Ձեև գրառումից ես այդպես էլ չհասկացա դուք երբևէ դիմել եք մաշկաբանի խորհրդատվությանը թե ոչ:եթե այո ապա միայն մնում է զարմանալ թե ինչու երբեք դեմքի վնասված հատվածներից քերուկ չի վերցվել դեմոդեկոզ հիվանդությունը հաստատելու կամ ժխտելու համար:Այնումանենայնիվ ես մի փոքր ինֆորմացիա կտեղադրեմ այդ հիվանդության մասին,իսկ դուք կարդալուց հետո նմանություններ գտնելու դեպքում դիմեք մաշկաբանի այդ հիվանդությունը հաստատելու կամ ժխտելու համար:չեզոք-ի խոսքերից
դեմոդեկոզի առաջման պատճառը միկրոսկոպիկ տզերն են` դեմոդեքս ֆոլիկուլորում անվանումով:Մարդկանց մեծ մասի համար սրանք համարվում են մաշկի նորմալ բնակիչ և սնվում են մաշկի մեռած բջիջներով,բայց բավական է ,որ ընկնի օրգանիզմի դիմադրողականությունը և նրանք կարողանում են ներթափանցել մաշկի ավելի խորը շերտեր`առաջացնելով բորբոքային պրոցեսսներ:Դեմոդեկոզի կլինիկան շատ նման է սովորական կորյակային ցանին(ուգրիներ) և վարդագույն կորյակներին:հաճախ այս երկու հիվանդությունները զուգակցվում են ,քանի որ ուգրիների ժամանակ ընկնում է մաշկի տեղային իմունիտետը:
Դեմեդեկոզը կարող է առաջանալ ցանկացած տարիքում , բայց առավել հաճախ այն հանդիպում է դեռահասային տարիքում,երիտասարդների,հղիների մոտ:հիվանդության մանիֆեստացիայի պատճառ կարող է դառնալ ուժեղ էմոցիոնալ ստրեսը:Սխալ բուժման կամ ուգրիները ճզմելու հետևանքով կարող է տեղի ունենալ հիվանդության սրացում,քանի որ տզերը հիվանդ հատվածից կարողանում են տեղափոխվել մաշկի առողջ հատվածներ: Դեմոդեկոզի ժամանակ վնասված հատվածներում ցավոտ, կարմիր ուգրիներին ուղեկցում են քորը,մաշկի չորությունը,կարմրությունը:Ընդ որում այս երևույթները կարող են լինել ինչպես անընդհատ այնպես էլ առաջանալ տոնիկների օգտագործումից, սառը ջրով լվացվելուց հետո:
Դիագնոզի համար մաշկի վնասված հատվածներից վերցնում են քերուկ և հետազոտում միկրոսկոպի տակ:
Այս հիվանդությունը երբեք չի անցնում ինքնուրույն կամ տարիքի հետ ,այնպես որ բոլոր այն դեպքերում երբ ուգրիները տարիներով անհանգստացնում են պետք է հատկապես կասկածել դեմոդեկոզի մասին և վազել մաշկաբանի մոտ...
եղեք առողջ
Մեջբերել
Էջանիշներ