Հայոց բանակ

[VisTolog]

երեխեք լուրջ եսքան անտարբեր եք ինչ է կատարվում ձեր իսկ շուրջ բոլորը, էսքան սառնասիրտ եք դարձել, էսքան անմարդկային՞՞՞՞՞՞՞ ես վիդեո եմ դրե, որտեղ սարսափելի բաներ են կատարվում ու ոչ մի արձագանք՞ ոչ մի գոնե ներքին զայրույթ, ես իրոքից գնալով հիասթափվում եմ մարդկանցից

Ուղղակի ապշած եմ էդ զինվորի համբերության վրա:
Մի երկու բան կհաշվարկեի` դեմ - կողմ-երի քանակն ու քացու տակ կգցեի:

Հա, հիմա կասեք թե դրան էլ պատասխան հարված կստանար զինվորը, բայց իմ համար արժանապատվությունն ավելի վերա:

[keyboard]

Ճիշտ է ամբողջը սարքած է մեր բանակում էլ նման բաներ շաաաաաաաաաաաաաաաաաաաատ հազվադեպ են լինում.
Դարա համար` ամենախելոք,ամենահամեստ, ամենաբարի զինվորը մի օր ԴԱՎԱԴԻՏ է լինում ու պոստի սաղ սաստավին ԳՅՈՒԼՈՒՄ ու գալիս հանձնվում հրամանատարությանը կամ փախնում,դրա համարա, որ ամենահամեստ զինծառայողը պոստից փախնում է մենակ թե չստորանա, դրա համարա, որ աֆիցեռը զինվորի ինքնասիրությաննա կպնում, որ զինվորը չդիմանա վերադարձնի դատեն, դրա համարա, որ զորքին իբր թե կոփում են հանում պլացին բոբիկ 30 աստիճան մառոզին շարում են, դրա համարա որ էս բանակ սերիալը լավ էլ ցույցա տալիս թե ինչքան անինքնասեր տասոֆշիկներ կան մեր բանակում, դրա համարա,որ մի հատ ապտակ չուտելու համար իրանք իրանց ծախում են, ճնայած ես չեմ մեղադրում, մտածում են մենակ թե չմեռնեն գնան հասնեն տուն, էնքան բան կա գրելու, տեսանյությն էլ իմ տեսածներին ոչնչով չի զիջում, հաստատ համոզված եմ մերոնց արածնա ու ոչ մի բան էլ սարքած չի ու ոչ թե նման բաները մեր բանակում հազվադեպ են լինում, այլ մի փախեք իրականությունից մարդիկ և ընդունեք որ դա մեր բանակի ԱՌՕՐՅԱՆԱ...

[Նաիրուհի]

Ես էս տեսանյութի իրական լինելուն ՉԵՄ ՀԱՎԱՏՈՒՄ...

[Lord]

ժող ես այս տեսանյութը նայեցի և ոչ մի անհավատալի բան էլ չեմ տեսնում, իրականությունը ավելի վատնա, սա դեռ ամենավատը չի, ես իմ ծառայության ընթացքում սրանցի հազար անգամ ավելի վատ բաների եմ ականատես եղել և համոզված եմ, որ նման դեպքեր ինչպես եղել են այնպես էլ լինելու են, որովհետև բոլորի մեջ էլ այդ դաժանությունը կա, կարևոր չի բանակում է գտնվում թե ոչ, ուղակի որոշները հնարավորություն են ստանում այդ դաժանությունը առտահայտելու

[ars83]

Ես էս տեսանյութի իրական լինելուն ՉԵՄ ՀԱՎԱՏՈՒՄ...

Որևէ փաստարկներ կբերե՞ք, որպեսզի հասկանալի լինի՝ ինչի հիման վրա չեք հավատում: Շնորհակալություն:

---------- Ավելացվել է՝ 20:08 ---------- Սկզբնական գրառումը՝ 20:05 ----------

Նայեք նաև առանց գրանցման

http://www.youtube.com/watch?v=gYKbP...layer_embedded

Այս տեսագրությունն էլ է հեռացված:
Բայց Dailymotion-ում հասանելի է՝ http://www.dailymotion.com/video/xes..._news?start=60

[tikopx]

Որևէ փաստարկներ կբերե՞ք, որպեսզի հասկանալի լինի՝ ինչի հիման վրա չեք հավատում: Շնորհակալություն:

կարդա` ես ել իմ փաստարկները:

սրանք հայ չեն 100%
2 բառով պատասխանեմ սաղ հարցերին , եթե մի քանի հոգով գնում են անտառ ուտել խմելու, հաստատ իրանք իրնացով են գնում , ուրիշի հետները չեն տանում` իրանց ջահելներին,, որ ջրի են ուղարկում,որ մի բան ել կայֆ բռնեն վրեքը, նույնսիկ ամանելավ ծառայողները, որ գրիմիտ են անում չաստում ,տենց բան չեն անի:;մեկել հակառակը, որ այդ ջահելներն են գնում , ապա ուրիշ մարդ բացի իրանցից ` այդ տայիֆից, հետները չի գան :
հաստատ եմ ասում սարքաց բանա , բայց սարքողը չի ծառայել , կամ էլ հայկական բանակում չի ծառայել ու ետ մանրուքին ուշադիր չի եղել

[Շինարար]

Ես էս տեսանյութի իրական լինելուն ՉԵՄ ՀԱՎԱՏՈՒՄ...

Անհավատալի ոչինչ չկա, ավելի կոմպրոմատային բաներ կարելի էր նկարել, սովորական առօրյա տեսարան է:

[V!k]

Այս տեսագրությունն էլ է հեռացված:
Բայց Dailymotion-ում հասանելի է՝ http://www.dailymotion.com/video/xes..._news?start=60

տեսանյութը Յութուբից հեռացրել են են պատճառով,որ ադրբեջանից չտեսնեն(կամ գոնե ինչքան հնարավոր է քիչ տեսնեն,շատ շուխուռ չընկնի),որ մեր բանակի անունը չընկնի,իսկ տեսանյութի իրականության մասին ասեմ որ հավատում եմ,հեռու չի մեր բանակի աֆիցեռների պահվածքից,դեռ չեմ ծառայել,բայց նման դեպքեր էլի եմ լսել,ամոթ ա,ամոոոոոթ

[murmushka]

Ես էս տեսանյութի իրական լինելուն ՉԵՄ ՀԱՎԱՏՈՒՄ...

ես էլ չեմ հավատում, մեր բանակում նման բա՞՞՞՞, չեմ հավատում, չեմ հավատում որ Երևանի փողոցներում մարդկանց գնդակահարում են, ՉԵՄ ՀԱՎԱՏՈՒմ, որ մարդկանց սեփական տներից քշում են, ՉԵՄ ՀԱՎԱՏՈՒմ, որ ... շարունակեմ՞ Մենք ապրում ենք Հայլուրի բարի պուպուշ Հայաստանում, որի բանակում, մենակ տուտուզին են խփում , էն իրիկունները, որ շուտ քնեն

[Norton]

Հայերի ֆոբիաները շատ են ու տարբեր

Երիտասարդների մեջ առկա է բանակի հանդեպ վախը

Երեկ «Արմատ» ակումբում հոգեբան Ռուբեն Պողոսյանն ու սոցիալական աշխատանքի մասնագետ, ԵՊՀ սոցիոլոգիայի ֆակուլտետի դասախոս Աննա Ոսկանյանը խոսեցին հայերին բնորոշ ֆոբիաների մասին:
Ըստ հոգեբանի, հայերին բնորոշ են հատկապես հիվանդությունների նկատմամբ ֆոբիաները. «Հաճախ ասում են՝ գուցե ես կանցերոֆոբիա՞ ունեմ՝ քաղցկեղ, սրտանոթային հիվանդություն: Բացի այդ, հասարակության մեջ տարածված է վախը փակ տարածություններից, բարձրությունից, բժշկական կաբինետներից, կենդանիներից՝ միջատներից, օձերից, թռչուններից, շներից: Սրանք հասարակ ֆոբիաներն են: Իսկ ֆոբիաների մյուս տեսակին՝ սոցիալականների թվին են դասվում ուրիշների ներկայությամբ խոսելու, ուտելու վախը: Ամենաշատ հանդիպող ֆոբիայի տեսակներն են կլաուստրաֆոբիան ու ագորաֆոբիան: Սրանք ամենաշատն են ազդում մարդու աշխատունակության վրա: Ագորաֆոբիան ի հայտ է գալիս բաց տարածքներից վախի դեպքում, իսկ կլաուստրաֆոբիան՝ փակ տարածքում գտնվելու վախի դեպքում՝ վերելակ, ինքնաթիռ, թունել եւ այլն»:
Ըստ Ռ. Պողոսյանի, ֆոբիաների առաջացման պատճառներից մեկը հայկական հեռուստաալիքների «բայղուշությունն» է՝ «շատ են խոսում, պատմում ֆոբիաների մասին, որ իբր թե դրանով կարողանում են պատնեշել ինչ-ինչ երեւույթների նկատմամբ վախերը, բայց հակառակն են անում, իրենց ներկայացրածով վախ են սերմանում»:
Բանախոսները, սակայն, բոլոր այս ֆոբիաներից առանձնացրին հայ երիտասարդ տղաների՝ բանակի հանդեպ վախը:
Ռ. Պողոսյանի կարծիքով, սա հիմնականում առաջանում է բանակ գնալուց առաջ. «Այսօր հայ երիտասարդները հայրենասիրական ցանկություններից ելնելով չէ, որ գնում են բանակ: Դա կարծես պարտադրանք է դարձել, կա տպավորություն, որ այնտեղ պետք է պարտադիր հիվանդանաս, վախ կա ծառայության հանդեպ...»: Հոգեբանի կարծիքով՝ բանակում պետք է ստեղծել բարոյահոգեբանական մթնոլորտ, որպեսզի մարդ իրեն պաշտպանված զգա, ինչն այսօր տեսանելի չէ. «Բանակաշինության մեջ ամենակարեւորն այն է, թե ինչ մթնոլորտ ենք այնտեղ ստեղծում, որպեսզի սեւեռուն եւ չպատճառաբանված վախերը գլուխ չբարձրացնեն եւ հոգեկան հիվանդության բույն չդառնան: Այսօր բանակից զորացրվում են հիվանդ անձինք՝ վախերով տոգորված: Ինչո՞ւ չէ, դա կարող է պատճառաբանված լինել. ծեծի եւ ջարդի ենթարկվածներ շատ կան: Եկեք խոսենք դրա մասին շատ ուղղակի ձեւով, որովհետեւ այսօր ենք մենք մեր բանակը շինում: Ցավով եմ նշում, բայց այսօր զինակոչիկները հեշտությամբ, հոգեպես պատրաստ եւ որպես հայրենասեր քաղաքացի չեն գնում բանակ»:
Սոցիալական աշխատանքի մասնագետ Աննա Ոսկանյանի խոսքով՝ Հայաստանում բարձրորակ սոցիալական մասնագետներ կան, որոնք կարող են բանակում աշխատել, սակայն բանակն այսօր փակ է. «Պետությունը պետք է պատրաստ լինի ազատ պետություն դառնալ, որպեսզի բանակի հարցերն էլ քննարկվեն» :
Բանակաշինությունը, ըստ Ռ. Պողոսյանի, բարդ սոցիալական ինստիտուտ է եւ բարդ մեխանիզմ: Անդրադառնալով վերջին շրջանում զորամասերում գրանցված դեպքերին՝ սպանություններին, ինքնասպանություններին՝ մասնագետը հարցադրում արեց. «Մի՞թե իշխանությունները չեն հասկանում, որ այստեղ եւ հոգեբանական, եւ հոգեբուժական աշխատանքներ պետք է տանել: Ուսումնասիրել եւ պարզե՞լ են՝ ինչու է դա տեղի ունենում: Երբ ինքնաթիռ է ընկնում, հոգեբաններ են ներգրավվում, իսկ բանակում տեղի ունեցած դժբախտությունների ժամանակ՝ ոչ: Այնինչ, սա շատ ավելի բարդ եւ կարեւոր կառույց է: Ես կուզենայի, որ իշխանությունները գնահատեն եւ արժեւորեն այն գիտությունը, այն սոցիալական արժեքները, որոնք արդեն մշակույթ են Եվրոպայում»:
www.aravot.am

[Նաիրուհի]

Դուք էլ որդուս նման «ինքնասպան» եղեք. Արտակ Նազարյանի մոր բաց նամակը Սեյրան Օհանյանին

Տավուշի Մեհրաբ զորամասում, ըստ պաշտոնական վարկածի, հուլիսի 27-ին մահացած պայմանագրային զինծառայող Արտակ Նազարյանի մայրը` Հասմիկ Հովհաննիսյանը, բաց նամակ է հղել ՀՀ պաշտպանության նախարար Սեյրան Օհանյանին: Նամակում, մասնավորապես, ասվում է.

«Հունիսի 27 –ին առավոտյան ժամը 7:00-ին, ըստ պաշտոնական վարկածի, որդիա` Արտակ Նազարյանը իբրև թե «ինքնասպան» է եղել: Ես պնդում եմ, որ որդիս երբեք այդպիսի բան անել չէր կարող: Նա հավատում էր Աստծուն, ուներ խոստովանահայր, Սուրբ երրորդություն եղբայրասիրաց ընկերության անդամ էր մինչև Պաշտպանության նախարարության հրամանով աշխատանքի անցնելը: Նրա համար աստվածային օրենքները միս ու արյուն էին դարձել, և նա հստակ գիտեր, որ ոչ միայն սպանությունն է մեղք, այլև ինքնասպանությունը, և այդ մեծագույն մեղքի բաժինը ահավոր է լինելու:

Գիտեմ, Ձեզ համար ծիծաղելի է հոգևոր բարձրագույն արժեքներից խոսելը:

Իմ որդուն սպանել են: Սպանել են մտածված, սառնասրտորեն, հաշվարկով: Վերացրել են իրենց ճանապարհին խանգարող լույսը, բարին ու ազնիվը: Այդպիսի գազանները չարիք են և ծնունդ են անպատժելիության մթնոլորտի: Նրանք սովորական մարդասպաններ չեն, նրանք հայրենիքի դավաճաններ են, որոնք սահմանի վրա գազանաբար սպանում և ոչնչացնում են սահմանապահ սպային:

Իրենց եղեռնագործության հետքերը ծածկելու համար մարմինը բարձրացրել են 300 մետր դիրքերից վերև, դրել թշնամու տեսադաշտում` հուսալով թշնամու դիպուկահարների արձակած գնդակի վրա, բայց թուրքը հասկացել է, որ այնտեղ թիկնած սպան եթե սպանված չէ, ապա կիսամեռ է, և հայերին պատրվակ է պետք, իրենց իսկ ձեռքով սպանվածին վերագրելու թշնամական կողմին: Բայց իրենց հաշվարկների մեջ սխալ դուրս գալով, կիսամեռ սպայի հարցերը վերջնականապես լուծելու համար ավտոմատի փողը մտցնում են բերանը և կրակում: Փոխանակ, գոնե այդ անելուց առաջ բժիշկ կանչեին, օգնություն ցույց տային, լվային վերքերը, որոնք թիվ ու հաշիվ չունեն, դրանով թեթևացնելով իրենց մեղքը, ընդհակառակը, գնում են մինչև վերջ:

Եվ այդպիսիներին, չգիտես ում հրամանով, փորձում են պաշտպանել հենց սկզբից` ակնհայտ սպանությունը “ինքնասպանության” քողի տակ մտցնելով: Նրանք, ովքեր աշխատում են այդ ուղղությամբ, միտումնավոր փաստերն աղավաղելով, իբրև թե հանուն հայկական բանակի պատվի գործը քշում են առաջ, նրանք ևս ազգի և հայրենիքի դավաճաններ են և դրանով ավելի են գցում բանակի պատիվը` արյան ու խայտառակության խարան դնելով բանակի ու նրա ղեկավարության ճակատին:

Արյունն ու խայտառակությունը մաքրելու միակ ճանապարհը արդար քննություն անցկացնելն է, որը հենց սկզբից ընթանում է ահավոր թերություններով.

Մատնահետքեր չեն վերցրել դեռևս չսառած (ըստ իրենց ասածի) որդուս վրայից, աշխատել են առանց ձեռնոցների, տունը, որտեղ բնակվել է որդիս, չի կնքվել: Դեպքից 10 օր հետո բնակարանում խուզարկություն է կատարվել, որտեղից չի գտնվել որդուս օրագիրը` թվագրված 2010թ.: Առգրաված իրերի մասին ոչինչ չի ասվել: Ես չգիտեմ, արդյոք, զինվորական պայուսակն ու ձմեռային բաճկոնը, որն այս անգամ հետը տարել էր ծածկվելու համար, կա՞ն, թե` ոչ:

Որդուս մարմինը լրիվ մերկ են ուղարկել Երևան: Ուր են որդուս զինվորական համազգեստները: Ես դրանց վրա իմ ձեռքով կար եմ արել և լավ եմ ճանաչում, արդյոք չեն փոխելու: Գազանաբար կատարված սպանության արդյունքում համազգեստի վրա ևս բազմաթիվ հետքեր կլինեին:

Մարմինը պահպանելու համար սառույցը մեզանից են ուզել` 40 կգ.: Բավական չէ, որ կատարվել է ահավոր հանցագործությունը, որն անուն չունի ու դրանից հեշտ պրծնելու համար ուզում են փակ դագաղով տուն ուղարկել և միայն իմ աղաչանքով ու պահանջով են դեմքը սարքել, մի տոննա ներկանյութերով ծածկել ու տուն բերել հուլիսի 29-ին, աշխատանքային օրվա վերջում: Հենց այդ ժամանակ քթում արդեն առկա են եղել որդեր, որի համար բժիշկ հրավիրեցինք: Նա քթանցքերը մաքրեց որդերից ու հատուկ նյութերով զմռսեց այն:

Հաջորդ օրը, հուլիսի 30-ին կատարել ենք թաղումը: Մարմինն ահավոր վիճակում էր: Եվ հենց սա էլ վկայում է, որ դեպքը եղել է ոչ թե 27-ին, այլ ավելի վաղ` 24-ի լույս 25-ի գիշերը: Մինչև Երևան տեղափոխելը որտե՞ղ է դրված եղել մարմինը և ինչո՞ւ: Այնտեղ դիազննում չէր արվելու, միայն համազգեստը հանելու համար են այդպես վարվել, ոմանց բարի ծառայություն են մատուցել:

Մահացած որդուս մարմինը ուղեկցողներից մեկը եղել է գումարտակի հրամանատարը: Նա շատ անհոգ է եղել, խոսել է այնպես, կարծես ոչինչ էլ չի եղել: Դա այն հրամանատարներից մեկն է, որի մասին որդիս հոր հետ խոսելիս ասել է` հայրիկ, երկու հոգի ընկած են հետևիցս` զամպալիտն ու գումարտակի հրամանատարը, հատկապես վերջինս:

Այն բոլոր անհրաժեշտ տվյալները, որոնք պետք է օգնեին գործի բացահայտմանը, միտումնավոր ուշացվել են, ինչը խոսում է այն մասին, որ գործը նպատակամղված տարվում է այլ ուղղությամբ, թաքցնելու բանակում իրենց կերակրամանին կպած գազան հրմանատարներին` գումարտակի հրամանատարին, ով որդուս մարմնին ընդառաջ գնացած ամուսնուս ու ազգականներիս ներկայությամբ ասել էր, որ որդիս թույլ սպա է:

Ամուսնուս հարցին, թե առաջինը ով է տեսել մարմինը դեպքից հետո, պատասխանել էր զամպալիտը, որն էլ իբրև թե գրպանից «ինքնասպանության» մասին քսիֆ գրությունն էր հանել և պահել մոտը:

Գրությունն ի հայտ եկավ որդուս բնակարանի խուզարկությունից երկու օր հետո, իսկ բնակարանը խուզարկել են դեպքից տաս օր հետո: Եվ քննիչ Մադաթյանը հայտնաբերված սարքված գրությունը հապճեպ ուղարկում է փորձաքննության: Ինձ համար սարքված այդ գրությունը կոպեկի արժեք չունի, ըստ շարադրվածքի` այն գրվել է սպանությունից հետո:

Որդուս բլոկնոտը, որը չգիտեմ բնակարանից են գողացել, թե ըստ իրենց ասածի գրպանից է հանվել, հոշոտված է որդուս մարմնի նման, բոլոր էջերը պոկել են և թողել երեք էջ, որոնց վրա ամսաթվեր կան և մեկ պոկված էջ, որի վրա սարքված է «ինքնասպանության» գրությունը: Մեզ բնօրինակը ցույց չեն տվել, իսկ ինչպիսի գաղտնիքներ կբացեր բնօրինակը...

Մի՞թե «ինքնասպանության» գնացողը 300 մետր բարձրություն է հաղթահարւմ, սեփական մարմինն է խոշտանգում, ջարդում է գլուխն ու ատամները, կրակում սեփական բերանի մեջ և ոչ թե գազան խոշտանգողների վրա:

Պարոն նախարար, հարց է ծագում. ինչու Երևանի պետական համալսարանի արևելագիտության բաժինն ավարտած 30 ամյա երիտասարդը, ով անփորձ լինելով զինվորական կեղտոտ գործարքներին, որոնց մասին դուք շատ լավ տեղյակ եք, իր դասակի զինվորներին վերաբերվել է ինչպես եղբայրների, ճանաչել ու սիրել է Աստծուն, հանկարծ մոռացավ ամեն ինչ և ինքնասպան եղավ:

Ինչու դուք, որ ամբողջ համակարգի գլուխն եք, թեև հենց Ձեր մասին էլ ասում են, որ թույլ նախարար եք, և Ձեզանից ոչինչ կախված չէ, չեք ուզում քերեք, մաքրեք բանակի և համակարգի վրայի արյունն ու կեղտը, իրոք պատժել մեղավորներին: Եթե դա Ձեր հնարավորություններից դուրս է, ուրեմն դուք էլ որդուս նման «ինքնասպան» եղեք և թողեք մի իսկական գրություն, որ որպես բարձրաստիճան զինվորական ամաչում եք այսպիսի կոռումպացված հայկական բանակ ունենալուց:

Ուրեմն այսպես, բոլոր նրանք, ովքեր կամա, թե ակամա մասնակցել են որդուս սպանությանը, սկսած հրաման տվող գումարտակի հրամանատարից, ում կալանքի տակ վերցնելու փոխարեն ազատել եք աշխատանքից, վկա զինվորներից, կռիվը հրահրողներից, բռնություն գործադրողներից, թևերը բռնողներից, գլխին հարվածողներից (զամպալիտը, որի հարվածի արդյունքում, եթե չի մահացել, ապա ուշաթափ է եղել և այդպես թողել են օրեր շարունակ, մինչև որոշեն, թե ինչ են անում), քննիչից, մարմինը տեղափոխողներից, որոնց բութ մատնահետքերը դաջված էր որդուս ջարդված թևերի վրա, վերջացրած, համակարգը կաշառակերության մեջ թաղողներից, որոնք ոչ միայն իրենց ձեռքերն են թաթախել որդուս արյան մեջ և նրա նման շատ երիտասարդների, բոլորին կանգնեցնում եք դատարանի առջև և ոչ թե որպես սովորական մարդասպանների, այլ որպես հայրենիքի դավաճանների, որոնց համար բացի իրենց փորից ուրիշ սրբություն չկա: Հայրենիքի դավաճաններին պատերազմական իրավիճակում գնդակահարում էին:

Արտակ Նազարյանի մայր` Հասմիկ Հովհաննիսյան

Հ.Գ. Այս նամակը ես ուզում էի ձեզ ուղարկել, բայց համոզված լինելով, որ այսպիսի նամակներ երբեք չեք ընթերցում, գերադասեցի հրապարակել մամուլում, որպեսզի ստիպված լինեք այն կարդալ»։

Սեյրան Օհանյանը պատասխանել է Արտակ Նազարյանի մոր բաց նամակին

ՀՀ պաշտպասնության նախարար Սեյրան Օհանյանը արձագանքել է օրերս lragir.am-ում հրապարակված Տավուշի մարզի Մեհրաբ զորամասում, ըստ պաշտոնական վարկածի, հուլիսի 27-ին մահացած պայմանագրային զինծառայող Արտակ Նազարյանի մոր' Հասմիկ Հովհաննիսյանի իրեն ուղղված բաց նամակին: Ներկայացնում ենք նախարարի պատասխանն ամբողջությամբ: Նամակը lragir.am-ին է տրամադրել Հասմիկ Հովհաննիսյանը:

Հարգելի տիկին Հովհաննիսյան

ՀՀ պաշտպանության նախարար Սեյրան Օհանյանին հղած բաց նամակում Դուք կասկածի տակ եք առել Ձեր որդու' թիվ 21127 զորամասում հուլիսի 27-ին մահացած պայմանագրային զինծառայող Արտակ Նազարյանի մահվան պաշտոնական վարկածը' մատնանշելով նրան ինքնասպանության հասցնելու փաստի առիթով հարուցված քրեական գործի քննության' թերություններով ընթացքը:

Խորապես կիսելով Ձեր որդու կորստյան վիշտը' հայտնում եմ, որ ՀՀ քրեական օրենսգրքի 110 հոդվածի 1-ին մասի հատկանիշներով հարուցված քրեական գործով ՀՀ քրեական օրենսգրքի 375 հոդվածի 2-րդ մասով նախատեսված հանցագործության հատկանիշներով մեղադրանք է առաջադրվել թիվ 21127 զորամասի 1-ին գումարտակի ԱՀՏԱ գծով տեղակալ, կապիտան Հակոբ Մանուկյանին:

Քրեական գործի նախաքննության ընթացքում ՀՀ քրեական օրենսգրքի 358 հոդվածի 2-րդ մասի 3-րդ կետով նախատեսված հանցագործության հատկանիշներով մեղադրանքներ են առաջադրվել նույն զորամասի զինծառայողներ, շարքայիններ Մխիթար Մխիթարյանին, Ադիբեկ Հովհաննիսյանին և Հարութիկ Կիրակոսյանին և նրանց նկատմամբ որպես խափանման միջոց է ընտրվել կալանավորումը:

Տիկին Հովհաննիսյան, քրեական գործի նախաքննության կատարումը 04.09.2010թ. հանձնարարվել է ՀՀ Պն քննչական ծառայության հատկապես կարևոր գործերով քննչական բաժին: Քրեական գործի նախաքննությունը շարունակվում է, և վստահեցնում եմ, որ այն ի սկզբանե գտնվել է իմ անմիջական հսկողության ներքո: Հրահանգված է ամենայն մանրամասնությամբ վերլուծել կատարվածը' մեղավորներին արժանի պատժի ենթարկելու և նման երևույթները բացառելու համար:

Ձեզ մտահոգող բոլոր հարցերի շուրջ պատրաստ եմ հանդիպել և առանձնազրույց ունենալ Ձեզ հետ: Նախաքննությանն առնչվող հարցերին իմ ներկայությամբ Ձեզ կպատասխանի ՀՀ ՊՆ քննչական ծառայության պետը:

ՀՀ պաշտպանության նախարար' Սեյրան Օհանյան

Աղբյուր

[Chuk]

Սեյրան Օհանյանի պատասխանը, ցավոք, ընդամենը ծածկադմփոց պատասխան է:

[Okamigo]

Ասել ինչ-որ բան ասյքանից հետո անիմաստ է: Չգիտեմ, ինչու է մարդ արարածն այսքան դաժան, չնայած դժվար է սրանց նմաններին մարդ կոչել
հիմարներ են

http://www.youtube.com/watch?v=BQECE...layer_embedded

Վիդեոն ջնջել են,ով կարող է ուրիշ լինկ տա?

[Lion]

Սեյրան Օհանյանի պատասխանը, ցավոք, ընդամենը ծածկադմփոց պատասխան է:

Կարինե Քալանթարյան

Սեպտեմբերի 11-ից YouTube կայքում եւ սոցիալական ցանցերում շրջանառվող աղմկահարույց տեսանյութում Հայաստանի զինված ուժերի համազգեստով երիտասարդներին ստորացնելու եւ բռնություններ կիրառելու համար մեղադրվող անձի ինքնությունը բացահայտվել է։
«Ազատություն» ռադիոկայանի հետ զրույցում Հայաստանի պաշտպանության նախարարությանը մոտ կանգնած մեր աղբյուրը այսօր հայտնեց, որ այժմ պարզվում է մեղավորների շրջանակը, առաջիկա օրերին նախարարությունը այս առթիվ հանդես կգա հայտարարությամբ։

Կիրակի օրը ՊՆ-ն հանդես էր եկել հայտարարությամբ, որում ասվում էր, որ քայլեր են ձեռնարկվում տեսանյութի հավաստիությունը պարզելու, բռնություններ կիրառողներին պատժելու ուղղությամբ...

http://www.azatutyun.am/content/article/2159910.html

[Norton]

Ցավոք, մեր ՊՆ մենակ հասարակական հնչեղություն ունեցող լուրերից հետո ու բավական ուշացումով է հիշում իր պարտականությունների մասին: