Թաքնված ակումբցու դիպվածը
-------------------------------------------------
Առաջին տպավորություն թողնելու իմ ունակությամբ ընդհանրապես հպարտանալու բան չունեմ ու երբեք չեմ ունեցել։ Նույնիսկ ինձ ամենաշատ սիրող ու հարգող մարդկանց ավելի քան 90 տոկոսն առաջին հայացքից ինձ չի սիրել, շատերը նույնիսկ հակակրել են, սակայն հաջորդ հայացքները սովորաբար շատ ավելի խոստումնալից են եղել։ Օժտված եմ բնածին պաթոլոգիկ ամաչկոտությամբ, որը տարիների ընթացքում միայն մասամբ եմ կարողացել հաղթահարել և որի պատճառով կյանքում շատ եմ տուժել։ Շատ եմ սիրում մարդկանց հետ ժամերով մտերմիկ զրուցել։ Ամեն ինչ մինչև վերջ պարզաբանելու հիվանդագին հակվածություն ունեմ։ Ինձ հետ լուրջ կոնֆլիկտի մեջ մտնելու համար շատ մեծ ջանքեր են պետք. այդ հարցում եզակի մարդիկ են երբևէ «հաջողության» հասել։ Չափից դուրս ներողամիտ եմ և, որպես կանոն, ներում եմ շատ ավելի հեշտությամբ, քան դիմացինը կարող է ակնկալել, և շատ ավելի շուտ, քան ցույց եմ տալիս։
--------------------------------------------------
Բացահայտեք Դիմուլին
Galatea-ի խոսքերից
Ես ավագ մոդերատոր չեմ եղել, չեմ, ու չեմ էլ լինի
Էջանիշներ