Հարցեր բժիշկներին

[aragats]

Կուսությունից զրկվելուց 5 ամիս հետո, հնարավո՞ր է բժշկի միջոցով իմանալ կուսությունից զրկվելու ստույգ ժամանակը, երբ կինը ունի նորմալ սեռական կյանք և հղի է:

Պայծառատեսի մոտ թող գնա:

[Գեա]

[QUOTE=Remix-Hayko;2317173]Կուսությունից զրկվելուց 5 ամիս հետո, հնարավո՞ր է բժշկի միջոցով իմանալ կուսությունից զրկվելու ստույգ ժամանակը, երբ կինը ունի նորմալ սեռական կյանք և հղի է [QUOTE]

կարդացեք այս հղումը , գուցե այն որոշ չափով կրթի ձեզ:Չէի ցանկանում ընդհանրապես պատասխանել այս հարցին , բայց քանի որ մտել եմ էջ կասեմ, որ բժիշկը կարող է վավերագրել կուսաթաղանթի առկայությունը կամ բացակայությունը , նրա վնասված լինելը , իսկ ստույգ ժամկետ որոշել հնարավոր չէ:

Doctors.am-ի հյուրասրահը հյուրընկալել է ԵՊԲՀ Սեքսոպաթոլոգիայի կլինիկայի բժիշկ-սեքսոպաթոլոգ,ԵՊԲՀ սեքսոլոգիայի ամբիոնի դասախոս Վրեժ ՇԱՀՐԱՄԱՆՅԱՆԸ:

Կուսության ցավոտ խնդիրը և կուսաթաղանթի կարևորությունը հայկական իրականության մեջ: Ինչպես ենք մենք` հայերս վերաբերվում դրան:

Հայ հասարակության մեջ "կուսություն" ասվածը շատ կնճռոտ հարց է: Մարդիկ հաճախ չեն տարեբերում "կուսություն" բարոյական հասկացությունը և "կուսաթաղանթ" անատոմիական տերմինը՝ չգիտակցելով, որ կուսությունը մարդն է, նրա բարոյական նկարագիրն ու արժանիքները: Սա անհատական հարց է, յուրաքանչյուր զույգի որոշելիքն է՝ ապրե՞լ մինչամուսնական սեռական կյանքով, թե՞ ոչ: Վերջ ի վերջո, սիրո և ներդաշնակության գրավականը անատոմիական թաղանթը չէ: "Կույս" նշանակում է, չամուսնացած աղջիկ, իսկ Սբ. Գրքում գործածվում է իբրև ածական`մաքուր, անփորձ, ողջախոհ, ինչպես նաև "կույս" բառը նշանակում է անարատ աղջիկ, որ սեռական հարաբերություն չի ունեցել տղամարդու հետ, իսկ հոգևոր տեսանկյունից նշանակում է կրոնավորուհի, որ ուխտել է միշտ կուսություն պահպանել, իր ամրոցը` մարմինը, անառիկ է պահում զորավոր թշնամուց, այդ պատճառով էլ մյուսներից ավելի մեծ պսակի է արժանանում:

Կուսության կամ կանանց հավատարմության պահպանումը անցյալում խիստ արտահայտություններ չեն գտել մեզանում, ինչպես, օրինակ` եվրոպական երկրների միջնադարյան շրջանում, երբ ասպետները պատերազմ գնալիս իրենց կանանց մետաղից պատրաստված ներքնաշորեր էին հագցնում, վրան կողպեք դնում, որի բանալին իրենց հետ տանում էին, իսկ օրիորդներին նույնպիսի զգեստներ էին հագցնում հայրերը:

Կուսաթաղանթը բարակ թաղանթ է, մասնակի փակում է հեշտոցը և տեղակայված է հեշտոցամուտքից 1-3 սմ վրա: Այն կարող է լինել կլորավուն մեկ կամ մի քանի անցքով հաճախ բավականին մեծ, նույնիսկ մատի շրջագծով: Հաճախ կուսաթաղանթը կիսալուսնաձև է և կարող է վրայի անցքը ավելի մեծ լինել: Կուսաթաղանթը կարող է վնասվել մատնային ձեռնաշարժության ժամանակ, երբ մատը մտնում է հեշտոց, բայց հավանականությունը մեծ չէ: Ձգված կուսաթաղանթի դեպքում շատ քիչ ցավային զգացողություն կարող է առաջանալ մատով ներհրման ժամանակ, և կինը ստիպված ընդհատում է ներհրումը:
Կուսաթաղանթի ամբողջականությունը չի խախտվում միանգամից: Դրա համար պահանջվում է մի քանի սեռական հարաբերություն: Ուստի հնարավոր է, որ հերթական սեռական հարաբերությունը ուղեկցվի արյան հետքերով: Սակայն դա միանշանակ չէ, քանի որ լինում են կուսաթաղանթի տարբեր տեսակներ և տեղակայումներ, որից և կախված է այն փաստը, թե ինչպես կխախտվի կուսաթաղանթի ամբողջությունը: Այստեղ նաև դեր է խաղում սեռական հարաբերության բնույթը, առնանդամի ներհրման բնույթը, առնանդամի չափը: Երբեմն հենց առաջին սեռական հարաբերությունից կուսաթաղանթը ամբողջովին խախտվում է և հաջորդող հարաբերության ընթացքում այլևս որևէ արյան հետք չի նշմարվում: Հետաքրքիր է նշել, որ երբեմն առաձգականության շնորհիվ կուսաթաղանթի պատռումը ընդհանրապես չի ուղեկցվում արյան հետքերով:

Բացառիկ դեպքերում կուսաթաղանթը կարող է լինել ամուր և զանգվածեղ և իրոք խանգարել առնանդամի ներթափանցմանը: Սա կարող է խնդիր դառնալ կնոջ համար, որը համեմատաբար ուշ է սկսում սեռական կյանքը,քանի որ տարիքի հետ կուսաթաղանթը, մյուս հյուսվածքների նման, իր առաձգականությունը կորցնելու հակում ունի: Գոյություն ունեն կուսաթաղանթի տարբեր տեսակներ, օրինակ, երբ կուսաթաղանթի անցքը սովորականից մեծ է և առաձգական. նման դեպքում ոչ միայն առաջին սեռական հարաբերությունը, այլև գինեկոլոգիական հետազոտությունը հայելիների միջոցով չի ուղեկցվում վերջինիս ամբողջականության խախտմամբ: Այս տիպի կուսաթաղանթը պատռվում է միայն ծննդաբերության ժամանակ: Հանդիպում են նաև կուսաթաղանթի բնածին բացակայության դեպքեր: Ակնհայտ է, որ տեղեկատվության բացակայության հետևանքով նման դեպքերը, որպես կանոն, ծնում են կոնֆլիկտային իրավիճակներ, միջանձնային խմդիրներ, իսկ հետագայում նաև սեռական խանգարումներ: Այս կնճռոտ հարցը կարող է ամուսինների բաժանության պատճառ դառնալ:

Մինչ այսօր էլ կան ծայրահեղ պահպանողական մտակաղապարի տեր մարդիկ, ովքեր խիստ պահում են այս սովորույթը, և հաճախ երիտասարդ զույգերի, ինչպես նաև նրանց ընտանիքի անդամների սխալ տեղեկատվության և սեռակրթության բացակայության հետևանքով ամուսնական առաջին գիշերը լինում է խիստ «ճակատագրական»: Երբեմն ծնողները (հատկապես սկեսուրը) ավելի մտահոգված և հետաքրքրված են հարսնացուի կուսազրկմամբ, քան ամուսնական զույգը: Այս ճնշող հանգամանքը նրանց համար հաճախ ավելորդ լարվածություն է առաջացնում: Յուրաքանչյուր աղջկա համար առաջին սեռական հարաբերությունը որոշակի լարվածության և տագնապի տեղիք է տալիս, ինչն էլ սեռակարթության բացակայության դեպքում կրկնապատկվում է: Այն հիմնականում պայմանավորված է կուսաթաղանթի կառուցվածքային (անատոմիական) և զուգընկերոջ վարքային առանձնահատկություններով: Գոյություն ունի կուսաթաղանթի 20-ից ավելի տարատեսակ, որոնք տարբերվում են իրենց տեղակայմամբ, հաստությամբ ևառաձգականությամբ: Այդ է պատճառը, որ աղջկա սեռական առաջին հարաբերությունը կարող է լինել առանց արյունահոսությոան և ցավային զգացողությունների:

Ընդհանրապես կուսաթաղանթի վերականգնման են դիմում նրանք, ովքեր վախենում են ապագա ամուսնու հետ խնդիրներ ունենալուց, վախենում են, որ նա կասի, թե կինը եղել է շատ տղամարդկանց հետ և այդ հիմքով նրան անընդհատ կվիրավորի ու, ի վերջո, իրենց տուն հարս չի տանի, այնինչ՝ ֆիզիոլոգիապես կանանց մի մասն ի ծնե կարող է կուսաթաղանթ չունենալ կամ ունենալու դեպքում էլ սեռական հարաբերությունից հետո այն կարող է չպատռվել: Ինչ վերաբերում է ամուսնական առաջին գիշերը սավանի վրա կուսաթաղանթի պատռման հետևանքով առաջացած արյան առկայությանը, ապա նշենք, որ աղջիկների մի մասի մոտ արյուն չի լինում կամ էլ այնքան քիչ է լինում, որ չի հասնում սավանին:

Կուսաթաղանթի վերականգնման 2 ձև կա՝ ժամանակավոր և երկարատև. Երկու դեպքում էլ այդ աշխատանքը պետք է կատարվի վիրահատարանում, քանի որ դա, այնուամենայնիվ, վիրահատություն է։ Ժամանակավոր վերականգնման դեպքում կնոջ սեռական օրգանի մուտքի մոտ հալվող կարեր են դրվում, որը ամուսնու համար կնոջ կուսության զգացողությունն է ապահովում: Այդ մեթոդով վերականգնվածկուսաթաղանթը ամենաշատը մնում է 7 օր։ Կա նաև նույնանման, սակայն ավելի բարձրակարգ նյութերով և մեթոդներով պլաստիկ վիրահատություն, որից հետո վերականգնված կուսաթաղանթը ժամկետ չունի. այն կպատռվի, երբ կինը ցանկանա կրկին սեռական հարաբերություն ունենալ:

Նախկինում տարածված են եղել կուսաթաղանթի վերականգնման տարբեր մեթոդներ. Օրինակ՝ Հին Եգիպտոսում կանայք իրենց սեռական օրգանների մեջ աղավնու արյունով լցված գնդեր էին տեղադրում: Դա անում էին հիմնականում մարմնավաճառները՝ հաճախորդներին ապացուցելու համար, որ իրենք կույս են ու այդպիսով մեծ գումար պոկում նրանցից:

աղբյուր` Շաբաթ, 14 Հունվարի18:12

[Vaio]

Remix-Hayko, Ձեր կողմից հնչեցված հարցը նեղ մասնագիտական, գիտական հարց է, և ինտերնետով, ընդհանուր ֆորումներով դժվար թե կարողանաք գտնել կոնկրետ պատասխան:

Բայց ասեմ, շատ լուրջ, կարգին հարց եք տվել!!!

[Magic-Mushroom]

Remix-Hayko եթե լուրջ եք հարցնում ապա ոչ, կուսաթաղանթը ռադիոակտիվ ուրան չի, որ հետքեր թողի եւ իմանան թե երբ է թվյալ տեղում եղել, եթե գաղնիք չէ քանի՞ տարեկան եք՞:

[Դեկադա]

Բժիշկներ ջան կասեք ինձ 12 տարեկան երեխայի ճնշումը ինչքա՞ն պիտի լինի: Ի՞նչքանի դեպքում ա այն արդեն վտագավոր, և ի՞նչի հետևանք կամ ի՞նչը կարա պատճառ լինի ճնշման իջեցմանը:

[Magic-Mushroom]

Կներես Դեկադա ջան սրտի հետ կապված հարցերին չեմ կարող պատասխանել, ավելի լավ է Գեան պատասխանի, համենայնդեպս ինչքան՞ ցածր է ճնշումը, ինչ՞ դեղեր է ընդունել, նորմալ սնվում է՞, քնի նորման պաշտպանում է՞ եւ միգուցե ինչ-որ էմոցիոնալ խնդիր ունի՞, այսպես դժվար է ինչ-որ մի բան ասել, բայց եթե ցածր է շաքարաջուր տուր թող խմի, մի հատ էլ պուլյսը որ ստուգես ասես 1 րոպեում ինչքան է, որոշ բաներ դեռ կարելի է ասել:

Գեա ջան կներես որ միշտ քեզ անհանգստացնում եմ իմ տխմար հարցերով ու խլում քո թանկ ժամանակը, եթե չես զլանում այս հարցին պատասխանի նախորոք շնորհակալություն:
Հարց: Երեկ մեր կազմակերպած փարթիին երկու արգենտինացի տղա իրենց հետ Յոհոմբե(ստիմուլիատոր է բուսական) բույսի արմատներ էին բերել, ես էլ չդիմանալով գայթակղությանը 1 գավաթ այդ թեյից խմեցի ասկորբինաթթվով(ասում են այդպես ավելի ուժեղ է) ամենինչ նորմալ էր, բայց խնդիրը նրանում է որ քնել եմ ընդամենը երկու ժամ, ժամը 04-00-ին ու արթնացել 06-07-ին, շատ առույգ, ինչ անեմ, որ ախորժակը վերադառնա՞, ուտիլիքին այնպես եմ նայում՝ ասես թշնամիս լինի ու մի տեսակ զզվանք եմ զգում ուտելիքի հանդեպ, ճնշում,զարկերակ ամենինչ նորմայի մեջ է:

[Դեկադա]

Մեջիք ջան 90-60 էր, բայց երևի թե քո ասծով անենք, սպասենք Գեան գա, ինքը ահագին քաջատեղյակ ա մեր մասին, պարզապես իրան չեմ գտնում օնլայն:

[StrangeLittleGirl]

Բժիշկներ ջան կասեք ինձ 12 տարեկան երեխայի ճնշումը ինչքա՞ն պիտի լինի: Ի՞նչքանի դեպքում ա այն արդեն վտագավոր, և ի՞նչի հետևանք կամ ի՞նչը կարա պատճառ լինի ճնշման իջեցմանը:

Հայերի համար 90/60-ը նորմալ ճնշում է:

[Դեկադա]

Հայերի համար 90/60-ը նորմալ ճնշում է:

Բյուր ձեռ ես առնո՞ւմ թե՞ իրոք դա նորմալ ա: Մնացածների մոտ ոնց ա՞ որ

[Freeman]

Գեա ջան կներես որ միշտ քեզ անհանգստացնում եմ իմ տխմար հարցերով ու խլում քո թանկ ժամանակը, եթե չես զլանում այս հարցին պատասխանի նախորոք շնորհակալություն:
Հարց: Երեկ մեր կազմակերպած փարթիին երկու արգենտինացի տղա իրենց հետ Յոհոմբե(ստիմուլիատոր է բուսական) բույսի արմատներ էին բերել, ես էլ չդիմանալով գայթակղությանը 1 գավաթ այդ թեյից խմեցի ասկորբինաթթվով(ասում են այդպես ավելի ուժեղ է) ամենինչ նորմալ էր, բայց խնդիրը նրանում է որ քնել եմ ընդամենը երկու ժամ, ժամը 04-00-ին ու արթնացել 06-07-ին, շատ առույգ, ինչ անեմ, որ ախորժակը վերադառնա՞, ուտիլիքին այնպես եմ նայում՝ ասես թշնամիս լինի ու մի տեսակ զզվանք եմ զգում ուտելիքի հանդեպ, ճնշում,զարկերակ ամենինչ նորմայի մեջ է:

Միգուցե Յոհիմբի՞ն, ինչքան գիտեմ էդ ախորժակի վրա ազդեցություն չի ունենում, կամ քիչ ա ունենում, էլի մնացինք Գեայի հույսին

[Գեա]

Բարև Դեկադա , Բյուրը ոնց որ պատասխանել էր , որ 90/60 նորմալ է , եթե շատ մանրակրկիտ լինեմ , սանդղակում գրված է 11-13 տարեկանում 104/66: եթե նույնիսկ դիտարկենք իբրև հիպտոնիա , շատ աննշան է , ինչ կա, ինչ է պատահել , կարող ես նամակով ասել , դեռ ակումբում եմ

[Դեկադա]

Բյուր ձեռ ես առնո՞ւմ թե՞ իրոք դա նորմալ ա: Մնացածների մոտ ոնց ա՞ որ

Բյուր կներես, պարզապես որ գրել էիր հայերի մոտ մտածեցի մեր ազգի կարգավիճակում էտ սովորական բան ա:

[Գեա]

Հարց: Երեկ մեր կազմակերպած փարթիին երկու արգենտինացի տղա իրենց հետ Յոհոմբե(ստիմուլիատոր է բուսական) բույսի արմատներ էին բերել, ես էլ չդիմանալով գայթակղությանը 1 գավաթ այդ թեյից խմեցի ասկորբինաթթվով(ասում են այդպես ավելի ուժեղ է) ամենինչ նորմալ էր, բայց խնդիրը նրանում է որ քնել եմ ընդամենը երկու ժամ, ժամը 04-00-ին ու արթնացել 06-07-ին, շատ առույգ, ինչ անեմ, որ ախորժակը վերադառնա՞, ուտիլիքին այնպես եմ նայում՝ ասես թշնամիս լինի ու մի տեսակ զզվանք եմ զգում ուտելիքի հանդեպ, ճնշում,զարկերակ ամենինչ նորմայի մեջ է:

Մեջիք ջան աշխարհում մի հատ ստիմուլյատոր մնաց , որ չփորձես, ես էդ դեղին ծանոթ եմ էնքան ինչքան Գաբրիել հրեշտակապետը նարկոտիկին , լսել եմ ընդամենը, որ տենց բան կա ու փորձս դրանով էլ ավարտվում է :
նոր ինետը փորփրեցի, պաբոչնիներ մեջ նաև սրտխառնոց կար , երևի դոզան շատ ա եղել: գոնե օգուտ եղավ էդ չայը խմելուց???

[Magic-Mushroom]

Գեա ջան մի ջղայնացի կներես անհանգստացնելու համար, ուղղակի որ հայրիկիս զանգեմ ու այս ամենը իրեն պատմեմ կբարկանա, շնորհակալություն պատասխանի համար, չէ չայը խմելուց ոչ մի օգուտ վնասից բացի չեղավ, երեւի լավը չէր, ուղղակի շատ էի լսել այդ բույսի օգտակար հատկությունների մասին(Աֆրոդիզիակ), իսկ էֆեկտը միայն ճնշման բարձրացում:

Ֆրիմեն ջան Յոհիմբինը այդ բույսի ալկալոիդն է, իրանք մանրացրած բույսն էին բերել:

Դեկադա ջան 90/60-ը համարյա նորմալ է, իմ մոտ 100/70 է, եթե ճնշումը առավոտն եք չափել, ապա դա շատ նորմալ է շաքարի պակասից մի փոքր ցածր լինելը, եթե երեխան իրեն լավ է զգում լուրջ անհանգստանալու կարիք չկա:

[StrangeLittleGirl]

Բյուր ձեռ ես առնո՞ւմ թե՞ իրոք դա նորմալ ա: Մնացածների մոտ ոնց ա՞ որ

Բյուր կներես, պարզապես որ գրել էիր հայերի մոտ մտածեցի մեր ազգի կարգավիճակում էտ սովորական բան ա:

Հա, հանգիստ, իրոք նորմալ ա իմն էլ ա էդքան: Առաջին անգամ, որ չափեցին ճնշումս, 13-14 տարեկան էի, էլի էդքան էր: Չգիտեմ` պատճառը որն ա, բայց հայերի մոտ իրոք շատ տարածված ա տենց ճնշում ունենալը, չնայած դասագրքերն ասում են, որ 90/60-ը շոկային ճնշում ա: