Գաղտնիք չեմ ասի, եթե փաստեմ, որ էդ ծեծված դատական սխալները պրակտիկայում հանցագործների համար ավելի շատ դրական արդյունք են ապահովում, քան բացասական: Այսինքն` թեկուզ տոկոսային հարաբերություն չեմ ներկայացնի` էդ պրակտիկան կատարյալ օբյեկտից ուսումնասիրելու անհնարինության պատճառով, բայց էն, որ շատ հանցագործներ չեն պատժվում զուտ քննության սխալների պատճառով, տասնյակ, միգուցե հարյուրավոր կամ ավելի անգամ ավելի շատ ա պատահում, քան անմեղ մարդուն դատական սխալի պատճառով դատելը: Դա (դատական սխալի պատճառով անմեղի դատվելը) ավելի շատ միֆ ա, որ մեր հասարակությունն ավելի հակված ա ընդունելու` բոլորիս հայտնի օբյեկտիվ ու սուբյեկտիվ պատճառներով, բայց հասարակության ընկալումն ավելի շատ էմոցիոնալ պրոցես ա, հասարակությունը թույլ ա դեմագոգիայի դեմ, ընդե մեծ մասն աչքաչափով փորձագետներ ու մասնագետներն են: Իսկ այ, քննության կամ դատական սխալի պատճառով որոշ հանցագործների անպատիժ մնալը խնդրեմ, բոլորդ էլ գոնե մի հատ տենց օրինակ լսած կլինեք:
Որպեսզի անորոշ ու ընդհանուր չթվա ասածս, կոնկրետ օրինակ բերեմ: Մի հասարակ որոշման, արձանագրության կամ դատավարական այլ փաստաթղթի կազմելու ձևը խախտելու դեպքում էդ փաստաթուղթը ճանաչվում ա անթույլատրելի, որը շարանով անթույլատրելի ա դարձնում իրանից բխող կամ դրա հիման վրա կատարված մյուս փաստաթղթերը, ինչի հետևանքն էլ լինում ա էն, որ հիմնավորող ապացույցները քչանում են, առաջ են քաշվում անմեղության կանխավարկածի, հիմնավոր կասկածի առկայության/բացակայության, բավարար ապացույցների համակցության ու մյուս հարցերը, ինչն էլ արդյունք ա հանդիսանում, որ դատարանն արդարացնի հանցավորին: Չե՞ք հավատում, խնդիր չի, բացեք datalex.am կայքը, դատական գործեր որոնեք` արդարացման ելքերով, կարդացեք ու կպատկերացնեք, որ դատարանները մենակ շատերի պատկերացրած «անհիմն» ու «սխալ» վճիռները չի, որ կայացնում ա, իրանք մեկ-մեկ արդարացնում էլ են, որ ապացույցները կարդալիս դուք էլ եք համոզվում, որ կատարել ա արարքը, բայց քննության սխալի պատճառով ապացույցը փչանում ա, ինչից օգտվում ու արդարացվում ա: Դրա համար եմ միշտ ասում, ոչինչ բացարձակ չի, բացարձակ մենակ հասարակության ընկալումն ա:
Մեջբերել
Էջանիշներ