Երթ ընդդիմության առաջնորդների գլխավորությամբ

[Մտահոգ]

Ես պարզապես ապշած եմ քո <<ցանկացած>> տրամաբանությունից: Ցանկացածով պատմություն չի գրվում: Անիմաստ եմ համարում լսել մի մարդու կարծիք, որը ոչ մասնագիտական, ապակողմնորոշող <<ՑԱՆԿԱՑԱԾ>> մտքեր է արտահայտում և հրաժարվում է մատնանշել գոնե մեկ կոնկրետ աղբյուր: Նման մտքեր արտահայտել Նժդեհի մասին...Դուք պարզապես ինքագովի մեկն եք, հերիք է կայքը փչացնեք

Չիմանալը ամոթ չէ, չսովորելն է ամոթ- ասեց մեր նոր վարչապետը վերջերս: Սիրելի Մարիամիկ քանի որ կամովի լծվել եմ անտեղյակությանդ վերացման բավականին բարդ ու անշնորհակալ գործին, ուրեմն շարունակեմ այն մինչեվ վերջ: Երբեք մտքովս չեր անցնի որ առանց տառասխալի հայերեն գրող անձը, ինչպիսին դու ես, կարող է այսքան անտեղյակ լինել մեր ոչ հեռավոր անցյալից: անցանք "լիկբեզ"-ին:
Դաշնակների համագործակցությունը երիտթուրքերի հետ սկսվել 1903 թ, Փարիզում երիտթուրքեր առաջին հիմնադիր կոնֆերանսի ժամանակ: Գրականություն- Ջ. Կիրակոսյան "Առաջին համաշխարհային պատերազմը եվ արեմտահայությունը"
Եթե Ջ. Կիրակոսյանը քո համար հեղինակություն չէ այս հարցում ուրեմն մյուս հեղինակը Arnold J. Toynbee "Turkey: A Past and a Future (Hodder & Stoughton 1917) "
միայն չասես որ այս հեղինակին էլ չես վստահում, արդեն կզայրանամ, Թոյնբիին համաշխարհային նոր պատմագրության տիտաններից է: Բավականին հայամետ, կարող ես կարդալ նաեվ նրա " The Armenian Atrocities: The Murder of a Nation, with a speech delivered by Lord Bryce in the House of Lords (Hodder & Stoughton 1915) " աշխատությունը: Այսքանը առաջին մասի վերաբերյալ: Սրանք կարդալուց հետո կուզենայի լսել քո կարծիքը: Նժդեհի մասին էլ մի փոքր լիկբեզ, Նժդեհը 1942թ Բեռլինում լույս տեսնող "Ազատ Հայաստան" թերթի փոխխմբագիրն էր, համագործակցում էր ֆաշիստների կողմից ստեղծված Հայ Ազգային Խորհրդի հետ, նրա միջնորդությամբ 30 երիտասարդ ցեղակրոններ Բեռլինում ներգրավվեցին ու սկսեցին վարժվել գերմանական հատուկ ծառայություններում ու այնուհետեվ ուղղարկվեցին խորհրդա-գերմանական ռազմաճակատ: Դու այս տողերը կարդալիս մի չարանա իմ վրա, ես ընդամենը գրել եմ իրական փաստերը:
Ու նորից խնդրանք մի վիրավորին, չէ որ ես ընդամենը ուզում եմ քեզ դուրս հանել մեղմ ասած անտեղյակության ճահճից:

[Artgeo]

Այն օրը, երբ առավել քան երբեք պետք է միասին լինենք, ամուր լինենք

Ֆեդայի ջան, բոլորս էլ մաքուր ստրով ու հաստատակամությամբ գնում ենք մեր անմեղ զոհերի հիշատակը վառ պահելու։ Գնում ենք, որպես մեկ միասնական ընտանիք, մեկ ամբողջականություն, մեկ ազգ։ Սակայն, դա չի բացառում, ընտանիքում տարբեր հատկանիշներով խմբերի բաժանումը։ Այսինքն, եթե տղաները մի խմբով գնան, իսկ աղջիկները ուրիշ որևէ սարսափելի բան չկա դրա մեջ։ Համալսարանն էլ մեկ ամբողջականություն է, որի գերնպատակը մեկն է, սակայն նրանում կան տարբեր ֆակուլտետներ, որոնք ունեն իրենց ենթանպատակներ, որոնք որևէ կերպ չեն հակասում գերնպատակին։ Ի դեպ ֆակուլտետներն էլ տարբերվում են թե՛ քանակական, թե՛ բարոյահոգեբանական բարքերով ու ավանդույթներով։
Վաղն էլ, բոլորս ենք գնալու Ծիծեռնակաբերդ մեկ գերնպատակով, մեկ միասնականությամբ, որում շատ մեծ ու փոքր խմբեր կան։ Դրա մեջ որևէ սարսափելի բան չկա։ Որևէ սարսափելի բան չկա նաև նրանում, որ բոլորը կտեսնեն, որ Համազգային շարժման մեջ «թմրամոլներ ու ավազակներ» չեն։ Որևէ սարսափելի բան չկա, որ Համազգային շարժման մասնակիցները ազգային վեհ գաղափարների կրող են, Հայ ազգի զոհերի հիշատակը հարգող են։ Որևէ սարսափելի բան չկա, որ միասնական հայ ազգի մեջ, վաղը այս խումբը ոչ միայն չի զիջի այլ միգուցե և գերազանցի այլ խմբերին թե՛ քանակապես, թե՛ որակապես։ Իսկ եթե գերազանցեց խումբը, կգերազանցի ամբողջ երթը։ Երթի գերազանցումը միանշանակ դրական է Հայաստանի և՛ ներքին և՛ արտաքին մարտահրավերների լուծման համար։

Հ.Գ. Իհարկե կներեք պրագմատիկ գրառման համար։ Լինելով Ցեղասպանությունից փրկված և չփրկված մարդկանց սերունդ՝ վաղվա խորհուրդը որևէ կերպ նսեմացնելու մտադրություն չունեմ։

[ChildOfTheSky]

Մենակ թե չասեք՝ դաշնակցությունը ջահերով երթը կազմակերպում է լոկ որպես միջոցառում: Մի՞թե ապրիլի 24-ը դաշնակցություն կուսակցության՝ ուշադրության կենտրոնում գտնվելու սիրած պահը չի:
Ընդդիմությունը այսպիսի երթ կազմակերպել էր նաև Ստեփան Դեմիրճյանի ընդդիմության առաջնորդ եղած ժամանակ: Ընդդիմությունը մնացել է նույնը, բավականին մաքրվել է դհոլներից, և փոխվել է ընդդիմության առաջնորդը: Սովոր եք, որ ցեղասպանություն ասելիս հաջորդ բառը դաշնակցությունը լինի, հետո ասում եք ազգին միավորող վիշտ ա: Ընդդիմությունն ունի իրավունք և պարտավոր է հիշելու և սգալու այսօր և երեկ զոհված նահատակներին:

[Արշակ]

Իմիջիայլոց, երեկվա ջահերով երթի ժամանակ դաշնակները, ի թիվս այլ կոչերի, «Հո՛–Յի՛–Դա՛» (ՀՅԴ) էին վանկարկում։ Բայց չգիտես ինչու մարդիկ ցեղասպանության կոնտեքստում ՀՅԴ–ի գովազդին միշտ լրիվ հանգիստ են վերաբերվում, մինչդեռ ընդդիմության կազմակերպած ցեղասպանության զոհերի հիշատակին նվիրված երթի հայտարարությունն իսկ հիստերիայով են ընկալում։

[Ծով]

Իմիջիայլոց, երեկվա ջահերով երթի ժամանակ դաշնակները, ի թիվս այլ կոչերի, «Հո՛–Յի՛–Դա՛» (ՀՅԴ) էին վանկարկում։ Բայց չգիտես ինչու մարդիկ ցեղասպանության կոնտեքստում ՀՅԴ–ի գովազդին միշտ լրիվ հանգիստ են վերաբերվում, մինչդեռ ընդդիմության կազմակերպած ցեղասպանության զոհերի հիշատակին նվիրված երթի հայտարարությունն իսկ հիստերիայով են ընկալում։

օրինակ եթե մենք գոռայինք պայքար պայքար մինչև վերջ..դա կարող է դիտվել նաև որպես պայքարը ցեղասպանության ճանաչմանը հասնելու համար ամբողջ աշխարհում
Բայց ես կողմ եմ լռությանը երթի ժամանակ: Իսկ այս օրով տարատեսակ ակցիաներին միայն կողմ եմ

[Norton]

Իմիջիայլոց, երեկվա ջահերով երթի ժամանակ դաշնակները, ի թիվս այլ կոչերի, «Հո՛–Յի՛–Դա՛» (ՀՅԴ) էին վանկարկում։ Բայց չգիտես ինչու մարդիկ ցեղասպանության կոնտեքստում ՀՅԴ–ի գովազդին միշտ լրիվ հանգիստ են վերաբերվում, մինչդեռ ընդդիմության կազմակերպած ցեղասպանության զոհերի հիշատակին նվիրված երթի հայտարարությունն իսկ հիստերիայով են ընկալում։

Բացի այդ,ՀՀ դրոշների հետ հավասար ՀՅԴ դրոշներ կային: Երեկ ուրեմն մեկը երթի ժամանակ գոռաց ՛՛խմելու ենք թուրքի արյուն,ջարդելու ենք չեմ հիշում ինչ՛՛ ու էդ բավական էր ,որ հետևից մի 10 հոգի սկսի նույնը գոռալ,դե եթե մենք խմելու ենք թուրքի արյուն,էլ ինչով ենք իրենցից տարբերվում՞

[Artgeo]

ԱԶԱՏՈՒԹՅԱՆ ՀՐԱՊԱՐԱԿԸ ՇՐՋԱՊԱՏՎԱԾ Է ՈՍՏԻԿԱՆՆԵՐՈՎ
[12:39] 24 Ապրիլի, 2008

՚Ազատությանՙ հրապարակն այսօր առավոտից շրջապատված է ոստիկանության աշխատակիցներով, որոնք խմբերով կանգնած են մայթերին ու հսկում են անցուդարձը: ՚Ազատությանՙ հրապարակի անմիջապես մեջտեղում տեղակայվել են ոստիկանության ավտոբուսներ ու մեքենաներ:

Նշենք, որ այսօր ընդդիմության ներկայացուցիչներն ՚Ազատությանՙ հրապարակից ժամը 15.00- ին պետք է շարժվեն դեպի 1915թ. ցեղասպանության զոհերի հիշատակը հավերժացնող հուշահամալիր՝ ծաղկեպսակներ դնելու:

Հետաքրքրվեցինք ոստիկաններից, թե ինչո՞ւ են այսօր հավաքվել ՚Ազատությանՙ հրապարակում եւ ինչո՞ւ են այսքան շատ՝ որեւէ իրադարձությո՞ւն է սպասվում: Ոստիկաններից մեկը հումորով նկատեց, թե` ՚ոչ մի բան էլ չի նախատեսվում, այնպես որ հանգիստ կարող եք շրջել տարածքումՙ: Մեկ այլ ոստիկան էլ, մեզ խորհուրդ տվեց. ՚Ժամը 15:00-ի սահմաններում չերեւաք այստեղ, այդպես լավ կլինիՙ:

Ի դեպ, մեր ունեցած տեղեկություններվ, այսօր ոստիկանության հիվանդանոցում աշխատակիցները զգուշացվել են լինել ավելի զգոն եւ կազմակերպված, ծանրաբեռնված ռեժիմով աշխատելու պատրաստ:

A1plus.am

[Sunny Stream]

Ժողովուրդ ջան,
ես վաղ այգաբացից մինչև ժամը 11-ը Ազատության հրապարակում էի. էդ ընթացքում եկավ 2 ավտոբուս, 10-ից ավել մեքենա ու երթուղային տաքսի՝ ոստիկաններով, 7-8 "փափախ" ավտոբուս՝ զինվորներով (եթե չեմ սխալվում՝ ոստիկանության զորքերն են), մեկ զրահամեքենա (БТР-ն ասում)... շրջափակեցին, հիմա պետք է որ էլ ելումուտ չլինի Ազատության հրապարակ...

իզուր է էս երթը... չարժի...

... բայց եթե գնաք, ԶԳՈՒՅՇ կլինեք!!!... ոչ միայն ձեզ համար, այլև՝ օրվա...

[Marduk]

Երազում եմ ապրել մի Հայաստանում որտեղ չի լինի ոչ ՀՅԴ, ոչ էլ ՀՀՇ:

[Sunny Stream]

Ընկերուհիս հենց նոր զանգահարեց Օրբելի փողոցից, ասաց, որ ընդդիմությունից մոտ 20.000 մարդ կա (սեփական աչքաչափի տվյալներ), ես հեռախոսից լսեցի էդ մարդկանց «Լևոն» վանկարկումները... հիմա չգիտեմ՝ գնում են Ծիծեռնակաբե՞րդ (թե՞ ճանապարհից ետ են շրջվելու դեպի ԱԺ), ինչի՞ են գնում ու ու՞մ համար... գոնե էսօր «Լևոն» չվանկարկեին ... չգիտեմ, թե ընդդիմության ղեկավարներից ով կա, բայց դատելով հավաքվածների թվից՝ գուցե ներկա են ամենակարևոր դեմքերը...
...Ազատության հրապարակ մտնել չեն կարողացել:

[Zangezur]

ՈՍՏԻԿԱՆՆԵՐԸ ՓԱԿԵԼ ԷԻՆ ՀՐԱՊԱՐԱԿԸ, ԲԱՅՑ ԲԱՑՈՒՄ ԷԻՆ ՃԱՆԱՊԱՐՀԸ

Ապրիլի 24-ին, ժամը 15-ին բավական հետաքրքրական իրավիճակ էր ստեղծվել Երեւանի Ազատության հրապարակի մատույցներում: Ժամը 15-ին, ինչպես վաղօրոք հայտարարել է համաժողովրդական Շարժման կենտրոնը, քաղաքացիները պետք է հավաքվեին Ազատության հրապարակում, որտեղից էլ պետք է երթով գնային դեպի Ծիծեռնակաբերդ` եղեռնի զոհերի հուշահամալիր: Սակայն ոստիկանությունը, որ ապրիլի 23-ի երեկոյան Ազատության հրապարակում որեւէ արգելք չէր հարուցել դաշնակցական երիտասարդների կազմակերպած ջահերով երթի համար, մեկ օր անց փակել էր Ազատության հրապարակը եւ համաժողովրդական Շարժման կոչով այնտեղ հավաքվելու եկած քաղաքացիները ստիպված էին հավաքվել Հյուսիսային պողոտայում:

Քանի որ քաղաքացիների թիվն աստիճանաբար ավելանում էր եւ մեծանում էր կուտակումը, ապա համաժողովրդական Շարժման ներկայացուցիչները որոշեցին, որ հավաքված բազմությունը գնա Սարյանի արձանի մոտ, այնտեղ ամբողջանա եւ երթով շարժվի դեպի Ծիծեռնակաբերդ: Մարդիկ սկսեցին Հյուսիսային պողոտայից քայլել դեպի Սարյանի արձան, իսկ ոստիկաններն էլ սկսեցին նրանց հորդորել, որպեսզի Թումանյան փողոցի երթեւեկությունը չխանգարեն, այլ քայլեն մայթերով, սակայն բազմությունն այնքան մեծ էր, որ ոստիկաններն ի վերջո ստիպված եղան երթեւեկությունը կանգնեցնել, բացելով քաղաքացիների ճանապարհը:

Սարյանի արձանի մոտ հավաքվածներին միացան համաժողովրդական Շարժման առաջնորդները, ովքեր ձերբակալված չեն: Այնտեղ էին Արամ Զավենի Սարգսյանը, Դավիթ Շահնազարյանը, Լեւոն Զուրաբյանը, Մանուշակ Պետրոսյանը, ԺՈՒԿ նախագահի տեղակալ Վարդան Գրիգորյանը, ՆԺԿ վարչության անդամ Հրաչյա Սարգսյանը: Առաջնորդների գլխավորությամբ, Սարյանի արձանի մոտ հավաքված մի քանի հազար քաղաքացիները 15 րոպե անց, ծաղիկներն ու եռագույն դրոշները ձեռքներին, սկսեցին իրենց երթը դեպի եղեռնի զոհերի հուշահամալիր:


ԼԵՎՈՆ ՏԵՐ-ՊԵՏՐՈՍՅԱՆԸ ՄԻԱՑԵԼ Է ԵՐԹԻ ՄԱՍՆԱԿԻՑՆԵՐԻՆ
Այսօր ժամը 15-ին Երեւանի Սարյանի արձանի մոտից մեկնարկած երթը արդեն հասել է Ծիծեռնակաբերդի հուշահամալիր, որտեղ մասնակիցներին է միացել Լեւոն Տեր-Պետրոսյանը տիկնոջ հետ: Այստեղ է նաեւ ՀԺԿ նախագահ Ստեփան Դեմիրճյանը: Երթի մասնակիցների թիվը բավական մեծ է` մոտ երկու տասնյակ հազար մարդ

lragir.am

[Enipra]

Ժամը 4-ից պատուհանից հետևում եմ Կիևյան կամրջի անցուդարձին. գիտեի, որ երթի մասնակիցները ուր որ է պիտի հասնեն: Թեև մեր տնից բավական հեռու է, բայց որոշ պատկերացում տալիս է: Անց 5 երևաց մարդկային մեծ հոսք, ու տրանսպորտը մնաց կաթվածահար կանգնած 10-15 րոպե` առանց որևէ շարժի ընդհանրապես: Մարդիկ գալիս ու գալիս էին, ինչ-որ կարմիր բաներ, հավանաբար դրոշներ կամ պաստառներ էին երևում` բարձր պահած: 16:20 երթևեկությունը սկսեց կարգավորվել շաաատ դանդաղ, հիմա կարծես նորմալ է: Տպավորությունն այնպիսին է, որ մասնակիցները շատ-շատ են:
Հույս ունեմ ամեն ինչ չի անհամանա, կլինեն հնարավորինս զուսպ, թեև ինձ համար այս օրով «Լևոն, նախագահ» ու նմանատիպ վանկարկումներն արդեն աբսուրդ են, ինչպես պայքարի` լուռ բողոքից բացի մնացած բոլոր տիպի դրսևորումները: Դեռ ինչ-որ տեղ, շատ հեռո~ւ ընդունում եմ, որ այսօր կարելի է նաև սգալ մարտի 1-ի զոհերի հիշատակը, թեև կարծում եմ, որ դրանք տարբեր հարթություններ են ու չարժե արհեստականորեն իրար կապել, բայց քաղաքական խաղերն այսօր լրիվ անընդունելի եմ համարում:

[Աբելյան]

սկզբում մի 2-3 հազարանոց խումբ էր գալի Բաղրամյան-Կիևյանով, ու առաջնորդներից ճանաչեցի մենակ Արամ Սարգսյանին: Ոչ Դեմիրճյանը կար, ոչ էլ Տեր-Պետրոսյանը: Միացա խմբին, հետո որ հելնում էինք, ես հետևի շարքերում էի, մլիցեքը փակեցին մեր դեմը, յանիմ կուտակումներ են դեմի շարքերում, տենց էլ չիմացա մարդկանց հիմնական մասը որ կողմն ա հելնում: Այ, որ Լևոնն ու Դեմիրճյանն էլ են միացել, նոր իմացա Հյուսիսային պողոտայում ամեն ինչ կարգին էր ոնց որ, մլիցեքը թչ մեկին Օպերա մտնել չէին թողում, մարդիկ էլ Հյուսիսային պողոտայից ինչ-որ բաներ վանկարկեցին ու կամաց-կամաց ցրվան:

[voter]

Fidayi և մյուսներնի, որոնք վրդովվում են Ապրիլի 24-ին ակցիաներ կազմակերպելու ու ուշադրություն գրավելու համար։

Չկրկնեմ գրածս http://www.akumb.am/showthread.php?p...8&postcount=10 զուտ ավելացնեմ, որ այսօր ուղղակի ուշադիր դիտիր ուղիղ ռեպորտաժը ու հաշվիր, քանի հոգի ու քանի կազմակերպություն պլակատներ կցուցադրի - սկսած Հրանտ Դինքի նկարներով կամ քրդականը Օջալանի դրոշակներով, վերջացրած ամեն տեսակ Շիրկաի մարզի քաղաքապետարան կամ 6րդ կոլխոզի համայնք....

Հետո հարց տվեք ձեզ ԻՆՉՈՒ ԱՅԴ ԲՈԼՈՐ կազմակերպությունները ու ակընհայտ ուշադրություն գրավող պաստառներն ու գրառումները թույլատրելի են՞

Ապրիլի 24 միակ օրը չի, որ հայ ժողովուրդը սգում է Եղեռնի զոհերի հիշատկաը, այդ օրն զուտ կիզակետն է, որի ընթացկում փորձ է արվում համաշխարհային ուշադրությունը կիզել հայ ժողովրդի ու նրա դժվարին կյանքի վրա ու մեր ժողովրդի ամնենավերջին դժնդակ ճակատագրական դրվակներից է Մարտի 1-ի մարդասպանությունը։

Համոզված եմ, որ ԼՏՊն ու նրա կողմնակիցները այդքան գիտակից են, որ այդ իսկ առումով էլ երթ են անում, որ ցույց տան ԻՐԵՆՑ ՆԵՐԿԱՅՈՒԹՅՈՒՆԸ ինչպես մյունսերն իրենց ներկայություննեն ցույց տալիս, չնայած մյուսներին ի տարբերություն ԼՏՊի երթի մասնակիցներին, ուշադրություն գրավելու համար ստիպված դրոշակներ ու պաստառներ են բարցրացնում, որ քիչ է մնում իրենց մասին անուն ազգանունն էլ գրեն։

[Alien]

իսկ երթի նպատակն ու իմաստը որն է???