Սկսած 15 տարեկանից…

[Goga]

Շատ գեղեցիկ էին ստեղծագործություններդ, ապրես

[Hripsimee]

Երբ երազներս արթնանում ու արթնացնում են ինձ… Ես նախ ժպտում եմ, ապա արտասվում, իսկ հետո այդ երկուսը խառնվում են իրար և ես սկսում եմ ապրել… Այդ ժամանակ գալիս է գարունը, շուրջն ամենուր ծաղիկներ են բաղցվում ու …
Երբ ես արթնանում ու չեմ հասկանում, թե ո՞րն էր երազ… Ես սկսում եմ երազել: Ես երազում եմ, որ երազը իմ երազ չլինի, ու որ գարունը միմիայն ժպտա:
Երբ ես ժպտում եմ, աշխարհը իմն է, երբ կարոտում եմ, … Աշխարհը քոնն է… Երբ դու նորից իմն ես, և երբ քոնն են նորից իմ բոլոր մտքերը…
Ես … Կարոտում եմ…
Հ.Գ. Իսկ վերջում երանի ծիծաղենք միասին իմ այս տարակույս վիճակի համար…

Շատ սիրուն ես գրում,բայց կարծես թե բազմակետերը մի քիչ շատ են:

[Narinfinity]

ՀԵՌԱՑՈւՄԻ ԽՈՍՔԵՐ

Եթե մի օր այս հեքիաթը վերջանա,
Եթե մի օր քո ստվերը հեռանա,
Իմ աշխարհի երազներում դյութական
Քո աչքերի լուռ կարոտը կդողա…

Թե աստղերի կախարդանքը վերանա
Կամ թե լուսնի կաթնագույնն անէանա
Իմ երազի ստվերներում մշտական
Քո աչքերի խենթ կարոտը կդողա…

Թե աչքերիդ մի ուրիշը տիրանա,
Թե երազս մի նոր լույսով արթնանա,
Թե բնությունն ինքը իմ դեմ չարանա
Քո աչքերը երբեք ես չեմ մոռանա:



ԵՐԱԶԱՆՔՍ
Երազա՞նքս…
Ոսկե սարեր կամ սերեր չի երազանքս…
Ոչ էլ դու ես երազանքս…
Ինձ հասկացող, նվիրվողն է երազանքս,
Ինձ վստահող ու սիրողն է երազանքս,
Իսկ քե՞զ… Անո՞ւն…
Քեզ կսազեր լոկ… Տանջանքս…
Ախ թե տանջանք, տանջանք լիներ երազանքս…

Ինչ հրաշք են պատմում այսպես,
Քո տողերը շքեղ, հանդես,
Ու քո սիրտն է շոյվում անտես,
Բացված վարդի նման կարծես...

Դու հեքիաթն ես քո գուրգուրում,
Երազանքներ ունես բազում,
Կյանքում կգան հարմար պահեր,
Որ իղձերդ միշտ անհամբեր,
Առնեն քնքուշ հավքի թևեր,
Եվ իրական այս աշխարհում,
Կտան քեզ վեհ, անուշ օրեր ...

[Fansheta]

Սոնա նենց մի տեսակ շատ խորնա սերը քո հերոսուհու, ու ամեն րոպե սպասում եմ սիրո օբյեկտի պատասխանին մենակ մի բան էն չի, զգում եմ, որ հերոսիդ հայտնվելուն պես հերոսուհիդ կլքնի նրան, կհասկանա իր իրական գինը

Այնքան վաղուց եմ գրել այս ամենը, նույնիսկ մոռացել էի, որ այսքան գրառումներ էի արել ու տարիներով չէի այցելել ԴԱՐ: Եվ ուզում եմ քեզ ասել, թանկագին Դայանա, որ հերոսիս հայտնվելուն պես ես լքեցի նրան... Հիմա նշանվել եմ արժանի մեկի հետ ու իրոք երջանիկ եմ