Նուբարաշենի զորամասի ժամկետային զինծառայող, 18-ամյա Էրիկ Գրիգորյանը այժմ գտնվում է Զինվորական հոսպիտալի դիմածնոտային բաժանմունքում՝
ուղեղի ցնցմամբ, սալջարդերով ու քթի կոտրվածքով:
Դաժանորեն ծեծված զինվորի հայրը պահանջում է քրեական պատասխանատվության ենթարկել ու պաշտոնանկ անել Նուբարաշենի զորամասի հրամանատարի տեղակալին:
Չորեքշաբթի օրը «Ազատություն» ռադիոկայանի հետ զրույցում զինվորը պատմեց, որ հոսպիտալում է հոկտեմբերի 28-ից, սակայն խուսափեց այլ մանրամասներ հայտնելուց:
Գեղարքունիքի մարզի Նորադուզ գյուղի բնակիչ, 5 ամսվա ծառայող Էրիկի հայրը` Գագիկ Գրիգորյանը, խիստ վրդովված մանրամասնեց, որ որդուն ծեծի է ենթարկել Նուբարաշենի զորամասի հրամանատարի տեղակալ Արմեն Բարեղամյանը: Տղան մեկ ժամից ավելի ծեծվել է առավոտյան ժամանակին չարթնանալու համար:
Հոր խոսքով` Էրիկ Գրիգորյանը ծեծվել է բազմաթիվ զինվորների աչքի առաջ: - «Էդքան զինվորներն էլ ասում են` վախենում էինք գնայինք մոտ, գոնե չթողնեինք [ծեծել]: Երեխան արդեն ուշագնաց ընկած է եղել, բայց ինքը խփել է: Հետո, ուշաթափված, զինվորները տարել են լվացնելու, բռնացրել լվացարանի մոտ նորից ծեծել է», - պատմում է Գագիկ Գրիգորյանը:
Պաշտպանության նախարարության քննչական ծառայությունից տեղեկացրեցին, որ նոյեմբերի 1-ին Երեւանի 4-րդ կայազորային քննչական բաժնում այս փաստի առիթով հարուցվել է քրեական գործ՝ Քրեական օրենսգրքի 375 հոդվածի առաջին մասի հատկանիշներով (Պետի կամ պաշտոնատար անձի կողմից իշխանությունը կամ պաշտոնեական դիրքը չարաշահելը, իշխանազանցությունը կամ պաշտոնեական լիազորությունների սահմանն անցնելը):
Քննչական ծառայությունից նաեւ հայտնեցին, որ Արմեն Բարեղամյանի դեմ նույն հոդվածով ամիսներ առաջ նույնպես մեղադրանք է առաջադրվել մեկ այլ զինվորի` շարքային Բագրատ Եղիշյանին ծեծելու համար: Հոկտեմբերի 18-ին գործը դատարան է ուղարկվել, սակայն նա ազատության մեջ է ու շարունակում է աշխատել: Նախարարության քննչական ծառայությունից պարզաբանեցին, որ սպան աշխատանքից չի ազատվել, որովհետեւ կալանքի տակ չի եղել, եղել է ազատության մեջ . նրա պաշտոնանկության հարցը կարող էր առաջանալ դատարանի վճռից հետո ՝ երբ դատարանը ապացուցված կհամարեր մեղքը:
Պաշտպանության նախարարի մամուլի խոսնակ Դավիթ Կարապետյանը «Ազատություն» ռադիոկայանին փոխանցեց, որ Էրիկ Գրիգորյանի հետ կատարվածից հետո Արմեն Բարեղամյանը կարող է պաշտոնանկ արվել, եթե վերադասը նման որոշում կայացնի, կամ եթե Բարեղամյանին մեղադրանք առաջադրվի ու նրա նկատմամբ խափանման միջոց ընտրվի կալանքը:
www.azatutyun.am
Վիշապ-ի խոսքերից
Ինչ լավ կլիներ, եթե այդքան պարզ լիներ։ Փաստորեն աֆիՑԵՌներին ընդհամենը պետք է փոխարինել բարձրագույն կրթություն ու դաստիարակություն ստացած սպաներով ու ենթասպաներով ու մենք երջանիկ ենք։
De gustibus et coloribus non est disputandum.
Մեջբերել
Մնում է պարզես, թե որտեղ է գուբախտը համար N գումարտակում, որը գտնվում է Օմարի չոլերում, մեկ էլ պարզես թե ովքեր են էդ «վերին ատյանները» ու ում միջոցով նրանց զեկուցագիր գրես... Ու ամենակարևորը՝ ում հետևն են մտցնելու զեկուցագիրդ։ Դոկ, «վերին ատյաններում» ե՞րբ ես վերջին անգամ հարց լուծել։
, եսի սաղ տեղերնել կա, հետո ինչ որ դուրս չի գալիս, բոլոր զինվորներին հարցրեք, ետ ում չեն ծեծել սրա համար, բայց ով բանի տեղ դրեց?
Էջանիշներ