«ԲԻԼԱՅՆԸ» ՈՒՆԱԿՈՒԹՅՈՒՆՆԵՐԻ ՊԱԿԱՍ ՈՒՆԻ

Վերջերս քաղաքացիներից դժգոհություն էինք ստացել, որ «Բիլայն» ընկերությունը անորոշ ժամկետով դադարեցրել է քաղաքային նոր հեռախոսահամարների տրամադրումը: Այսինքն` քաղաքացիները զրկված են հաղորդակցության հնարավորությունից, իսկ խոսքն էլ մասնավորապես` 44 եւ 48 թվային հեռախոսակայանների մասին էր: «Բիլայն» ընկերության մամուլի ծառայությունում հաստատեցին, որ «իրոք 44 եւ 48 հեռախոսակայաններում նման խնդիր ունեն»: «Ընկերությունը ունակությունների պակաս ունի, այսինքն` ցանկացողները շատ են, իսկ տվյալ թվային կայանների հզորությունը չի բավականացնում նոր բաժանորդների համար, քանի որ ցանկացողների թիվը գերազանցում է: Օպերատիվ աշխատանքներ են արվում այդ ուղղությամբ, եւ կավելացվի այդ թվային կայանների հզորությունը»,- տեղեկացրին «Բիլայն» ընկերության մամլո ծառայությունից: Ըստ նրանց` մայրաքաղաքում ոչ բոլոր հեռախոսակայաններն ունեն այս խնդիրը, եւ դա վերաբերում է միայն վերոնշյալ երկու թվային հեռախոսակայաններին:

Իսկ ինչ վերաբերում է «օպերատիվ աշխատանքների» ավարտման ժամկետին, որն էլ հնարավորություն կընձեռի քաղաքացիներին բնակարանում հեռախոս ունենալ, «Բիլայն» ընկերությունում դժվարացան հստակ ժամկետ նշել: «Թե որքան ժամանակից կավարտեն աշխատանքները, դժվարանում ենք ասել, բայց աշխատանքներ կատարվում են եւ այդ հարցին անպայման լուծում կտրվի»,- պնդեցին «Բիլայնի» մամլո ծառայությունում:

Չի