MTS-ը կարող է հրաժարվել «Եվրոսետից»
10:50 • 25.11.08
Բջջային կապի MTS ռուսական օպերատորը կարող է խզել բջջային հեռախոսների վաճառքի «Եվրոսետ» ցանցի հետ ունեցած դիլերային և վճարումների շուրջ համաձայնագրերը, եթե օպերատորի վաճառած պայմանագրերի քանակը նախապես սահմանված մակարդակից ցածր լինի։ Թեև աղբյուրը չի նշում, թե խոսքն ինչ մակարդակի մասին է, հայտնի է, որ ներկայում MTS-ը հաշվում է «ՎիմպելԿոմի» կողմից «Եվրոսետի» գնման արդյունքում կրած կորուստները։
MTS-ի PR տնօրեն Ելենա Կոխանովսկայան հայտարարել է, որ առայժմ ընկերությունը չի պատրաստվում խզել համաձայնագրերը «Եվրոսետի» հետ, քանի որ այն հին գործընկեր է։ Սակայն եթե MTS-ը «Եվրոսետի» կողմից բջջային կապի մեկ այլ ռուսական օպերատորի՝ «ՎիմպելԿոմին» ցուցաբերած արտոնությունների արդյունքում կորուստներ կրի, ապա MTS-ը կփորձի այդ կորուստների փոխհատուցման տարբերակ գտնել, այսինքն՝ դիմել մեկ այլ դիլերի օգնությանը։ Նշենք, որ ավելի վաղ «ՎիմպելԿոմի» հետ համաձայնագրերի խզման մասին էր հայտարարել MTS-ի հետ ֆրանչայզինգային պայմանագիր կնքած բջջային հեռախոսների վաճառքի խանութների «Բետալինկ» ցանցը։
«Կապիտալ» օրաթերթ
Ավելացվել է 3 րոպե անց
Beeline-ը եւ “ՎՏԲ-Հայաստան Բանկը” հովանավորում են “Մոսկվայի վիրտուոզների” համերգները
“Արմենտել” ընկերությունը (Beeline ապրանքանիշ) եւ “ՎՏԲ-Հայաստան Բանկը” դեկտեմբերի սկզբին Երեւանում եւ Գյումրիում կայանալիք Վլադիմիր Սպիվակովի եւ “Մոսկվայի վիրտուոզներ” նվագախմբի համերգների գլխավոր հովանավորներն են:
Ինչպես հաղորդում է “Մոսկվայի վիրտուոզները” ելույթ կունենան դեկտեմբերի 3-ին եւ 6-ին Երեւանում` Արամ Խաչատրյանի անվան մեծ համերգասրահում: Առաջին համերգը նվիրված է Զարեհ Սահակյանցի 75-ամյակին, երկրորդը` Սպիտակի երկրաշարժի 20-րդ տարելիցին:
Դեկտեմբերի 4-ին “Մոսկվայի վիրտուոզները” ելույթ կունենան Գյումրիում:
“Հայտնի երաժիշտների եւ ստեղծագործական կոլեկտիվների հյուրախաղերին աջակցելը “ԱրմենՏելի” եւ “ՎՏԲ-Հայաստան Բանկի” բարեգործական գործունեության կարեւոր ուղղություններից է: Մենք ուրախ ենք, որ մեր օժանդակության շնորհիվ հայ հանդիսատեսը կարող է նորից վայելել Հայաստանում այդքան սիրված Վլադիմիր Սպիվակովի եւ “Մոսկվայի վիրտուոզներ” նվագախմբի ելույթները”,- ՄԵԴԻԱՄԱՔՍ-ին ասել է “ԱրմենՏել” ընկերության հասարակայնության հետ կապերի ծառայության պետ Անուշ Բեղլոյանը:
“Գյումրիում կայանալիք համերգին աջակցելով` մենք հարգանքի տուրք ենք մատուցում մեր զոհված հայրենակիցների հիշատակին: Դա ոչ միայն պատմական պարտք, այլեւ մեծ պատիվ է “ԱրմենՏելի” եւ “ՎՏԲ-Հայաստան Բանկի” մեր գործընկերների համար: Դեկտեմբերին “ԱրմենՏելը” մի շարք բարեգործական միջոցառումներ է նախապատրաստում Սպիտակի երկրաշարժի գոտում, եւ հայ ժողովրդի կողմից սիրված երաժիշտների համերգներին օժանդակելը դրանցից առաջինն է”,- նշել է Անուշ Բեղլոյանը:
hayinfo.am




Մեջբերել

Էջանիշներ