«ԱՐՄԵՆՏԵԼՆ» ԻՋԵՑՆՈՒՄ Է ՀԱՅԱՍՏԱՆԻՑ ՌՈՒՍԱՍՏԱՆ, ԱՄՆ ԵՎ ԿԱՆԱԴԱ ԶԱՆԳԵՐԻ ՍԱԿԱԳՆԵՐԸ
ԵՐԵՎԱՆ, 15 մարտի. /ԱՌԿԱ/.
«ԱրմենՏել» ՓԲԸ-ն (ապրանքանիշը` Beeline) հայտարարում է Ռուսաստան, Կանադա և ԱՄՆ զանգերի սակագների իջեցման մասին «Հայերի Աշխարհ» ծառայության շրջանակում:
Ինչպես երկուշաբթի «ԱՌԿԱ» գործակալությանը հայտնեցին ընկերության մամուլի ծառայությունից, մարտի 15-ից Կանադայի և ԱՄՆ-ի ֆիքսված և բջջային ցանցի համարներին ելքային զանգի մեկ րոպեի սակագինը 13.99 դրամ է նախկին 24 դրամի փոխարեն, իսկ Ռուսաստանի զանգերինը` (բացի Մոսկվայից և Սանկտ Պետերբուրգից) 29.99 դրամ՝ նախկին 49 դրամի փոխարեն: Դեպի Մոսկվա և Սանկտ Պետերբուրգ ելքային զանգի մեկ րոպեի սակագինը 24 դրամ է:
«Միջազգային զանգերի սակագների նվազեցումը մեր ընկերության արդյունավետ սակագնային քաղաքականության արդյունքն է, որ հնարավոր է դարձնում մատչելի և որակյալ շփումը ոչ միայն Հայաստանում, այլ նրա սահմաններից դուրս»,- նշեց «ԱրմենՏել» ՓԲԸ-ի գլխավոր տնօրեն Իգոր Կլիմկոն:
«Հայերի Աշխարհ» ծառայությունը թույլ է տալիս թե ֆիքսված, թե շարժական կապի ֆիզիկական անձ հանդիսացող բաժանորդներին զանգահարել աշխարհի բոլոր երկրներ ինտերնետ-հեռախոսակապի (VoIP) սակագներով` առանց նախապես քարտ գնելու: Միջազգային զանգ կատարելու համար անհրաժեշտ է պարզապես հավաքել *88* (00) (երկրի կոդ) (քաղաքի կոդ) (բաժանորդի հեռախոսահամար):
«Հայերի Աշխարհ» ծառայության միջոցով իրականացված միջազգային զանգերի հաշիվն ընդգրկվելու է բաժանորդին ներկայացվող հեռախոսային ընդհանուր հաշվում: Բաժանորդի ցանկության դեպքում կարող է ներկայացվել զանգերի վերծանում, որտեղ «Հայերի Աշխարհ» ծառայության միջոցով իրականացված զանգերը կներկայացվեն առանձին:
«ԱրմենՏել» ՓԲԸ-ն «ՎիմպելԿոմ» ընկերության 100 տոկոսանոց դուստր ձեռնարկությունն է: 2007թ.-ի ապրիլից «ԱրմենՏելի» բաժնետոմսերի 100 տոկոսը պատկանում է ռուսական ընկերությանը: «ԱրմենՏելը» տրամադրում է ֆիքսված, շարժական կապի և Ինտերնետ հասանելիության:--0-
հենց էս պահից սիրելի համարների հետ խոսում ենք 4 դրամ / րոպե սակագնով:
իսկ գրված է "սպասեք անակնկալների"...![]()
Վերջին խմբագրող՝ Աթեիստ: 01.04.2010, 22:11: Պատճառ: Մեծատառեր
Այս պահին թեմայում են 6 հոգի. (0 անդամ և 6 հյուր)
Էջանիշներ