՚ՄԱՐՏԻ 1-ԻՆ ԵՂԵԼ Է ԱՌՆՎԱԶՆ 3 ԴԻՊՈՒԿԱՀԱՐՙ
[14:25] 25 Նոյեմբերի, 2008
՚Միայնակ գործում է քիլլերըՙ,- այսօր հայտարարեց Հայ Ազգային կոնգրեսի անդամ Դավիթ Շահնազարյանը եւ լուրջ կասկածներ հայտնեց, որ մարտի 1-ին մեկ դիպուկահար է եղել, ինչպես հայտարարել են Մարտի 1-ի գործով ԱԺ ժամանակավոր հանձնաժողովի նախագահ Սամվել Նիկոյանը եւ Հատուկ Քննչական ծառայության պետ Վահագն Հարությունյանը:
Պարոն Շահնազարյանը նաեւ հիմնավորեց, թե ինչու չէր կարող ընդամենը մեկ դիպուկահար լիներ, եթե իհարկե, դիպուկահարը ՚քիլլերՙ չի եղել:
՚Իշխանությունը նշում է, որ ոստիկանության հաստիքացուցակով նախատեսվում է, որ ստորաբաժանումն ունի դիպուկահար: Նույն իշխանության տվյալով` մարտի 1-ին մասնակցել են ոստիկանության զորքի 10.32, 10.33 եւ 10.35 ստորաբաժանումները, հետեւաբար նրանցից ամեն մեկը պետք է ունենար իր դիպուկահարը`ըստ հաստիքացուցակի: Ինչպե՞ս է ստացվում, որ իշխանությունն ասում է, թե մասնակցել է մեկ դիպուկահարՙ,- նշեց Դավիթ Շահնազարյանը:
Նա նաեւ ընդգծեց, որ դիպուկահարը սովորաբար չի գործում մենակ եւ առնվազն 1 օգնական է ունենում, որը օգնում է նրան ավելի լավ զննել տեսադաշտը: Շահնազարյանն այսօր բոլորի ուշադրությունը հրավիրեց դիպուկահարի վերաբերյալ Սամվել Նիկոյանի եւ Վահագն Հարությունյանի հայտարարույթունների միջեւ առկա հակասությանը: Ըստ Նիկոյանի տվյալների` դիպուկահարի կրակոցից մարդ է զոհվել, իսկ Հարությունյանն էլ պնդում է, որ դիպուկահարը կրակել է միայն մի քաղաքացու ոտքին, որն այս պահին հետախուզման մեջ է:
Շահնազարյանը գտնում է, որ սա այն հարցն է, որը պետք է ուսումնասիրության առարկա դարձնի մարտի 1-ի գործով ստեղծված փաստահավաք խումբը եւ հարցաքննության հրավիրի Նիկոյանին եւ Հարությունյանին: Դավիթ Շահնազարյանը վստահ է, որ մարտի 1-ին ոչ թե մեկ, այլ մի քանի դիպուկահարներ են եղել, քանի որ կան մարտի 1-ի բազմաթիվ ժապավեններ, որտեղ լսվում են ոչ միայն ինքնաձիգի, այլ նաեւ հրազենի ձայներ, եւ մասնագետները հաստատել են, որ դրանք դիպուկահարների կրակոցների ձայներ են:
Նա գտնում է, որ այդ ժապավեները նույնպես պետք է փորձաքննության ենթարկվեն: Այսօր Շահնազարյանը իշխանություններին վստահեցրեց, որ ընդդիմությունն ունի բազմաթիվ փաստեր մարտի 1-ի դեպքերի հետ կապված եւ նրանց խորհուրդ տվեց չսպասել այդ փաստերի հրապարակմանը:
՚Իշխանությանը խորհուրդ եմ տալիս այդ ամենի մասին ինքնակամ տալ սպառիչ պատասխաններ, այլապես հետագայում ստիպված են լինելու տեղի տալ ընդդիմության փաստերի ճնշմանըՙ,- ասաց Շահնազարյանը եւ որպես օրինակ նշեց, որ նույն դիպուկահարի առկայության մասին իշխանությունները բարձրաձայնեցին` ընդդիմության ներկայացրած փաստի ճնշման տակ:
Անդրադառնալով ՚7-իՙ գործին` Շահնազարյանը նշեց, որ պատահական չէ, որ իշխանությունները 10 զոհերի սպանությունները կցել են այս գործին:
՚Այն դեպքում, երբ ակնհայտ է, որ մարդիկ զոհվել են ոստիկանության հատուկ միջոցների գործադրման հետեւանքով: Կարգի համաձայն, եթե ոստիկանի գործողությամբ որեւէ մեկը զոհվում է, ապա ոստիկանը 24 ժամվա ընթացքում զեկուցագիր է ներկայացնում իր ղեկավարությանը:
՚Ինչո՞ւ այդ զեկուցագրերը կցված չեն ՚7-իՙ գործինՙ,- հարցնում է Շահնազարյանը, նաեւ ավելացնում, թե գործում չկան նաեւ դիակների գտնված վայրի տեղազննության արձանագրությունները: Շահնազարյանն այսօր եւա մեկ անգամ ընդգծեց, որ իշխանություններն ամեն ինչ անում են մարտի 1-ը կոծկելու համար:
Հակոբ Գեւորգյան-ի խոսքերից
Մեջբերել
Ու քննարկումը սատկումա։
: Էդ քո «մեծ, շատ մեծ» գործը մի կողմ. էդքան մարդ են սպանել տականքնեքը, դե թող դնեին է՛դ պարզեին: Ախպե՛ր, դու խաբար ե՞ս, որ մինչև հիմա գոնե մի հատ կոնկրետ քրեական գործ հարուցված չկա սպանության մեղադրանքով: Թե՞ քո ուզածը մենակ պարզելն ա, թե էդ ո՞ր մի բոմժերն էին ուզում ընտրյալների ձեռքից «իշխանությունը բռնությամբ յուրացնել»: Ու էդ ո՞վ ա ճնշում «ձեր» պետությանը ներսից: Ե՞ս: Ես չեմ ճնշում, ես մի երկու հատ սովորական, հասարակ հարց եմ ընդամենը տալիս. ով ա կրակելու հրաման տվել, ինչ զենքերից են կրակել, որ ստորաբաժանումներն են զինված եղել, ու խի՞ մինչև հիմա չեն բռնում էդ կրակողներին: Ամեն ինչ նկարահանված ա, չէ՞: Հարց տալու իրավունք չունե՞մ: Լա՛վ, խոսքի չունեմ էլ էդ իրավունքը, բայց էդ հարցերը կա՛ն, չէ՞: Ու մի բան էլ. էդ ի՞նչ նամուս-մամուսի մասին ես խոսում: Նամուսը ո՞րն ա, տղամարդավարի դոշդ ավտոմատին դեմ տալը՞: Ո՞նց ա հա՛մ միասին լինելը ճիշտ, հա՛մ՝ առանձին: Ախպե՛ր, ստեղ միասին-առանձինի հարց չկա. կան մի քանի արնախում «ղեկավարներ», իրանց շիստյորկա մարդասպանները ու կա հասարակ (ու ոչ այնքան) կարգին ժողովուրդ: Ու՞մ հետ ես ուզում, որ միասին լինեմ, ափաշքյարա տասը հոգի սպանողի՞: Մի հատ էլ ձեռքը չսեղմե՞մ ու ճակատը պաչեմ: Դու կոնկրետ ինչքա՞ն բան ես տեսել Հայաստանում մարտի 1-ից 20-ը: Պատասխանեմ՝ ոչ մի բան: Բայց քննարկում ես, էդ ո՞նց: Լսածո՞վ:
Էջանիշներ