Հետընտրական նոր էտապը ՀՀ-ում

[Լ.յ.ո.վ.]

ԱԳՈՅԻ ԽՈՒՄԲԸ ՊԱՀԱՆՋՈՒՄ Է ԱԶԱՏ ԱՐՁԱԿԵԼ

Եվրոպայի Խորհրդի անդամ երկրի համար անընդունելի է քաղաքական բանտարկյալներ ունենալըՙ,- այսօր Երեւանում ՀՀ ԱԳ նախարար Վարդան Օսկանյանի հետ համատեղ ասուլիսի ընթացքում մի քանի անգամ հայտարարեց Եվրոպայի Խորհրդի Նախարարների կոմիտեի Մոնիտորինգի Ագոյի խմբի ղեկավար Պեր Սյորգենը: Ի դեպ, Ագոյի խմբի ղեկավարն ընդգծեց, որ խումբը իր ստեղծման օրից երբեւէ այսքան մեծ կազմով չի ժամանել Հայաստան. կազմում ընդգրկված են ԵԽ անդամ 9 երկրների պատվիրակների: Պատճառը Հայաստանում հետընտրական եւ մասնավորապես մարտի 1-ի իրադարձությունների հետեւանքով ստեղծված իրավիճակն է

՚ ԵԽ-ն Հայաստանը դիտում է որպես տարածաշրջանային կարեւոր երկիր, գործընկեր երկիր, եւ այդ իսկ պատճառով մեզ համար հետաքրքրական է այն իրավիճակը, որ ստեղծվել է Հայաստանում եւ մենք կարեւոր ենք համարում քաղաքական ճանապարհով դրա հաղթահարումը եւ երկրի վերադարձը ժողովրդավարական ուղիՙ,-ասաց Պեր Սյորգենը:

Հայաստանում ստեղծված իրավիճակը քաղաքական ճանապարհով հաղթահարելու համար Ագոյի խմբի ղեկավարը ՀՀ իշխանություններին եւ ընդդիմությանը 6 կետից բաղկացած առաջարկներ է ներկայացնում, որոնք նախօրոք մշակվել են ԵԽ-ում, իսկ այստեղ Երեւանում վերամշակվել: Ագոյի խմբի առաջարկներից առաջինը վերաբերվում է քաղբանտարկյալներին: Պարոն Սյորգենը անձամբ այցելել է ՚Կենտրոնՙ քրեակատարողական հիմնարկ եւ հանդիպել այն անձանց հետ, ովքեր ձերբակալվել են հետընտրական ժամանակահատվածում`մարտի 1-ի իրադարձությունների պատճառով եւ այսօր զրկված են իրենց հարազատների հետ շփումից: Արդարադատության նախարարը Պեր Սորգենին հավաստիացրել է լուծել խնդիրը եւ ձերբակալվածներին հնարավորություն տալ շփվել իրենց հարազատների հետ: Ագոյի խմբի 2-րդ առաջարկը հիշեցնում է, որ մենք սատարում ենք միջազգային մի շարք կազմակերոպությունների, որոնք կոչ են անում ազատ արձակել քաղաքական դրդապատճառներով ձերբակալված բոլոր անձանց:

Ագոյի Խմբի 3-րդ առաջարկի համաձայն ՀՀ Արդարադատաության նախարարը պարտավոր է կանոնավոր Ագոյի խմբին տեղեկացնել ձերբակալվածների ազատ արձակման եւ թե ձերբակալվածների հանդեպ դատական ընթացակարգերի վերաբերյալ:

4-րդ կետով Ագոյի խումբն առաջարկում է մարտի 1-ի իրադարձությունների կապակցությամբ անկողմնակալ ՚ազգային հետաքննությունՙ անցկացնել: ՚Հետաքննության անցկացման մանրամասները մեր գործը չէ, սակայն այն պետք է լինի ոչ թե մեկ մարմնի, ասենք` գլխավոր դատախազության կողմից իրականացվող, այլ ազգային` ընդգրկուն, լայն վստահության դաշտ ապահովող քննությունՙ,- ասաց Սյորգենը: Ի դեպ, մարտի 1-ի դեպքերի ընթացում 8 զոհերից 7-ը շարքային քաղաքացիներ են, որոնք մահացել են հրազենային վնասվածքներից, եւ մինչ օրս որեւէ ոստիկան չի ձերբակալվել: Նման իրավիճակում հասարակությունը որքանո՞վ կարող է վստահել ՚ազգային հետաքննությանըՙ, դուք չեք կարծում, որ մարտի 1-ի դեպքերի հարցով պետք է. անկախ միջազգային հետքաննություն անցկացնել` ՚Ա1+ՙ-ի հարցին` Պեր Սյորգենը պատասխանեց.՚Ես կարծում եմ, որ նման անկախ քննություն պետք է անցկացնի պետությունը: Դա հաշվետվություն կլինի պետության կողմից: Ես ասացի, որ հաշվետվությունը պետք է լինի այնպես, որ վայելի Հայաստանի հասարակության վստահությունը: Այդ հետաքննության մեջ կարող են ընդգրկվել նաեւ միջազգային փորձագետներՙ:

Ագոյի խմբի 5-րդ առաջարկը վերաբերում է երթերի, ցույցերի, հավաքների մասին օրենքում կատարված փոփոխություններին, որը մեր ԱԺ-ն ընդունեց արտակարգ դրության ժամանակ եւ որը արգելվում է Հայաստանում անցկացնել երթեր, ցույցեր, հանրահավաքներ: Պեր Սյորգենն այսօր ափսոսանք հայտնեց, որ այդ օրենքն ընդունվեց առանց Վենետիկի հանձնաժողովի փորձաքննության եւ տեղեկացրեց. ՚Վենետիկի հանձնաժողովը հրատապ փորձաքննության է ենթարկել արդեն ընդունված օրենքը եւ ունի քննադատական գնահատականներ, որոնք արդեն ներկայացրել են արդարադատության նախարարությանը: Ես հուսով եմ, որ այդ գնահատականները կառավարությունը կներկայացնի ԱԺ-ի քննարկմանըՙ: Իսկ ամենավերջին առաջարկը` 6-րդը, վերաբերում է Հայաստանում իշխանությունների եւ ընդդիմության միջեւ առանց նախապայմանների երկխոսություն ծավալելուն:

Այսօր լրագրողները նկատեցին, որ Ագոյի խմբի առաջարկներում բացակայում է ԵԽ-ի ավելի վաղ կատարած հայտարարության այն կետը, որը ընդդիմությանը խորհուրդ էր տալիս ճանաչել ՍԴ-ի որոշումը եւ փետրվարի 19-ի ՀՀ նախագահի ընտրության արդյունքները թողնելով անփոփոխ` երկխոսություն ծավալել: ՚Երկխոսության վերսկսումն է կարեւոր, իսկ ՍԴ-ի որոշումը երկխոսության առանցքային կետերից մեկն է: Մեր առաջարկները պետք է դիտարկել ապագային միտվածության տեսանկյունիցՙ,- ասաց Պեր Սյորգենը:

Ա1+ /31 Մարտի, 2008/

Ավելացվել է 9 րոպե անց
Անձամբ ես այս ամնեը ընկալում եմ որպես հետընտրական նոր փուլ /էտապ/ ՀՀ-ում, քանզի փաստացի "ՀՀ իշխանությունները" ստիպված են ազատ արձակել քաղբանտարկյալներին ու արդյունքում ժողովրդական շարժումը վերածնվում է: Վերածնվում է լրիվ նոր ու ահռելի ուժգնությամբ ու հնարավարություններով, քանզի նախ ինչպես նկատում ենք այս բռնապետության դեմ պայքարողների թիվը ավելանում է օրեցօր, և երկրորդ արդեն մեկ անգամ "քաղբանտարկյալ"-ությունից ազատված ընդիմության ձեռքերի որոշ կապաններ արձակվում են` ընձեռելով լևոնակններին անցնել խաղաղ նստացույցերից դեպի նոր`ավելի վճռական քայլերի:
ՀՀ իշխանություններին մնում է երկու տարբերակ`
1. Խզել հիմնական կապերը Եվրոպայի և մասնավորապես Եվրոխորհրդի հետ
2. Բավարարել Ագոյի խմբի պահանջներն ու... /ամենայն հավանականությամբ տակ տալ/
Ամեն դեպքում իմ անձնական գնահատականներով սերժ-քոչարյան զույգի օրերն հաշված են:
Կապրենք, կտեսնենք...

ՊԱՅՔԱՐ ՊԱՅՔԱՐ ՄԻՆՉԵՎ ՎԵՐՋ!!!