

Թույլ տվեք խախտել կարգը ու գրել Մարկիզի մասին

Նախ, Մարկիզ ջան, շնորհակալ եմ, որ այսքան լավ բաներ ես գրել իմ մասին. սա, իհարկե, վկայում է ոչ թե նրա մասին, որ ես իրոք ունեմ այդպիսի լավ հատկանիշներ , այլ որ քո մեջ կա մարդկանց մեջ լավ բաներ տեսնելու հազվագյուտ ունակությունը՝ մաքուր հոգու հատկանիշ։

Արսենի հետ մեր ֆորումային բանավեճերն սկսվել են երեւի նրա գրանցման հենց սկզբից:

Համարյա։ Հենց եկա ֆորում, այս հաճելի մարդը (իրոք հաճելի, առանց որևէ չակերտների) դիմավորեց ինձ բավականին կտրուկ գրառումներով Մի օր էլ իրար կծու բաներ գրեցինք չեմ հիշում որ բաժնում, հետո անձնական նամակներ գրեցինք՝ պարզելու, թե ինչու ենք վիճում։ Սա ուզում եմ անպայման ասել, որ Մարկիզը առաջինը գրեց այդ թեմայում, որ իր հաղորդագրությունն իմ հասցեին ջնջեն։ Տհաճ գրառումներ արդեն հասցրել եմ կարդալ և գրել, բայց Մարկիզը կարողացավ հասկանալ, ներել և մեծահոգություն ցուցաբերել։ Սա, միգուցե, աննկատ անցնող մանրուքներ են ֆորումում, բայց ինձ համար շատ կարևոր են, որովհետև մարդու սրտի մասին են խոսում։

Ու ինձնից լավ է շախմատ խաղում:

Հարգելի ժողովուրդ, խնդրում եմ չհավատալ նորին գերազանցությանը, համեստություն է անում։ Պատմեմ եղելությունը։ Ես մի յոթ տարի շախմատի եմ գնացել, առաջին կարգ եմ ունեցել, մի խոսքով թույլ շախմատիստ չեմ Մարկիզի հետ խաղլուց (որն, իդեպ կարգ չունի), նա կարողացավ նյութական առավելության հասնել (էն որ զինվոր կամ ֆիգուր ավել են ունենում), ու մի պահ հեռու էր հաղթանակից ընդամենը մեկ քայլ (պարզապես չտեսավ, երևի տանեցիները բզբզեցին, թե չէ, ես պատրաստվում էի հանձնվել)։ Այդտեղ ես, ասած ընկերներիցս մեկը, «էլի ֆռացրի, տարա» Այսքան բանը, իհարկե, չի գրել։

Իմ պատկերացմամբ սրտացավ, պատասխանատու, մաքրասիրտ անձնավորություն է։ Մասնագիտությամբ, ինչքանով հասկացա, բժիշկ է։ Պատմածներից և ընդհանրապես գրառումներից երևում է, որ բարեխիղճ է։ Երևի ամուսնացած չէ, համոզված եմ որ երեխասեր է և ընտանիքի լավ հայր է լինելու։
Մի խոսքով, որ չստացվի "кукушка хвалит петуха за то что хвалит он кукушку" տարբերակը շատ չգրեմ։ Հուսով եմ, առիթ կլինի իրական կյանքում էլ ծանոթանալ։

[Ձայնալար]

Մոդերատորական: Հաջորդը գրում է Սամվելի մասին, և կխնդրեմ այլևս չխախտել կարգը:

[Գալաթեա]

Սամ

Սամվելին ռեալում ավելի շատ եմ սիրում, քան վիրտուալում։
Վիրտուալում ոնց որ ինքը չլինի։ Մենակ հումորնա իրանը Ամենաշատն իր մեջ սիրում եմ կազմակերպված, ուշադիր լինելը...էն ինչ ես չունեմ էլի
Գրառումներն էդքան շատ չեմ կարդում, որտև հիմնականում սպորտ-ում ա գրում։
Մեկ-մեկ քաղաքականությունում ա հավեսին բաներ գրում, ղժժալու։ Էդ գրառումներից էլ լիքը բան կարելի ա իր մասին ջոկել։ Եթե ուշադիր կարդաս
Սամ...տրադիցիոն

[Մարկիզ]

Քանի որ Սամվելի մասին արդեն գրել էի, գրառումս թույլ տվեք տեղադրել:
Սամվել

Սամվելը հիմնականում գրառումներ է կատարում այն բաժիններում, որտեղ ինքս շատ չեմ հաճախում: Երեւում է, որ սպորտի եւ հատկապես ֆուտբոլի մեծ երկրպագու եւ գիտակ է: Չնայած նրան, որ /այ քեզ բա՜ն, նոր եմ հայտնաբերում/ ընդամենը 20 տարեկան է, նրա հաճախ կատարված գրառումները քաղաքականություն բաժնում բավականին օբյեկտիվ են …

Էլ չեմ ասում, որ Բարսելոնի մեծ երկրպագու է: Եվ սրանով պետք է, որ ամեն ինչ ասված լիներ:
Չնայած Բարսելոնի երկրպագու է, բայց շատ օբյեկտիվ ու հավասարակշռված մոդերատոր է, հատկապես` շատ տոլերանտ է Ռեալի «ֆուտբոլից մի 2000 կմ հեռու» երկրպագուների նկատմամբ:
Կլասսիկոն էլ իրար հետ կդիտենք ու կերկրպագենք աշխարհի լավագույն ֆուտբոլային ակումբին…Սամվել ջան…


Գալաթեա

Նրա մասին գրելն այնքան դժվար է թվում, որ վախենում եմ՝ նրա մասին գրառում կատարելուց: Բայց «ահս» թոթափեմ ու գրեմ…
Առաջին ակումբցիներից մեկն էր, որ ինձ դիմավորեց «գրկաբաց»…
Հըլը էդ քիչ չի, կլավիատուրայով տեքստ հավաքելն էլ սենց հեռվից –հեռու սովորացրեց:
Առաջին ակումբցին էր, որին ես սիրեցի ու մինչեւ հիմա սիրում եմ: Ու դաժե /մի տեղ էլ նշել եմ/ իմ ամենասիրելի ակումբցին է:
Այ, որ նա այստեղ չէր եւ երկար ժամանակ գրառումներ չէր կատարում, ես զգացի, թե նրա բացակայությամբ որքա՜ն բան է կորցնում ակումբը: Գրականությունում չկային նրա առողջ քննադատականները, քաղաքականությունում չկային նրա սուր, երբեմն «մահացու խայթող» գրառումները, զրուցարաններում պակասել էր միայն նրա ներկայության դեպքում առկա «սթափեցնող» պաչերն ու «չափալախները»… եւ այլն…

Իսկ իրականում, համոզված եմ, Գալաթեան շա՜տ իմաստուն, ահագին «սենտիմենտալ», «դինամիկ»՝ որոշումների առումով, անձնավորություն է, որին հասկանալը ամեն մարդու «բան» չէ: Նա «վառ անհատականություն է»…

[impression]

Մարկիզ

Շատ յուրատեսակ ակումբցի է Մարկիզը, սուր հումոր ունի, զարգացած է, հետաքրքիր գրառումներ է անում, կարողանում է բավականին ճշգրիտ ընկալել դիմացինին: Վերջերս իր մի գրառումից շատ ազդվեցի, Ակումբն ինձ համար-ում էր գրել, իր հանդեպ վերաբերմունքս էլ ավելի լավացավ, դրական աուրա ունի, չպարտադրող է վիրտում, իրական կյանքում չգիտեմ, չէի էլ ուզենա իրեն ճանաչել, հիմնականում վիրտն ավելի լավն է լինում ռեալից, իրենից ոչ մի կերպ հիասթափվել չէի ուզի:
Հա, մեկ էլ, գիտեմ որ դա անհնար է, որ էդպես լինի, բայց պիտի ասեմ՝ ահավոր նմանեցնում եմ հին անդամներից մեկին, ում շատ սիրում ու կարոտում եմ:

[Մտահոգ]

impression
ռեալում իրեն չեմ ճանաչում, վստահ եմ վիրտուալ ու իրական կերպարները այնքան էլ տարբեր չեն: Չգիտեմ ինչու impression-ի կերպարը իմ մոտ ասոցացվում է մագաղաթյա հին մատյանի հետ, հասկանալի ոչ բոլորի համար, հասկանալու համար կարդացողը պետք է հատուկ պատրաստվածություն անցած լինի, մանրանկարներով էջեր, ոսկեղենիկ հայերեն, միգուցե նույնիսկ պակասող էջեր: Ամենահետաքրքիր ակումբցիներից է, եթե ոչ ամենահետաքրքիրը: