Ամենաանկախ և հավաստի լրատվական ծրագիրը

[Աբելյան]

Հայաստանում լրատվամիջոցները լինում են
1. ոչ օբյեկտիվ կամ կախյալ, այսինքն՝ ներկայացնում են իրանց ձեռնտու փաստերը, իսկ իրանց ոչ ձեռնտու փաստերը խեղաթյուրում են էն կողմի օգտին, որից կախում ունեն, կամ ընդհանրապես չեն ներկայացնում: Բաժանվում են 2 խմբի
ա. իշխանական
բացահայտ սատարում են իշխանություններին. Հայլուր, Ժամը, Ազդարար, Էպիկենտրոն, իշխանական թերթեր և այլն
բ. ընդդիմադիր
բացահայտ սատարում են ընդդիմությանը ու ներկայացնում են ինֆորմացիան հիմնականում թերթերի միջոցով, որովհետև ուրիշ ձև հնարավոր չի. ՀԺ, Հայք, Տարեգիր, ՉԻ և այլն
2. քիչ թե շատ օբյեկտիվ
ցանկացած ինֆորմացիա ձգտում են մատուցել նենց, որ առավելագույնս ձեռնտու լինի համ ժողովրդին, համ իրանց, համ էլ իշխանություններին. Օրեցօր, Հորիզոն, Երկիրն Այսօր, ու էլ ոնց որ չկա
3. ամբողջությամբ օբյեկտիվ լրատվամիջոցներ
ինֆորմացիան ներկայացնում են լիարժեք. Ա1+, Գալա, Ազատություն, Լրագիր և այլն:

Ավելացվել է 14 րոպե անց

Կամ էլ սրանք`

կներես, էտ վիդեոն ո՞վ ա նկարել
ու եթե նկարել ա, ինչի՞ հենց առաջի օրը, որ առանց էն էլ էդքան ապակայուն վիճակ էր, ցույց չտվին Հայլուրով

[Հետաքրքրասեր]

Ամենաանկախ և հավաստի լրատվական ծրագիրը համարում եմ.....
"Օտար ամայի ճամփեքի վրա" հաղորդումը

Հ.Գ.չնայած այն չկա քո նշածների ցուցակում:

[Սաքուլ]

3. ամբողջությամբ օբյեկտիվ լրատվամիջոցներ
ինֆորմացիան ներկայացնում են լիարժեք. Ա1+, Գալա, Ազատություն, Լրագիր և այլն:

Չանցավ: Քո նշածները ընդդիմական են, նույնիսկ ազատությունը:
Իսկ Ա1+-ի մասին ընդհանրապես խոսք չկա, որ բացարձակ ընդդիմական է:

[Լ.յ.ո.վ.]

կներես, էտ վիդեոն ո՞վ ա նկարել
ու եթե նկարել ա, ինչի՞ հենց առաջի օրը, որ առանց էն էլ էդքան ապակայուն վիճակ էր, ցույց չտվին Հայլուրով

Նախ վիդեոներ չէին, նկարներ էին, երկրորդն էլ ասենք Պողոսյան Պողոսն էր նկարել, ինչ-որ բան փոխվեց?
Մի հատ բացի նայի, քեզ թվում ա սարքածա? Բայց որ մասը?
Համ էլ էդ նկարենրը ես մարտի 5-ի կողմերը արդեն բոլորը տեսել էի: ԼՏՊի Բլոգ-ում կաին ու անընդհատ թարմացվում էին:

[Artgeo]

Ի դեպ

«ԱրմԻնֆո» լրատվական գործակալությունը ներառվել է վստահություն վայելող հայկական ԶԼՄ-ների առաջին տասնյակում

Լրատվամիջոցների համահայկական ընկերակցությունը 2008թ.-ի հունվարի երկրորդ կեսին անցկացրել է հայկական ԶԼՄ-ների վստահելիության աստիճանի փորձագիտական հարցախույզ, որի ժամանակ հարցվել են ակտիվ գործունեություն ծավալող 25 կուսակցությունների, 45 հասարակական կազմակերպությունների, տեղեկատվական աղբյուրներից պարբերաբար օգտվող 30 ձեռնարկատիրական կազմակերպությունների ղեկավարներ, որոնց ընդհանուր թիվը կազմում է 100: Վերջիններս իրենց տրամադրված հարցաթերթիկում լրատվամիջոցների վստահելիության աստիճանը գնահատել են 5 բալանոց համակարգով:

Ինչպես ԱրմԻնֆո գործակալությանը հաղորդել են Լրատվամիջոցների համահայկական ընկերակցության վարչությունից, հարցախույզի արդյունքներով, հայկական ԶԼՄ-ներից վստահելիության առումով բացարձակ առաջատարը «Ազատություն» ռադիոկայանն է, որն ստացել է 500 հնարավոր միավորից 173,1-ը: Այն մեծ տարբերությամբ` մոտ 20 միավորով, առաջ է անցել երկրորդ տեղը զբաղեցրած «Երկիր մեդիա» հեռուստաընկերությունից, որին հարցվողների կողմից տրված միավորների հանրագումարը կազմել է 153: Առաջին տասնյակում են հայտնվել նաեւ «Նոյյան տապան» լրատվական կենտրոնը (146 միավոր), «Շանթ» հեռուստաընկերությունը (143,5), «Առավոտ» օրաթերթ (138), «Ա1+» ինտերնետային կայքը (121,5), «Արմինֆո» լրատվական գործակալությունը (119), «Ազգ» օրաթերթը (117), «Առկա» լրատվական գործակալությունը (112), «Արմենիա նաու» ինտերնետային թերթը (112) եւ «Կենտրոն» հեռուստաընկերությունը (110,5):

Առաջին տասնյակին հաջորդում են Հանրային ռադիոն, որը 500 հնարավորից ստացել է 110 միավոր, «Ար» հեռուսաընկերությունը` 107, «Արմենպրես» լրատվական գործակալությունը` 105, «Շողակաթ» հեռուստաընկերությունը` 102, «Լրագիր.am» էլեկտրոնային թերթը` 101, «Արմենիա» հեռուսաընկերությունը` 97, «Հայկական ժամանակ» օրաթերթը` 94, «Իրավունք» թերթը` 87 միավորով: Հանրային հեռուստաընկերությունը ստացել է 80, իսկ «Հայկական երկրորդ հեռուստաալիքը»` 86,4 միավոր:

Հարցախույզի արդյունքները ցույց են տվել, որ լրատվությունից իրենց մասնագիտական գործունեությունը կատարելու նպատակով մշտապես օգտվողները բավականին ցածր են գնահատել լրատվամիջոցների վստահելիության աստիճանը. այսպես, առաջին տեղը գրաված լրատվամիջոցը հնարավոր միավորներից ստացել է կեսից պակաս միավոր:

Լրատվամիջոցների համահայկական ընկերակցությունը (ԼՀԸ) ստեղծվել է 2007թ.-ին: Այն ներառում է 40 անդամ-կազմակերպություններ` ինչպես Հայաստանից, այնպես էլ` Սփյուռքից: ԼՀԸ-ի հիմնական առաքելությունը, համահայկական խնդիրների միասնական ուժերով վերհանելն ու դրանց լուծման տարբերակներ առաջարկելն է: ԼԸՀ-ն նախատեսում է ԶԼՄ-ների վստահելության աստիճանի փորձագիտական հարցումներ անցկացնել ոչ միայն հայաստանյան, այլեւ Սփյուռքի ԶԼՄ-ների վարկանիշը պարզելու համար:

«Արմինֆո», 12.02.2008