«ԱՐՄԵՆՏԵԼ»-Ն ԱՌԱՋԻՆԸ ԳՈՐԾԱՐԿԵՑ ՎՃԱՐԱՅԻՆ ՏԵՐՄԻՆԱԼՆԵՐԻ ՄԻՋՈՑՈՎ SIM-ՔԱՐՏԵՐԻ ՎԱՃԱՌՔԸ
ԵՐԵՎԱՆ, 22 հունվարի. /ԱՌԿԱ/. «ԱրմենՏել» ՓԲԸ հայկական ընկերությունը (ապրանքանիշը՝ Beeline) վաճառքի է հանել SIM-քարտեր MegaPay վճարային տերմինալների միջոցով («Մեգա Պանտերա» ՍՊԸ):
Ինչպես ուրբաթ «Նովոստի-Արմենիա» գործակալությանը հայտնեցին ընկերության մամուլի ծառայությունից, առաջին անգամ Հայաստանում հաճախորդը կարող է ձեռք բերել Beeline կանխավճարային համակարգի SIM-քարտ վճարային տերմինալի միջոցով:
Դրա համար պետք է միայն ընտրել նախընտրելի համարը և հաշիվը լիցքավորելու համար գումար մուտքագրել: Սուրհանդակն անվճար կառաքի քարտը հաճախորդին, կվերցնի անձնագրի պատճենը և տեղում կիրականացնի ձևակերպումը:
«Մենք դարձնում ենք մեր առաջարկներն առավելագույնս հարմարավետ` օգտագործելով ոչ միայն սեփական փորձը և հնարավորությունները բարձր տեխնոլոգիաների ոլորտում, այլ նաև մեր գործընկերների հետաքրքիր առաջարկները: Այժմ դառնալ Beeline ցանցի բաժանորդ ավելի հեշտ է: Դա հատկապես կարևոր է այն մարդկանց համար, ովքեր արժևորում են իրենց ժամանակը և ձգտում են ստանալ լավագույն ծառայություններ» - նշել է «ԱրմենՏել» ՓԲԸ-ի գլխավոր տնօրեն Իգոր Կլիմկոն:
Սկզբնական փուլում ծառայությունը հասանելի է Երևանում, որտեղ բոլոր ցանկացողները կարող են ձեռք բերել Beeline ամենատարածված սակագնային պլանը` «Քեզ համար Էքսկլյուզիվ», Mega Pay համակարգի 250 տերմինալներից մեկի միջոցով:
Դրա համար տերմինալի «Beeline» բաժնում անհրաժեշտ է ըտնրել «Գնել համար» ենթաբաժին և հետևել հրանագներին: Հաճախորդը կարող է իր ցանկությամբ ընտրել համարը: Օրինակ, «099» կոդով և «123» թվերով սկսվող հեռախոսահամար ընտրելու համար անհրաժեշտ է հավաքել «99123***» և տերմինալը կառաջարկի ազատ համարների ցանկը: Համարը ընտրելուց հետո հաճախորդին կառաջարկվի մուտքագրել գումարը, որն ամբողջությամբ կփոխանցվի բաժանորդի հաշվին: Տերմինալը կտա կտրոնը, որում նշված կլինի կոնտակտային հեռախոսահամարը: Զանգահարելով այդ համարին` հաճախորդն ասում է իր հասցեն և SIM-քարտի առաքման համար հարմար ժամը: Այս փուլում առաքումն իրականացվում է միայն Երևանում:
Այսօրվա դրությամբ Հայաստանում տեղադրված են 336 MegaPay վճարային տերմինալ, որոնցից 250-ը` Երևանում:
«ԱրմենՏել» ՓԲԸ-ն «ՎիմպելԿոմ» ընկերության 100 տոկոսանոց դուստր ձեռնարկությունն է: 2007թ.-ի ապրիլից «ԱրմենՏելի» բաժնետոմսերի 100 տոկոսը պատկանում է ռուսական ընկերությանը: «ԱրմենՏելը» տրամադրում է ֆիքսված, շարժական կապի (GSM 900/1800, UMTS) և Ինտերնետ հասանելիության (ADSL – Հայաստանի ողջ տարածքում) ծառայություններ:--0-
Մեջբերել
Էջանիշներ