ՈՐՏԵՂ Է ԹԱՂՎԱԾ ՇԱՆ ԳԼՈՒԽԸ ԿԱՄ ՍՈՒԲԵԿՏԻՎ ԻԴԵԱԼԻԶՄԻ ԽԱՉԱՍԵՐՈՒՄԸ ԲՈՒԴԴԱԻԶՄԻ ՀԵՏ
սուբեկտիվ իդեալիզմում աշխարհի ընկալումը բխեցվում, ածանցվում է բացարձականապես ընկալող օբեյկտի սուբեկտիվ անկյունից: Մի կողմ թողնելով այն որ փիլիսոփայության մեջ սուբեկտիվ իդեալիզմը համարվում է արդեն հնացած, կուզենայի ուղղակի նշել որ Լենինը իր աշխատություններից մեկում հատոր 14, գիտականորեն, նույնիսկ իդեալիզմի տեսանկյունից ապացուցել է սուբեկտիվ իդեալիզմի սնանկությունը, արտահայտելով մի հրաշալի միտք "...բնության մեջ մաքուր վիճակում սուբեկտիվ իդեալիստներ հանդիպում են միայն հոգեբուժարաններում", հետագա տարիներին սակայն արեվմտյան փիլիսոփայության մեջ առաջ է գալիս մի այլ ապօրինածին ուղղություն, դա սուբեկտիվ իդեալիստական փիլիսոփայության խաչասերումն էր արեվելյան կրոնների հետ, երբ արհեստականորեն արհամարվում են գիտության ու փիլիսոփայության բոլոր նորմերը ու ըստ անձնական հայեցողության հարմարեցվում գաղափարները իրար: Սա գրում եմ որպիսի իմանանք, որ նման գաղափարախոսությունները ըստ էության ունեն միայն մոդայի արժեք, դրանց նույնիսկ մակերեսային վերլուծությունը ջախջախում է նման գաղափարախոսությանը: Այս մոդայիկ փիլիսոփայության ամենակարկառուն ներկայացուցիչը Օշոն էր, որը փորձեց ստեղծել ինչ որ բան, ի վերջո փախավ ԱՄՆ-ից որպիսի չդատվի բռնաբարության համար:
Սա գաղափարախոսություն անվանելը նույնպես պայմանական է, քանի որ հին մարագում իրար վրա անկանոն լցված գործիքները դեռ արհեստանոց չէ ինչպես որ ծաղկաքաղ արված գաղափարների համադրում մի աշխատության մեջ դեռ գաղափարախոսություն չէ: Այս տողերը գրելուս հիմնական նպատակը երիտասարդությանը հետ պահելն է իրենց էությամբ վնասակար, ըստ էության քրիստոնեական արժեքները ժխտող, դեպի հեթանոսություն վերադարձնող անպտուղ, առաջին հայացքից գեղեցիկ սակայն էությամբ սնանկ մտքերից(չեմ կարող դրանց գաղափարներ անվանել), Այսօրվա մեր երիտասարդությունը չունենալով բավականաչափ խորը գիտելիքներ, ակամայից դառնում է բերրի հող ամեն տեսակ աղանդների համար, հետեվապես եկեք զգույշ լինենք, նորից եմ կրկնում, ամեն չհասկացված միտք չէ որ հանճարեղ է:
որպես վերջաբան ասեմ որ, " ԵՍ ԳԻՏԵՄ, ԻՄ ԵՐԵՎԻՑ" կոչը հայոց մեջ ինչքան որ հին է այնքան է հատկանշական ու ծիծաղելի, նույնիսկ Երվանդ Օտյանը անցյալ դարասկզբին գրել է " Ահա բացականչություն մը, զոր կրնանք արձակիլ ամեն վայրկյան ու ամեն տեղ, հեղափոխականներու կամ պահպանողականնորու, վաճառականներու կամ ավազակներու խմբի մը մեջ հավասարապես"
Էջանիշներ