Մոդա

[Ուլուանա]

Իսկ քո գրածների մասին, չնայած կարող է կոպիտ հնչել, բայց ասեմ, ժամանակակից հասարակությունը (առաջ էլ, բայց հիմա հատկապես) սպառողների մի հոծ բազմություն է, մի անխելք նախիր, որը շատ զգայուն է ՊՌ-ի, գովազդի հանդեպ։ Այս հասարակության հիմնական մասսան շատ ծանր է տանում իր "կյանքից հետ մնալը"

Օրինակ՝
–Բրիտնի Սպիրսի նոր կլիպը տեսե՞լ ես
–Նոր կլիպ ունի՞
– Որքա՜ն ես հետ մնացել կյանքից ։զարմացած դեմքիկ։

Իհարկե կան մարդիկ, որոնք թքած ունեն թ՛ե Բրիտնի Սպիրսի, թ՛ե "կյանքից հետ մնալու" վրա, որոնք համեմատաբար ավելի ինքնավստահ են, բայց դրանք փոքրամասնություն են

Արտ, ինձ թվում է, դու մի քիչ սխալ ես հասկացել Վազգենի ասածը, քանի որ «մոդային հետևել» արտահայտությունը որոշ չափով երկիմաստ է. մարդը կարող է մոդային հետևել՝ պարզապես ուշադրություն դարձնելով, թե ինչ են հագնում, լսում կամ մարդում շրջապատի մարդիկ, բայց ինքը միաժամանակ մարող է այդպես չհագնվել, այդ երաժշտությունները չլսել ու բոլոր նրանց կարդացած գրքերը չկարդալ։ Այսինքն՝ հետևել բառը տվյալ դեպքում կարելի է հասկանալ ոչ թե նմանակել, այլ ուշադրություն դարձնել իմաստով։ Չէ՞ որ ցանկացած բանի մասին կարծիք կազմելու, առավել ևս՝ քննադատելու համար մարդ պետք է գոնե որոշ չափով ուսումնասիրի տվյալ երևույթը, այո, պիտի հետևես, ուսումնասիրես, չեմ ասում ամբողջ ժամանակդ դրան հատկացնես, բայց, ինչպես ասում են, ձեռի հետ նայես, թե ինչով է ապրում ու շնչում ներկայիս հասարակությունը, և դրա համար ամենևին էլ պարտադիր չէ նրանց նման հագնվել ու նրանց լսած երաժշտությունները լսել, դե երաժշտության հարցում, ամեն դեպքում, ասենք, տվյալ երգչի կամ երաժշտախմբի մասին կարծիք կազմելու համար պիտի նրանց երգերից գոնե մի քանիսը գոնե մի անգամ լսես, իսկ եթե դուրդ չգա, բնականաբաար, էլ չես լսի։ Դա չի նշանակում, որ դու մոդայի գերի ես դառնում։ Պարզապես ծանոթանում ես տվյալ ժամանակի մոդայի հետ, որպեսզի առիթի դեպքում, երբ խոսք գնա այս կամ այն երևույթից, որը մոդա է, կարողանաս կարծիքդ հայտնել, իսկ պետք եղած դեպքում, ինչու չէ, նաև քննադատել։