Beeline AM

[Ռեդ]

Շենք ա՞, թե՞ սեփական: Ինչ-որ տեղ չար լեզուները բամբասում էին, որ Բիլայնը տակից share ա անում մի գիծը: Չնայած՝ խելքին մոտ բան չէ :

Շենք

[Kuk]

Էս բիլայնը հիվանդագին հատկություններ ունի. մի հատ քարտ ունեմ, հենց մոտենում ա սռոկը վերջանալու ժամանակը` մի հինգ օր շուտ` օրվա մեջ առանց չափազանցնելու մի հիսուն հատ սմս ա գրում, որ լիցքավորեմ: Տապոռ ե՞ն արա սրանք

[ministr]

Ժամանակին ընդհանրապես չէր գրում... տենց մոտ 40000 կորցրել եմ.. ու դրանից հետո հաստատ որոշեցի անցնեմ Վիվասելի...

[Kuk]

Ժամանակին ընդհանրապես չէր գրում... տենց մոտ 40000 կորցրել եմ.. ու դրանից հետո հաստատ որոշեցի անցնեմ Վիվասելի...

Ավելի լավա չգրի քառասուն հազար կորցնեմ, քան թե սենց չորս հարյուր հազարի նեռվերա քայքայում Լավ ա` իմ հիմնական համարը բիլայն չի:

[Sunun]

“3G բաժանորդների թիվը կայուն աճի միտումներ է դրսեւորում”




“ԱրմենՏել” ՓԲԸ-ի (Beeline ապրանքանիշ) հասարակայնության հետ կապերի ծառայության պետ Անուշ Բեղլոյանի հարցազրույցը ՄԵԴԻԱՄԱՔՍ գործակալությանը

- Beeline-ը հայտարարել է Երեւանում երրորդ սերնդի բջջային կապի (3G) առեւտրային գործարկման մասին: Ինչպիսի՞ն են նախնական արդյունքները, հաճախորդների կողմից 3G ծառայության նկատմամբ ինչպիսի՞ պահանջարկ կա:
- 3G ցանցը փորձնականորեն գործարկվեց այս տարվա հուլիսին, իսկ մի քանի օր առաջ մենք հայտարարեցինք ցանցը առեւտրային շահագործման հանձնելու մասին: Նույնիսկ փորձնական ռեժիմով գրանցվել է բավականին մեծ հետաքրքրություն նոր հնարավորությունների նկատմամբ` հաշվի առնելով այն հանգամանքը, որ ցանցի ծածկույթը դեռեւս սահմանափակվում է Երեւանով, եւ դրանից օգտվելու համար անհրաժեշտ է որոշակի տեխնիկական չափանիշներով օժտված բջջային հեռախոսների առկայություն (3G, UMTS կամ WCDMA ):
Նորարարությունների տարածման տեսության վրա հենվելով` կարելի է ասել, որ ցանցի փորձնական գործարկման ժամանակ մեզ հաջողվեց հետաքրքրություն հարուցել թիրախային շուկայի այն հատվածի մոտ, որոնց ընդունված է անվանել “նորարարներ”: Սպառողների այդ խումբը լավ կրթված մարդիկ են, ովքեր ունեն տեղեկատվության բազմաթիվ աղբյուրներ եւ Հայաստանում սոցիալական առաջնորդներ են հանդիսանում: Այնպես որ այդ առումով ցանցի փորձարկումը կարելի է հաջողված համարել:
- 3G ծառայութուններից մշտապես օգտվող հաճախորդների թվի վերաբերյալ կա՞ն արդյոք վիճակագրական տվյալներ:
- Կցանկանայի մի քանի խոսքով նկարագրել, թե ինչպիսիք են 3G-ի օգտագործման միտումներն աշխարհում: Երրորդ սերնդի բջջային կապի (3G) պատմությունը սկսվել է մոտ 20 տարի առաջ` 1990 թվականից, երբ Էլեկտրակապի միջազգային միությունը (ITU) սկսեց մշակել IMT 2000 ստանդարտը:
Առաջին անգամ 3G առեւտրային ցանցը գործարկվել է Ճապոնիայում 2001 թվականին: Եվրոպայում 3G ցանցերը սկսել են գործարկել միայն 2003 թվականից: Երբ 2004 թ. սկզբում Harris Interactive վերլուծական ընկերությունը հարցում կատարեց եվրոպական մի շարք երկրների բջջային կապի սպառողների շրջանում, պարզվեց, որ հաճախորդների 49%-ն առհասարակ հետաքրքրված չէ 3G ցանցերով, իսկ 55%-ը վստահ է, որ 3G ծառայությունները չափազանց թանկ են լինելու: Այդուամենայնիվ, Ճապոնիայի շուկայում, որտեղ ցանցը գործարկվել է առաջին անգամ, դիտվում է արմատապես այլ իրավիճակ: Ճապոնիայի խոշորագույն օպերատոր NTT DoCoMo-ն 3G ծառայություններից օգտվող բաժանորդների թվով համարվում է համաշխարհային առաջատար (2007 թվականի մարտի դրությամբ օպերատորի 55 միլիոն բաժանորդներից 30 մլն-ը օգտվում էր այդ կապից):
Իհարկե, Հայաստանում ծառայությունը բացարձակ նոր է, եւ դեռեւս բաժանորդների շրջանում դրա մասսայականությունը հիշեցնում է 3G-ի գործարկման առաջին տարիների եվրոպական միտումները, սակայն արժե հաշվի առնել, որ հայ սպառողի համար բնութագրական է հետաքրքրությունը տեխնիկական եւ տեխնոլոգիական նորույթների նկատմամբ, քանզի ծառայության բաժանորդների թիվն արդեն կայուն աճի միտումներ է դրսեւորում, որոնք, անկասկած, կամրապնդվեն հայաստանյան շուկա նոր սերնդի ստանդարտներին համապատասխանող հեռախոսների ներթափանցմանը զուգահեռ:
- Ե՞րբ է Beeline-ը նախատեսում ընդլայնել 3G-ի ծածկույթը:
- Մոտ ապագայում նախատեսվում է ցանցի ընդլայնում, որպեսզի դրա ծածկույթը տարածվի ողջ Երեւանով: Ցավոք, Հայաստանի մայրաքաղաքի եւ մարզերի միջեւ տեխնիկական հագեցվածության տարբերությունը բավականին էական է, այդ իսկ պատճառով “ԱրմենՏել”-ն առաջիկայում ձգտելու է կրճատել այդ ճեղքվածքը իր մյուս ծրագրերի միջոցով: Սակայն անհրաժեշտ է գիտակցել. տեխնոլոգիաները զարգանում են կայծակնային արագությամբ, եւ ցանցային սարքավորումներ արտադրողներն իրենց հետագա մշակումներում արդեն կենտրոնանում են 3G-ի վրա: Նշանակում է, 3G-ի պահանջարկը աճելու է, եւ մարզերում ցանցին միանալը կարող է ոչ այնքան հեռավոր ապագայի գործ դառնալ:
- Առաջիկայում ինչպիսի՞ լրացուցիչ ծառայություններ (արագ ինտերնետից եւ տեսազանգերից բացի) կարող են հասանելի լինել Beeline-ի բաժանորդներին:
- Շարժական ինտերնետից բացի 3G-ն թույլ է տալիս բեռնաթափել GSM ցանցերն այնտեղ, որտեղ դրանք այժմ գործում են առավելագույն տարողունակության սահմաններում (3G հեռախոսների բավականաչափ թափանցելիության պայմաններում): Շարժական արագ ինտերնետի հնարավորությունն ապագայում մեծ հեռանկարներ է բացում:
Մասնավորապես, Ռուսաստանում “ՎիմպելԿոմն” արդեն մատուցում է “շարժական գրասենյակ” ծառայությունը: “Շարժական գրասենյակը” նոութբուքի օգնությամբ կորպորատիվ ռեսուրսներին եւ ինտերնետ-հասանելիության համալիր լուծում է: Այդ հասանելիությունն ապահովվում է աշխարհի յուրաքանչյուր կետում, ուր գործում է 3G-ն: Մենք ենթադրում ենք, որ այդ ծառայությունը կարող է օգտակար եւ հետաքրքիր լինել հայաստանցի սպառողին: Հարկ է նշել նաեւ, որ 3G-ի հնարավորությունները կատարելապես նոր տեխնոլոգիական հորիզոններ են բացում: Այսպես, 3G-ի օգտագործման վերջին միտումներից մեկն ողջ աշխարհում հանդիսանում է շարժական հեռուստատեսությունը: Վերջինս պահանջում է չափազանց առաջադեմ տեխնոլոգիաներ ինչպես կապի, այնպես էլ հեռուստատեսության ոլորտում, սակայն, հաշվի առնելով այն հանգամանքը, որ Հայաստանի կառավորությունն արդեն հայտարարել է հեռուստատեսության թվայնացման մեկնարկի մասին, մեդիայի կոնվերգենցիան կարող է տեղի ունենալ բավականին արագ:

hayinfo.am

[Ներսես_AM]

Իսկ iPhone-ը ինչ կապ ուներ այս հոդվածի հետ:
iPhone 3գ կարծեմ հայաստանում չի աշխատում կամ օրինական չի չէ՞

[Elmo]

Իսկ iPhone-ը ինչ կապ ուներ այս հոդվածի հետ:
iPhone 3գ կարծեմ հայաստանում չի աշխատում կամ օրինական չի չէ՞

Ինձ էլ հետաքրքրեց էդ լոգոն: Հա օրինական չի հալա, անլոք են անում օգտագործում: Բայց կամ Բիլայնը կամ Օրանժը պետք ա միջամտեն, որ օրինական վաճառք գնա:

[Sunun]

Երեւան /Մեդիամաքս/. iPhone 3G սմարթֆոնների օրինական վաճառքը Հայաստանում կսկսվի տարեվերջին, ՄԵԴԻԱՄԱՔՍ գործակալության հետ հարցազրույցում ասել է “Մակ ԱՄ” ընկերության (Հայաստանում Apple-ի պաշտոնական դիստիբյուտոր) տնօրեն Էռնեստ Մարդոյանը:

Մեկնաբանելով այն փաստը, որ այսօր Ռուսաստանում պաշտոնապես սկսվել են iPhone 3G- վաճառքները, Էռնեստ Մարդոյանը նկատել է, որ “վաճառքի մեկնարկի մասին պայմանագիրը սահմանափակվում է միայն Ռուսաստանի տարածքով”:

“Հայաստանում iPhone 3G պաշտոնապես կհայտնվի տարեվերջին, ընդ որում, որպես ռիթեյլերներ հանդես են գալու Հայաստանի բջջային կապի օպերատորները, քանի որ մնացած մատակարարողները ի վիճակի չեն այդչափ խոշոր գործարք կնքել”,- ասել է ընկերության ղեկավարը:

Beeline օպերատորի մամլո ծառայությունում հաստատել են Հայաստանում iPhone 3G-ի վաճառքի մեկնարկի հնարավորությունը:

[aerosmith]

իսկ հետաքրքիրա Հայաստանում քանի հազար դոլար կլնի?

[Elmo]

իսկ հետաքրքիրա Հայաստանում քանի հազար դոլար կլնի?

Ռուսաստանում 1000 -ից ավել դոլլար ա

[Rammstein]

Փոստորեն երեւի էդ հեռախոսները կվաճառվեն SIM քարտին կպած, հա՞։

[Elmo]

Փոստորեն երեւի էդ հեռախոսները կվաճառվեն SIM քարտին կպած, հա՞։

Պաշտոնապես միայն տենց են վաճառում: Բայց եթե տենց գին եղավ չեմ առնի կյանքում: Հենա ծանոթս էմիրատներում 270 դոլլարով տեսել ա: Ավելի լավ ա դրսից բերել տամ ու որ օպերատորից ուզենամ նրանից էլ օգտվեմ:

[Rammstein]

Պաշտոնապես միայն տենց են վաճառում: Բայց եթե տենց գին եղավ չեմ առնի կյանքում: Հենա ծանոթս էմիրատներում 270 դոլլարով տեսել ա: Ավելի լավ ա դրսից բերել տամ ու որ օպերատորից ուզենամ նրանից էլ օգտվեմ:

Համաձայն եմ, բայց եթե ստեղ էժան էղավ, կարելի ա առնել ու անլոք անել։

Հ.Գ. Ինձ թվում ա Ռուսաստանում ամեն ինչի գները բարձր են։ Էն սարքը հիշում ե՞ս, որ 3G-ով ու Բիլայնի քարտով Ինտերնետ ես մտնում (էն որ Sunun-ը գրել էր)։ Ռուսաստանում, Բիլայնի կայքում դա արժե 2000 RUR։ Այսինքն` 24000 դրամ։ Ամեն դեպքում դրան ես այդքան չէի վճարի։

[Rammstein]

Որոշակի դադարից հետո կրկին աշխատում է հաշվի վերալիցքավորման 0696 հեռախոսահամարը։

[Sunun]

«ԱՐՄԵՆՏԵԼ»-Ի ԳԼԽԱՎՈՐ ՏՆՕՐԵՆԸ ԴՐԱԿԱՆ Է ՎԵՐԱԲԵՐՎՈՒՄ ԵՐՐՈՐԴ ՕՊԵՐԱՏՈՐԻ ՄՈՒՏՔԻՆ

«Արմենտել» ՓԲԸ գլխավոր տնօրեն Նեյչո Վելիչկովը երրորդ օպերատորի մուտքով բջջային կապի շուկայում դրական փոփոխություններ է ակնկալում:

«Orange-ը (պատկանում է France Telecom ընկերությանը) լուրջ խաղացող է: Մեզ համար դա ազդանշան է, որ բջջային կապի հայկական շուկայում երրորդ օպերատորի անհրաժեշտություն կա»,- ասաց նա:

Ն. Վելիչկովը նշեց, որ ընկերության ծրագրերի մեջ են մտնում լավ արդյունքների հասնելու համար աշխատանքների հետևողական շարունակումը, որից հետո «պարզ կդառնա` իրականում այդ ընկերությունն ուժեղ է, թե հենց այնպես է շուկայում հայտնվել»:
«Մենք չենք վախենում մրցակցությունից և միշտ պատրաստ ենք դրան»,- ընդգծեց նա:

Ընկերության առաջարկած գնի տեսանկյունից Ն. Վելիչկովը երրորդ օպերատորի համար հայտարարված մրցույթի արդյունքները դրական գնահատեց:

Անդրադառնալով ընկերության բաժանորդային բազայի կրճատման հնարավորությանը` Ն. Վեիչկովը նկատեց, թե ցանկացած ընկերություն, շուկա մուտք գործելով, ձգտում է իր բազան ստեղծել: «Թե որքան բաժանորդ կունենա ընկերությունը, կախված է այն բանից, թե որքան լավ կաշխատի օպերատորներից յուրաքանչյուրը»,- ասաց նա:

Հիշեցնենք, որ մրցութային հանձնաժողովն օրերս բջջային կապի ոլորտում երրորդ օպերատորի համար հայտարարված մրցույթի հաղթող ճանաչեց ֆրանսիական Orange ընկերությանը: Հայաստանում իր գործունեությունը սկսելու համար այս ընկերությունն առաջարկել էր 51.5 մլն եվրո: +374(0)55 և +374(0)95 կոդերով ծառայություն մատուցելու համար ընկերությանը տրամադրվելու է ռադիոհաճախականությունների որոշակի դիապազոն: Ընկերությունը մտադիր է արտոնագիր ստանալու պահից ի վեր 200 մլն եվրո գումարի չափով ներդրումներ կատարել:

Աղբյուր` Panorama.am

Ավելացվել է 3 րոպե անց
«ԱՐՄԵՆՏԵԼԸ» ՊԱՅՄԱՆԱԳԻՐ ԿԿՆՔԻ «TURKISH TELECOM»-Ի ՀԵՏ

«Արմենտել» ընկերությունը մինչև հոկտեմբերի վերջ Թուրքիայից ինտերնետ ծառայություններ ստանալու նպատակով պայմանագիր կկնքի Turkish telecom ընկերության հետ: Այս մասին այսօր լրագրողների հետ հանդիպմա ժամանակ հայտնեց «Արմենտելի» գլխավոր տնօրեն Նեյչո Վելիչկովը:

Նա նշեց, որ երկու ընկերություններն իրենց երկրներում համապատասխան թույլտվություններն արդեն ստացել են և այս պահին բանակցություններն ընթանում են ծառայությունների մատուցման պայմանների շուրջ:

«Մեզ բոլորիս համար կարևոր է իմանալ, որ մենք ապահով ինտերնետ կապ ենք ունենալու, իսկ Թուրքիան հնարավորություններից մեկն է»,- ասաց նա:

Ն. Վելիչկովը հավելեց, որ արդեն Վրաստանից եկող երկրորդ կապուղին կա, պատրաստվում է երրորդը, կա նաև Իրանից եկող մալուխը: Այսպիսով նոր պայմանագրի արդյունքում ընկերությունը կունենա չորորդ կապուղին:

Երեք նախագծերի իրականացման արդյունքում ինտերնետի թողունակությունը 4 անգամ կմեծանա: Ընկերությունը մտադիր է մինչև տարեվերջ այն մեծացնել 16 անգամ:

«Արմենտել» ընկերությունը մտադիր է նաև սեփական հասցեների տարածություն ստեղծել որը կոչվելու է beemail.am (ԽՈՍՏԱՑՎԱԾ ԱՆԿԱԸՆԿԱԼՍ): Էլեկտրոնային փոստն արդեն պատրաստ է, մնում է սանալ անհրաժեշտ արտոնագիրն ու ճշտել պոտենցիալ օգտագործողների թիվը:

Աղբյուր` Panorama.am