Համաձայն եմ, բայց եթե ստեղ էժան էղավ, կարելի ա առնել ու անլոք անել։
Հ.Գ. Ինձ թվում ա Ռուսաստանում ամեն ինչի գները բարձր են։ Էն սարքը հիշում ե՞ս, որ 3G-ով ու Բիլայնի քարտով Ինտերնետ ես մտնում (էն որ Sunun-ը գրել էր)։ Ռուսաստանում, Բիլայնի կայքում դա արժե 2000 RUR։ Այսինքն` 24000 դրամ։ Ամեն դեպքում դրան ես այդքան չէի վճարի։![]()
«ԱՐՄԵՆՏԵԼ»-Ի ԳԼԽԱՎՈՐ ՏՆՕՐԵՆԸ ԴՐԱԿԱՆ Է ՎԵՐԱԲԵՐՎՈՒՄ ԵՐՐՈՐԴ ՕՊԵՐԱՏՈՐԻ ՄՈՒՏՔԻՆ
«Արմենտել» ՓԲԸ գլխավոր տնօրեն Նեյչո Վելիչկովը երրորդ օպերատորի մուտքով բջջային կապի շուկայում դրական փոփոխություններ է ակնկալում:
«Orange-ը (պատկանում է France Telecom ընկերությանը) լուրջ խաղացող է: Մեզ համար դա ազդանշան է, որ բջջային կապի հայկական շուկայում երրորդ օպերատորի անհրաժեշտություն կա»,- ասաց նա:
Ն. Վելիչկովը նշեց, որ ընկերության ծրագրերի մեջ են մտնում լավ արդյունքների հասնելու համար աշխատանքների հետևողական շարունակումը, որից հետո «պարզ կդառնա` իրականում այդ ընկերությունն ուժեղ է, թե հենց այնպես է շուկայում հայտնվել»:
«Մենք չենք վախենում մրցակցությունից և միշտ պատրաստ ենք դրան»,- ընդգծեց նա:
Ընկերության առաջարկած գնի տեսանկյունից Ն. Վելիչկովը երրորդ օպերատորի համար հայտարարված մրցույթի արդյունքները դրական գնահատեց:
Անդրադառնալով ընկերության բաժանորդային բազայի կրճատման հնարավորությանը` Ն. Վեիչկովը նկատեց, թե ցանկացած ընկերություն, շուկա մուտք գործելով, ձգտում է իր բազան ստեղծել: «Թե որքան բաժանորդ կունենա ընկերությունը, կախված է այն բանից, թե որքան լավ կաշխատի օպերատորներից յուրաքանչյուրը»,- ասաց նա:
Հիշեցնենք, որ մրցութային հանձնաժողովն օրերս բջջային կապի ոլորտում երրորդ օպերատորի համար հայտարարված մրցույթի հաղթող ճանաչեց ֆրանսիական Orange ընկերությանը: Հայաստանում իր գործունեությունը սկսելու համար այս ընկերությունն առաջարկել էր 51.5 մլն եվրո: +374(0)55 և +374(0)95 կոդերով ծառայություն մատուցելու համար ընկերությանը տրամադրվելու է ռադիոհաճախականությունների որոշակի դիապազոն: Ընկերությունը մտադիր է արտոնագիր ստանալու պահից ի վեր 200 մլն եվրո գումարի չափով ներդրումներ կատարել:
Աղբյուր` Panorama.am
Ավելացվել է 3 րոպե անց
«ԱՐՄԵՆՏԵԼԸ» ՊԱՅՄԱՆԱԳԻՐ ԿԿՆՔԻ «TURKISH TELECOM»-Ի ՀԵՏ
«Արմենտել» ընկերությունը մինչև հոկտեմբերի վերջ Թուրքիայից ինտերնետ ծառայություններ ստանալու նպատակով պայմանագիր կկնքի Turkish telecom ընկերության հետ: Այս մասին այսօր լրագրողների հետ հանդիպմա ժամանակ հայտնեց «Արմենտելի» գլխավոր տնօրեն Նեյչո Վելիչկովը:
Նա նշեց, որ երկու ընկերություններն իրենց երկրներում համապատասխան թույլտվություններն արդեն ստացել են և այս պահին բանակցություններն ընթանում են ծառայությունների մատուցման պայմանների շուրջ:
«Մեզ բոլորիս համար կարևոր է իմանալ, որ մենք ապահով ինտերնետ կապ ենք ունենալու, իսկ Թուրքիան հնարավորություններից մեկն է»,- ասաց նա:
Ն. Վելիչկովը հավելեց, որ արդեն Վրաստանից եկող երկրորդ կապուղին կա, պատրաստվում է երրորդը, կա նաև Իրանից եկող մալուխը: Այսպիսով նոր պայմանագրի արդյունքում ընկերությունը կունենա չորորդ կապուղին:
Երեք նախագծերի իրականացման արդյունքում ինտերնետի թողունակությունը 4 անգամ կմեծանա: Ընկերությունը մտադիր է մինչև տարեվերջ այն մեծացնել 16 անգամ:
«Արմենտել» ընկերությունը մտադիր է նաև սեփական հասցեների տարածություն ստեղծել որը կոչվելու է beemail.am (ԽՈՍՏԱՑՎԱԾ ԱՆԿԱԸՆԿԱԼՍ): Էլեկտրոնային փոստն արդեն պատրաստ է, մնում է սանալ անհրաժեշտ արտոնագիրն ու ճշտել պոտենցիալ օգտագործողների թիվը:
Աղբյուր` Panorama.am
Վերջին խմբագրող՝ Sunun: 11.10.2008, 22:18: Պատճառ: Գրառման ավելացում
«ԱՐՄԵՆՏԵԼԻ» ԲԱԺԱՆՈՐԴՆԵՐԸ ԿԱՐՈՂ ԵՆ ԱՆՎՃԱՐ ՃՇՏԵԼ ԻՐԵՆՑ ՊԱՐՏՔԻ ԳՈՒՄԱՐԸ
Այսուհետ յուրաքանչյուր ամսվա 10-ից «ԱրմենՏելի» ֆիքսված կապի բաժանորդները կարող են նախորդ ամսվա ընթացքում գոյացած պարտքի գումարի մասին տեղեկանալ անվճար` զանգահարելով 115 (թվային ԱՀԿ-ներից) կամ 080001115 (անալոգային ԱՀԿ-ներից): Այս մասին հաղորդում են ընկերության հասարակայնության հետ կապերի ծառայությունից:
«Մենք ուզում ենք առավել հասկանալի և թափանցիկ լինել մեր հաճախորդների համար: «ԱրմենՏելի» ֆիքսված հեռախոսակապի բաժանորդների թիվը կազմում Է 630 հազար, և ընկերությունը հուսով է, որ նոր ծառայությունը բոլոր այս մարդկանց թույլ կտա վճարումները պլանավորել առանց ավելորդ հոգսերի, նույնիսկ` առանց տանից դուրս գալու», - ասաց «ԱրմենՏելի» հասարակայնության հետ կապերի ծառայության ղեկավար Անուշ Բեղլոյանը:
Աղբյուր` Panorama.am
եթե չեմ սխալվում մի հատ մեկ ավելա գրած էդտեղ
Այս պահին թեմայում են 4 հոգի. (0 անդամ և 4 հյուր)
Էջանիշներ