Երրորդ սերնդի տեխնոլոգիաների (Third Generation, 3G) ներդրումը Հայաստանում:
19 հունիս 2008
“ԱրմենՏել” ընկերությունը, որը մատուցում է հեռահաղորդակցության ծառայություններ Beeline ապրանքանիշի ներքո հայտարարում է Երևանում 3G համակարգի փորձնական գործարկման մասին:
2008թ. հուլիսի սկզբից Հայաստանում Beeline-ի բաժանորդները հնարավորություն կունենան օգտվել 3-րդ սերնդի ցանցից` 3G համակարգից:
Beeline-ը դարձավ առաջին օպերատորը, որը ներդրեց նոր սերնդի ցանցը Հայաստանում. հուլիսի վերջին ընկերությունը կսկսի 3G համակարգի կոմերցիոն գործարկումը:
“Beeline-ը մեծ նշանակություն է տալիս Հայաստանում 3G ծառայության հնարավորինս լայն տարածմանը, որը հնարավորություն կտա որակապես բարելավել կապի օգտագործման հնարավորությունները թե աշխատանքի և թե զվարճությունների համար, պարգևել վառ զգացողություններ և շփումներ բաժանորդին: Սա շատ կարևոր քայլ է կոնվերգենտ ցանցի ստեղծման ճանապարհին, որի կառուցումը նախատեսում ենք ավարտել 2009-ի վերջին: Ներկայումս կոնվերգենտ լուծումները աշխարհի քիչ թվով երկրներում են մատչելի: Այս ցանցը, որը համակցում է ֆիքսված և բջջային կապերը, ընկերությունը մտադիր է Հայաստանում զարգացնել փուլ առ փուլ: Երրորդ սերնդի տեխնոլոգիաների (Third Generation, 3G) ներդրումը Հայաստանում թույլ կտա մեզ մատուցել որակապես նոր ծառայություններ – նշեց Նեյչո Վելիչկովը, ԱրմենՏել ՓԲԸ Գլխավոր տնօրենը:
“Ապահովելով բարձր արագությամբ ինտերնետ կապ, 3G ստանդարտը հնարավորություն է տալիս բաժանորդին անցկացնել վիդեո-ասուլիս, կամ մասնակցել դրան” - նշեց շարժական կապի բիզնեսի գծով տնօրեն Գ. Կալգաշկինը:
Առաջին փուլում 3G-ն հասանելի կլինի քաղաքի կենտրոնական մասում և հիմնական մայրուղիների տարածքում:
u2007թ. Հոկտեմբերի 1-ին ՀՀ Հանրային ծառայությունները կարգավորող հանձնաժողովը որոշում ընդունեց բավարարել ԱրմենՏել ՓԲԸ դիմումը` անհրաժեշտ ռադիոհաճախականությունների հատվածների օգտագործման թույլտվություն ստանալու և երրորդ սերնդի ցանցի (3G) ներդրման համար: Համաձայն գործող թիվ 60 լիցենզիայի ԱրմենՏելը իրավունք ունի մատուցել ծառայություններ 3G համակարգի միջոցով Հայաստանի Հանրապետության ողջ տարածքում:
3G համակարգ - դրանք երրորդ սերնդի շարժական տեխնոլոգիաներ են, որոնք թույլ են տալիս ստանալ “մուլտիմեդիա” բջջային ծառայություններ և Ինտերնետին միանալու բարձր արագություն: 3G համակարգի միջոցով մատուցվող ծառայությունների ցանկի մեջ են մտնում նաև տեսահեռախոսակապը (վիդեոհեռախոսակապ), տեսա-զանգը (վիդեո-զանգը) և շարժական հեռուստատեսությունը: 3G-ի ներդրման շնորհիվ բարձր արագությամբ ինտերնետի, բջջային կապի բաժանորդները կստանան ծառայությունների ավելի լայն տեսականի, տեղեկատվության հսկայածավալ հոսքեր:
Ավելացվել է 1 րոպե անց
Կապի սպասարկման ծածկույթի ընդլայնումը Հայաստանում:
18 հունիս 2008
Մենք շարունակում ենք ընդլայնել կապի սպասարկման ծածկույթը Հայաստանում:
Վերջին շաբաթվա ընթացքում կապի որակը բարձրացվել է հանրապետության հետևյալ բնակավայրերում`
Երևանի մարզ` ք. Երևան
Արմավիրի մարզ` Արմավիր
Գեղարքունիքի մարզ` Ծովազարդ
Լոռու մարզ` Վանաձոր, Պրիվոլնոե, Սվերդլով
Կոտայքի մարզ` Քաղսի
Փնտրե´ք ձեր բնակավայրի անունը մեր նորություններում...




Մեջբերել

Էջանիշներ