Մի ստեղծագործության պատմություն

[Monk]

Հրաշալի թեմա է: Մի փոքրիկ ներդրում էլ ես ունենամ:
Պատմությունը կապված է Լեոնարդո Դա Վինչիի «Խորհրդավոր ընթրիք» կտավի հետ (բայց Դեն Բրաունի հետ կապ չունի ) Հիշողությամբ եմ վերարտադրում, մի 10-15 տարի առաջ եմ կարդացել և խնդրում եմ շատ խստապահանջ չլինել:
Երբ Դա Վինչին պատրաստվում է նկարել Քրիստոսի երկրային կյանքի վերջին հանգրվանային դրվագներից մեկը, սկսում է որոնել մարդկանց, որոնց կարող է պատկերել Քրիստոսի և առաքյալների կերպարներում: Բնականաբար առաջին խնդիրը լինում է Հիսուսի կերպարին համապատասխան մարդ գտնելը: Տարբեր թեկնածուներից ընտրվում է մի երիտասարդ, ում արտաքինն էլ հավերժացնում է Դա Վինչին իբրև Հիսուսի: Այնուհետև հերթով սկսում է փնտրել առաքյալների կերպարներին համապատասխան անձանց: Երբ հիմնական խնդիրը լուծվում է, ամենադժվարին հարցը ներկայացնում է Հուդայի կերպարը: Ի վերջո Դա Վինչիին հաջողվում է գտնել անբարո կյանքի անդուդը գլորված մեկին, ով համապատասխանում է նկարչի` Հուդայի կերպարի վերաբերյալ ունեցած պատկերացումներին: Նկարելու ընթացքում այդ մարդու հետ շփումներից Դա Վինչին ցնցվում է մի բացահայտումից... դա նույն մարդն էր, ում ժամանակին նկարիչը ընտրել էր Հիսուսի կերպարի համար...