ՆՈՅԵՄԲԵՐԻ 28-ԻՆ ԿԱՄՓՈՓՎԵՆ ՀԱՅԿԱԿԱՆ «ԱՐՄԵՆՏԵԼ» ԸՆԿԵՐՈՒԹՅԱՆ ԿՈՂՄԻՑ ԱՆՑԿԱՑՎՈՂ ԱՎՏՈՄԵՔԵՆԱՆԵՐԻ ԽԱՂԱՐԿՈՒԹՅԱՆ ԱՐԴՅՈՒՆՔՆԵՐԸ




ԵՐԵՎԱՆ, 27 նոյեմբերի. /ԱՌԿԱ/.



Նոյեմբերի 28-ին կամփոփվեն հայկական «Արմենտել»(ապրանքանիշը՝ Beeline) ընկերության կողմից անցկացվող ավտոմեքենաների խաղարկության արդյունքները, հայտնեցին ընկերության մամուլի ծառայությունից։
Ակցիա «ԱրմենՏելի» բջջային կապի կանխավճարային համակարգի բաժանորդների համար. 2008թ. հոկտեմբերի 25-ից մինչև նոյեմբերի 25-ը անցկացվում էր երեք «Նիվա» մակնիշի ավտոմեքենաների խաղարկություն։
Ակցիային մասնակցելու համար բաժանորդները պետք է առնվազն 3 անգամ լիցքավորեին իրենց հաշվեկշիռը ակցիայի ընթացքում և լիցքավորման քարտերի կոդերը SMS հաղորդագրությամբ ուղարկեին 777 համարին։
Ակցիան գործում էր «Beeline»-ի հաշվի կանխավճարային համակարգի գործող և նոր բաժանորդների համար։ 777 կարճ համարին ուղարկվող SMS-հաղորդագրության արժեքը կազմում է 50 դրամ (ներառյալ ԱԱՀ):
«ԱրմենՏել» ՓԲԸ-ն «Վիմպելկոմ» («Beeline» ապրանքանիշ) ընկերության դուստր ձեռնարկությունն է, 2007 թ.-ի ապրիլից «ԱրմենՏելի» 100 տոկոս բաժնետոմսերը պատկանում են ռուսական ընկերությանը։ «ԱրմենՏելը» մատուցում է ֆիքսված (շուրջ 650 հազ. բաժանորդ) և բջջային կապի (ավելի քան 784 հազար բաժանորդ) ծառայություններ---0-