ՊԱՇՏՈՆ ՏՎԵՔ ԱՅԴ ՄԱՐԴՈՒՆ
Նախկին պատգամավոր Արշակ Սադոյանը ցանկություն է հայտնել ներգրավվել նոր ձեւավորվելիք հասարակական պալատում եւ առաջիկայում մտադիր է այդ հարցով դիմել ՀՀ նախագահի խորհրդականին:
«ՉԻ» - Հիշեցնենք, որ ներկայումս Արշակ Սադոյանը գործազուրկ է: Նրա զբաղեցրած վերջին աշխատատեղը եղել է Ալրաղացի Լյովի օգնականի պաշտոնը:
Փաստորեն, որոշ ուժեր արդեն այսօրվանից փորձում են վարկաբեկել դեռ չձեւավորված հասարակական պալատը: Համենայն դեպս, Արշակ Սադոյանի ձգտումը որեւէ այլ կերպ հնարավոր չէ բացատրել: Նորաստեղծ այդ կառույցի հեղինակությունը փրկելու համար շտապենք պրն Սադոյանին տեղեկացնել, որ Հայաստանում այլ թափուր աշխատատեղեր էլ կան: Մասնավորապես, որքան մեզ հայտնի է, նավթամթերքների հանրապետական բազային անհրաժեշտ են գիշերային պահակներ` լափվող մազութի ծավալները վերահսկելու համար, իսկ «Զիգզագ» ընկերությանն անհրաժեշտ են վաճառված միկրաֆոնները տեղում փորձարկող բարձրակարգ մասնագետներ:
Իսկ եթե կուզեք ճիշտն իմանալ, ամենահարմարը հենց հասարակական պալատն է: Անիմաստ խոսելու տեղ է, մեկ-մեկ էլ կարելի է դիմել հարգելի ռադիոլսողներին:
Էջանիշներ