Հղիության արհեստական ընդհատում

[Artgeo]

Ինչպե՞ս եք վերաբերվում հղիության արհեստական ընդհատմանը՝ աբորտին:

[Sergey]

Ըմբռնումով։

[Aida]

Նայած, թե ինչ տարիքի է կինը, որը դիմում է նման քայլի: Երիտասարդների շրջանակում այդ քայլը համարում եմ հանցագործություն և սեփական կյանքի կործանում: Քանի որ առաջին անգամ հղիությունը դադարեցնելով կինը այլևս երբևիցե չհղիանալու ռիսկի է դիմում: Ճիշտ է հնարավոր է նաև նման բան չլինի, բայց ռիսկը շատ մեծ է: Մեր օրերում չբերությունը հաճախ հանդիպող երևույթ է: Հիմնական պատճառներից մեկն էլ հենց դա է, երբ 19 տարեկան աղջիկը հեռացնում է երեխային և 23 տարեկան հասակում արդեն կանգնում է պրոբլեմի առջև: կարծում եմ, որ երիտասարդների մոտ դա չմտածված և հիմար քայլ է:
Իսկ եթե կինը ցանկանում է հեռացնել իր երրորդ կամ չորրորդ երեխային հարգելի պատճառներով: Օրինակ երեխային պահելու և մեծացնելու համար ֆինանսական պրոբլեմներ ունենալու դեպքում, նրանց ինչ-որ տեղ կարելի է հասկանալ: Ինձ համար դա ավելի ընդունելի է, քան այն բազմազավակ մայրերը, որոնց հաճախ հեռուստատեսությամբ ցույց են տալիս, որոնք ունեն մոտ 11 երեխա, բայց ապրում եմ ավտոտնակում և երեխաները հացի կարոտ են մնում:
Ամեն դեպքում լավ կլինի հնարավորինս խուսափել նման քայլի դիմելուց:

[StrangeLittleGirl]

Կտրականապես դեմ եմ աբորտներին, որովհետև.
1. սպանություն է. երեխան ուզում է ապրել, որովհետև Աստված նրան կյանք է տվել
2. կարող է շատ լուրջ առողջական խնդիրներ առաջացնել մոր մոտ՝ ընդհուպ մինչև չբերություն և մահ
3. հոգեբանական ծանր հարված է

Միայն մի դեպքում եմ կողմ աբորտին. երբ այդ հղիությունը և/կամ ծննդաբերությունը կնոջ կյանքի համար վտանգավոր է:

[kiki]

ես չեմ կարող դատել նրանց ով դիմում է այդ քայլին, քանի որ իրավունք չունեմ, ու գիտակցելով, որ կարելի է խուսափել դրանից , այնուամենայնիվ հասկանում եմ նաև, որ կյանքում ամեն ինչ պատահում է ...
բայց ինքս դեմ եմ այդ երևույթին, արդեն վերը նշված պատճառներով ՝ նախ, ոչ ոք իրավունք չունի սպանել, իսկ դա սպանություն է, երկրորդը ՝ դա վնաս է կնոջ առողջությանը, ու բավականին վտանգավոր է ...

[Ուլուանա]

Կտրականապես դեմ եմ աբորտներին, որովհետև.
1. սպանություն է. երեխան ուզում է ապրել, որովհետև Աստված նրան կյանք է տվել
2. կարող է շատ լուրջ առողջական խնդիրներ առաջացնել մոր մոտ՝ ընդհուպ մինչև չբերություն և մահ
3. հոգեբանական ծանր հարված է

Միայն մի դեպքում եմ կողմ աբորտին. երբ այդ հղիությունը և/կամ ծննդաբերությունը կնոջ կյանքի համար վտանգավոր է:

Լրիվ համաձայն եմ Բյուրակնի բերած բոլոր պատճառների հետ։ Իմ խորին համոզմամբ, աբորտը ոչ պակաս սպանություն է, քան արդեն ծնված մարդու սպանությունը։ Մեզանից ոչ ոք իրավունք չունի որոշելու՝ երեխան պետք է ապրի թե ոչ։ Եթե արդեն ստեղծվել է, թեկուզև դեռ չի ծնվել, ուրեմն պիտի ապրի։ Իսկ եթե կինը կամ աղջիկը չէր ուզում երեխա ունենալ, ապա պետք է դրա մասին նախօրոք մտածեր։ Եթե չի մտածել, ուրեմն պարտավոր է կրել իր անհեռատեսության հետևանքները (մի քիչ ցավալի է երեխային «հետևանք» անվանելը, բայց տվյալ դեպքում այդպես է ստացվում)։

[Cassiopeia]

Ես դրան նայում եմ որպես բարբարոսության թե մոր և թե երեխայի նկատմամբ…

[Artgeo]

Իսկ եթե երեխան հիվանդ է, որորշ անբուժելի արատներ ունի ու դրանք նրան կուղեկցեն ամբողջ կյանքում, կամ ասենք մայրը 15-16 տարեկան աղջիկ է

[Ուլուանա]

Իսկ եթե երեխան հիվանդ է, որորշ անբուժելի արատներ ունի ու դրանք նրան կուղեկցեն ամբողջ կյանքում, կամ ասենք մայրը 15-16 տարեկան աղջիկ է

Ես համարում եմ, որ եթե նույնիսկ երեխան հիվանդ է, կամ մայրը 15-16 տարեկան աղջիկ է, միևնույն է, աբորտն էլի սխալ է։ Եթե դա պատահել է, ուրեմն նրա կարման է այդպիսին, պետք է կրի։ Ըստ իմ համոզմունքների՝ այս կյանքում ոչինչ հենց այնպես տեղի չի ունենում. եթե տեղի է ունեցել, ուրեմն ինչ-որ իմաստ ունի։

Գիտեմ, որ շատ քչերը կհասկանան ինձ այս հարցում, և համոզված եմ, որ շատերը կհակաճառեն, բայց իմ այս տեսակետի մեջ ես լիովին համոզված եմ։

[Riddle]

Իսկ եթե երեխան հիվանդ է, որորշ անբուժելի արատներ ունի ու դրանք նրան կուղեկցեն ամբողջ կյանքում, կամ ասենք մայրը 15-16 տարեկան աղջիկ է

Եթե արդեն ծնված երեխան անբուժելի արատ է ունենում, մայրը նրան սպանո՞ւմ է: Վայրենի է չէ՞ հնչում: Բայց չէ՞ որ համարյա նույնն է: Պարզապես այս դեպքում երեխան դեռ չի ծնվել, բայց նա արդեն գոյություն ունի, նա արդեն կենդանի էակ է… Իսկ այն, որ աղջիկը 15-16 տարեկան է, բոլորովին արդարացուցիչ հանգամանք չէ: Տարիքը կապ չունի մայրական պատասխանատվության հետ:

[Artgeo]

Ես համարում եմ, որ եթե նույնիսկ երեխան հիվանդ է, կամ մայրը 15-16 տարեկան աղջիկ է, միևնույն է, աբորտն էլի սխալ է։ Եթե դա պատահել է, ուրեմն նրա կարման է այդպիսին, պետք է կրի։ Ըստ իմ համոզմունքների՝ այս կյանքում ոչինչ հենց այնպես տեղի չի ունենում. եթե տեղի է ունեցել, ուրեմն ինչ-որ իմաստ ունի։

Եթե ոտով քայլում ես ու դեմդ փոսա, կշրջանցե՞ս այդ փոսը, թե՞ ուղիղ կգնաս:
Եթե հնարավոր է երեխային ու ինչու չէ, նաև քեզ ազատել տանջանքներից, ապա ինչո՞ւ թողնել, որ նա տանջվի

[StrangeLittleGirl]

Եթե ոտով քայլում ես ու դեմդ փոսա, կշրջանցե՞ս այդ փոսը, թե՞ ուղիղ կգնաս:

Տվյալ դեպքում շրջանցելը չհղիանալն է:

[Artgeo]

Տվյալ դեպքում շրջանցելը չհղիանալն է:

Դու չես կարող նախորոք իմանալ, երեխան հիվանդ կլինի թե ոչ

[bounty]

Ես կտրականապես դեմ եմ աբոռտներին. Չեմ հասկանում թե ինչպես կարելի է սպանել քո բալիկին, չէ որ նա քո մի մասնիկն է. Ուղակի պետք է մեր հասարակությանը ծանոթացնել "կոնտռացեպցիա" գաղափարի հետ, և մի գուցե աբոռտների թիվը կնվազի.
Եվ մի բան ել ասեմ- իմ կարծիքով պետք չէ առատներով պտղին աբոռտ անել, նա էլ իրավունք ունի ապրելու.

[Artgeo]

նա էլ իրավունք ունի ապրելու.

թե՞ տանջվելու