Քաղաքական քննարկումներ՝ թեմայից դուրս

[Overdose]

Մարդ ես, կարող ա հետաքրքրի: Ազատամարտիկ Հրանտ Պապիկյանի ֆեյսբուքի էջից ա:

1000 դրամների թեմայով`....
Հենց սկզբից ասեմ, որ ես ու ընտանիքս այդ փողը տալու ենք, ու ըստ հնարավորության՝ ավելի շատ ենք տալու քան պահանջվում է, և ջհանդամը թե ինչ որ մի քանի անառակի վաստակ այդ գումարից կարող է մի քանի կոպեկ փախցնել...
Թող տանեն էդ փողը ծախսեն իրենց զավակների բուժման ու վերջում էլ նրանց շիրմաքարերի վրա, քանի որ վերևն աստված կա ու ամեն ինչ տեսնում է:
Իսկ իմ տված փողի եթե նույնիսկ կեսից քիչն էլ, բայց ծառայելու է իր բուն նպատակին՝ բուժելու է մեր վիրավոր ախպերիկներին, մեր զոհված հերոսներին արժանի շիրմաքար է դառնալու և նրանց ընտանիքներին թեկուզ չնչին օգնություն, ապա այդ փողը պետք է տալ:
Գող ավազակներով թող զբաղվեն իհարկե, թող այդ պարտականությունը ունեցող ու այն չկատարողներն էլ արժանանան նույն ճակատագրին, ինչը մաղթեցի զինվորի արյան վրա հարստացողներին, քանի որ աչք փակելով դրա վրա իրենք էլ դառնում են նույնը, կամ գուցե և ավելի վատը...
Բայց Ի՞նչ կապ ունի ինչ որ մեկի նախկին թալանածը կամ մտավախությունը որ ՛՛կարող ա նորից թալանեն՛՛, այն բանի հետ, որ ՀԻՄԱ այդ վիրավոր զինվորը և զոհվածի ընտանիքը ունեն ԻՐԱԿԱՆ օգնության կարիք՝ և ֆինանսական, և բարոյական..., էդ մեծ մեծ խոսացողները նույնը կասեի՞ն, եթե նրանց տեղը լինեին:
Դե բերեք սոց վճար չվճարենք, թող թոշակառուները ինչ որ ստանում են՝ դա էլ չստանան, քանի որ որոշ սոցապ պաշտոնյաներ էլ են գողանում...
Դե եկեք քրիստոնեությունից հրաժարվենք, քանի որ որոշ եկեղեցու սպասավորներ էլ են գողանում...
Ինչու՞ եք ԳԱՂԱՓԱՐԸ իջեցնում անձերի մակարդակի, անձերը անցողիկ են, իսկ գաղափարը մնայուն:
Գիտե՞ք ես ինձ ինչքան ավելի հպարտ կզգայի, երբ առաջին պատերազմի ժամանակ ծանր վիրավոր պառկած էի հոսպիտալում, և իմանայի որ հայրենիքս ու ազգս ինձ իր սուղ միջոցներից հատկացում է արել, կամ ասենք էն բոլորիս հայտնի ՛՛ավելցուկ՛՛ էլեկտրաէներգիայից իմ տանը ձրի լույս են տվել, որ ընտանիքս չսառի... ու ինձ չէր հետաքրքրի, դա բյուջեի՞ց է, թե՞ ժաղովուրդն է տվել: Ես մեկ է՝ հպարտ ու երախտապարտ կզգայի ինձ, քանի որ չեմ էլ մտահոգվել երբևիցէ՝ էդ արյունը որ թափել եմ, պետությա՞ն համար է, թ՞ե ազգիս, իմ համար դա նույնն է եղել ու կա...
Ինձ ու ընտանիքիս դա շատ կօգներ, ես դա չեմ ստացել, բայց ՈՒԶՈՒՄ ԵՄ որ հիմա էն ջահել զինվորը դա ստանա, ուզում եմ հենց ես էլ տամ դա, թքած գեներալի գողացածի վրա, ԵՍ եմ ուզում տամ էդ ջահելին, թող իրեն լավ զգա, հասկանում եք՞ թե չէ...
Էդ ուրեմը ջրի համար փող եք մուծում, որ մեր հայրենի սարերից իջնող՝ մեր սեփականությունն ա..., ԱՊՊԱ-ներ եք մուծում, կարմիր գծեր եք մուծում, ամեն տեսակ հարկեր եք մուծում, որ անհասկանալի է թե ուր են գնում, տարիներ շարունակ մի տեղ ինքնաթիռով թռնելիս 10000դրամ ՕԴԻ ՀԱՐԿ էիք խելոք խելոք մուծում, ու երեխան էլ գիտեր թե դա ուր է գնում, բայց վիրավոր զինվորին ու զոհվածի ընտանիքին 1000 դրամ չեք տալի՞ս արա...
Բայց այնուամենայնիվ կուզենայի ձայնս տեղ հասներ և մի ուղղում կատարվեր այդ օրինագծի մեջ՝ ով չի ուզում այդ փողը տա, թող իրավունք ունենա դիմում գրի ու հրաժարվի վճարելուց: Ես սնահավատ չեմ, բայց ՆԱՎՍՈՎ տված փողը ես էլ այն ժամանակ չէի ուզենա վերցնել: Լիքը մարդ կլինի որ ավել կտա, կգա մեկը մեկին կծածկի ու հալալ ձևով կծառայի իր նպատակին: Ինչքան էլ տեղ հասնի՝ հալալ ա...
Մի երկու խոսք էլ ուզում եմ ուղղել այս նախագիծը քլնգողներին, հազար ու մի ՛՛բա որ սենց...՛՛, ՛՛բա որ նենց...՛՛ չարագուշակ կանխատեսումներ անողներին: Է չծնվեիք էլի, բա որ հիվանդանաիք կարող ա մեռնեիք, էդ ի՞նչ ռիսկի եք դիմել...
Ինձ օրինակ հարցնում են` ինչու եմ ես ինչ որ ժամանակահատվածներ խիստ ակտիվ լինում, լիքը գրառումներ անում , վեճերի մեջ մտնում, բայց հետո կարող է ամիսներով ձեն ծպտուն չհանեմ...
Կա այդպիսի բան , և պատճառն այն է, որ ես ճիշտ չեմ համարում ցանկացած հարցում իրենց էքսպերտի տեղ դրած գրառումներ անողներին։ Մարդ պետք է նախ ինքն իրեն հարց տա` ո՞ր ոլորտում են իր գիտելիքները, փորձը կամ հեղինակությունը իրեն տալիս մասնագիտական և որ ամենակարևորն է` բարոյական իրավունք` մարդկանց վզին փաթաթելու իր մտքերը։
Ոչ պակաս կարևոր է նաև ազնվորեն գիտակցելը` ո՞վ ես դու երկրիդ ու ժողովրդիդ համար։ Քեզ նրա մի մասնի՞կն ես համարում, թե արտոնյալ մեկը , սիրող զավա՞կն ես նրա, թե՞ եսասեր մի "պահանջատեր" միայն, սա քո տու՞նն է արդյոք, թե՞ ժամանակավոր հանգրվանը. ...
Այ օրինակ ես չկարողացա լուռ մնալ, երբ ստահակների մի խումբ մայրաքաղաքիս կենտրոնում զենքով հարցեր էր լուծում ` շահարկելով ազատամարտիկի սուրբ անունը, շատ բանավեճերի մեջ մտա, քանի որ ՈւՆԵՄ այդ իրավունքը ։ Ապրիլյան օրերին էլ ինքս ինձ ասեցի որ անմասն չեմ կարող մնալ, բայց արդեն գործով։ Գրառումս շատ կարճ էր` այն մասին որ ես գնացի....
Ինչու՞։ Որովհետև ես վաղուց պատասխանել եմ այդ հարցին` ո՞վ եմ ես երկրիս համար։ Ես նրա զինվորն եմ...
Սխալ չհասկանաք, ինձ հուզում են հայրենիքիս համար կենսական բոլոր հարցերը ու խնդիրները՝ էկոլոգիան, ապօրինի շինարարությունները, պետական փողերի վատնումը, կաշառակերությունը, աղանդները, անճաշակ մշակույթի հարցերը, կրթության ճղճիմ որակը, բայց ես մի տեսակ չեմ կարողանում այդ հարցերում առաջ ընկնել, քանի որ հաստատ ինձնից ավելի շատ այդ հարցերից հասկացողներ ու մտահոգվողներ կան: Թող այդ մասին բարձրաձայնեն նրանք, ով իրեն այս երկրի մշակն է համարում, շինարարը, տնտեսության զարգացման կամ օրենքի գերակայության պատասխանատուն ու ջատագովը: Ես ընդամենը զինվորն եմ...

[Chuk]

Ընդհանուր պաթոս ա, ամեն ինչի մասին խոսվել ա, առանձին իրա գրած կետերին չանդրադառնամ: Կարճ նորից ասեմ, որ օրենքի դեմ եղողները հազար դրամը չեն ափսոսում, խնդիրն էլ համարում են կարևորագույն խնդիր, որը պիտի լուծվի, բայց ոչ սենց: Հարգելով յուրաքանչյուր ազատամարտիկի ավանդը, վերջինիս խորհուրդ կտամ մտքի ծերով չանցկացնել, որ ինքն ավելի է մտածում էդ խնդիրների մասին:

Բայց մի մտքին, առիթից օգտվելով, անդրադառնամ:

Բայց այնուամենայնիվ կուզենայի ձայնս տեղ հասներ և մի ուղղում կատարվեր այդ օրինագծի մեջ՝ ով չի ուզում այդ փողը տա, թող իրավունք ունենա դիմում գրի ու հրաժարվի վճարելուց:

Սա այս ազատամարտիկի միտքը չի: Միտքը շրջանառության մեջ ա գցել ՀՀԿ-ն ու ոնց-որ թե ուզում են կյանքի կոչել: Ավելի մեծ անասունություն հնարավոր չի պատկերացնել: Իբր դրանով դարձնում են ոչ թե պարտադիր, այլ կամավոր:

Բայց հոգեբանական, փիլիսոփայական հսկայական տարբերություն կա «դիմում գրելով սեփական կամքով հիմնադրամին օժանդակելու» ու «դիմում գրելով սեփական կամքով հիմնադրամին օժանդակելուց հրաժարվելու» մեջ: Զուտ մարդկային ընկալմամբ որևէ մեկն այս տարբերակը չի համարելու կամավոր, համարելու է պարտադիր, որից հրաժարվելը բարոյապես տվյալ մարդուն դնելու է հիմարագույն վիճակի մեջ՝ անկախ հրաժարվելու պատճառով: Եթե անգամ էդ մարդուն ամեն կոպեկն է հաշված ու հազարն էլ է ճոխություն, եթե անգամ այդ մարդու համար զուտ քաղաքական սկզբունքների հարց է նման տարբերակով հիմնադրամին չօժանդակելը, դիմում գրել «որ ես հրաժարվում եմ օժանդակել վիրավորներին ու զոհվածների ընտանիքներին» մի կողմից իր համար է ինքնանվաստացուցիչ, հոգեբանորեն բարդ, մյուս կողմից շրջապատի աչքում դարձնելու է դավաճան:

Սրանից ավելի մեծ եզություն չի կարելի պատկերացնել: Նավսված փող ու մնացած ձևակերպումները, տվյալ ազատամարտիկի կողմից կամ սրիկայություն է, կամ նշան, որ ինքը ուղղակի չի ուզում հասկանալ դիմացի կողմն ինչ է ասում:

[Chuk]

Իմ սովորած ֆակուլտետի՝ ԵՊՀ ռադիոֆիզիկայի ֆակուլտետի դեկան Յուրի Վարդանյանը երկար տարիներ դատական վեճերի մեջ է՝ իր ունեցվածքի, Բյուզանդի փողոցում գտնվող առանձնատան ու 1400 քմ հողատարածքի խլման հետ կապված: Ի վերջո Եվրոդատարանում հաղթեց: Մանրամասներին հետաքրքրվողները կարող են ծանոթանալ այս տեսահոլովակում.



Հիմա ինչի եմ սա գրում: Ըստ ամենայնի, պետությունը դատավորների սխալ՝ կոռումացված որոշումների պատճառով Վարդանյանին պետք ա վճարի ավելի քան մեկ միլիոն դոլար: Պատկերացրի՞ք գումարը: Չէ՞, լուրջ, պատկերացրի՞ք: Այսինքն հազար դրամներով մի ամսվա ընթացքում հավաքվելիք գումարի չափ:

Լավ, եղածն եղած ա: Բայց սենց դեպքերը շարունակվում են՝ պետական ամենաբարձր հովանավորչությամբ: Հիմա մենք ասում ենք, ախպեր, էդ հարցերը լուծեք, անհրաժեշտ գումարն ինքնըստինքյան կլինի: Սրանք ասում են՝ իշտահներիդ քացախ, մենք շարունակելու ենք նույնը, դուք լրացուցիչ մուծվելու եք:

Այ էս փիլիսոփայական տարբերության մասին ա խոսքը, իսկ որոշ ազատամարտիկներ ուզում են պաթոսով մեզ բարոյախրատական դասեր տան: Տո գնացեք հլը պետությունը հասկացեք ինչ ա, նոր խոսեք: Մենք պետություն ենք ստեղծում, ոչ թե դուքյան:

[Quyr Qery]

Ազատամարտիկն էլ է մարդ ու ինքը կարող է լինել՝ Սարոյան Սերյան կամ Արայիկ Խանդոյան: Ու ինչ-որ մեկի պաթոսով խոսքերին լուրջ վերաբերվելը (ինչքան էլ շնորհակալ լինենք իր արածի համար), եթե այն հակաօրինական է և ուղղակի ծիծաղելի, արդեն իսկ անլուրջ է:

Ու մեկ էլ ոնց եմ զզվում, երբ որ ինչ անում են չեն անում, վերջում էլի աստծուն են խառնում.

Թող տանեն էդ փողը ծախսեն իրենց զավակների բուժման ու վերջում էլ նրանց շիրմաքարերի վրա, քանի որ վերևն աստված կա ու ամեն ինչ տեսնում է:

Էլ խնդալու չի:

[Chuk]

Ազատամարտիկն էլ է մարդ ու ինքը կարող է լինել՝ Սարոյան Սերյան կամ Արայիկ Խանդոյան:

Իմ սխալը չկրկնես, չփնտրես իրա էջը գտնես, ուսումնասիրես: Սենց որպես ազատամարտիկ պատկերացնենք, ակնածանքով լցվենք:

[Overdose]

Էջի մեջ ինչը էն չէր? սերժիկի քֆրտոց չկար?

այ մարդ զարմանում եմ: ՊՊԾ-ի դեպքերը որ եղան, կռված տղա լինելը մոդա էր: Հիմա մի ուրիշ կռված տղա այլ կարծիք ա հայտնել, դառել ա քխ?

ես էլ եմ էջը նայել անկեղծ ասած: միակ տպավորությունս էն էր, որ էս մի կռված տղեն գոնե ինտելեկտի նշույլներ ունի, ի տարբերություն մեր սելեբրիթի դարձան հեղափոխական կռված տղերքի: Մնացածը զուտ հայացքների տարբերություններ էին:

[Chuk]

Էջի մեջ ինչը էն չէր? սերժիկի քֆրտոց չկար?

այ մարդ զարմանում եմ: ՊՊԾ-ի դեպքերը որ եղան, կռված տղա լինելը մոդա էր: Հիմա մի ուրիշ կռված տղա այլ կարծիք ա հայտնել, դառել ա քխ?

ես էլ եմ էջը նայել անկեղծ ասած: միակ տպավորությունս էն էր, որ էս մի կռված տղեն գոնե ինտելեկտի նշույլներ ունի, ի տարբերություն մեր սելեբրիթի դարձան հեղափոխական կռված տղերքի: Մնացածը զուտ հայացքների տարբերություններ էին:

ՊՊԾ դեպքերը որ եղան, էդ կռված տղեն կռված տղերքին էր քրֆում, բայց էդ հեչ, մարդ ա, իրա կարծիքն ունի:

Մարդ, որն իրան կարա օրենքից դուրս դնի ու դրա մասին հպարտ հայտարարի (կրակել ա գեներալի ոտքերին, գեներալի հետ փոխհամաձայնացրած, իբր որ էդ պատրվակ լինի, որ գեներալը Լևոնի հրամանով Սերժին, Քոչարյանին ու Վազգենին չձերբակալի, իբր ինչի շնորհիվ հետո Լևոնը ստիպված հրաժարական ա տվել), իմ կողմից հարգանքի արժանի լինել չի կարող

Ու ես մարդու մասին կարծիք կազմում եմ ոչ թե իրա կռված լինել-չլինելով, այլ մնացածով: Կռված լինելու համար հարգում եմ իրա կյանքի էդ դրվագն ու ֆսյո

[John]

Շմայսն էլ ա կռված տղա։ Բայց էդ ոչ իր ինտելեկտի մասին է խոսում, ոչ էլ ներկա պահին հայրենանպաստ գործունեություն ծավալելու։ սս-ն էլ ա կռված, սեյրանը, մանվելը։

[Գաղթական]

Իմ սխալը չկրկնես, չփնտրես իրա էջը գտնես, ուսումնասիրես: Սենց որպես ազատամարտիկ պատկերացնենք, ակնածանքով լցվենք:

ինչ մեղքս թաքցնեմ՝ ես էլ փնտրեցի..
համ ինքն էր հետաքրքիր, համ էլ ասի մարդ ես՝ Օվերդոզին էլ կհանդիպեմ..
բայց էդի հեչ..
մի հետաքրքիր օրինաչափություն նկատեցի լիքը մարդկանց մոտ..
ով էս 1000 դրամներին թունդ կողմ էր՝ ժամանակին էլ Պավլիկենց էր թունդ դեմ...
..տենաս ինչից կլինի..

[Overdose]

Մարդ, որն իրան կարա օրենքից դուրս դնի ու դրա մասին հպարտ հայտարարի … իմ կողմից հարգանքի արժանի լինել չի կարող

Էս ինչ երկակի ստանդարտներ են? հուլիսին էլ մոտավորապես 30 հոգի իրենց ֆուլ օրենքից դուրս էին դրել, բայց դա չէր խանգարում քեզ հարգել ու համակրել իրենց:

Շմայսն էլ ա կռված տղա։ Բայց էդ ոչ իր ինտելեկտի մասին է խոսում, ոչ էլ ներկա պահին հայրենանպաստ գործունեություն ծավալելու։ սս-ն էլ ա կռված, սեյրանը, մանվելը։

սխալ հասկացաք ասածս: Ես ոչ թե ասում էի ռազ որ կռված տղայա, ուրեմն իրա ասածը դոգմայա, այլ էն որ մի դեպքում կռված տղու արած բացահայտ անօրինական քայլը որակվում ա որպես ազգանվեր գործ, իսկ մյուս դեպքում, երբ հակառակ կարծիքն ա արտահայտվում, կռված լինելու փաստն այլեւս դեր չի խաղում

ինչ մեղքս թաքցնեմ՝ ես էլ փնտրեցի..
համ ինքն էր հետաքրքիր, համ էլ ասի մարդ ես՝ Օվերդոզին էլ կհանդիպեմ..
բայց էդի հեչ..
մի հետաքրքիր օրինաչափություն նկատեցի լիքը մարդկանց մոտ..
ով էս 1000 դրամներին թունդ կողմ էր՝ ժամանակին էլ Պավլիկենց էր թունդ դեմ...
..տենաս ինչից կլինի..

Չէ, Գաղթական ջան, ինձ դժվար հանդիպեիր, ես իմ ֆեյսբուքի պրոֆիլը բացառապես մաքուր եմ պահում քաղաքականությունից: Քաղաքական հայացքները շուտ շուտ են փոխվում, բայց պրոֆիլը մեկն ա

[Chuk]

Էս ինչ երկակի ստանդարտներ են? հուլիսին էլ մոտավորապես 30 հոգի իրենց ֆուլ օրենքից դուրս էին դրել, բայց դա չէր խանգարում քեզ հարգել ու համակրել իրենց:

Յա, իրո՞ք: Ես երբևէ իրենց արարքը չեմ արդարացրել, բայց այ դրդապատճառները հասկացել եմ:

[Chuk]

Քաղաքական հայացքները շուտ շուտ են փոխվում

Կախված նրանից, թե ո՞վ է իշխանությունը

Այո, այո, ես շարունակում եմ քեզ համարել իշխանամետ: Դա են ապացուցում քո գրառումները, որոնք բացառապես իշխանության քայլերն արդարացնող, ընդդիմության քայլերը քննադատող: Պարբերաբար հավաստիացումները, որ դու «սրանց էլ չես սիրում», ինձ բացարձակ չեն համոզում: Բայց դե ես վստահ եմ, որ քո համար էական չի, թե ես քո մասին ինչ եմ մտածում

[Overdose]

Կախված նրանից, թե ո՞վ է իշխանությունը

Նեղացնում ես, եղբայր: Հասկանում եմ, ինչ ես ակնարկում, բայց դու սխալվում ես

Ես մի փոքր այլ բան նկատի ունեի ասելով, որ քաղաքական հայացքները շուտ են փոխվում: 2008-ին ես Լեւոնին համարում էի ազգային աղետ, հիմա համարում եմ, որ վ պրինցիպե իրա դերը մեր պատմության մեջ ավելի դրական ա, քան բացասական

Այո, այո, ես շարունակում եմ քեզ համարել իշխանամետ: Դա են ապացուցում քո գրառումները, որոնք բացառապես իշխանության քայլերն արդարացնող, ընդդիմության քայլերը քննադատող: Պարբերաբար հավաստիացումները, որ դու «սրանց էլ չես սիրում», ինձ բացարձակ չեն համոզում: Բայց դե ես վստահ եմ, որ քո համար էական չի, թե ես քո մասին ինչ եմ մտածում

Իշխանամետության մասով էլ կասեմ հետեւյալը: Ընդդիմությանը քննադատելը չի նշանակում, որ իշխանությանն ես կողմնակից: Անկեղծ ասած ես ընդդիմությանը ավելի եմ հակակրում, քան իշխանությանը: Ասեմ ինչի: Ով չգիտի որ իշխանության ղեկին ապաշնորհներ են նստած: Ով չգիտի որ ընտրակաշառք են բաժանում? Բոլորն էլ գիտեն: Ասել կուզի իշխանությունում բացահայտ սրիկաներ են նստած, ու չեն էլ թաքցնում դա: Դա ավելի ազնիվ է նրանց կողմից, քան ընդդիմության արածը, որոնք նույն սրիկաները լինելով ազնիվ են ձեւանում: Սրանք թաքնված սրիկաներ են, ու սրանց հանդեպ արհամարհանքն ու զզվանքը ավելին է, քան բացահայտ սրիկաների հանդեպ:

Բայց դե ես վստահ եմ, որ քո համար էական չի, թե ես քո մասին ինչ եմ մտածում

Անկեղծ ասած դու ճիշտ ես: Ճիշտ նույն կերպ քեզ չի հետաքրքրում իմ կարծիքը քո մասին

[Chuk]

Նեղացնում ես, եղբայր:
...

Անկեղծ ասած դու ճիշտ ես

Անկեղծ ասած էս երկու մտքերն իրար հակասում են, բայց ամեն դեպքում մի նեղացի, ասում-խոսում ենք էլի

[anslov]

սխալ հասկացաք ասածս: Ես ոչ թե ասում էի ռազ որ կռված տղայա, ուրեմն իրա ասածը դոգմայա, այլ էն որ մի դեպքում կռված տղու արած բացահայտ անօրինական քայլը որակվում ա որպես ազգանվեր գործ, իսկ մյուս դեպքում, երբ հակառակ կարծիքն ա արտահայտվում, կռված լինելու փաստն այլեւս դեր չի խաղում

Սերժը, Սերյանը, Շմայսը... որ կռված են, դա ի՞նչ մի հերուսություն ա ու դա վաաբշե ու՞մ ա պետք:
Այ իսկական հերոսությունը էն ա, որ վիրտուալ աշխարհում իր անունը գրես "ՍՍ՛, կամ էլ ավելի եթե ավելի քաջ ես "սս":
Այ էս ա հերոսություն:

Ու ընդանրապես, փոքրատառով գրես "սեյրան,շմայս" ու նրանց բոլորի անունները, ովքեր հեղափոխական չեն:
Կարևորը որ կայֆ ստանաս, իսկ այ սրանից իսկական վիրտուալ կայֆեր ես ստանում: