Դա Վինչիի ծածկագիրը / The Da Vinci Code

**Koms** · 20.05.2006, 08:55

Մեծ աղմուկ է բարձրացել ողջ աշխարհում` այդ ֆիլմի հետ կապված /պրեմիերան եղավ Կաննի փառատոնում երեք օր առաջ/: Անգամ մեր Հայ Առաքելական Եկեղեցին դեմ դուրս եկավ այդ ֆիլմի ցուցադրմանը Հայաստանում:

Երեւի շատերը կարդացել են այդ գիրքը, կամ գուցե գիտեն թե ինչ գաղափարներ են այնտեղ արծարծվում:

Այնպես որ` Ձեր կարծիքները այդ ստեղծագործության վերաբերյալ /եւ նրա "շուրջը":

**StrangeLittleGirl** · 20.05.2006, 14:35

Ես ֆիլմը չեմ դիտել, բայց գիրքն եմ կարդացել: Ասեմ, որ այն ոչ մի գեղարվեստական արժեք չունի, չնայած որոշ հետաքրքիր պահեր կային (գոնե սկսեցի Դա Վինչիի նկարներն ուսումնասիրել, որ տեսնեմ, թե ինչքանով է ճիշտ այնտեղ գրվածը): Ինձ թվում է՝ այդ ստեղծագործության հիման վրա շուտ պիտի ֆիլմ նկարեին, որովհետև դա կարդալու բան չի, իսկ ֆիլմը գոնե մի քիչ «կուտվի»:
Ես դեմ եմ այսպիսի արձագանքներին: Ինքս լինելով քրիստոնյա, համաձայն չլինելով գրքի գաղափարներին, պնդում եմ, որ այն պետք է ցուցադրվի: Վերջիվերջո, դա էլ մի ուրիշ տեսակետ է:

**Lionne_en_Chasse** · 20.05.2006, 17:42

Գիրքը նոր էի սկսել , ուզում էի սկզբից գիրքը կարդալ հետո ֆիլմը նայել ու մոտավորապես պատկերացնում էի ինչի մասին է, բայց երբ մի երկու բան ասեցին գրքի պարունակությունից , որոշեցի չկարդալ ընդհանրապես : Ֆիլմն էլ չեմ նայելու:

**John** · 20.05.2006, 21:27

Շատ վատ կարծիքներ եմ լսել ֆիլմի մասին,բայց մինչեվ ինքս չդիտեմ,չեմ կարող ասել,պե՞տք է ֆիլմի ցուցադրությունը արգելել,թե՞ չէ։Բայց ամեն դեպքում դա ԳԵՂԱՐՎԵՍՏԱԿԱՆ ֆիլմ է ու կարծում եմ,որ պրոբլեմ չկա,եթե այնտեղ Հիսուսը սովորական մարդու կենցաղով է ապրում։

**Chuk** · 21.05.2006, 00:36

Կինոն ուզում եմ նայել, որովհետև պարզապես հետաքրքիր է, թե ինչպես են նկարել այդ գրքի կինոն: Լսել եմ, որ շատ ավելի թույլ է, քան գիրքը:

Գիրքը իմ կարծիքով միջինից ցածր կարգի դեդեկտիվ վեպ է, որը չնայած մի շատ մեծ արժանիք ունի, որ բավական շատ հետաքրքիր տեղեկություններ կան մեջը, և ընթերցողը կարդալուց որոշ չափով ծանութանում է միջազգային մշակույթին:

Աղմուկի իմաստ չեմ տեսնում: Առաջին գիրքը չէ, որտեղ Հիսուսի մասին այդպիսի թեմաներ են շոշափվում, ոչ էլ առաջին կինոն: Իմ կարծիքով ոչ մի վտանգ իրենից չի ներկայացնում, չնայած որ գիրքը կարդալուց իմ մեջ էլ կար զգացմունք, որ գիրքը որոշակի կրոնական կառույցների պատվեր է:

Եվ վերջապես աղմուկի պատճառը չեմ հասկանում նաև այլ պատճառով. այս աղմուկի պատճառով գնալով ավելանում է կինոն նայել ցանկացողների թիվը: Նույնիսկ խիստ կասկածում եմ, որ աղմուկի սկիզբը դրվել է որոշակի մարկետինգային հաշվարկներից ելնելով՝ նպատակ ունենալով ապահովել կինոսրահներում կինոն դիտողների և տեսասկավառակները գնողների թիվը: