Խորհուրդ եմ տալիս դիտել

[Նիկեա]

ես սովորաբար կինո խորհուրդ չեմ տալիս նայել, դե որովհետև նեղվում եմ, որ իմ հավանած դեբիլ կինոները չեն հավանում, մեղադրելու էլ չի բայց ամեն դեպքում, հավես ուենաք, Columbus-ը նայեք, ահավոր սիրուն կինո ա, սիրուն բոլոր իմաստներով։ էն որ կարելի ա հանգիստ չլսել, մենակ անձայն կադրերի իրար հաջորդելուն նայել։ երկխոսություններն էլ են շատ սիրուն ու կարելի ա էլի չնայել, մենակ լսել ու պատկերացնել։ բայց դե որ միաժամանակ համ նայում ես, համ լսում, ավելի սիրուն ա ստացվում
soundtrack-ն էլ Hammock-ենք են նվագում, սրանից ավել էլ չգիտեմ։

[ivy]

Աղջկաս հետ գնացել էինք Դիսնեյի նոր ֆիլմը՝ «Ալադինը» նայելու․ լավն էր, հատկապես պստոյիս համար շատ հետաքրքիր էր, դե ինձ էլ ահագին դուր եկավ, լիքը ծիծաղել եմ։ Ուիլ Սմիթը հավեսն էր Ջինի դերում։ Մեկ էլ էն էր հավես, որ Ժասմինի կերպարի մեջ ֆեմինիստական նոտաներ էին ավելացրել։ Դե վիզուալ էֆեկտներն էլ տպավորիչ էին․ սիրուն հեքիաթ էր։
Մենակ մի ձև անսպասելի էր, որ ֆիլմի ռեժիսյորը Գայ Ռիչին էր

[LisBeth]

Խորհուրդ եմ տալիս։ Թերևս սա տարվա լավագույն ֆիլմն ա, ինձ համար։

[Adam]

Ընդհանրապես էս թեմայում գրառում արած չկամ, բայց մի հատ հավես ֆիլմ եմ նայել ու շատ լավ նկարված: Ես կասեի՝ ռեժիսորական ու սցենարական տեսակետից՝ ցնցող: Ջուզեպպե Տորնատորեի The Best Offer-ը խորհուրդ կտայի նայել: Չեք փոշմանի: Ռեժիսորի անվան ու իր գործերի հետ էլ նոր-նոր եմ ծանոթանում: Տեղյակ չէի իր մասին ընդհանրապես:

[Varzor]

Ընդհանրապես էս թեմայում գրառում արած չկամ, բայց մի հատ հավես ֆիլմ եմ նայել ու շատ լավ նկարված: Ես կասեի՝ ռեժիսորական ու սցենարական տեսակետից՝ ցնցող: Ջուզեպպե Տորնատորեի The Best Offer-ը խորհուրդ կտայի նայել: Չեք փոշմանի: Ռեժիսորի անվան ու իր գործերի հետ էլ նոր-նոր եմ ծանոթանում: Տեղյակ չէի իր մասին ընդհանրապես:

Նայել եմ, նույնիսկ մի քանի անգամ։ Յուրաքանչյուր դիտումից հետո լրացուցիչ էմոցիաներ ու մտորումներ․․․

[ivy]

Էսօր Պոլանսկու «Ինտրիգ»-ը նայեցի։
Եթե Պոլանսկու դանդաղ պատմող ու լարումը քիչ-քիչ ավելացնող ձեռագիրը սիրում եք, կարծում եմ, կհավանեք էս ֆիլմը։
Հավես էր հիսուն անց Էմանուել Սենյեին տեսնել։ Նույնիսկ մտածեցի, որ Պոլանսկու սիրած դերասանուհին է․ նորից վերցրել էր իրեն հերթական ֆիլմում, ու մեկ էլ ինչ հայտնաբերեմ՝ դու մի ասա, 89-ի թվից ամուսնացած են Լրիվ քյոռփա ժամանակվանից Սենյեն Պոլանսկու հետ է փաստորեն, չգիտեի։
Ֆիլմը 19-րդ դարի վերջին Ֆրանսիայում քաղաքական մեծ աղմուկ բարձրացրած Դրեյֆուզի դեպքի մասին է՝ հիմնված իրական պատմության վրա։
Նույնիսկ ֆիլմը մի կողմ թողած՝ պատմությունն ինքն իրենով շատ հետաքրքիր է, մի խոսքով, նայեք, եթե սիրում եք սենց թեմաներ։

[Ծլնգ]

Չգտա սա գրելու ավելի լավ տեղ․․․ նենց չի որ խորհուրդ եմ տալիս, այլ ուզում եմ ուղղակի գրել այս ֆիլմի մասին, շատերդ հավանաբար արդեն տեսած էլ կլինեք․․․ տեսել էի երբ նոր էր դուրս եկել՝ 2014-ի սկզբներին, ու մեկ անգամ դիտելուց հետո հիշվել էր ֆիլմի ամեն մի պահը․ քիչ ֆիլմերի հետ է այսպես մոտս լինում, բայց այս ֆիլմի գեղեցկությունը առաջին կադրերից էր երևում։ Էս երկու օրը մի բավական երկրորդական թեմայով այս ֆիլմը մտքովս անցավ ու նորից դիտեցի՝ անբացատրելի գեղեցկությունը դեռ ֆիլմի մեջ էր, ու նորից ֆիլմի ամեն մի պահը տպավորվեց մեկ այլ՝ նոր հիշողության բջիջում․․․ The Secret Life of Walter Mitty է անունը․․․ րիմեյք է․․․ առաջին անգամ դիտելուց հետո փորձեցի 1947 թ․ օրիգինալը նայել՝ չստացվեց։ Այսքանն էի ուզում ասել։