Ուրեմն այս մտահղացումը դեռ վաղուցվանից էր ծագել մտքումս: Ուղղակի թե՛ տեխնիկական կողմերը, թե՛ ինչ-որ չափով մասնակիցների պունկտուալության հանգամանքը կասկածի տակ ունենալով՝ չէի բացում այս թեման:
Եթե հիշում եք, մի ժամանակ կար հեռուստաշոու «Ֆորդ Բոյառի բանալիները»: Մի զարմացեք... նույն խաղն առաջարկում եմ սկսել ակումբում՝ միախառնելով վիրտուալն ու ռեալը: Չեմ ասում օձեր, կարիճներ, ամրոցներ են լինելու և այլն... բայց հիմա փորձեմ բացատրել խաղի իմաստը, կազմակերպման, խաղալու և ամենակարևորը ճիշտ խաղալու ձևը: Խաղի վերնագիրը պայմանական է:
Ուրեմն էսպես.
Այս խաղը պարունակում է 4 կազմակերպիչ: Տվյալ դեպքում 4-ից մեկը կլինեմ ես՝ նաև լինելով առաջին խաղաշրջանի վարողը, և էլի ակումբի 3 անդամ: (որոնք հաճախակի լինում են հանդիպումներին): 4 հոգով հավաքվում ենք ինչ-որ սրճարանում (կամ չգիտեմ որտեղ նաև հարմար կլինի)և միասին քննարկում տեխնիկական մասը և կամաց-կամաց սկսում պատրաստել այն, հատուկ օրվա համար: Գնում ենք մոտավորապես 20 ծրար և 1 100 թերթանոց տետր: Պոկում ենք տետրից 1 թերթ և վրան գրում հետևյալը. (հիշեցնեմ որ սա օրինակ է).
«Գնացեք Ա.Բաբաջանյանի արձանի մոտ»
Եվ դա գրելով թղթի վրա՝ դնում ենք ծրարի մեջ և փակում այն: Որից հետո այդ ծրարը տեղավորում Երևան քաղաքի ակումբցիներին ծանոթ վայրերից մեկում՝ օրինակի համար ինչ-որ մի այգու կոնկրետ ծառի տակ ենք թաղում.... որտեղից էլ, ակումբցիները գտնելով ստարտային (այսինքն առաջնային ծրարը (որի մեջ գրած էր գնացեք Բաբաջանյանի արձանի մոտ) սկսում են խաղը ըստ ծրարների մեջ դրված թղթի վրա գրած պարունակության: Եվ հետևում քայլերին
Կազմում ենք երկրորդ ծրարը և միջի թղթի վրա գրում ասենք «գնացեք Թամանյանի արձանի մոտ- կոնկրետ հենց անկյունում ճխտած է ծրարը»
և հենց այս 2 ծրարը տեղավորում ենք ստարտային ծրարի մեջ գրված վայրում՝ այսինքն Բաբաջանյանի արձանի մոտակայքում՝ ասենք հողի տակ, կամ չգիտեմ....»
Ակումբցիները գտնելով նաև այդ ծրարը, որտեղ գրած է գնացեք Թամանյանի արձանի մոտ.... ուղևորվում են 2 ծրարում նշված վայրը: Գտնելով այնտեղից երրորդը՝ ուղևորվում են չորրորդի մոտ: Դրանից հետո 5-րդի, 6-րդի, 7-րդի և այլն.... մինչև որ չտանջվեն ու մուռ չպահեն կազմակերպիչների վրա:
Այդպես ման են գալիս ամբողջ քաղաքով: Սակայն սրա վերջը կայանում է նրանում, որ ասենք 20-րդ ծրարի փոխարեն՝ ինչ-որ մի վայրում հողի տակ թաղված է լինում փոքրիկ մրցանակ, որն էլ ակումբցիների տաժանագիր աշխատանքի շնորհիվ հասնում է նրանց (մրցանակը կամ համով բան կլինի ուտելու, կամ փոքրիկ նվեր, կամ կարողա նաև փող
մի խոսքով, կազմակերպիչները ինչ-որ ցանկանան):
Իսկ ստարտային ծրարի գտնվելու վայրը կգրվի թեմայում, որտեղից պետք է սկսեն ման գալ:
Բացահայտողական խմբի մեջ պետք է լինի մինչև 10 հոգի: Սակայն սա «բարձիթողի» խաղերից չէ, որ ինչ-որ մեկը ցանկանա մասնակցել, հետո ասի կներեք գործ ունեմ չեմ կարող: Հստակ.... անդամները պետք է նախորոք գրանցվեն, որոշեն օրը, ժամը և սկսեն: Նաև տեղյալ պահեն կազմակերպիչներին, որպեսզի իրենք էլ դրանից մեկ օր շուտ պայմանավորվեն մի տեղ և պատրաստեն այդ ամենը:
Խաղի կանոնում կա ևս մեկ պայման: Բացահայտական խմբի մեջ պետք է լինի գոնե 1 թվային ֆոտոապարատ, որպեսզի ամեն ծրարի վայրը գտնելուն պես՝ լուսանկարի՝ հետո թեմայում տեղադրելու համար: Խաղի ընթացքում կգործեն նաև կազմակերպիչներին SMS ուղարկելու հնարավորությունը՝ ակնկալելով որևէ հուշում՝ դժվարանալու դեպքում: Սակայն զուտ զանգ իրականացնել կարգելվի: Ընթացքում բացահայտողները կարող են մտնել ինտերնետ ակումբ, որտեղ մտնելու այս խաղի համապատասխան թեմա, կարող են ակնկալել նաև խաղի կազմակերպիչների կողմից հուշումներ: Մի խոսքով, խաղը եթե կազմակերպվի ճիշտ, ապա խաղալը ինձ թվում է հաճույք կլինի: Այս խաղն էլ կարելի է անցկացնել ո՛չ ասենք Դիմակի նման շուտ-շուտ, որովհետև մի քիչ աշխատանք է հարկավոր, այլ ասենք 1 կամ 2 ամիսը մեկ: Չգիտեմ... ինձ թվում է հետաքրքիր կլինի: Սպասում եմ արձագանքների:
էսքան էլ որ միտքս շարադրեցի շատ լավ էր
թե չէ միշտ մտածում էի, ոնց եմ բացատրելու
Մի խոսքով, ով հասկացավ հասկացավ....
Գրեք կարծիքներ:
Էջանիշներ