Պատվաստում. կողմ և դեմ

**Սամվել** · 10.10.2007, 11:34

Ժող էս ինչ ՊԱնիկայա Ես մի ՇԱբաթա պատվաստվել եմ Լրիվ լավ եմ

**StrangeLittleGirl** · 10.10.2007, 14:24

Ճիշտն ասած մինչև հիմա երկմտում եմ գնամ թե չգնամ բայց երևի չգնամ, որովհետև ալերգիկ եմ,շատ եմ վախենում բարդություններից,նույնիսկ ասպիրին չեմ կարողանում խմեմ: Իսկ ինչ վերաբերում է վատացողներին որպես տեղեկատվություն ասեմ մեր 2 կուրսից 20 հոգի էր վատացել, մի քանիսի ուշքը գնացել էր, կային մարդիկ, որ քթներից արյուն էր սկսել հոսել:

Ես էլ կարող եմ ասել, որ ուրբաթ օրվա տվյալներով մեր համալսարանից ոչ ոք չի վատացել:
Դու որտե՞ղ ես սովորում: Կուրսեցիներդ նորմալ սնվե՞լ էին, վախեցա՞ծ էին, ձեզ ստիպե՞լ են:
Ասեմ, որ վերջիվերջո պատվաստվեցի, բայց մինչև էդ մի երկու ժամ համաճարակաբանի հետ վիճում էի, հարցեր տալիս: Հետո էլ վերցրեցի ԱՀԿ-ի գրքույկը, ծայրից ծայր կարդացի: Իմացա, որ.
1. Պատվաստման արդյունքում ձևավորված իմունիտետը կայուն է, պահպանվում է ողջ կյանքի ընթացքում:
2. Հիվանդության արդյունքում ձևավորված իմունիտետը նույնպես ողջ կյանքի ընթացքում պահպանվում է, սակայն արդեն հիվանդացածները պատվաստվում են մի պարզ պատճառով. երաշխիք չկա, որ նրանք հենց նշված երկու հիվանդություններն են տարել, քանի որ շատ հաճախ լաբորատոր ախտորոշման չեն ուղարկել, որոշ դեպքերում էլ ուղարկել են, բայց պատասխանը եղել է բացասական: Այսինքն՝ երեխան ունեցել է բոլորովին այլ հիվանդություն, որը նման է եղել կարմրուկին կամ կարմրախտին:
3. Կողմնակի երևույթներ կարող են դիտվել, մասնավորապես՝ ջերմության բարձրացման, ցանավորման տեսքով, որոնք կարող են տևել մի քանի օր: Ավելի ծանր կողմնակի երևույթներ էլ կան, որոնք շատ հազվադեպ են հանդիպում:
4. Նախկինում պատվաստված լինելը չի նշանակում, որ հիմա պատվաստվելն իմաստ չունի, քանզի մութ ու ցուրտ տարիներին սառցային շղթաները չեն պահպանվել, հետևաբար պատվաստանյութը կորցրել է իր որակը:
5. Պատվաստման հակացուցումներից են հղիությունը և նախկինում նույն պատվաստման նկատմամբ զարգացած անաֆիլակտիկ շոկը (ալերգիայի ծանրագույն ձև, որի ժամանակ մարդու կյանքը հազիվ են փրկում): Չնայած ինձ չասացին ու չեմ հիշում՝ նրանց գրքույկում կար, թե ոչ, բայց իմ գիտելիքները ներում են, որ ավելացնեմ. նախկինում տարած անաֆիլակտիկ շոկ ցանկացած պատճառից առաջացած:
6. Կաթով կերակրումը հակացուցում չէ, քանզի իմունինետը կաթի միջոցով անցնում է երեխային, և նա էլ է պաշտպանվում:
7. Ներարկումը կատարվում է միօգտագործման ներարկիչով: Դուք կասեք, թե շատ էլ որ ասում են միօգտագործման, հայերից ամեն ինչ սպասելի է: Բայց ես կասեմ, որ տեսել եմ այդ ներարկիչները. դրանք օգտագործելուց անմիջապես հետո «փչանում» են, այնպես, որ երկրորդ անգամ ուզես-չուզես, չես կարող օգտագործել:

Ստուգեցի, որ սենյակում լինեն բոլոր հակաշոկային միջոցները: Ստորագրեցի, որ հրաժարվում եմ պատվաստումից (սա արեցի, որպեսզի տեսնեմ՝ մեզ ստիպու՞մ են, թե՞ ազատ կամք ունենք): Այսքանից հետո միայն պատվաստվեցի: Բողոքներ չունեմ, ինձ շատ լավ եմ զգում:

Ավելացվել է 2 րոպե անց
Ի դեպ, ԱՀԿ-ի մի շարք ռեգիոններ որոշել են վերացնել կարմրախտը և կարմրուկը: ԱՄՆ-ն դա պետք է աներ մինչև 2000 թվականը: Նրանք էլ են համատարած պատվաստումներ կատարել, սակայն մի քաղաքում նկատվել է կարմրուկի և կարմրախտի բռնկում: Հետազոտությունները ցույց են տվել, որ այդ քաղաքի երեխաների 50 տոկոսը չէր պատվաստվել:

Իսկ եթե չեք պատվաստվում, գոնե ազնիվ եղեք: Մեր կուրսից երկու աղջիկ կեղծ թուղթ եններկայացրել, թե իրենք արդեն պատվաստվել են պոլիկլինիկայում, որպեսզի համալսարանական պատվաստումից խուսսափեն: Եթե նրանք ապագայում հիվանդանան, կասեն, թե՝ տեսեք, պատվաստանյութն անորակ էր: