Նախաամուսնական դեպրեսիա...

[Ուլուանա]

Ես այլևս երբեք ազատ չեմ լինի
Արդյոք ճիշտ եմ վարվում
Վերջ ազատ կյանքին...
Այլևս առաջվա նման անհոգ ինձ չեմ կարող պահել..
Ընկեներիս հետ չեմ կարող զվարճանալ..
Իսկ եթե...
Այս և նմանատիպ մտքերը հաճախ են այցելում ամուսնության պատրաստվողներին , նրանք դառնում են նյարդային, ցրված, նույնիսկ դա անրադառնում է ֆիզիկական առողջության վրա.....
Բոլոր նրանք ովքեր ամուսնացել են ավելի լավ գիտեն սրա մասին, ավելի շատ այն պատահում է աղջիկների մոտ, քան տղաների, ինձ հանդիպած շատ մարդիկ տառապել կամ տառապում են սրանով, հոգեբանները երևի լավ ծանոթ են այս երևույթին ու կարող են խորհուրդ տալ այս դժվարությունը հաղթահարելու համար

Հետաքրքիր է, որքան հիշում եմ, ինձ նմանատիպ մտքեր չեն այցելել ամուսնությունից առաջ... Այսինքն՝ իմ իրավիճակը մի քիչ ուրիշ էր... Որոշակի մտքեր ու մտավախություններ կային, բայց դրանք ավելի շուտ ոչ թե ամուսնանալու հետ էին կապված, այլ երկրից հեռանալու, ուղղակի ամուսնանալս ու երկրից հեռանալս տվյալ դեպքում համընկնում էին, ու ես գիտեի, որ երկրից հեռանալով՝ անհայտ ժամանակով զրկվում եմ ընտանիքիս, ընկերներիս հետ ռեալ շփումից... Այ դա խիստ անհանգստացնում էր, բայց միաժամանակ գիտեի, որ եթե ամուսնանալուց հետո մնայի Հայաստանում, շարունակելու էի շփվել ընկերներիս հետ, ինչպես նաև շատ ու շատ այլ բաներ անել, ինչպես նախկինում։ Դե պարզ է, որ ոնց էլ լինի, անհոգությունը հաստատ ինչ–որ չափով պակասելու է, բայց եթե գնում ես այդ քայլին, ապա պիտի գիտակցես, որ կյանքի նոր փուլ ես մտնում, ու կյանքդ շատ առումներով փոխվելու է։

Կարծում եմ՝ այս հարցում շատ բան կախված է նաև այն մարդուց, որի հետ պատրաստվում ես ամուսնանալ, ինչպես նաև նրա ընտանիքից, եթե նախատեսվում է նրա ընտանիքի հետ ապրել։ Ինձ թվում է՝ նորմալ ամուսնությունների դեպքում մարդիկ, թեկուզ կանայք, իրենց ընկերներին չեն կորցնում։ Ինչպես արդեն ասացի, պարզ է, որ նրանց հետ անցկացրած ժամանակն ամեն դեպքում կրճատվելու է, բայց եթե իսկական ընկերություն է, ու ամուսնանում ես քեզ իսկապես սիրող ու հարգող մարդու հետ, ապա ամուսնությունը պետք է որ վերջ չդնի մինչ այդ ունեցած ընկերական հարաբերություններին ու հանդիպումներին։ Իսկ այն ժամանակը, որ պակասելու է ընկերական շփումներից, վերջիվերջո, փոխհատուցվում է սիրելի ամուսնու հետ անցկացրած ժամանակով։

Ծանոթ վիճակ է, անցել ենք, գիտենք...
Բայց կարող եմ մխիթարել` նախաամուսնական դեպրեսիաները ոչինչ են ամուսնական դեպրեսիաների հետ համեմատած. այնպես որ վայելեք ձեր նախաամուսնական դեպրեսիաները ինչքան կարող եք:

Դեմք ես։ Լավ մխիթարանք էր։